१ तिमोथि 3:1 - बान्‍तावा राई

¹ ओ य़ङ अ़छ़ङ मुयाङ, खाक्‍को धिकाखाङ्‌पा काचि मुमा स़नालो खो अ़नुवाक काचि मुमानि मिन।

१ तिमोथि 3:1 Iomraidhean Croise

लुका 15:10

अ़ङ्‌का खानानिन लोनानिन, मोवात्‍निङा अ़हेवादाङ्‌का काला अ़क्‍छा हेवामिओ निकि निनाम्‍हाङ काफाचिओ अ़चुऩङानु।”

छाम्‍माय़ङ 1:20

देकिनालो साम्‍ऱङ छाप्‍लाखादा दाउद हाङ्‌आ यहुदाओ अ़तुक्‌वादा छाप्‍तुयुङ्‌सु, ‘मोसोओ अ़खिम अ़होम्‍प़द़क लिने, मोदा साङ्‌छाङ अ़युङ्‌निन्‍ने।’ खोन्‍कि ‘मोसाआ मुमादोत्‌ओ काचिओ पाङ नितात्‍साआङा मुने।’ निकिनाछाङ छाप्‍तायुङ्‌सा।

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

रोमि 11:13

हान खानानिन निरावाचिओ निम्‍पाङ अ़ङ्‌का चेप्‍ङाङा। अ़ङ्‌का निरावाचिओ निम्‍पाङ छाम्‍माय़ङ्‌ओसा अ़ङ्‌का अ़ङ्‌काचिदा झारा अ़ङ्‌मिन्‍मा पाक्‍तुङ।

एफिसि 4:12

खोन्‌ओसा, ख्रिस्‍तओ अ़चुपोक पोन्‍ने खोन्‍कि ब़त्‍माओ काचिचि कामु निनाम्‍हाङ्‍ओ अ़चुम़नाचि म़चुम्‍नान्‍चिन्‍ने निकिना खोक्‍कोसाआ ओवात्‍नि अ़मुवा।

फिलिप्‍पि 1:1

ओ छाप्‍लावा ख्रिस्‍त येसुओ अ़चुहारुक्‌चि पावल खोन्‍कि तिमोथिदाङ्‌का ओ। ख्रिस्‍त येसुदा अ़क्‍भोम त़लिसिन्‌ओ फिलिप्‍पिदा कायुङ धिताङ्‌पाचि खोन्‍कि साम्‍भुङ काफापाचि झारा निनाम्‍हाङ्‌ओ अ़चुम़नाचि अ़ङ्‌का छाप्‍तुङ्‌योङ्‌ओ।

१ थेसलोनिकि 5:14

ब़ब़, नाना खोन्‍कि निछाचि ओ, आन्‍कान्‍काआ खानानिन यायोक प़निङ्‌नि, कासोचि चाप्‍चेत्‍तानुम्‍च़म। अ़चुराक सुवाओचि, मान्‍ऱकादाचि फासानुम्‍च़म। झाराचिएनान नुलोक चेवानिन।

१ तिमोथि 1:15

ओ य़ङ अ़छ़ङ खोन्‍कि लोक्‍माखान्‍तुओ मुयाङ, हेवामिचि लेइसि येसु ख्रिस्‍त हेन्‍खामादा म़ता। खोन्‍कि मो हेवामिचिदाङ्‌का अ़ङ्‌का मुलो ओ।

१ तिमोथि 4:9

ओ य़ङ सोम्‍कुवा मुमा खान्‍तुओ मुयाङ खोन्‍कि झारासा लोक्‍माकि साकोङ्‌छ़ङ मुमादोत।

२ तिमोथि 2:11

ओ य़ङ्‌मा सोम्‍कुवा मुमा खान्‍तुओ मुयाङ, आन्‍कान खोक्‍कोएनान स़न्‌युङ्‌सिन्‌नालो आन्‍कान्‌छाङ खोक्‍कोएनान ह़ङिन।

तितस 1:7

धिकाखाङ्‌पा निनाम्‍हाङ्‌ओ अ़काचि कामु ओ। खोन्‌ओसा मो खोक्‍कोछाङ ह़त्‍माय़ङ मात्‍द़ङ्‌ओ म़ना लिमादोत। खोन्‍कि अ़ताकावा काच़, च़क्‍नि अ़माइसुङ्‌कात्‌ओ, खाबात सेत्‍चाले, धात्‍काधात कामु खोन्‍कि म़प्‌याङ्‌सा छेन्‍बि कादुप लिमा अ़नुनिन।

तितस 3:8

ओ अ़नुछ्‍याओ य़ङ ओ। निनाम्‍हाङ्‌एदा साकोङ्‌छ़ङ कामु झारासा अ़नुवाक काचि मुमादा मिन्‍मा अ़पाक्‍ने निकिना खाना त़छ़म्‍तुचिनेनि अ़ङ्‌का लोना। ओवाको काचिचि अ़नुवाक म़मु खोन्‍कि झारा म़नाचिओ निकि अ़नुवाक य़ङ ओ।

हिब्रु 12:15

मिन्‍मा पाक्‍तानुम, खाक्‍कोछाङ म़ना निनाम्‍हाङ्‌ओ अ़चुसोम्‍तुक्‍मा तोक्‍मादाङ्‌का देङ्‌सा अ़लानिन्‍ने। मोवात्‍नि खाक्‍कोछाङ ख़क्‌याङ्‌ओ छ़क्‌ओ अ़ताङ लित्‌किना मोसाआ झारा खान्‌अ़त्‍लो त़मुन खोन्‍कि मोसाआ ब़द्‍धेकापाङ त़पोप्‍तिन।

१ पत्रुस 2:25

देकिनालो खानानिन म़थेमाखाराओ भेराचिवात्‍नि त़मुन्‌येन, मेन हान खानानिन आम्‍नुओ लावाचि काखाङ्‌पा खोन्‍कि कारात्‍पाएदा त़लासिन्‍तान्‌युङ्‌सिन।

१ पत्रुस 4:15

मेन खानानिन साङ्‌आछाङ म़नाकासेत माङ्‌लो काख़, माङ्‌लो अ़अ़त्‍पा काचि कामु माङ्‌लो नि म़नाओ अ़काचिदा छुक कापाक्‌आवात्‍नि दुखा आङ्‌मा अ़दोत्‍निन्‍ने।

१ पत्रुस 5:2

आम्‍नुओ रादाओ निनाम्‍हाङ्‌ओ अ़लोकाचि नुलोक खानुम्‍च़म। राकाङ्‌थेत्‍निआ माआङ, मेन ऩङानुयाङ्‌सा, छेन्‍बिओ च़क्‍ख़य़आ माआङ, मेन राक्‌एनान फासानुम्‍च़म।