१ पत्रुस 2:5 - बान्‍तावा राई

⁵ खोन्‍कि खानानिन्‌छाङ येसु ख्रिस्‍तलाम्‍पा निनाम्‍हाङ्‌आ लोक्‍माखान्‍तुओ लावामि हेन्‍खोक्‌वाचि काधान सेङ्‌याङ्‌ओ काब़क्‍पा लिमा निम्‍पाङ अ़ह़ङ लुङ्‌चिवात्‍नि लावामि खिम लियाङ्‌सा त़खारिन।

१ पत्रुस 2:5 Iomraidhean Croise

रोमि 12:1

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

रोमि 15:16

निनाम्‍हाङ्‌ओ अ़चुआसिखालाम्‍पा अ़ङ्‌का येसु ख्रिस्‍तओ अ़चुतुक्‌वादा निरावा म़नाचि नुय़ङ्‌खान खाएत्‍तुङ्‌च़ङ। ओवात्‍नि, अ़ङ्‌का अ़क्‍छा काब़क्‍पा लिसाङ्‌किना निनाम्‍हाङ्‌ओ अ़चुऩङानुओ हेन्‍खोक्‌वा प़सि निरावाचि खोक्‍कोसोओ अ़चुबुदा बात्‍तुङ्‌च़ङ। मोचि सेङ्‌लावाआ सेङ्‌लो म़मुयुङ्‌सुचिओ।

१ कोरिन्‍थि 3:16

दि खानानिन निनाम्‍हाङ्‌ओ अ़चुब़क्‍खाखिम खोन्‍कि निनाम्‍हाङ्‌ओ अ़चुलावा खानानिन्‌एदा म़याक निकिना त़सिन्‍तिमिन्‌येन?

१ कोरिन्‍थि 3:9

देकिनालो आन्‍काच्‍या ना निनाम्‍हाङ्‌ओ निम्‍पाङ अ़क्‍नि अ़चुकाचि कामुचिओ। खानानिन निनाम्‍हाङ्‌ओ अ़चुव़क ओ, निनाम्‍हाङ्‌ओ अ़चुखिम्‌ओ।

१ कोरिन्‍थि 6:19

आम्‍नुओ पोक निनाम्‍हाङ्‌ओ सेङ्‌लावाओ अ़चुब़क्‍खाखिम्‌ओ निकिना दि खानानिन त़सिन्‍तिमिन्‌येन? मो सेङ्‌लावा खानानिन्‌आ निनाम्‍हाङ्‌दाङ्‌का त़तोक्‍तुम्‌युङ्‌सुम, खोन्‍कि खोक्‍को खानानिन्‌एदा म़याक। खानानिन्‌छाङ आम्‍नुओ माआङ।

२ कोरिन्‍थि 6:16

सेम्‍पोक्‌एनान निनाम्‍हाङ्‌ओ अ़चुब़क्‍खाखिम देत्‍नि तोङ्‌मा? देकिनालो आन्‍कान अ़ह़ङ निनाम्‍हाङ्‌ओ अ़चुब़क्‍खाखिम ओ। निनाम्‍हाङ ओवात्‍नि म़य़ङायुङ्‌सा, “‘अ़ङ्‌का मोचिएदा याक्‍ङा, खोन्‍कि मोचिओ अ़चुरादा कोन्‍ङा, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍किना मोचि अ़ङ्‌म़ना म़लि।’

गलाति 6:10

खोन्‌ओसा आन्‍कान ग़रि तोक्‍तुम्‌वा झारा म़नाचि नुलोक मुम्‍च़म्‍ने, च़लोक्‌वा आन्‍साकोङ्‌छ़ङ्‌लुम्‍पादाओचि।

फिलिप्‍पि 1:11

निनाम्‍हाङ्‌ओ अ़चुसाऩङ्‌वा खोन्‍कि अ़चुऩङ्‌चोन्‍माओ निम्‍पाङ येसु ख्रिस्‍तलाम्‍पा ताओ अ़नुवाक काचि सिवाआ खानानिन भेप्‌याङ्‌सा त़खारिन्‍ने।

फिलिप्‍पि 2:17

मेन मोवात्‍नि आम्‍नुओ साकोङ्‌छ़ङ्‌ओ हेन्‍खोक्‌वादा अ़ङ्‌कोछाङ ह़ हेन्‍खोक्‌वावात्‍नि सोन्‌नुछाङ, अ़ङ्‌का अ़ङ्‌ऩङानु, खोन्‍कि खानानिन झाराएनान अ़ङ्‌सोम्‍स़।

फिलिप्‍पि 4:18

अ़ङ्‌का तोक्‍मादोत्‌ओदाङ्‌का च़लोक्‌ङा तोक्‍तुङ्‌युङ्‌सुङ। इपाफ्रोदितस्‌लाम्‍पा त़छोक्‍निओ आम्‍नुओ छुक्‍तुप्‍मा अ़ङ्‌का तोक्‍तुङ्‌युङ्‌सुङ। मो निनाम्‍हाङ्‌ओ अ़चुऩङानुओ नाम्‍नुओ अ़सुङ अ़क्‌तात लोक्‍माखान्‍तुओ हेन्‍खोक्‌वा ओ।

कलस्‍सि 3:17

दे-दे त़य़ङिन, दे-दे त़च़न, मो झारा हाङ्‌पा येसुओ अ़चुऩङ्‌दा खोक्‍कोलाम्‍पा निनाम्‍हाङ पापा आलाङ प़याङ्‌सा मुवानुम।

