१ थेसलोनिकि 1:1 - बान्‍तावा राई

¹ पावल, सिलास खोन्‍कि तिमोथिएदाङ्‌का निनाम्‍हाङ पापा खोन्‍कि हाङ्‌पा येसु ख्रिस्‍तएदा साकोङ्‌छ़ङ कामु थेसलोनिकेदाओ साम्‍भुङ्‌एदा ओ छाप्‍लावा छाप्‍तुम्‌योम्‍का। निनाम्‍हाङ्‌आ खानानिन आसिखा ऩप़न्‍ने खोन्‍कि सेवाङ्‌नि ऩमुन्‍ने!

१ थेसलोनिकि 1:1 Iomraidhean Croise

छाम्‍माय़ङ 15:22

खोन्‍किना छाम्‍माय़ङ्‌चिकि ताङ्‌पाचि खोन्‍कि यरुसलेम साम्‍भुङ्‌दाओ झारा म़नाचि म़तोङाकि अ़चुरादाङ्‌का पावल खोन्‍कि बारनाबास्‌एनान एन्‍तिओखियादा देम्‌कापाङ म़नाचि खान्‍मा अ़छ़ङ अ़मुवा। खोचिआ बारसाबास्‌नि लोवाङाओ यहुदा खोन्‍कि सिलास म़छेन्‍तुचि। खोचि मो साकोङ्‌छ़ङ कामुचिएदाओ बुसुवाचि ओ।

छाम्‍माय़ङ 15:27

खोन्‌ओसा आन्‍कान्‍का यहुदा खोन्‍कि सिलास खानानिन्‌एदा बाइसुम्‌योम्‍च़म्‍का। आन्‍कान्‍का छाप्‍तुम्‍च़म्‍काओ य़ङ्‌चि खोचिआ अ़चुदोआछाङ खाऩएत्‍तिन।

छाम्‍माय़ङ 15:40

मेन पावल्‌आ सिलास छेन्‍तु, खोन्‍किना साकोङ्‌छ़ङ कामुचिआ निनाम्‍हाङ्‌ओ अ़चुछुक्‌दा म़लेत्‍तुछोक्‍तुचि, खोन्‍कि खोचि म़छुत्‍तुखाइसुचि।

छाम्‍माय़ङ 16:19

मेन मोसोओ अ़हाङ्‌पाचिआ अ़चुछेन्‍बि दुप्‍खा लाम सुवाओ अ़खाकि पावल खोन्‍कि सिलास म़लाउचिकि सहरादाओ बजारादाओ छाप्‍छेन्‍मिचिओ अ़चुबुदा मोचि म़सारुखात्‍तुचि।

छाम्‍माय़ङ 16:25

अ़दाक्‌वा खाखुत्‌दात्‍नि पावल खोन्‍कि सिलास यामात्‌याङ्‌सा निनाम्‍हाङ्‌ओ अ़चुसाम्‍ऱङ अ़लुवाङाचु। खोन्‍कि नि म़छेक्‍ताङाओ म़नाचिआ अ़एनाङा।

छाम्‍माय़ङ 16:29

खोन्‍कि छेक्‍खाखिम काखाङ्‌आ खाउप्‍खा दोरुकि खो छेक्‍खाखिम्‍हुत्‌या लोरावाङा, खोन्‍कि अ़क़माआ धुन्‌याङ्‌सा पावल खोन्‍कि सिलास्‌ओ अ़चुबुदा बोम्‍सान्‍चिन।

छाम्‍माय़ङ 17:11

मोदाओ यहुदिचि थेसलोनिकेदाओ म़नाचिदाङ्‌का ब़द्‍धे कासिम्‍नान्‍चिन म़मुवाङा। खोन्‍कि पावल्‌आ खालुसुओ निनाम्‍हाङ्‌य़ङ मोचिआ मिन्‍मा पाक्‍सा अ़एना। पावल्‌आ चिन्‍तुङुचिओ य़ङ अ़नुछ्‍या हे माआङ निकिना मोचिआ अ़लेन्‍खिन्‍तुम साम्‍कालिन अ़खिप्‍ताकि नुलोक अ़तोङ्‌साखाङा।

छाम्‍माय़ङ 18:5

खोन्‍किना सिलास खोन्‍कि तिमोथि माकेदोनिया धिखाहुप्‌दाङ्‌का तादिसाचि, खोन्‍कि पावल्‌आ यहुदिचि येसुङा ख्रिस्‍त म़मुयाङ्‌नि य़ङ्‌याङ्‌सा निनाम्‍हाङ य़ङ खाएत्‍मा काचिदा झारा अ़ग़रि पाउ।

