१ तिमोथि 1:17 - बान्‍तावा राई

¹⁷ हान दुङ-दुङ्‌तारिओ हाङ, अ़लुक्‍निन्‌ओ खोन्‍कि अ़खान्‍मिन्‌ओ अ़क्‍छा ओन्‍ङा निनाम्‍हाङ्‌ओ अ़धुन-अ़धुन्‌तारि साया खोन्‍कि अ़चुऩङ लोङ्‌ने। मोवात्‍निङा लिने।

१ तिमोथि 1:17 Iomraidhean Croise

मत्‍ति 25:34

खोन्‍किना हाङ्‌आ अ़चुचुप्‍ताङ्‌छुक्‍लिप्‍पाओचि म़लोचि, ‘बानानिन, अ़ङ्‌पापाओ अ़चुआसिखा कातोक्‌चि ओ! हेन्‍खामा मुन्‍माय़ङ ग़रिदाङ्‌काङा आम्‍नुओ निम्‍पाङ चुम्‍सायुङ्‌साओ हाङ्‌होन्‌दा त़वाङिन।

मत्‍ति 28:20

अ़ङ्‌का खानानिन लोनानिन्‌ओ झारा य़ङ्‌चि मोचि मुमा चिन्‍तानुम्‍च़म। खानुम, अ़ङ्‌का जुगाओ आदेङ्‌तारि अ़धुन खानानिन्‌एनान युङ्‌ङायुङ्‌ङा।”

मत्‍ति 6:13

खोन्‍कि आन्‍कान्‍का चिन्‍माखाङ्‌मादा छुक्‍मा मान्‍प़दानि, मेन अ़अ़त्‍पादाङ्‌का लेन्‍नि। (देकिनालो हाङ्‌होन, सावा खोन्‍कि तोक्‍पो ऩङ अ़धुन खानानिन्‌एदाङा युङ्‌याङ। ओवात्‍निङा लिने।)

युहन्‍ना 1:18

निनाम्‍हाङ साङ्‌आछाङ देम्‍खाछाङ मान्‍खाङ्‌युक्‍तु। पापा निनाम्‍हाङ्‌ओ अ़चुकोङ्‌कोम च़क्‌दा कायुङ अ़क्‍छा ओन्‍ङाओ अ़चुछाआ निनाम्‍हाङ नुलोक खाङ्‌अ़मुसायुङ्‌सा।

युहन्‍ना 5:44

खानानिन अ़क्‍छा निएदाङ्‌का साऩङ्‌वा तोक्‍मा त़लामिन, मेन अ़क्‍छा ओन्‍ङा निनाम्‍हाङ्‌एदाङ्‌काओ साऩङ्‌वा तोक्‍मा त़लामिमिन्‌नालो देत्‍नि अ़ङ्‌का साकोङ्‌छ़ङ मुमा त़ऱनि?

रोमि 1:20

निनाम्‍हाङ्‌ओ अ़धुन्‌ओ अ़चुसावा खोन्‍कि अ़चुच़माथाङ्‌मा अ़खान्‍मिन। मेन खोक्‍कोसाआ निनाम्‍मा हेन्‍खामा मुन्‍मा पुङ्‌माय़ङ्‌दाङ्‌काङा खोक्‍कोसाआ अ़मुयाओ सामाचिलाम्‍पा निनाम्‍हाङ्‌आ खाङ्‌अ़मुसायुङ्‌सा। खोन्‌ओसा म़नाचिआ निनाम्‍हाङ ऩसिन्‍तुन्‌ओदा देम्‍खाछाङ ऩलेत्‍तुन्‍चिन।

रोमि 1:23

मोचिआ स़दाओ म़ना, छोङ्‌वाचि, चारकालाङ्‍ओ साक्‍स़ङ्‌चि खोन्‍कि कासात्‍नान्‍चिन्‍चिएनान अ़लुक्‍निन्‌ओ निनाम्‍हाङ्‌ओ अ़चुऩङ्‌लोङ्‌मा अ़फान्‍ता।

