१ थेसलोनिकि 1:5 - बान्‍तावा राई

⁵ देकिनालो आन्‍कान्‍का खानानिन्‌एदा नुय़ङ्‌खान तारुम्‍काहिदा य़ङ्‌चिदा ओन्‍ङा माआङ, मेन सावा खोन्‍कि सेङ्‌लावादाछाङ अ़नुछ्‍या तारुम्‍काओ त़सिन्‍तुम्‌युङ्‌सुम। आम्‍नुओ निम्‍पाङ आन्‍कान्‍का आम्‍नुओ रादा देत्‍नि युङिन्‍काओ खानानिन नुलोक त़सिन्‍तुम्‌योम।

१ थेसलोनिकि 1:5 Iomraidhean Croise

मर्कुस 16:20

खोन्‍कि मोचि झारादात्‍नि म़खाराकि नुय़ङ्‌खान खाअ़लुसा। हाङ्‌पा खोचिएनान काचि म़मुवा, खोन्‍कि बुन्‍चिलाम्‍पा खोक्‍कोसोओ अ़चुय़ङ अ़छ़ङ म़मुचि।]

लुका 1:1

ओदा निनाम्‍हाङ्‌आ आन्‍काओ रादा अ़मुवाओ काचिचिओ अ़चुतुक्‌वादा ब़द्‍धेकापाङ्‌आ अ़छाप्‍तायुङ्‌सा।

छाम्‍माय़ङ 11:21

खोन्‍कि हाङ्‌पाओ अ़सावा मोचिएदा याआङाओसा ब़द्‍धेकापाङ म़नाचि साकोङ्‌छ़ङ म़मुवाकि हाङ्‌पाएदात्‍नि म़लासा।

छाम्‍माय़ङ 16:14

मोचिएदाओ थिआतिरा सहरादा कायुङ्‌मा लिदिया अ़ऩङ मुवाङाओ अ़क्‍छा निरावा मेत्‍छामा याआङा, मो ब़द्‍धे अ़लुङ छुक्‍ताङाओ तित इनाङा। मोसाआ निनाम्‍हाङ ब़क्‍तुङु। हाङ्‌पाआ मोसोओ अ़साकोङ्‌वा अ़होत्‍तापुवाओसा पावल चेवाङाओ य़ङ नुलोक तुप्‍तु।

छाम्‍माय़ङ 2:33

खोन्‌ओसा निनाम्‍हाङ्‌आ येसु अ़झोइसाकि तोक्‍पो अ़मुवा, खोन्‍कि निनाम्‍हाङ्‌आ अ़हिप्‍ताओ सेङ्‌लावा येसु अ़पुवा, खोन्‍किना येसुआ आन्‍कान सेङ्‌लावा च़लोक म़पुवायुङ्‌सा। मो खानानिन ओन्‍ग़रि त़खाम्‌योम खोन्‍कि त़एनुम्‌योम।

रोमि 1:16

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

रोमि 15:13

सोम्‍कुवा मुमा खान्‍तुओ निनाम्‍हाङ्‌आ झारा मिन्‍माचानुमा खोन्‍कि सेवाङ्‌निआ ऩभेम्‍सिन्‍ने, देकिनालो खानानिन खोक्‍को साकोङ्‌छ़ङ त़मुम। खोन्‌ओसा सेङ्‌लावाओ अ़चुसावाआ आम्‍नुओ सोम्‍कुवा पोन्‌याङ्‌सा खात।

रोमि 2:16

ओ य़ङ निनाम्‍हाङ्‌आ येसु ख्रिस्‍तलाम्‍पा म़नाचिओ अ़चुसाकोङ्‌वादा याक्‌याङ्‍ओ सुकुलादाओ य़ङ छ़ङ्‌छेन्‍माओ लेन्‌दा लि। ओ निनाम्‍हाङ्‌ओ अ़चुनुय़ङ्‌खान अ़ङ्‌का खालुसुङ्‌वाको ओ।

