१ थेसलोनिकि 1:3 - बान्‍तावा राई

³ आन्‍निनाम्‍हाङ पापाओ अ़चुबुदा आम्‍नुओ साकोङ्‌छ़ङ्‌दाङ्‌का त़मुम्‌ओ काचि, खोन्‍कि सोमातुक्‍माआ त़मुम्‌ओ काचि खोन्‍कि आन्‍हाङ्‌पा येसु ख्रिस्‍तएदा त़मुम्‌ओ सोम्‍कुवाआ खानानिन त़छोसिन्‌ओ आन्‍कान्‍का अ़धुन मित्‍तुम्‌युङ्‌सुम्‍का।

१ थेसलोनिकि 1:3 Iomraidhean Croise

युहन्‍ना 14:15

खानानिन्‌आ अ़ङ्‌का सोमात़तुक्‍ङाऩङ्‌नालो अ़ङ्‌लोमाय़ङ्‌चि त़मुम्‍च़म।

युहन्‍ना 15:10

अ़ङ्‌लोमाय़ङ्‌चि त़मुम्‍च़म्‌नालो खानानिन अ़ङ्‌सोमातुक्‍मादा त़याइन। मोवात्‍निङा अ़ङ्‌का अ़ङ्‌पापाओ अ़चुलोमाय़ङ्‌चि मुङ्‌युङ्‌सुङ्‌च़ङ खोन्‍कि खोक्‍कोसोओ अ़चुसोमातुक्‍मादा युङ्‌ङा।

छाम्‍माय़ङ 10:31

खोसाआ अ़लोवाङ, ‘कर्नेलियस, निनाम्‍हाङ्‌आ आम्‌यामात्‍मा अ़एनायुङ्‌सा, खोन्‍कि खाना मान्‍तोक्‍कादाचि मोहा त़प़चिओ अ़खायुङ्‌सा।

छाम्‍माय़ङ 3:19

खोन्‌ओसा हेवा मुमा छिरानुम्‌कि निनाम्‍हाङ्‌एदा लासानिन, खोन्‍किना निनाम्‍हाङ्‌आ आम्‍नुओ हेवाचि ऩलेत्‍तिन्‍प़न।

रोमि 12:12

आम्‍नुओ तामित्‍माआ खानानिन आम्‍नुओ ऩङानुने, आम्‍नुओ दुखादा काआङ लिसानिन, अ़धुन यामारायुङ्‌सानिन।

रोमि 15:13

सोम्‍कुवा मुमा खान्‍तुओ निनाम्‍हाङ्‌आ झारा मिन्‍माचानुमा खोन्‍कि सेवाङ्‌निआ ऩभेम्‍सिन्‍ने, देकिनालो खानानिन खोक्‍को साकोङ्‌छ़ङ त़मुम। खोन्‌ओसा सेङ्‌लावाओ अ़चुसावाआ आम्‍नुओ सोम्‍कुवा पोन्‌याङ्‌सा खात।

रोमि 15:4

बुया म़छाप्‍ताओ झारा य़ङ्‌चि आन्‍कान चिन्‍माओ निम्‍पाङ म़छाप्‍ता ओ, खोन्‍कि साम्‍कालिन्‌आ आन्‍कान तामामित्‍मा म़प़, खोन्‌ओसा नुलोक आन्‍कान निनाम्‍हाङ्‌आ म़हिप्‍ताओ य़ङ्‌चि हुङुम्‍च़म।

रोमि 16:26

मेन हान अ़धुन युङ्‌युङ्‌ओ निनाम्‍हाङ्‌ओ अ़चुलोमाय़ङ्‌वा निनाम्‍हाङ्‌य़ङ खाकालुचिओ अ़चुछाप्‍माचिलाम्‍पा खाङ्‌म़मेत्‍तुयुङ्‌सुचि खोन्‍कि झारा रावाचि सिन्‍म़मेत्‍तुयुङ्‌सुचि, खोन्‌ओसा मोचि साकोङ्‌छ़ङ म़मुने, खोन्‍कि लोमावा च़मा म़ऱने।

रोमि 16:6

आम्‍नुओ रादा चात्‍लो काचि कामुमा मरियम सेवानि लोत्‍निप़नि।

रोमि 2:7

हुङ्‌याङ्‌सा अ़नुवाक काचि मुयाङ्‌सा साऩङ्‌वा, साया खोन्‍कि अ़स़निन्‍दानिन्‌ओ ह़ङ्‌म़ङ कालाम्‌चि निनाम्‍हाङ्‌आ अ़लुक्‍निन्‌ओ ह़ङ्‌म़ङ म़प़चि।

१ कोरिन्‍थि 13:13

साकोङ्‌छ़ङ मुमा, तामामित्‍मा, खोन्‍कि सोम्‍तुक्‍मा, ओचि सुम्‌कातात अ़धुन्‌तारि म़युङ्‌युङ। मेन ओचिदाओ तोक्‍पो सोम्‍तुक्‍मा ओ।