छाम्‍माय़ङ 19:22

खोन्‍किना खो काफाचि ह़वाङ तिमोथि खोन्‍कि इरास्‍तस खोसाआ माकेदोनिया छुत्‍तुचि, खो ओन अ़क्‍चित्‌तारि एसियादाङा युङालारा।

छाम्‍माय़ङ 20:4

थोरेत्‌कापाङ म़नाचि पावल्‌एनान अ़क्‍नि म़कोला, मोचि बेरिया सहरादाओ पुरसओ अ़छा सोपात्रोस, थेसलोनिकेदाओ अरिस्‍तार्खस खोन्‍कि सिकन्‍दस खोन्‍कि दर्बिदाओ गायस खोन्‍कि तिमोथि खोन्‍किना एसिया धिखाहुप्‌दाङ्‌काओ तुखिकस खोन्‍कि त्रोफिमस म़याआङा।

रोमि 1:7

रोम्‌दा कायुङ खानानिन झारा अ़ङ्‌का छाप्‍नाङ्‌नानिन, निनाम्‍हाङ्‌आ सोमाऩतुक्‍तिन्‌येन्‌ओचि, खानानिन निनाम्‍हाङ्‌ओ अ़चुम़नाचि लिसि ऩबुत्‍तिन्‌युङ्‌सिन: आन्‍पापा निनाम्‍हाङ खोन्‍कि हाङ्‌पा येसु ख्रिस्‍तएदाङ्‌का खानानिन्‌आ सोम्‍तुक्‍मा खोन्‍कि सेवाङ्‌नि त़तोक्‍तुम्‍ने।

१ कोरिन्‍थि 1:2

अ़ङ्‌का ओ छाप्‍लावा खानानिन कोरिन्‍थ सहरादा कायुङ निनाम्‍हाङ्‌ओ अ़चुसाम्‍भुङ्‌चिदा छाप्‍नाङ्‌नानिन। खानानिन निनाम्‍हाङ्‌आ अ़चुओ म़सेङ्‌याङ्‌ओ म़नाचि लिसि ऩबुत्‍तिन। हाङ्‌पा येसु ख्रिस्‍तओ अ़चुऩङ काबुत झारादात्‍निओ म़नाचि खोक्‍कोसाआ म़सेङ्‌सुचिओवात्‍नि खानानिन्‌छाङ ख्रिस्‍त येसुलाम्‍पा सेङ्‌लो ऩमुन्‌युङ्‌सिन। येसुङा मोचिओ खोन्‍कि आन्‍हाङ्‌पा म़युङ्‌याङ।

२ कोरिन्‍थि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ पावल, खोन्‍कि आन्‍निछा तिमोथिएदाङ्‌का कोरिन्‍थदा कायुङ निनाम्‍हाङ्‌ओ अ़चुसाम्‍भुङ, खोन्‍कि झारादात्‍नि अखैयादा कायुङ झारा निनाम्‍हाङ्‌ओ अ़चुम़नाचि।

२ कोरिन्‍थि 1:19

देकिनालो सिलास, तिमोथि खोन्‍कि अ़ङ्‌का आम्‍नुओ रादा आन्‍कान्‍का खालुसुम्‍काओ निनाम्‍हाङ्‌ओ अ़चुओ छा येसु ख्रिस्‍त “अ़नुछ्‍या” खोन्‍कि “माआङ”ओ मान्‍मुयाङ। मेन खोक्‍कोएदा अ़धुन “अ़नुछ्‍या” ओन्‍ङा मुवाङा।

गलाति 1:2

अ़ङ्‌का खोन्‍कि अ़ङ्‌काएनान कायुङ झारा साकोङ्‌छ़ङ कामुचिआ गलातियादाओ साम्‍भुङ्‌चिओ निम्‍पाङ ओ छाप्‍तुङ्‌योङ।

गलाति 1:22

मोन्‍ग़रितारि यहुदियादाओ ख्रिस्‍तओ अ़चुसाम्‍भुङ्‌चिआ अ़ङ्‌का मान्‍खाङ्‌ऩयुक्‍ताङ।

एफिसि 1:2

आन्‍निनाम्‍हाङ पापा खोन्‍कि आन्‍हाङ्‌पा येसु ख्रिस्‍तदाङ्‌का सोमातुक्‍मा खोन्‍कि सेवाङ्‌नि लिसानिन।