१ तिमोथि 3:15

मेन अ़ङ्‌का बान्‍मा छ़ङानालो निनाम्‍हाङ्‌ओ अ़चुखिम्‍लुम्‍पादा देत्‍नि तुङ्‌मादोत मो खानानिन सिन्‍मादोत। ओ खिम्‍लुम्‍पा अ़ह़ङ निनाम्‍हाङ्‌ओ अ़चुसाम्‍भुङ ओ, खोन्‍कि अ़नुछ्‍याओ अ़तोम्‍खा खोन्‍कि छ़ङ ओ।

हिब्रु 3:6

मेन ख्रिस्‍त निनाम्‍हाङ्‌ओ अ़चुखिम्‌दा पाङ कामु छावात्‍नि सोम्‍कुवा मुमा खान्‍तुओ म़मुयाङ। खोन्‍कि आन्‍कान तोक्‍पो लिमायु आन्‍राक खोन्‍कि ख्रिस्‍तएदाओ आन्‍सोम्‍कुवा क़क्‍तुम्‌युङ्‌सुम्‌नालो आन्‍कान खोक्‍कोसोओ अ़चुखिम्‌दाओ म़नाचि ओ।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

१ पत्रुस 4:11

साङ चेप्‌नालो निनाम्‍हाङ्‌ओ अ़चुय़ङ खालुसिन्‌वा चेप्‍ने। काब़त निनाम्‍हाङ्‌आ प़माय़ङ्‌ओ सावालाम्‍पा ब़रुने। ओवात्‍नि झारा य़ङ्‌दा येसु ख्रिस्‍तलाम्‍पा निनाम्‍हाङ्‌ओ अ़चुऩङ चोन्‍ने। तोक्‍पो सावा खोन्‍कि अ़चुऩङ्‌चोन्‍मा अ़धुन-अ़धुन्‌तारि खोक्‍कोसोओ लियुङ्‌ने। मोवात्‍निङा लिने!

१ पत्रुस 4:17

देकिनालो छ़ङ्‌छेन्‍मा निनाम्‍हाङ्‌ओ अ़चुम़नाचिदाङ्‌का पुङ्‌मा ग़रि ताचिआयुङ्‌सा। खोन्‍कि ओ छ़ङ्‌छेन्‍मा आन्‍कान्‌एदाङ्‌काङा पुङ्‌नालो निनाम्‍हाङ्‌ओ अ़चुनुय़ङ्‌खान्‌दा लोमावा मान्‍च़कादाचिओ अ़चुछ़ङ्‌छेन्‍मा देत्‍नि लि?

खाङ्‌मुमा 1:6

खोक्‍कोसाआ आन्‍कान अ़चुहाङ्‌होन्‌ओ म़नाचि म़मुवायुङ्‌सा, खोन्‍कि निनाम्‍हाङ खोन्‍कि अ़चुपाओ काब़क्‌चि म़मुवायुङ्‌सा। येसु ख्रिस्‍तओ झारा अ़चुऩङ्‌लोङ्‌मा खोन्‍कि सावा अ़धुन-अ़धुन्‌तारि युङ्‌युङ्‌ने! ओवात्‍निङा लिने।

खाङ्‌मुमा 20:6

बुयाओ खोन्‍मालोन्‍माय़ङ्‌दा कावाङ्‌चि आसिखा कातोक खोन्‍कि म़सेङ्‌याङ्‌ओचि ओ! ओचि ह्‍वातात्‌ओतात स़माओ अ़सावाआ देत्‍छाङ मुमा अ़ऱन्‍चिन, मेन मोचि निनाम्‍हाङ खोन्‍कि ख्रिस्‍तओ अ़चुकाब़क म़लि, खोन्‍कि खोक्‍कोएनान अ़क हजाराकादोङ्‌तारि हाङ म़मु।

खाङ्‌मुमा 3:12

साङ्‌चि म़छो, अ़ङ्‌निनाम्‍हाङ्‌ओ अ़चुब़क्‍खाखिम्‌दाओ अ़खाबो अ़ङ्‌का मोचि मुङ्‌च़ङ। खोचि मोदाङ्‌का देम्‍खाछाङ बुङ्‌खादा ऩलानिन्‍लोन्‍निन। अ़ङ्‌का मोचिएदा अ़ङ्‌निनाम्‍हाङ्‌ओ अ़चुओ ऩङ छाप्‍तुङ, खोन्‍कि अ़ङ्‌निनाम्‍हाङ्‌ओ अ़चुसहराओ अ़ऩङ, अ़ऩङ्‌वा यरुसलेम छाप्‍तुङ। मो अ़ङ्‌निनाम्‍हाङ्‌दाङ्‌का निनाम्‍मादुङ्‌का ह्‍युना य़, खोन्‍कि आप्‍पि अ़ऩङ्‌वा अ़ङ्‌ऩङ्‌छाङ मोचिएदा छाप्‍तुङ।

खाङ्‌मुमा 5:10

खोन्‍कि मोचि अ़क्‌तात हाङ्‌होन खोन्‍कि आन्‍काओ निनाम्‍हाङ काब़क्‌चि त़मुम्‌युङ्‌सुम्‍च़म, खोन्‍कि मोचि हेन्‍खामादा हाङ्‌म़मु।”