१ थेसलोनिकि 4:3 - बान्‍तावा राई

³ खानानिन सेङ्‌लो लिमा निनाम्‍हाङ्‌ओ अ़चुमिन्‍मा ओ, खोन्‌ओसा खानानिन ताङ्‌लान्‌दाङ्‌का अ़थाया युङानिन।

१ थेसलोनिकि 4:3 Iomraidhean Croise

मत्‍ति 12:50

देकिनालो साङ निनाम्‍मादु कायुङ अ़ङ्‌पापाओ अ़चुमिन्‍मावा च़, मोङा अ़ङ्‌निछा, अ़ङ्‌छेत्‍कुमा खोन्‍कि अ़ङ्‌मामा ओ।”

मत्‍ति 15:19

देकिनालो साकोङ्‌वादाङ्‌काङा अ़अ़त्‍पा मित्‍माचि, म़ना सेत्‍मा, ताङ्‌लान, चान्‍माचामा, ख़मा, सोज्‍जेओ सालुम्‍स़ङ प़मा खोन्‍कि सुङ्‌मा बुङ्‌खाया म़लोन।

मत्‍ति 5:32

मेन अ़ङ्‌का खानानिन लोनानिन, साङ्‌आ अ़खिम्‍हाङ्‌मा ताङ्‌लान्‌दाङ्‌का नि अ़तुक्‌वाआ छिरु, बुयाओ अ़खिम्‍हाङ्‌पाआ मो ताङ्‌लान कामुमा मु, खोन्‍कि साङ्‌आ मो छित्‍माय़ङ मेत्‍छामाएनान सायाकाम, खोछाङ ताङ्‌लान कामु लि।

मत्‍ति 7:21

अ़ङ्‌का ‘हाङ्‌पो, हाङ्‌पो’नि कालोचि झारा निनाम्‍हाङ्‌होन्‌दा ऩवाङ्‌निन। मेन निनाम्‍मादुओ अ़ङ्‌पापाओ अ़चुलोमाय़ङ्‌वा काच़चिआ ओन्‍ङा निनाम्‍हाङ्‌ओ अ़चुहाङ्‌होन्‌दु वाङ्‌मा अ़तोक।

मर्कुस 3:35

साङ निनाम्‍हाङ्‌ओ अ़चुमिन्‍मावा च़, मोङा अ़ङ्‌निछा, अ़ङ्‌छेत्‍कुमा खोन्‍कि अ़ङ्‌मा ओ।”

युहन्‍ना 4:34

येसुआ मोचि म़लोचि, “अ़ङ्‌का काछुत्‌ओ अ़चुमिन्‍मावा च़मा खोन्‍कि खोक्‍कोसोओ अ़चुकाचि तामालामाङा अ़ङ्‌चामायु ओ।

युहन्‍ना 7:17

खाक्‍को म़नाआ निनाम्‍हाङ्‌ओ अ़चुमिन्‍मावा च़मानि मिन्‌नालो अ़ङ्‌चिन्‍माय़ङ निनाम्‍हाङ्‌दाङ्‌काओ हे, अ़ङ्‌को आप्‍पिओ अ़ङ्‌पाङ्‌दाङ्‌का ओ, मो खोसाआ सिन्‍तु।

छाम्‍माय़ङ 15:20

मेन मोचि ‘सेम्‍पोक हेन्‍खोक्‌वा दात्‍माय़ङ चामायु चामा, ताङ्‌लान मुमादाङ्‌का खोन्‍कि अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि अ़ह़ चामादाङ्‌का अ़थाया युङानिन’निकिना आन्‍कान छाप्‍तुम हान्‍तुम्‍च़म्‍ने।

छाम्‍माय़ङ 15:29

खानानिन सेम्‍पोक हेन्‍खोक्‌वा दात्‍माय़ङ चामायु चामा खोन्‍कि अ़ह़ चामा खोन्‍कि अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि ताङ्‌लान मुमादाङ्‌का अ़थाया युङानिन। ओ य़ङ्‌हुप्‌चि त़मुम्‍च़म्‌नालो नुलोक खानानिन त़लिसिन। हासिन्‍चिन्‍ने।”

