१ तिमोथि 2:7 - बान्‍तावा राई

⁷ ओ सालुम्‍स़ङ्‌ओ निम्‍पाङ साकोङ्‌छ़ङ खोन्‍कि अ़छ़ङ्‌ओ अ़तुक्‌वादा निरावाचि नुय़ङ्‌खान खाएत्‍माचि निम्‍पाङ अ़ङ्‌का खाकालु खोन्‍कि छाम्‍माय़ङ्‌दा ऩछेन्‍ताङ्‌ओ। अ़ङ्‌का अ़नुछ्‍या य़ङ्‌ङाङा, अ़ङ्‌का अ़म़प्‍ऩङ्‌ऩङ!

१ तिमोथि 2:7 Iomraidhean Croise

युहन्‍ना 7:35

खोन्‌ओसा यहुदिचि अ़क्‍छा निएदा म़य़ङा, “ओ खादा खात्‍मा म़मुयाङ, खोन्‍कि आन्‍कान खो अ़धिरिमिन? दि ओक्‍को ग्रिक य़ङ काचेप्‌चिओ अ़चुरादा म़रिसाखाराकि म़युङ्‌याङ्‌ओ यहुदिचिएदा खात्‍माकि ग्रिक य़ङ काचेप्‌चि चिन्‍माचि म़स़याङ?

छाम्‍माय़ङ 14:27

खोचि एन्‍तिओखियादा लासाताचिकिना साम्‍भुङ अ़बुत्‍ताचु, खोन्‍कि निनाम्‍हाङ्‌आ खोचिएदा अ़मुवाओ झारा काचिचिओ अ़तुक्‌वादा खोन्‍कि देत्‍नि निनाम्‍हाङ्‌आ निरावाचिछाङ साकोङ्‌छ़ङ मुखालाम म़होत्‍तुप़चिओ मो खाअ़एत्‍ताचुचिन।

छाम्‍माय़ङ 22:21

खोन्‍किना हाङ्‌पाआ अ़ङ्‌का ऩलोवाङ, ‘खारा, देकिनालो अ़ङ्‌का खाना अ़थायातारि अ़ङ्‌तुक्‌वादा निरावाचिएदा अ़ङ्‌सालुम्‍स़ङ प़सि खान्‍ना।’”

छाम्‍माय़ङ 26:20

बुया दमस्‍कस्‌दा कायुङ यहुदिचि खोन्‍कि यरुसलेम्‌दाओचि खोन्‍कि झारा यहुदियादाओचि खोन्‍कि निरावाचिआछाङ ‘हेवा मुमा छिरानुम्‌कि निनाम्‍हाङ्‌एदा लासानिन, खोन्‍कि हेवादाङ्‌का त़लासिन्‌ओ आम्‍नुओ अ़नुवाक काचिचिलाम्‍पा खाङ्‌मुसानुम।’ निकिना अ़ङ्‌का म़नाचि खाएत्‍तुङ्‌च़ङ।

छाम्‍माय़ङ 9:15

मेन हाङ्‌पाआ हननिया अ़लोवा, “खारा! देकिनालो निरावाचि, हाङ्‌चि खोन्‍कि इस्राएलि म़नाचिओ अ़चुबुदा अ़ङ्‌ऩङ खालुमा निकि खो अ़ङ्‌का छेन्‍तुङ्‌युङ्‌सुङ।

रोमि 1:9

अ़ङ्‌का झारा अ़ङ्‌साकोङ्‌वाआ खोक्‍कोसोओ अ़चुछाओ अ़चुनुय़ङ्‌खान खालुमादा खोक्‍को ब़रुङ, खोन्‍कि अ़धुन अ़ङ्‌यामात्‍मादा अ़ङ्‌का खानानिन मित्‍नानिन्‌ओ य़ङ निनाम्‍हाङ अ़ङ्‌सालुम्‍स़ङ म़युङ्‌याङ।

रोमि 10:14

मेन खोक्‍को साकोङ्‌छ़ङ मान्‍मुअ़युक, खोक्‍को म़नाचिआ देत्‍नि अ़बुक? खोन्‍कि खोक्‍कोसोओ अ़चुतुक्‌वादा देम्‍खाछाङ मान्‌एन्‌अ़युक, खोक्‍को मोचिआ देत्‍नि साकोङ्‌छ़ङ अ़मु? खोन्‍कि खाकालु मात्‍द़ङ, मोचिआ देत्‍नि अ़एन?