१ कोरिन्‍थि 15:58

खोन्‌ओसा, अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, नुलोक युङानिन। दिसाआछाङ ओह्‍यात्‍नि-मोह्‍यात्‍नि त़मुन्‍मिन्‍ने। हाङ्‌पाओ अ़चुकाचिदा अ़धुन पोइसा खारानिन। देकिनालो खानानिन त़सिन्‍तुम्‌योम, निनाम्‍हाङ्‌एदा आम्‍नुओ काचि सोज्‍जे अ़लिनिन।

२ कोरिन्‍थि 2:17

देकिनालो ब़द्‍धे निचिवा आन्‍कान्‍का निनाम्‍हाङ्‌ओ अ़चुय़ङ काखित काइन्‌चि माआङ, मेन निनाम्‍हाङ्‌आ ऩछुत्‍तिन्‍काओ अ़चुमिन्‍मा सेङ्‌याङ्‌ओ म़नाचिवा आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुतुक्‌वादा चेविन्‍का।

गलाति 1:4

आन्‍निनाम्‍हाङ पापाओ अ़चुमिन्‍मावा येसु ख्रिस्‍तआ आइमित्‌ओ अ़अ़त्‍पा हेन्‍खामादाङ्‌का आन्‍कान फोङ्‌लोइसि आन्‍हेवाचिओ अ़फान्‌दा खोक्‍को आप्‍पि म़पुवान्‍चिन।

गलाति 5:13

ब़ब़, नाना खोन्‍कि निछाचि ओ, खानानिन ना य़ङ्‌हुप्‌दाङ्‌का फोङ्‌माओ निम्‍पाङ ऩबुत्‍तिन्‌ओ। मेन ओ फोङ्‌माय़ङ पोक्‌ओ हेवामि च़माथाङ्‌मादा मान्‌याङ्‌दानुम। मेन सोम्‍तुक्‍मादा अ़क्‍छा निएदा खानानिन ब़त्‍काब़त मुवानिन।

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

गलाति 6:9

अ़नुवाक काचि मुमाआ आन्‍कान म़होत्‍निन्‍ने, देकिनालो मोवात्‍नि आन्‍राक अ़स़निन्‌नालो तोङ्‌ओ अ़ग़रिदा आन्‍कान कोउम।

१ थेसलोनिकि 3:6

मेन तिमोथि खानानिन्‌एदाङ्‌का आन्‍कान्‍काएदा लासाबानायुङ्‌सा, खोन्‍कि आम्‍नुओ साकोङ्‌छ़ङ खोन्‍कि आम्‍नुओ सोमातुक्‍माओ अ़तुक्‌वादा नुय़ङ्‌खान आन्‍कान्‍काएदा बात्‍तुयुङ्‌सु। खानानिन्‌आ आन्‍कान्‍का अ़धुन सोमातुक्‌याङ्‌सा त़मित्‍निङ्‌निओ खोन्‍कि खानानिन आन्‍कान्‍का खाङ्‌मा स़न्‌येन्‍कावात्‍निङा खानानिन्‌छाङ आन्‍कान्‍का खाङ्‌मा त़स़न्‌येन्‌ओ य़ङ आन्‍कान्‍का खाअ़एत्‍तिन युङ्‌सिन्‍का,।

२ थेसलोनिकि 1:11

खोन्‌ओसा आम्‍नुओ निकि आन्‍कान्‍का अ़धुन यामारिन्‍का, आन्‍निनाम्‍हाङ्‌आ खानानिन ऩबुत्‍तिन्‌ओदा अ़नुवाक ह़ङ्‌म़ङ ह़ङ ऩमेत्‍तिन्‍ने। खोन्‍कि झारा आम्‍नुओ अ़नुवाक मित्‍चिऩङ खोन्‍कि साकोङ्‌छ़ङ्‌ओ काचि खोक्‍कोसोओ अ़चुसावालाम्‍पा ऩयाङ्‌सिन्‍प़न्‍ने।

२ थेसलोनिकि 1:3

ब़ब़, नाना खोन्‍कि निछाचि ओ, आम्‍नुओ निकिना अ़धुन आन्‍कान्‍का निनाम्‍हाङ आलाङ प़माङादोत, देकिनालो आम्‍नुओ सोम्‍कुवा च़लोक पोन्‌याङ, खोन्‍कि अ़क्‍छा निएदा झारासोओ आम्‍नुओ सोम्‍तुक्‍मा पोन्‌याङ।

१ तिमोथि 1:14

खोन्‍कि येसु ख्रिस्‍तएदाओ अ़ङ्‌साकोङ्‌छ़ङ खोन्‍कि अ़ङ्‌सोमातुक्‍माआ अ़ङ्‌को निम्‍पाङ आन्‍हाङ्‌पा येसुओ अ़चुसोम्‍तुक्‍मा च़लोक खाङ्‌ऩमेत्‍ताङ्‌युङ्‌साङ।

१ तिमोथि 2:3

आन्‍कान कालेन्‍पा निनाम्‍हाङ्‌ओ अ़चुखाङ्‌मादा ओ अ़नुवाक खोन्‍कि लोक्‍माखान्‍तुओ मुयाङ।