फिलिप्‍पि 1:1

ओ छाप्‍लावा ख्रिस्‍त येसुओ अ़चुहारुक्‌चि पावल खोन्‍कि तिमोथिदाङ्‌का ओ। ख्रिस्‍त येसुदा अ़क्‍भोम त़लिसिन्‌ओ फिलिप्‍पिदा कायुङ धिताङ्‌पाचि खोन्‍कि साम्‍भुङ काफापाचि झारा निनाम्‍हाङ्‌ओ अ़चुम़नाचि अ़ङ्‌का छाप्‍तुङ्‌योङ्‌ओ।

कलस्‍सि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ लिसाङ्‌ओ अ़ङ्‌का पावल खोन्‍कि आन्‍निछा तिमोथिआ,

२ थेसलोनिकि 1:1

पावल, सिलास खोन्‍कि तिमोथिएदाङ्‌का आन्‍निनाम्‍हाङ पापा खोन्‍कि हाङ्‌पा येसु ख्रिस्‍तदा साकोङ्‌छ़ङ कामु थेसलोनिकेदाओ साम्‍भुङ्‌एदा ओ छाप्‍लावा छाप्‍तुम्‍का।

१ तिमोथि 1:2

ओ छाप्‍लावा साकोङ्‌छ़ङ्‌दा अ़नुछ्‍याओ अ़ङ्‌छा तिमोथिओ निम्‍पाङ ओ छाप्‍लावा छाप्‍तुङ्‌योङ। निनाम्‍हाङ पापा खोन्‍कि आन्‍ख्रिस्‍त येसुआ खाना नुलोक ऩमुने, सोमाऩतुक्‍ने खोन्‍कि सेवाङ्‌नि ऩमुने।

२ तिमोथि 1:2

अ़ङ्‌का अ़ङ्‌छावात्‍नि सोमातुक्‍नाङ्‌नाओ तिमोथि खाना ओ छाप्‍लावा छाप्‍नाङ्‌ना। आन्‍पापा निनाम्‍हाङ खोन्‍कि आन्‍हाङ्‌पा येसु ख्रिस्‍तआ खाना सोमातुक्‍मा, फामामिन्‍मा खोन्‍कि सेवाङ्‌नि ऩप़ने।

हिब्रु 13:23

आन्‍निछा तिमोथि छेक्‍खादाङ्‌का लोन्‍तायुङ्‌सानि खानानिन सिन्‍मेत्‍मा स़ङाङा। खो च़क्‍नि बान्‌नालो अ़ङ्‌का खोक्‍कोएनान अ़क्‍नि खानानिन तुप्‍सि बान्‍ङा।

१ पत्रुस 5:12

सोम्‍कुवा मुमा खान्‍तुओ निछा सिलास्‌ओ अ़फामालाम्‍पा ओ थुत्‍मेत्‍लो छाप्‍लावा अ़ङ्‌का छाप्‍तुङ्‌योङ। खानानिन राक प़नानिन खोन्‍कि खाएत्‍नानिन, निनाम्‍हाङ्‌ओ अ़छ़ङ अ़चुसोमातुक्‍मा ओङा ओ। ओदाङा खानानिन युङायाक्‍तानिन।

१ युहन्‍ना 1:3

मो आन्‍कान्‍का खाम्‍काओ खोन्‍कि एनुम्‌युङ्‌सुम्‍काओ, आन्‍कान्‍का खानानिन्‌छाङ खाएत्‍निङ्‌नि, खोवात्‍निओसा आन्‍कान्‍काएनान आम्‍नुओ यावायोक लिने। खोन्‍कि आन्‌यावायोक निनाम्‍हाङ पापा खोन्‍कि खोक्‍कोसोओ अ़चुछा येसु ख्रिस्‍तएनान ओ।

यहुदा 1:1

अ़ङ्‌का येसु ख्रिस्‍तओ अ़चुहारुक खोन्‍कि याकुब्‌ओ अ़निछा यहुदा ओ। याकुब्‌ओ अ़निछा ओ। निनाम्‍हाङ्‌आ खा-खाक्‍कोचि म़बुत्‍तुचि, निनाम्‍हाङ पापाओ अ़चुसोमातुक्‍मादा कायुङ्‌चि खोन्‍कि येसु ख्रिस्‍तआ म़रात्‍तुचिओचिओ निम्‍पाङ अ़ङ्‌का ओ छाप्‍लावा छाप्‍तुङ्‌योङ।