रोमि 11:13

हान खानानिन निरावाचिओ निम्‍पाङ अ़ङ्‌का चेप्‍ङाङा। अ़ङ्‌का निरावाचिओ निम्‍पाङ छाम्‍माय़ङ्‌ओसा अ़ङ्‌का अ़ङ्‌काचिदा झारा अ़ङ्‌मिन्‍मा पाक्‍तुङ।

रोमि 15:16

निनाम्‍हाङ्‌ओ अ़चुआसिखालाम्‍पा अ़ङ्‌का येसु ख्रिस्‍तओ अ़चुतुक्‌वादा निरावा म़नाचि नुय़ङ्‌खान खाएत्‍तुङ्‌च़ङ। ओवात्‍नि, अ़ङ्‌का अ़क्‍छा काब़क्‍पा लिसाङ्‌किना निनाम्‍हाङ्‌ओ अ़चुऩङानुओ हेन्‍खोक्‌वा प़सि निरावाचि खोक्‍कोसोओ अ़चुबुदा बात्‍तुङ्‌च़ङ। मोचि सेङ्‌लावाआ सेङ्‌लो म़मुयुङ्‌सुचिओ।

रोमि 9:1

ख्रिस्‍त अ़ङ्‌सालुम्‍स़ङ म़युङ्‌याङ, अ़ङ्‌का अ़नुछ्‍या चेप्‍ङाङा। अ़ङ्‌का अ़म़प्‍ऩङ। सेङ्‌लावाआ अ़ङ्‌लावा सालुम्‍स़ङ प़ङु।

१ कोरिन्‍थि 9:1

दि अ़ङ्‌का अ़ङ्‌ताकावा च़मा अ़ऱऩङ कि? दि अ़ङ्‌का छाम्‍माय़ङ माआङ? दि अ़ङ्‌का आन्‍हाङ्‌पा येसु मान्‍खाङ्‌युक्‍तुङ? दि खानानिन हाङ्‌पाओ निम्‍पाङ अ़ङ्‌का मुङ्‌ओ काचि सिवा माआङ कि?

२ कोरिन्‍थि 11:31

हाङ्‌पा येसुओ अ़चुनिनाम्‍हाङ पापा, खो अ़धुन-अ़धुन म़चोन्‍ने। खोक्‍कोसाआ अ़सिन्‌याङ, अ़ङ्‌का अ़म़प्‍ऩङ।

गलाति 1:16

निरावाचिओ अ़चुरादा खोक्‍कोसोओ अ़चुनुय़ङ्‌खान खालुमा निम्‍पाङ अ़चुछा अ़ङ्‌काएदा खाङ्‌मुमा खोक्‍कोसोओ अ़चुऩङानुवा। मोन्‌हिदा अ़ङ्‌का खाक्‍कोछाङ म़नाएनान यायोक मान्‍मुङा,

गलाति 1:20

निनाम्‍हाङ्‌ओ अ़चुबुदा अ़ङ्‌का खानानिन दि छाप्‍नाङ्‌नानिन्‌ओ सोज्‍जे माआङ।

गलाति 2:16

खोन्‍नुछाङ आन्‍कान सिन्‍तुम्‌योम, य़ङ्‌हुप्‌ओ काचिलाम्‍पा म़ना साम्‌योक्‍मि अ़कान्‍निन, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान। खोन्‌ओसा आन्‍कान्‌छाङ आन्‍साकोङ्‌छ़ङ ख्रिस्‍त येसुएदा युङ्‌सुम, मोवात्‍नि आन्‍कान य़ङ्‌हुप्‌ओ काचिलाम्‍पा माआङ, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान्‍मा ऱन्‍चिन्‍ने। देकिनालो य़ङ्‌हुप्‌ओ काचिलाम्‍पा साङ्‌छाङ साम्‌योक्‍मि अ़कान्‍निन।

गलाति 2:9

साम्‍भुङ्‌दाओ सायाकातोक खाबोचिनि मित्‍माय़ङ्‌चि याकुब, केफास खोन्‍कि युहन्‍ना, म़मित्‍तुचिकिना मोचिआ अ़ङ्‌का प़माय़ङ अ़च़वाङ काचि अ़सिन्‍ताकि अ़ङ्‌का खोन्‍कि बारनाबास यावायोक्‌ओ चुप्‍ताङ्‌छुक ऩपुवाच्‍या। ओवात्‍नि आन्‍काच्‍या निरावाचिएदा खात्‍मा खोन्‍कि खोचि यहुदिचिएदा खात्‍मा म़काङ्‌सा।

गलाति 3:9

खोन्‌ओसा साकोङ्‌छ़ङ कामु म़नाचिआ साकोङ्‌छ़ङ कामु अब्राहाम्‌एनान अ़क्‍नि आसिखा अ़तोक।

२ तिमोथि 1:11

खोन्‍कि ओ नुय़ङ्‌खान्‌ओ निम्‍पाङ अ़ङ्‌का अ़क्‍छा खाकालु, खोन्‍कि छाम्‍माय़ङ खोन्‍कि काचिन ऩछेन्‍ताङ।

२ पत्रुस 2:5

निनाम्‍हाङ्‌आ बुयाओ हेन्‍खामाछाङ मान्‍लेत्‌अ़दा, मेन निनाम्‍हाङ मान्‍लोक्‍कादाचिएदा वाधुप अ़ताराहिदा साम्‌योक्‍मि खाकालु नोआ खोन्‍कि नि सात्‌कापाङ म़रात्‍तुचि।