छाम्‍माय़ङ 20:32

हान अ़ङ्‌का खानानिन निनाम्‍हाङ्‌ओ खोन्‍कि खोक्‍कोसोओ अ़चुसोम्‍तुक्‍माओ य़ङ्‌दा पाक्‍नाङ्‌नानिन। निनाम्‍हाङ्‌ओ अ़चुय़ङ्‌आ खानानिन येसुएदा साकोङ्‌छ़ङ नुलोक मुमा त़ऱन्‍ने खोन्‍कि म़सेङ्‌सुचिओ झारा म़नाचिओ अ़चुरादा खानानिन आसिखा ऩप़न्‍ने।

छाम्‍माय़ङ 26:18

खाना मोचि निनाम्‍हाङ्‌ओ अ़चुय़ङ चिन्‍तुचि, खोन्‍कि कुइयामादाङ्‌का उयाङ्‌ओदाकि सैतानाओ अ़सावादाङ्‌का निनाम्‍हाङ्‌एदा म़लाने। खोन्‍किना मोचि अ़ङ्‌काएदा मोचिओ अ़चुहेवाचि निनाम्‍हाङ्‌आ म़लेत्‍तुप़चिकिना अ़ङ्‌काएदाओ साकोङ्‌छ़ङ्‌लाम्‍पा म़सेङाकि निनाम्‍हाङ्‌आ म़छेन्‍तुचिओ म़नाचिओ अ़चुरादा मोचिआ युङ्‌मा अ़तोक।’

रोमि 1:29

मोचि झाराकापाराओ मान्‍साम्‌योक्‍मि, अ़अ़त्‍पा, च़क्‍ख़य़, चिप्‍मा, भेप्‍तुयुङ्‌सुचि। मोचि ऩङ्‌च़, सेत्‍मा, खिमामुमा, च़न्‍मा, रुफोक्‍मा, दुम्‍लुमा,

रोमि 12:2

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

रोमि 6:22

मेन हान आम्‍नुओ हेवादाङ्‌का त़फोङ्‌सिन्‌किना निनाम्‍हाङ्‌ओ अ़चुहारुक त़लिसिन्‌युङ्‌सिन। खोन्‍कि खानानिन्‌आ त़तोक्‍तुम्‌ओ काचि सिवाआ सेङ्‌माय़ङ्‌दा त़तित्‍तिन। ओसोओ अ़सिवा अ़लुक्‍निन्‌ओ ह़ङ्‌म़ङ ओ।

१ कोरिन्‍थि 1:30

निनाम्‍हाङ्‌आ खानानिन ख्रिस्‍त येसुएनान अ़क्‌तात ऩमुन्‌युङ्‌सिन। खोक्‍कोङा आन्‍को निम्‍पाङ निनाम्‍हाङ्‌एदाङ्‌काओ ताया माङ्‌लो आन्‍कान साम्‌योक्‍मि काकान, आन्‍कान कासेङ खोन्‍कि आन्‍कान कालेन्‍पा म़लिसायुङ्‌सा।

१ कोरिन्‍थि 7:2

मेन ब़द्‍धे ताङ्‌लान लियाङ्‌ओसा झारा म़नाओ अ़खिम्‍हाङ्‌मा युङ्‌मादोत, खोन्‍कि झारा मेत्‍छामाओ अ़खिम्‍हाङ्‌पा युङ्‌मादोत।

२ कोरिन्‍थि 12:21

अ़ङ्‌का लाङाबान्‍ङाहिदा अ़ङ्‌निनाम्‍हाङ्‌आ अ़ङ्‌का आम्‍नुओ तुक्‌वाआ लेजो ऩमुङा हे निम्‍पाङ खोन्‍कि साङ्‌चि बुया हेवा म़मुवा ओ, खोचि ब़द्‍धेकापाङ्‌आ अ़चुपोप्‍मान्‍चिन, ताङ्‌लान, हेवा खोन्‍कि राकादाङ्‌का मान्‍लाम़युक्‍नान्‍चिन्‌ओसा अ़ङ्‌का सोखा मुमादोत हे निकिना अ़ङ्‌क़माकात्‌याङ।

गलाति 5:19

पोक्‌ओ हेवामि च़माथाङ्‌माओ काचिचि छेङ्‌छेङ्‌छेङ्‌वा म़मुयाङ। मोचि ताङ्‌लान, पोप्‍मा, हात्‍मा,

