१ पत्रुस 1:4 - बान्‍तावा राई

⁴ आम्‍नुओ निकि देम्‍खाछाङ अ़लुक्‍निन्‍खात्‍निन्‌ओ खोन्‍कि मान्‍पोप्‌ओ खोन्‍कि अ़युन्‍निन्‍खात्‍निन्‌ओ पाङ्‌यि निनाम्‍मादु युङ्‌सायुङ्‌सा।

१ पत्रुस 1:4 Iomraidhean Croise

मत्‍ति 25:34

खोन्‍किना हाङ्‌आ अ़चुचुप्‍ताङ्‌छुक्‍लिप्‍पाओचि म़लोचि, ‘बानानिन, अ़ङ्‌पापाओ अ़चुआसिखा कातोक्‌चि ओ! हेन्‍खामा मुन्‍माय़ङ ग़रिदाङ्‌काङा आम्‍नुओ निम्‍पाङ चुम्‍सायुङ्‌साओ हाङ्‌होन्‌दा त़वाङिन।

मर्कुस 10:17

खोन्‍कि येसु मोदाङ्‌का खात्‍मा म़मुवाङाहिदा अ़क्‍छा म़ना लोत्‌याङ्‌सा ताकि खोक्‍कोसोओ अ़चुबुदा अ़तुम्‍प़छ़क तोम्‍तु, खोन्‍कि खोक्‍को सेनु, “अ़नुवाक काचिन्‍पो, अ़लुक्‍निन्‌ओ ह़ङ्‌म़ङ तोक्‍मा अ़ङ्‌का दे च़मादोत?”

छाम्‍माय़ङ 20:32

हान अ़ङ्‌का खानानिन निनाम्‍हाङ्‌ओ खोन्‍कि खोक्‍कोसोओ अ़चुसोम्‍तुक्‍माओ य़ङ्‌दा पाक्‍नाङ्‌नानिन। निनाम्‍हाङ्‌ओ अ़चुय़ङ्‌आ खानानिन येसुएदा साकोङ्‌छ़ङ नुलोक मुमा त़ऱन्‍ने खोन्‍कि म़सेङ्‌सुचिओ झारा म़नाचिओ अ़चुरादा खानानिन आसिखा ऩप़न्‍ने।

छाम्‍माय़ङ 26:18

खाना मोचि निनाम्‍हाङ्‌ओ अ़चुय़ङ चिन्‍तुचि, खोन्‍कि कुइयामादाङ्‌का उयाङ्‌ओदाकि सैतानाओ अ़सावादाङ्‌का निनाम्‍हाङ्‌एदा म़लाने। खोन्‍किना मोचि अ़ङ्‌काएदा मोचिओ अ़चुहेवाचि निनाम्‍हाङ्‌आ म़लेत्‍तुप़चिकिना अ़ङ्‌काएदाओ साकोङ्‌छ़ङ्‌लाम्‍पा म़सेङाकि निनाम्‍हाङ्‌आ म़छेन्‍तुचिओ म़नाचिओ अ़चुरादा मोचिआ युङ्‌मा अ़तोक।’

रोमि 8:17

हान आन्‍कान अ़चुछाचि ओनालो आन्‍कान अ़चुपाङ्‌यिचिछाङ ओ। अ़नुछ्‍याङा निनाम्‍हाङ्‌ओ अ़चुपाङ्‌यि खोन्‍कि ख्रिस्‍तएनान अ़क्‍नि पाङ्‌यिचि ओ। खोक्‍कोएनान अ़क्‍नि आन्‍कान दुखा आङ्‌तुम्‌नालो आन्‍कान खोक्‍कोओसो अ़चुसाम्‌छाङ तोक्‍तुम।

१ कोरिन्‍थि 9:25

होरा मेत्‍मादा कावाङ झारा क़म्‍मान्‍चिन्‍दोत। मोचि लुक्‍खात्‌ओ ताङ्‌बोप्‍खा तोक्‍माओ निम्‍पाङ ओवात्‍नि म़च़याङ, मेन आन्‍कान देम्‍खाछाङ अ़लुक्‍निन्‍खात्‍निन्‌ओ ताङ्‌बोप्‍खा तोक्‍माओ निम्‍पाङ ओवात्‍नि च़न्‌येन।

गलाति 3:18

देकिनालो पाङ्‌यि य़ङ्‌हुप त़ङ्‌तुम्‌कि तानालो हिप्‍माय़ङ्‌लाम्‍पा ओ देम्‍खाछाङ अ़तोक्‍तिमिन। मेन निनाम्‍हाङ्‌आ हिप्‍माय़ङ्‌लाम्‍पाङा अब्राहाम पाङ्‌यि अ़पुवा।

एफिसि 1:11

खोक्‍कोसोओ अ़चुमित्‍चिऩङ्‌वा झारा य़ङ्‌चि खोक्‍कोसोओ अ़चुमिन्‍माओ यायोक्‌वा म़तासुलाचि।

एफिसि 1:14

निनाम्‍हाङ्‌ओ अ़चुचासुम्‍छेन्‍बि माङ्‌लो आन्‍लेन्‍मा मान्‍तोक्‌युक्‍तुम्‌ओन खोक्‍कोसोओ अ़चुसाम चोन्‍माओ निम्‍पाङ सेङ्‌लावा आन्‍पाङ्‌यिओ अ़छ़ङ चिनोयाङ ओ।

