१ थेसलोनिकि 2:2 - बान्‍तावा राई

² आन्‍कान्‍का बुयाङा फिलिप्‍पिदा चाअ़त्‍लो दुखा आङ्‌तुम्‍काओ खोन्‍कि आन्‍काओ साया ऩपेप्‍तिन्‍काओ य़ङ ना खानानिन त़सिन्‍तुम्‌योम। मेन अ़न्‍नुनु फित्‍चि ऩमुन्‍कानुछाङ आन्‍निनाम्‍हाङ्‌लाम्‍पा आन्‍कान्‍का राक तोक्‍तुम्‍काकिना खोक्‍कोसोओ अ़नुय़ङ्‌खान मान्‍क़माङ खानानिन खाएत्‍नि।

१ थेसलोनिकि 2:2 Iomraidhean Croise

छाम्‍माय़ङ 14:3

खोन्‍नुछाङ पावल खोन्‍कि बारनाबास मो सहरादा ब़द्‍धेकालेन्‌तारि हाङ्‌पाओ अ़चुसोमातुक्‍मा य़ङ्‍ओ अ़तुक्‌वादा राक्‌एनान खालुयाङ्‌सा युङाचि। हाङ्‌पा येसुआ खोचि म़दोम्‍दाओ बुन्‌चि खोन्‍कि काचिचि मुमा सावा म़प़चिकिना खोचिओ अ़चुय़ङ अ़छ़ङ मुयाङ निकिना खाङ्‌अ़मुसा।

छाम्‍माय़ङ 14:5

खोन्‍किना निरावाचिकि यहुदिचि अ़क्‍नि अ़चुबुसुवाचिएनान म़तोङाकिना पावल खोन्‍कि बारनाबास म़सुङुचिकि लुङ्‍आ वेन्‍मा याम़योआ।

छाम्‍माय़ङ 16:12

खोन्‍कि मोदाङ्‌का फिलिप्‍पिदा तान्‍लान्‍का। ओ माकेदोनियाओ अ़मुलो सहराकिना रोमिचिओ अ़चुपाङ्‌दाछाङ याआङा। आन्‍कान्‍का मो सहरादा अ़क्‍चित्‌कालेन युङिन्‍का।

छाम्‍माय़ङ 16:19

मेन मोसोओ अ़हाङ्‌पाचिआ अ़चुछेन्‍बि दुप्‍खा लाम सुवाओ अ़खाकि पावल खोन्‍कि सिलास म़लाउचिकि सहरादाओ बजारादाओ छाप्‍छेन्‍मिचिओ अ़चुबुदा मोचि म़सारुखात्‍तुचि।

छाम्‍माय़ङ 16:37

मेन पावल्‌आ मो रात्‍खामिचि लोचि, “आन्‍काच्‍या रोमि ताङ्‌युङ्‌नुछाङ खोचिआ छ़ङ मान्‍छेन्‍प़माङ म़नाचिओ अ़चुबुदा आन्‍काच्‍या ऩधात्‍ताच्‍या, खोन्‍कि छेक्‍खाखिम्‌दा आन्‍काच्‍या ऩछेक्‍ताचिया। खोन्‍कि ओन्‍ग़रि दि आन्‍काचिया वाइवेत लोन्‍मा ऩलाप्‍चिङ्‌च्‍या? ओवात्‍नि अ़नुनिन! हाङ्‌काचि कामुचिङा म़ताने खोन्‍कि आन्‍काच्‍या ऩलोन्‍चियाने।”

छाम्‍माय़ङ 17:1

पावल खोन्‍कि सिलास अम्‍फिपोलिस खोन्‍कि अपोल्‍लोनियाओ सहरा लियाङ्‌सा थेसलोनिके सहरादा तालाचि। मोदा यहुदिचिओ अ़क्‌तात यावायोक्‍खिम युङाङा।

छाम्‍माय़ङ 17:17

खोन्‌ओसा यहुदिचिओ यावायोक्‍खिम्‌दा खाराकि यहुदिचि खोन्‍कि निनाम्‍हाङ काब़क ग्रिक्‌चिएनान खोन्‍कि अ़लेन्‍खिन्‍तुम हाता रादा तुउचिओ झारा म़नाचिएनान्‌छाङ खो दुम्‍तुसायुङ्‌साङा।

छाम्‍माय़ङ 19:8

खोन्‍किना पावल यहुदिचिओ अ़चुयावायोक्‍खिम्‌दा खाराकि यहुदिचिएनान सुम्‌कादोङ्‌वात्‌तारि निनाम्‍हाङ्‌ओ अ़चुहाङ्‌होन्‌ओ अ़तुक्‌वादा राक्‌एनान दुम्‍चामेत्‌याङ्‌सा दुम्‍तुसा।