एफिसि 5:17

खोन्‌ओसा खामान्‍सिन मान्‍लिदानिन, मेन हाङ्‌पाओ अ़चुमिन्‍मा दि ओ, मो तुप्‍मा लामानिन।

एफिसि 6:6

म़नाचिओ अ़चुऩङाकानुचिवात्‍नि म़क्‍साम्‌दा ओन्‍ङा खाङ्‌मुमा काचि मान्‍मुदानिन, मेन ख्रिस्‍तओ अ़हारुक्‌चिवात्‍नि झारा आम्‍नुओ साकोङ्‌वाआ निनाम्‍हाङ्‌ओ अ़चुमिन्‍मावा चुवानिन।

कलस्‍सि 1:9

खोन्‌ओसा आम्‍नुओ तुक्‌वादा आन्‍कान्‍का एनुम्‍काओ लेन्‌दाङ्‌का झारा लावामि खारु खोन्‍कि तुप्‍माआ निनाम्‍हाङ्‌ओ अ़चुमिन्‍मा नुलोक तुप्‍मा त़ऱम्‍ने निकिना आम्‍नुओ निम्‍पाङ आन्‍कान्‍का यामात्‍मा मान्‍छित्‌युक्‍तुम्‍का।

कलस्‍सि 3:5

खोन्‌ओसा खानानिन्‌एदा म़युङ्‌याङ्‌ओ हेन्‍खामादाओ मिन्‍माचि सेरानुम्‍च़म। मोचि पोप्‍मुमा, मान्‍सेङ्‌दामा, राका मित्‍मा, अ़त्‍लो मित्‍मा ओ। च़क्‍ख़य़ मान्‍मुदानिन, देकिनालो मो सेम्‍पोक ब़क्‍मावाको ओ।

कलस्‍सि 4:12

खानानिन्‌एदाओ अ़क्‍छा, ख्रिस्‍त येसुओ अ़चुहारुक इपाफ्रास्‌आछाङ सेवा ऩछोक्‍तिन्‌युङ्‌सिन। खोसाआ अ़धुन आम्‍नुओ निम्‍पाङ राक्‌एनान ओवात्‍नि यामात: निनाम्‍हाङ्‌आ खानानिन त़छोसिन्‍लो ऩमुन्‍ने खोन्‍कि नुलोक काऱ ऩमुन्‌कि खानानिन्‌आ निनाम्‍हाङ्‌ओ झारा अ़चुमिन्‍मावा काचि त़मुन्‌येन्‌निओ य़ङ्‌दा अ़छ़ङ त़लिसिन्‍ने।

१ थेसलोनिकि 4:2

देकिनालो आन्‍कान्‍का हाङ्‌पा येसुओ अ़चुपाङ्‌लाम्‍पा दि-दि चिन्‍नियुङ्‌नि मो खानानिन त़सिन्‍तुम्‌योम्‍च़म।

१ थेसलोनिकि 4:4

खानानिन झारासाआ आम्‍नुओ खिम्‍हाङ्‌माएनान सेङ्‌लो खोन्‍कि सायादा देत्‍नि काचि मुमादोत्‌ओ चिन्‍तानिन्‍चिन,

१ थेसलोनिकि 5:18

झारा ग़रिचिदा निनाम्‍हाङ आलाङ पुवानुम। देकिनालो ख्रिस्‍त येसुलाम्‍पा आम्‍नुओ निम्‍पाङ निनाम्‍हाङ्‌ओ अ़चुमिन्‍मा ओङा ओ।

१ थेसलोनिकि 5:23

सेवाङ्‌निओ निनाम्‍हाङ्‌आङा खानानिन झारा ऩसेङ्‌सिन्‍ने, खोन्‍कि झारा आम्‍नुओ लावा, साक्‍मा खोन्‍कि पोक आन्‍हाङ्‌पा येसु ख्रिस्‍त म़लाय़याङ्‌हिदा लाहि मात्‍द़ङ्‌ओ लिने।