एफिसि 1:18

अ़ङ्‌का ओसोओ निम्‍पाङ्‌छाङ यामात्‍ङा, आम्‍नुओ साकोङ्‌वादाओ म़क छेङ्‌छेङ्‌छेङ्‌वा लिने, खोन्‍कि दिसु सोम्‍कुवाओ निम्‍पाङ खोक्‍कोसाआ खानानिन ऩबुत्‍तिन्‌युङ्‌सिन, खोन्‍कि निनाम्‍हाङ्‌ओ अ़चुम़नाचिएदा खोक्‍कोसोओ साम्‍स़रिओ पाङ्‌यि तोक्‍माओ चासुम्‍छेन्‍बि दि ओ, मो खानानिन्‌आ सिन्‍मा त़ऱम।

कलस्‍सि 1:12

खोन्‍कि साम्‌ओ हाङ्‌होन्‌दा आन्‍कान निनाम्‍हाङ्‌ओ अ़चुम़नाचि लिमा काऱ कामु निनाम्‍हाङ पापा आलाङ पुवानुम।

कलस्‍सि 1:5

निनाम्‍हाङ्‌आ आम्‍नुओ निम्‍पाङ निनाम्‍मादु अ़युङ्‌साओ आसिखा अ़नुछ्‍याङा त़तोक्‍तुम निकिना त़मित्‍तुम्‌युङ्‌सुम्‌योम्‌ओसा खानानिन्‌आ मोवात्‍नि सोमात़तुक्‍तुम्‌युङ्‌सुम्‌योम्‌ओ। मो आसिखाओ अ़तुक्‌वादा खानानिन बुयाङा अ़छ़ङ्‌य़ङ माङ्‌लो नुय़ङ्‌खान्‌दा त़एनुम्‌युङ्‌सुम।

कलस्‍सि 3:24

खानानिन त़सिन्‍तुम्‌योम, निनाम्‍हाङ्‌आ आप्‍पिओ अ़चुम़नाचिओ निम्‍पाङ अ़युङ्‌साओ सिरिफा त़तोक्‍तुम। मित्‍तानुम, खानानिन्‌आ हाङ्‌पा येसु ख्रिस्‍त त़ब़रुम्‌योम।

२ तिमोथि 4:8

हान्‌दाङ्‌का मोह्‍यात्‍नि अ़ङ्‌को निम्‍पाङ साम्‌योक्‍मिओ सिरिफा युङ्‌सायुङ्‌सा। मो साम्‌योक्‍मिओ छ़ङ्‌काछेन हाङ्‌पाआ मो लेन अ़ङ्‌का ऩप़ङा, खोन्‍कि अ़ङ्‌का ओन्‍ङा माआङ, मेन खोक्‍कोसोओ अ़चुलामातामा सोमाकातुक झारा म़प़चि।

हिब्रु 10:34

म़छेक्‍ताङाओचि खानानिन सोमात़तुक्‍तुम्‍च़म। आम्‍नुओ चासुम्‍छेन्‍बि ऩङाप्‍तिन्‌हिदाछाङ आम्‍नुओ ऩङानुयाङ्‌सा त़आङ्‌तुम, देकिनालो खानानिन त़सिन्‍तुम्‌योम आम्‍नुओ झारासोओ अ़नुवाक चासुम्‍छेन्‍बि युङ्‌याङ, मो अ़धुन्‌तारि युङ्‌युङ।

हिब्रु 9:15

खोन्‌ओसा खोक्‍को निनाम्‍हाङ खोन्‍कि म़नाओ अ़चुरादाओ अ़ऩङ्‌वा य़ङ्‌छ़ङ कातुम म़मुयाङ। मोवात्‍नि म़बुत्‍तुचिओचिआ निनाम्‍हाङ्‌आ म़हिप्‍तुचिओ अ़धुन्‌ओ आसिखाचि तोक्‍मा अ़ऱ। देकिनालो बुयाओ य़ङ्‌छ़ङ्‌दा मोचिआ अ़फिसाओ हेवाओ दन्‍दादाङ्‌का फोङ्‌सि येसु म़सुवाचिआयुङ्‌सा।

याकुब 1:11

देकिनालो अ़राङ्‌खाखान्‍खा उप्‍लाक्‌वाएनान नाम लोन खोन्‍कि चाच़ङ युलुखाइसु। बुङ्‌वा धाखात खोन्‍कि मोसोओ अ़खान्‍नुमा लुक्‍खात। मोवात्‍निङा कातोक म़नाछाङ अ़काचिचि मुङुचिहिदाङा युन्‍खात।

१ पत्रुस 3:9

अ़त्‍लोओ अ़फान्‌दा अ़त्‍लो मान्‍च़दानिन, माङ्‌लो रुफोक्‍माओ अ़फान्‌दा रुमान्‍फोक्‍दानिन, मेन मोसोओ अ़फान्‌दा आसिखा पुवानुम्‍च़म। देकिनालो ओसोओ निम्‍पाङ निनाम्‍हाङ्‌आ खानानिन ऩबुत्‍तिन्‌ओ, खोन्‌ओसा आसिखा तोक्‍तानुम।

१ पत्रुस 5:4

खोन्‍कि मुलो काखाङ्‌पा खाङ्‌म़मुनान्‍चिन्‌हिदा देम्‍खाछाङ अ़युन्‍निन्‍खात्‍निन्‌ओ ऩङ्‌लोङ्‌माओ सिरिफा त़तोक्‍तुम।

खाङ्‌मुमा 21:27

थुबाछाओ ह़ङ्‌म़ङ्‌ओ छाप्‍लाखादा अ़चुऩङ म़छाप्‍ताओचि मोदा वाङ्‌मा म़ऱ, मेन म़पोप्‍ताओचि, चिप्‍माकात्‍तुओचि खोन्‍कि सोज्‍जे काचेप्‌चि मोदा वाङ्‌मा ऱमाइऩऱनिन।