रोमि 11:36

देकिनालो झारा सामाचि खोक्‍कोएदाङ्‌का, खोक्‍कोलाम्‍पा खोन्‍कि खोक्‍कोसोओ निम्‍पाङ ओ। खोक्‍कोसोओ अ़धुन-अ़धुन्‌तारि अ़चुऩङ्‌लोङ्‌ने! मोवात्‍निङा लिने।

रोमि 16:27

अ़क्‍छा ओन्‍ङाओ निनाम्‍हाङ झारा खारुहाङ्‌पा, येसु ख्रिस्‍तलाम्‍पा अ़धुन-अ़धुन्‌तारि अ़चुऩङ्‌लोङ्‌युङ्‌ने! मोवात्‍निङा लिने।

रोमि 2:10

मेन साङ अ़नुवाक काचि मु, बुया झारा यहुदिचि खोन्‍कि ग्रिक्‌चिआछाङ साऩङ्‌वा, साया खोन्‍कि सेवाङ्‌नि अ़तोक।

रोमि 2:7

हुङ्‌याङ्‌सा अ़नुवाक काचि मुयाङ्‌सा साऩङ्‌वा, साया खोन्‍कि अ़स़निन्‍दानिन्‌ओ ह़ङ्‌म़ङ कालाम्‌चि निनाम्‍हाङ्‌आ अ़लुक्‍निन्‌ओ ह़ङ्‌म़ङ म़प़चि।

कलस्‍सि 1:15

ख्रिस्‍त अ़दात्‍निन्‌ओ निनाम्‍हाङ्‌ओ दात्‌ओ अ़चुकात्‍मा खोन्‍कि झारा मुन्‍माय़ङ्‌चिओदाङ्‌का बुयाङा म़युङाङा। खोन्‍कि खोक्‍को झारादाङ्‌का तोक्‍पो म़मुवाङा

हिब्रु 11:27

हाङ्‌ओ अ़माइसुङ्‌दा मान्‍क़माङ साकोङ्‌छ़ङ्‌लाम्‍पा खोसाआ मिस्र हेन्‍कोप छिरुदो। देकिनालो खोसाआ अ़दात्‍निन्‌ओ निनाम्‍हाङ खान्‌वात्‍नि खो लामान्‍चिन छुन्‍ता।

हिब्रु 2:7

खानानिन्‌आ खोक्‍को अ़क्‍दुओ निम्‍पाङ निनाम्‍हाङ काफाचिदाङ्‌का अ़क्‍चित अ़चुप्‍पो त़मुम। खानानिन्‌आ खोक्‍को साम खोन्‍कि सायाओ ताङ्‌बोप्‍खा त़बोप्‍तुम्‌युङ्‌सुम।

१ पत्रुस 5:11

खोक्‍कोसोओ अ़चुसावा अ़धुन-अ़धुन्‌तारि युङ्‌युङ्‌ने। मोवात्‍निङा लिने।

२ पत्रुस 3:18

मेन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़चुताया खोन्‍कि अ़चुसोम्‍तुक्‍मादा पोन्‌याङ्‌सा खारानिन। ओन्‍ग़रि खोन्‍कि अ़धुन हाङ्‌पाओ अ़चुऩङ्‌लोङ्‌ने। मोवात्‍निङा लिने!