२ थेसलोनिकि 2:13

हाङ्‌पाआ सोमाऩतुक्‍तिन्‌ओ ब़ब़, नाना खोन्‍कि निछाचि ओ, आम्‍नुओ निकि आन्‍कान्‍का अ़धुन निनाम्‍हाङ आलाङ मान्‍प़माङ अ़ऱन्‍मिन्‍का, देकिनालो बुयादाङ्‌काङा सेङ्‌लावाओ सेङ्‌मा काचिलाम्‍पा खोन्‍कि अ़छ़ङ्‌दाओ साकोङ्‌छ़ङ्‌लाम्‍पा ह़ङ्‌म़ङ प़मा निम्‍पाङ निनाम्‍हाङ्‌आ खानानिन ऩछेन्‍तिन।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

हिब्रु 10:36

निनाम्‍हाङ्‌ओ अ़चुमिन्‍मा तामालामा खोन्‍कि हिप्‍माय़ङ्‌ओसो अ़सिवा तोक्‍मा खानानिन दुखा आङ्‌मादोत।

हिब्रु 12:16

साङ्‌छाङ काचान्‍चा अ़लिनिन्‍ने। निनाम्‍हाङ कित्‌याङ्‌सा ह़ङानिन, एसाब्‌वात्‍नि माआङ, खोसाआ अ़क्‍खुङ चामायुदा खोसोओ अ़कुम्‍पा पाङ इनुचो।

हिब्रु 13:21

खोक्‍कोसोओ अ़चुमिन्‍मा तामालामा रुवानुम निकिना झारा अ़नुवाक य़ङ्‌चिआ ऩयाङ्‌सिन्‍प़न्‍ने। दिसु य़ङ्‌आ निनाम्‍हाङ्‌ओ अ़चुऩङानुयाङ, येसु ख्रिस्‍तलाम्‍पा खोक्‍कोसाआ खानानिन्‌एदा ओ अ़मुने। अ़धुन-अ़धुन्‌तारि खोक्‍कोसोओ अ़चुऩङ्‌लोङ्‌ने! मोवात्‍निङा लिने।

हिब्रु 13:4

झारासाआ सायाकाम्‍माय़ङ साया मेत्‍मादोत खोन्‍कि खिम्‍हाङ्‌मा खिम्‍हाङ्‌पा सोम्‍कुवा मुकामु लिमादोत, देकिनालो काचान्‍चाचि खोन्‍कि ताङ्‌लान कामुचि निनाम्‍हाङ्‌आ छ़ङ म़छेन्‍तुचि।

१ पत्रुस 1:2

निनाम्‍हाङ पापाआ बुयादाङ्‌का खानानिन ऩसिन्‍तिन्‌कि ऩछेन्‍तिन, खोन्‍कि अ़चुलावालाम्‍पा खानानिन सेङानिन। खोन्‌ओसा निनाम्‍हाङ्‌ओ अ़चुलोमाय़ङ्‌वा खानानिन चुवानिन, खोन्‍कि येसु ख्रिस्‍तओ अ़चुह़आ रेप्‍तानिन्‍चिन। खानानिन्‌एदा सोम्‍तुक्‍मा खोन्‍कि सेवाङ्‌नि च़लोक पोन्‌याङ्‌सा खात्‍ने।

१ पत्रुस 4:2

खोवात्‍निओसा खो अ़पोक्‌दा ह़ङ्‌याङ्‌तारि हान्‌दाङ्‌का म़नाओ अ़अ़त्‍पा मिन्‍मावा माआङ, मेन निनाम्‍हाङ्‌ओ अ़चुमिन्‍मावा ह़ङ।

१ युहन्‍ना 2:17

हेन्‍खामा खोन्‍कि हेन्‍खामादाओ अ़अ़त्‍पा मिन्‍माचि म़लुक्‍खात, मेन निनाम्‍हाङ्‌ओ अ़चुमिन्‍मावात्‍नि काच़ अ़धुन्‌तारि युङ्‌युङ।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”

खाङ्‌मुमा 22:15

मेन मो सहरा बुङ्‌खाया ना कुतिवाचि, म़क्‍फेङ कामुचि, पोप्‍कापोप कामुचि, म़ना कासेत्‌चि, सेम्‍पोक काब़क्‌चि खोन्‍कि सोज्‍जेओ ऩङाकानुचि खोन्‍कि मोवात्‍निङा काच़चि म़युङ।