छाम्‍माय़ङ 4:13

यहुदि बुसुवाचिआ पत्रुस खोन्‍कि युहन्‍ना मान्‍खिप्‍चिओ खोन्‍कि ताक्‍पेत्‍निओनि म़सिन्‍तुचि। मोवात्‍नि खोचिओ अ़चुराक अ़खाकिना मोचि दोम्‍तुदोचि। खोन्‍कि मोचि बुयादाङ्‌का येसुएनान अ़क्‍नि म़युङाङाओ खोचिआ म़सिन्‍तुचि,

छाम्‍माय़ङ 4:20

देकिनालो येसुआ अ़मुवाओ काचि आन्‍काच्‍या खाचुवाओ खोन्‍कि एनाचुवाओ य़ङ म़नाचि खामान्‌एत्‍माङ आन्‍काच्‍या युङ्‌माङा अ़ऱचिन्‍का।”

छाम्‍माय़ङ 4:31

याम़माराचिआकिना मोचि म़कोवान्‍चिन्‌ओदा ङाङ्‌सा, खोन्‍कि मोचि झारा सेङ्‌लावाआ भेप्‍तुचिकि मोचिआ निनाम्‍हाङ्‌ओ अ़चुय़ङ राक्‌एनान खाअ़लुसा।

छाम्‍माय़ङ 5:41

खोन्‍किना छाम्‍माय़ङ्‌चि येसुओ अ़चुऩङ्‌दा साया ऩपेप्‍तिन्‍काओ आङ्‌मा अ़खान्‍तिन्‍काओ लिसिन्‌युङ्‌सिन्‍का निकिना अ़चुऩङानुयाङ्‌सा धियायोक्‍खादाङ्‌का बुङ्‌खाया म़लोन्‍ताखारा।

रोमि 1:1

अ़ङ्‌का पावल, येसु ख्रिस्‍तओ अ़चुहारुक, अ़क्‍छा छाम्‍माय़ङ लिसि ऩबुत्‍ताङ ओ, खोन्‍कि निनाम्‍हाङ्‌ओ अ़चुनुय़ङ्‌खान खालुसि ऩछेन्‍ताङ्‌ओ।

२ कोरिन्‍थि 3:12

खोन्‌ओसा, आन्‍काओ ओवाको सोम्‍कुवा मुयाङ्‌ओसा अ़न्‍नुनु आन्‍काओ राक याक्‌याङ।

कलस्‍सि 2:1

अ़नुछ्‍याङा आम्‍नुओ निम्‍पाङ, लाउदिकियादाओ साम्‍भुङ्‌ओ निम्‍पाङ, खोन्‍कि अ़ङ्‌का मान्‍सिन्‍कादा झारासोओ निम्‍पाङ अ़ङ्‌का देम चात्‍लो दुखा मुवाङ्‌युङ्‌साङ्‌ओ खानानिन त़सिन्‍तुम्‍नेनि अ़ङ्‌का मिन्‍ङा।

१ थेसलोनिकि 1:5

देकिनालो आन्‍कान्‍का खानानिन्‌एदा नुय़ङ्‌खान तारुम्‍काहिदा य़ङ्‌चिदा ओन्‍ङा माआङ, मेन सावा खोन्‍कि सेङ्‌लावादाछाङ अ़नुछ्‍या तारुम्‍काओ त़सिन्‍तुम्‌युङ्‌सुम। आम्‍नुओ निम्‍पाङ आन्‍कान्‍का आम्‍नुओ रादा देत्‍नि युङिन्‍काओ खानानिन नुलोक त़सिन्‍तुम्‌योम।

२ तिमोथि 1:12

खोवात्‍निओसा अ़ङ्‌का ओ य़ङ्‌चिदा छेक्‍खादा दुखा आङ्‌तुङ्‌योङ, खोन्‍नुछाङ अ़ङ्‌का ओ य़ङ्‌दा अ़ङ्‌लेजो अ़कात्‍निन। देकिनालो अ़ङ्‌का साङ्‌एदा साकोङ्‌छ़ङ मुङ्‌युङ्‌सुङ, अ़ङ्‌का सिन्‍तुङ्‌योङ खोन्‍कि अ़छ़ङ मुङ्‌युङ्‌सुङ, दि अ़ङ्‌का खोक्‍कोसोओ अ़चुलामाय़मातारि प़ङ्‌युङ्‌सुङ, मो रात्‍मा काऱ खोक्‍को म़युङ्‌याङ।

यहुदा 1:3

सोमातुक्‍नाङ्‌नानिन्‌ओ यावाचि ओ, आन्‍कान झारासोओ लेन्‍माओ अ़तुक्‌वादा छाप्‍मा अ़न्‍नुनु लामाङ्‌युङ्‌सा। मेन हान मोसोओ अ़फान्‌दा, निनाम्‍हाङ्‌आ अ़चुओ म़नाचि अ़धुन्‌ओ निकिना म़प़चिओ साकोङ्‌छ़ङ रात्‍माओ निम्‍पाङ चात्‍लो काचि मुमाओ राक प़मा छाप्‍लावा छाप्‍मादोत्‌नि मिनाङ।