१ तिमोथि 2:2 - बान्‍तावा राई

² हाङ्‌चि खोन्‍कि अ़छोङ्‌छान्‌दु कायुङ हाङ्‌काचि कामुचिओ निम्‍पाङ्‌छाङ यामारानिन, खोन्‌ओसा आन्‍कान वाइवेत खोन्‍कि सेवाङ्‌निओ ह़ङ्‌म़ङ्‌आ झारा ग़रि साम्‌योक्‍मि खोन्‍कि निनाम्‍हाङ साया मेत्‍मादा ह़ङ्‌मा ऱन्‍ने।

१ तिमोथि 2:2 Iomraidhean Croise

लुका 1:6

मोचि ह़वाङ्‌साआ निनाम्‍हाङ्‌ओ अ़चुमिन्‍मावात्‍नि अ़नुवाक ह़ङ्‌म़ङ ह़ङाङाचि। निनाम्‍हाङ्‌ओ झारा लोमाय़ङ्‌चि खोन्‍कि य़ङ्‌हुप्‌चि खोचिआ मान्‍धान्‍केमाङ अ़मुवाचुचि।

लुका 2:25

मोन्‍ग़रि यरुसलेम्‌दा अ़क्‍छा सिमियोन अ़ऩङ मुवाङाओ म़ना युङाङा। खो साम्‌योक्‍मि खोन्‍कि निनाम्‍हाङ कामित म़ना युङाङा। खोसाआ इस्राएलिचिओ कालेन्‍पा म़ना तामा ग़रि हुङुयुङ्‌सुङु, खोन्‍कि सेङ्‌लावा खोएदा याआङा।

छाम्‍माय़ङ 10:22

मो म़नाचिआ अ़लासालोवा, “रोमि रात्‍खामिचिओ अ़चुकप्‍ताना कर्नेलियस्‌आ अ़बाइसिन्‍काओ। खो साम्‌योक्‍मि म़ना खोन्‍कि निनाम्‍हाङ काकित खोन्‍कि झारा यहुदिचिआ अ़न्‍नुनु साया अ़मेत्‌याङ्‍ओ म़ना म़मुयाङ। खोसोओ अ़खिम्‌दा खानानिन ऩबुत्‍तिन्‌येन, खोन्‍कि खानानिन्‌एदाङ्‌का खोसाआ य़ङ्‌खान एन्‍मानि अ़क्‍छा निनाम्‍हाङ्‌ओ अ़चुकाफाआ लोयुङ्‌सु।”

छाम्‍माय़ङ 24:16

खोन्‌ओसा अ़ङ्‌का अ़धुन निनाम्‍हाङ्‌ओ अ़चुबुदा खोन्‍कि म़नाचिओ अ़चुबुदा दित्‍छाङ अ़अ़त्‍पा काचि मान्‍मुदामा लाम्‍ङाङा।

रोमि 12:18

लिमा ऱनालो झाराएनान सेवाङ्‌नि युङ्‌मा लामानिन।

फिलिप्‍पि 4:8

देङ्‌दा ब़ब़, नाना खोन्‍कि निछाचि ओ, दि अ़छ़ङ मुयाङ, दि सायामेत्‍मायु मुयाङ, दि साम्‌योक्‍मि मुयाङ, दि सेङ्‌याङ, दि सोमा तुक्‍मायु मुयाङ, दि चोन्‍मायु मुयाङ, मोवात्‍नि दि-दिचि अ़नुवाक खोन्‍कि चोन्‍मा खान्‍तुओ म़मुयाङ्‌नालो, मो य़ङ्‌चिओ अ़तुक्‌वादा मित्‍तानुम्‍च़म।

१ थेसलोनिकि 4:11

आन्‍कान्‍का खानानिन यायोक प़निवा मान्‍खिमाङ युङानिन, खोन्‍कि आम्‍नुओ काचिदा मिन्‍मा पाक्‍तानुम, खोन्‍कि आम्‍नुओ छुक्‌आ काचि मुवाचानिन।

हिब्रु 12:14

झारा म़नाचिएनान नुलोक तोङानिन्‌कि युङानिन। सेङ्‍ओ ह़ङ्‌म़ङ ह़ङानिन। सेङ्‌लो मान्‍ह़ङ्‌माङ साङ्‌आछाङ हाङ्‌पा अ़खान।