१ कोरिन्‍थि 1:24

मेन निनाम्‍हाङ्‌आ म़बुत्‍तुचिओ यहुदिचि खोन्‍कि ग्रिक्‌चिओ निकिना ख्रिस्‍तङा निनाम्‍हाङ्‌ओ अ़चुसावा खोन्‍कि निनाम्‍हाङ्‌ओ अ़चुखारु म़युङ्‌याङ।

१ कोरिन्‍थि 10:33

अ़ङ्‌काछाङ झाराकापाराआ झारासोओ अ़चुऩङानुमा काचि मुङाङा। अ़ङ्‌नुलोक अ़ङ्‌का अ़लाम्‍ऩङ, मेन ब़द्‍धेसोओ नुलोक लामुङ, खोन्‌ओसा मोचि म़लेन्‍ने।

१ कोरिन्‍थि 3:16

दि खानानिन निनाम्‍हाङ्‌ओ अ़चुब़क्‍खाखिम खोन्‍कि निनाम्‍हाङ्‌ओ अ़चुलावा खानानिन्‌एदा म़याक निकिना त़सिन्‍तिमिन्‌येन?

१ कोरिन्‍थि 3:6

अ़ङ्‌का विउ लित्‍तुङ, अपोल्‍लोस्‌आ चाक्‌वा पाक्‍तु, मेन निनाम्‍हाङ्‌आ ओ अ़पोइसा।

१ कोरिन्‍थि 4:20

देकिनालो निनाम्‍हाङ्‌ओ अ़चुहाङ्‌होन चेप्‍मादा माआङ, सावादा याक्‌याङ।

१ कोरिन्‍थि 9:14

मोवात्‍निङा नुय़ङ्‌खान खाकालुआछाङ नुय़ङ्‌खान्‍लाम्‍पाङा अ़ह़ङ्‌खालाम तोक्‍मादोत निकिना हाङ्‌पा म़य़ङायुङ्‌सा।

२ कोरिन्‍थि 3:6

अ़ऩङ्‌वा हिप्‍माय़ङ्‌दा खोक्‍कोसाआ आन्‍कान्‍का काचि मुमा काऱ काब़त्‌वा ऩमुन्‌युङ्‌सिन्‍का। छाप्‍माय़ङ य़ङ्‌हुप्‌आ माआङ, मेन सेङ्‌लावादा। देकिनालो छाप्‍माय़ङ य़ङ्‌हुप्‌आ ना म़सेत, मेन सेङ्‌लावाआ ह़ङ्‌म़ङ म़प़।

गलाति 2:2

निनाम्‍हाङ्‌आ खाङ्‌ऩमेत्‍ताङ्‌वा अ़ङ्‌का मोदा खाराङ, खोन्‍कि मोचिओ अ़चुबुदा मो नुय़ङ्‌खान खालुसुङ, मो अ़ङ्‌का निरावाचिओ अ़चुरादा खाएत्‍तुङ्‌युङ्‌सुङ्‌योङ्‌च़ङ्‌ओ। मेन साम्‍भुङ्‌दाओ बुसुवावाको म़काराङाओचिओ अ़चुबुदा अ़ङ्‌का मो सुकुलादा खालुसुङ, देकिनालो अ़ङ्‌का खाक्‍को लोत्‍मा लोराङ माङ्‌लो लोत्‍ङाङा, मो सोज्‍जे अ़लिनिन्‍ने।

गलाति 5:5

मेन आन्‍कान्‍का सेङ्‌लावालाम्‍पा साकोङ्‌छ़ङ्‌दाङ्‌का निनाम्‍हाङ्‌आ आन्‍कान्‍का ऩहिप्‍तिन्‍काओ साम्‌योक्‍मि राक्‌एनान हुङुम्‍का।