हिब्रु 10:36

निनाम्‍हाङ्‌ओ अ़चुमिन्‍मा तामालामा खोन्‍कि हिप्‍माय़ङ्‌ओसो अ़सिवा तोक्‍मा खानानिन दुखा आङ्‌मादोत।

हिब्रु 11:17

निनाम्‍हाङ्‌आ अब्राहाम अ़चिन्‍ताखाहिदा खोसाआ साकोङ्‌छ़ङ्‌लाम्‍पा अ़क्‍छा ओन्‍ङा ओ अ़छा इसहाक हेन्‍खोक्‌वा प़सि चुम्‍सान्‍चिन।

हिब्रु 13:21

खोक्‍कोसोओ अ़चुमिन्‍मा तामालामा रुवानुम निकिना झारा अ़नुवाक य़ङ्‌चिआ ऩयाङ्‌सिन्‍प़न्‍ने। दिसु य़ङ्‌आ निनाम्‍हाङ्‌ओ अ़चुऩङानुयाङ, येसु ख्रिस्‍तलाम्‍पा खोक्‍कोसाआ खानानिन्‌एदा ओ अ़मुने। अ़धुन-अ़धुन्‌तारि खोक्‍कोसोओ अ़चुऩङ्‌लोङ्‌ने! मोवात्‍निङा लिने।

हिब्रु 4:11

खोन्‌ओसा मो सावातोम्‍खादा वाङ्‌मा आन्‍कान अ़न्‍नुनु लामिन्‍ने, खोन्‍कि मोवाको लोमावा मान्‍च़दामादाङ्‌का साङ्‌छाङ अ़धानिन्‍खात्‍निन्‍ने।

हिब्रु 6:15

खोन्‍किना अब्राहाम आङ्‌याङ्‌सा खाहुङाकि निनाम्‍हाङ्‌आ अ़हिप्‍ताओ तोक्‍तु।

१ पत्रुस 3:4

आम्‍नुओ साकोङ्‌वा सिम्‍माय़ङ्‌आ खोन्‍कि सेवाङ्‌निओ लावाओ अ़लुक्‍निन्‌ओ चोङ्‌मायुआ चोङ्‌सानुम, मो निनाम्‍हाङ्‌ओ अ़चुबुदा अ़न्‍नुनु ब़द्‍धे अ़लुङ्‌ओ मुयाङ।

१ युहन्‍ना 3:18

अ़चुप्‍पो सोमातुक्‍नाङ्‌नानिन्‌ओ छाचि ओ, य़ङ्‌सिवा खोन्‍कि हान्‍माआ ओन्‍ङा आन्‍कान सोमातुक्‌अ़मुन्‍मिन्‍ने, मेन काचि खोन्‍कि अ़छ़ङ्‌आ सोमातुक्‍मुन्‍ने।

१ युहन्‍ना 3:21

सोमातुक्‍नाङ्‌नानिन्‌ओ यावाचि ओ, आन्‍साकोङ्‌वाआ आन्‍कान लाहि म़पाक्‍निन्‌नालो निनाम्‍हाङ्‌ओ अ़चुबुदा खात्‍मा आन्‍कान राक तोक्‍तुम।

१ युहन्‍ना 3:3

खोन्‍कि खोक्‍को म़सेङ्‌याङ्‌वात्‍निङा खोक्‍कोएदा सोम्‍कुवा कामुचि झारा आप्‍पि म़सेङ्‌नान्‍चिन।

१ युहन्‍ना 5:3

निनाम्‍हाङ्‌ओ अ़चुसोम्‍तुक्‍माओ अ़तुप्‌य़ङ ओङा ओ, आन्‍कान खोक्‍कोसोओ अ़चुओ लोमाय़ङ्‌चि काङ्‌सिन। खोन्‍कि खोक्‍कोसोओ अ़चुलोमाय़ङ्‌चिआ म़तिम्‍निन।

खाङ्‌मुमा 2:19

खानानिन त़मुम्‌योम्‍च़म्‌ओ अ़तुक्‌वाचि झारा सिन्‍तुङ्‌योङ्‌च़ङ। आम्‍नुओ सोमातुक्‍माचि, आम्‍नुओ साकोङ्‌छ़ङ्‌चि, आम्‍नुओ सेवाचि खोन्‍कि आम्‍नुओ आङ्‌माय़ङ्‌चि अ़ङ्‌का सिन्‍तुङ्‌योङ्‌च़ङ। आदेङ्‌ओ आम्‍नुओ काचिचि बुयाओदाङ्‌का च़लोक म़मुयाङ निकिना अ़ङ्‌का सिन्‍तुङ्‌योङ।

खाङ्‌मुमा 3:10

हान चिन्‍माय़ङ ओ हेन्‍खामादा कायुङ म़नाचि चिन्‍खाङ्‌सि झारा हेन्‍खामादा तामा मुयाङ। खानानिन्‌आ दुखा आङ्‌तानुम्‌निओ अ़ङ्‌लोमाय़ङ्‌वा त़च़न्‌ओसा चिन्‍माखाङ्‌माओ ग़रिदाङ्‌का अ़ङ्‌का खानानिन लेन्‍नानिन।