१ युहन्‍ना 4:12

साङ्‌आछाङ निनाम्‍हाङ देम्‍खाछाङ मान्‍खाङ्‌युक्‍तु। मेन आन्‍कान अ़क्‍छा निएदा सोमातुक्‍मुन्‌नालो निनाम्‍हाङ आन्‍कान्‌एदा म़युङ, खोन्‍कि खोक्‍कोसोओ अ़चुसोम्‍तुक्‍मा आन्‍कान्‌एदा ताला।

यहुदा 1:25

खोक्‍को अ़क्‍छा ओन्‍ङा निनाम्‍हाङ आन्‍कालेन्‍पा म़युङ्‌याङ, मो येसु ख्रिस्‍त आन्‍हाङ्‌पालाम्‍पा म़लेन। निनाम्‍हाङ्‌ओ अ़चुऩङ्‌लोङ्‌मा, तोक्‍पो ऩङ, सावा खोन्‍कि पाङ आराङ्‌राङ्‌दाङ्‌का ओन्‍ग़रि खोन्‍कि अ़धुन्‌तारि युङ्‌युङ्‌ने! मोवात्‍निङा लिने!

खाङ्‌मुमा 15:3

मोचिआ निनाम्‍हाङ्‌ओ अ़चुहारुक मोसाओ अ़साम्‍ऱङ खोन्‍कि थुबाछाओ अ़चुसाम्‍ऱङ अ़लुवाङा, “हाङ्‌पा निनाम्‍हाङ झारा सावाकातोक, आम्‍नुओ काचिचि देम तोक्‍पो खोन्‍कि म़दोम्‍दाओ म़मुयाङ। रावा-रावाचिओ तोक्‍पोहाङ, आम्‍नुओ लाम्‌चि साम्‌योक्‍मि खोन्‍कि अ़छ़ङ म़मुयाङ।

खाङ्‌मुमा 17:14

मोचि थुबाछाओ अ़चुदेङ्‌सालाप्‍पादा ङेन म़मु, मेन थुबाछाआ मोचि हाराम़चात्‍तुचि, देकिनालो खोक्‍को हाङ्‌पाचिओ अ़चुहाङ्‌पा खोन्‍कि हाङ्‌चिओ अ़चुहाङ म़मुयाङ। साङ्‌चिआ थुबाछा अ़त़ङ मोचि खोक्‍कोसाआ म़बुत्‍तुचिओचिओ खोन्‍कि म़छेन्‍तुचिओचिओ खोन्‍कि सोम्‍कुवा कामुचिओचि ओ।”

खाङ्‌मुमा 19:1

खोन्‍किना अ़ङ्‌का निनाम्‍मादुङ्‌का अ़धिवाङ म़ना मुक्‍लाआ ओवात्‍नि य़ङाङाओ य़ङ एनुङ, “हल्‍लेलुयाह! लेन्‍मा आन्‍निनाम्‍हाङ्‌दाङ्‌का ओ। साम खोन्‍कि सावा आन्‍निनाम्‍हाङ्‌एदा याक्‌याङ।

खाङ्‌मुमा 19:16

खोक्‍कोसोओ अ़चुतित, अ़चुओ धिलाङ्‌दा ‘हाङ्‌चिओ अ़चुहाङ खोन्‍कि हाङ्‌पाचिओ अ़चुहाङ्‌पा’नि छाप्‍ताङा।

खाङ्‌मुमा 19:6

खोन्‍कि अ़क्‌तात अ़धिवा म़ना मुक्‍ला ऱङाङाओ एनुङ। मो लोङ्‌याङ्‌ओ चाक्‌वाओ अ़साप्‍मा खोन्‍कि ब़द्‍धे अ़धिवाङ कुलुङ्‌धिप्‍पाओ अ़मुक्‍मावा ऱङाङा, मो ओवात्‍नि य़ङाङा, “हल्‍लेलुयाह! देकिनालो हाङ्‌पा आन्‍निनाम्‍हाङ झारा सावाकातोक हाङ्‌म़मु।

खाङ्‌मुमा 7:12

“मोवात्‍निङा लिने! चोन्‍मा, साम, खारु, आलाङ, साया, सावा खोन्‍कि छोमा अ़धुन-अ़धुन्‌तारि आन्‍निनाम्‍हाङ्‌एदा युङ्‌युङ्‌ने। मोवात्‍निङा लिने!”