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

एफिसि 3:20

हान खोक्‍कोसोओ निम्‍पाङ आन्‍कान्‌एदा काचि मुमा खोक्‍कोसोओ अ़चुसावाओ काचिवा आन्‍कान दोरुम्‌ओ माङ्‌लो मित्‍तुम्‌ओदाङ्‌का अ़न्‍नुनु च़लोक मुमा अ़ऱ।

फिलिप्‍पि 2:13

देकिनालो खानानिन्‌एदा निनाम्‍हाङ आप्‍पि काचि म़मुयाङ। खोक्‍कोसाआ खानानिन अ़चुओ अ़नुवाक मित्‍चिऩङ तामालामा मिन्‍मा खोन्‍कि सावा ऩप़न।

फिलिप्‍पि 4:9

खानानिन्‌आ दि अ़ङ्‌काएदाङ्‌का त़चिन्‍तिन्‍चिन, खोन्‍कि त़लोउम खोन्‍कि त़एनुम खोन्‍कि त़खाम, मोवात्‍निङा चुवानिन। खोन्‍किना सेवाङ्‌नि काप़ निनाम्‍हाङ खानानिन्‌एनान म़युङ।

कलस्‍सि 2:2

मोचिआ अ़चुसाकोङ्‌वादा राक अ़तोक्‍ने, खोन्‍कि सोम्‍तुक्‍मादा अ़क्‍नि म़लिने निकिना अ़ङ्‌का ओ दुखा मुङ्‌योङ्‌ओ। मोचिआ निनाम्‍हाङ्‌ओ अ़चुकोङ्‌दुम्‌ओ ताया सिन्‍मादा मोचि नुछ्‍याङा अ़छ़ङ म़लिनेनि मिन्‍ङाङा। मो कोङ्‌दुम ख्रिस्‍त आप्‍पि ओ।

१ थेसलोनिकि 2:13

खोन्‌ओसा आन्‍कान्‍का अ़धुन निनाम्‍हाङ आलाङ प़म्‍का, देकिनालो खानानिन्‌आ आन्‍कान्‍काएदाङ्‌का त़एनुम्‌ओ निनाम्‍हाङ्‌ओ अ़चुय़ङ खानानिन्‌आ म़नाओ अ़य़ङ्‌वा मान्‍लोक्‍त़दोम, मेन अ़नुछ्‍या निनाम्‍हाङ्‌ओ अ़चुय़ङ्‌वात्‍तिङा त़लोउम। मो य़ङ्‌आ खानानिन साकोङ्‌छ़ङ कामुचिएदा काचि मुङु।

२ थेसलोनिकि 2:14

खोन्‌ओसा आन्‍कान्‍का खालुसुम्‍काओ नुय़ङ्‌खान्‌लाम्‍पा आन्‍हाङ्‌पा येसु ख्रिस्‍तओ अ़चुऩङ्‌चोन्‍मा खानानिन्‌आछाङ तोक्‍तानुम निम्‍पाङ खोक्‍कोसाआ खानानिन ऩबुत्‍तिन।

२ तिमोथि 2:10

खोन्‌ओसा निनाम्‍हाङ्‌आ म़छेन्‍तुचिओचिओ निम्‍पाङ झारा य़ङ अ़ङ्‌का आङ्‌तुङ, मोवात्‍नि मोचिआछाङ अ़धुन साम्‌एनान येसु ख्रिस्‍तएदा याक्‌याङ्‌ओ लेन्‍मा अ़तोक्‍ने।

२ तिमोथि 2:8

म़सुवादाओदाङ्‌का म़खोन्‍तालोन्‍ताओ दाउद भुङ्‌दाओ येसु ख्रिस्‍त मित्‍तु, अ़ङ्‌का खालुसुङ्‌ओ नुय़ङ्‌खान ओक्‍कोङा ओ।

