१ तिमोथि 4:12 - बान्‍तावा राई

¹² सावाछा त़मुयाङ्‌ओसा साङ्‌आछाङ खाना आम्‍साया ऩपेप्‍नान्‍ने। मेन साकोङ्‌छ़ङ कामुचिएदा आम्‍हान्‍मा, च़माथाङ्‌मा खोन्‍कि सोमातुक्‍मा, साकोङ्‌छ़ङ खोन्‍कि सेङ्‌मादा खाना अ़क्‍छा अ़मात्‍ऩङ लिसा।

१ तिमोथि 4:12 Iomraidhean Croise

मत्‍ति 18:10

चाप्‍चेत्‍तानिन्‍चिन, खानानिन्‌आ ओ अ़चुप्‍पाचिदाङ्‌का अ़क्‍छाछाङ अ़काचि मात्‍द़ङ्‌ओनि मान्‍मित्‌दानुम्‍च़म। देकिनालो अ़ङ्‌का खानानिन लोनानिन, निनाम्‍मादु मोचिओ अ़चुकाफाचि अ़धुन निनाम्‍मादुओ अ़ङ्‌पापाओ अ़चुबुदा म़युङ्‌याङ।

१ कोरिन्‍थि 11:1

अ़ङ्‌का ख्रिस्‍त त़ङ्‌तुङ्‌वा खानानिन्‌छाङ अ़ङ्‌का कात़ङ लिसानिन।

फिलिप्‍पि 4:8

देङ्‌दा ब़ब़, नाना खोन्‍कि निछाचि ओ, दि अ़छ़ङ मुयाङ, दि सायामेत्‍मायु मुयाङ, दि साम्‌योक्‍मि मुयाङ, दि सेङ्‌याङ, दि सोमा तुक्‍मायु मुयाङ, दि चोन्‍मायु मुयाङ, मोवात्‍नि दि-दिचि अ़नुवाक खोन्‍कि चोन्‍मा खान्‍तुओ म़मुयाङ्‌नालो, मो य़ङ्‌चिओ अ़तुक्‌वादा मित्‍तानुम्‍च़म।

१ थेसलोनिकि 1:6

खानानिन आन्‍कान्‍का खोन्‍कि हाङ्‌पा काखेङ त़लिसिन, देकिनालो ब़द्‍धे दुखा त़आङ्‌तुम्‌किछाङ सेङ्‌लावाआ ऩप़न्‌ओ ऩङानुयाङ्‌सा खानानिन्‌आ य़ङ्‌खान त़लोउम।

१ थेसलोनिकि 2:10

खानानिन साकोङ्‌छ़ङ कामुचिएदा देत्‍नि आन्‍काओ च़माथाङ्‌मा सेङाङा, साम्‌योक्‍मि खोन्‍कि लाहि मात्‍द़ङ मुवाङा, मो य़ङदा खानानिन खोन्‍कि निनाम्‍हाङ्‌छाङ आन्‍काओ सालुम्‍स़ङ ओ।

१ तिमोथि 1:14

खोन्‍कि येसु ख्रिस्‍तएदाओ अ़ङ्‌साकोङ्‌छ़ङ खोन्‍कि अ़ङ्‌सोमातुक्‍माआ अ़ङ्‌को निम्‍पाङ आन्‍हाङ्‌पा येसुओ अ़चुसोम्‍तुक्‍मा च़लोक खाङ्‌ऩमेत्‍ताङ्‌युङ्‌साङ।

२ तिमोथि 2:15

लेजोकात्‍मा अ़दोत्‍निन्‌ओ खोन्‍कि अ़नुछ्‍याओ य़ङ नुलोक कायाङ काचि कामुचिवात्‍नि खाना आप्‍पि निनाम्‍हाङ्‌दा लोक्‍मा त़खान्‍लो खाङ्‌मुमान्‍चिन अ़न्‍नुनु काचि मुवा।

२ तिमोथि 2:22

खोन्‌ओसा सावाछादाओ अ़अ़त्‍पा मिन्‍माचि छिरुचि, खोन्‍कि सेङ्‌याङ्‌ओ साकोङ्‌वाआ हाङ्‌पाओ अ़चुऩङ काब़क्‌चिएनान अ़क्‍नि साम्‌योक्‍मि, साकोङ्‌छ़ङ, सोमातुक्‍मा खोन्‍कि सेवाङ्‌निओ मित्‍चिऩङ्‌दा वाङा।

२ तिमोथि 2:7

अ़ङ्‌का दे य़ङ्‌ङाङाओ मो मित्‍तु। ओ झारा य़ङ्‌चि हाङ्‌पाआ खाना तुप्‍मा ऩफाने।

तितस 2:15

खाना ओ य़ङ त़चिन्‍तुङुचिहिदा झारा पाङ्‌एनान राक प़चि खोन्‍कि रेन्‌याङ्‌सा मुचि। मोवात्‍नि त़च़नालो साङ्‌आछाङ खाना हेलाङ मुमा ऩतोक्‍नान।

तितस 2:7

खानाङा झारा य़ङ्‌दा अ़नुवाक काचिओ अ़मात्‍ऩङ लिसाकि मोचि खाङ्‌मेत्‍तुचि खोन्‍कि सोत्‍सोत्‌वाकि ताङ्‌च़क्‍तान्‍चिन्‌ओ लिसाकि ताया प़चि।

याकुब 3:13

खानानिन्‌एदा खारु कातोक खोन्‍कि कातुप साङ युङ्‌याङ? खोसोओ अ़खारुदाङ्‌का ताओ अ़सिम्‍मान्‍चिन्‌आ अ़काचिचि मुचिकि अ़नुवाक अ़च़माथाङ्‌मा खाङ्‌मुसुचिने।

याकुब 3:17

मेन निनाम्‍मादुङ्‌का य़ओ खारु बुयाङा अ़च़क़ल़क खोन्‍कि मो तोङ्‌मा काऱ मु, हुङ्‌मा काऱ मु, लोमावा काकाङ मु, सोमाकातुक मु, अ़नुवाक सिवा कासि मु, लिप्‍पा मान्‌वाङ्‌कादा मु खोन्‍कि कोङ्‌क़त्‌वा अ़मुनिन।

१ पत्रुस 5:3

खानानिन खाङ्‌मा ऩप़न्‌ओचि तिम्‌याङ्‌सा माआङ, मेन अ़लोकाचिओ अ़मात्‍ऩङ लिसानिन।