हिब्रु 10:22

खोन्‌ओसा आन्‍कान सेङ्‌याङ्‌ओ साकोङ्‌वा खोन्‍कि अ़छ़ङ साकोङ्‌छ़ङ मुन्‌कि निनाम्‍हाङ्‌ओ अ़चुबुदा खारिन्‍ने। देकिनालो आन्‍छेन्‍खातायाचि ख्रिस्‍तओ अ़चुह़आ सेङ्‌माचि निकिना म़रेप्‍तायुङ्‌सा, खोन्‍कि आन्‍पोक्‌चि सेङ्‌याङ्‌ओ चाक्‌वाआ वाम़स़त्‍तापुवायुङ्‌सा।

हिब्रु 6:11

आन्‍काओ तोक्‍पो मिन्‍मा ओङा ओ, खानानिन झारासा आदेङ्‌तारि मो आम्‍नुओ राक खाङ्‌मुसानुम खोन्‍कि दि खानानिन्‌आ त़हुङुम्‌योम्‌ओ, मो अ़छ़ङ मुवानुम।

१ पत्रुस 1:12

खोचि ओ य़ङ खाम़एत्‍ताओ आप्‍पि मोचि ब़त्‍मान्‍चिन निकिना माआङ, मेन खानानिन ऩब़रिन्‌येन निकिना निनाम्‍हाङ्‌आ खोचि तुप्‍म़मेत्‍तुचि। ओ य़ङ्‌चि निनाम्‍मादुङ्‌का अ़य़साओ सेङ्‌लावाओ अ़सावादा खानानिन खाऩएत्‍तिन्‌ओ नुय़ङ्‌खान खाकालुचिआ खाअ़लुसाओ य़ङ खानानिन खाऩएत्‍तिन्‌युङ्‌सिन। निनाम्‍हाङ काफाचिछाङ ओ य़ङ्‌चि खाङ्‌मा अ़न्‍नुनु अ़चुऩङानुयाङ।

१ पत्रुस 1:3

आन्‍हाङ्‌पा येसु ख्रिस्‍तओ अ़चुपा, निनाम्‍हाङ्‌ओ अ़चुऩङ्‌लोङ्‌ने! खोक्‍कोसोओ तोक्‍पो अ़चुसोम्‍तुक्‍माआ म़सुवादाओदाङ्‌का येसु ख्रिस्‍तओ अ़चुलामाखोन्‍मालोन्‍मालाम्‍पा आन्‍कान अ़ऩङ्‌वा ह़ङ्‌म़ङ तोक्‍तुम। हान आन्‍कान अ़ह़ङ सोम्‍कुवादा आन्‍कान अ़क्‌तात लिसिन्‌युङ्‌सिन।

१ पत्रुस 5:3

खानानिन खाङ्‌मा ऩप़न्‌ओचि तिम्‌याङ्‌सा माआङ, मेन अ़लोकाचिओ अ़मात्‍ऩङ लिसानिन।

२ पत्रुस 1:10

खोन्‌ओसा, ब़ब़, नाना खोन्‍कि निछाचि ओ, खानानिन बुत्‍माय़ङ खोन्‍कि छेन्‍माय़ङ अ़छ़ङ मुमाओ निम्‍पाङ च़लोक राक मुवानिन, देकिनालो खानानिन मोवात्‍नि त़च़न्‌नालो खानानिन देम्‍खाछाङ त़धाम्‍सिमिन।

२ पत्रुस 1:19

खोन्‍कि निनाम्‍हाङ्‌य़ङ खाकालुचिओ अ़चुय़ङ आन्‍कान्‌एदा च़लोक सोम्‍कुवा मुमा खान्‍तुओ मुयाङ। देकिनालो फ़ऱऱवा खादात्‌याङ्‌ओ लेन मान्‍तायुक्‌तारि खोन्‍कि आम्‍नुओ साकोङ्‌वादा अ़वाय़ङ्‌ओ साङ्‌केन्‍मा मान्‍लोन्‌युक्‌तारि कुन्‌यामादा लेत्‌याङ्‌ओ कुपिवा खानानिन्‌आ ओ य़ङ्‌दा नुलोक मिन्‍मा पाक्‍तानुम।