१ पत्रुस 1:2 - बान्‍तावा राई

² निनाम्‍हाङ पापाआ बुयादाङ्‌का खानानिन ऩसिन्‍तिन्‌कि ऩछेन्‍तिन, खोन्‍कि अ़चुलावालाम्‍पा खानानिन सेङानिन। खोन्‌ओसा निनाम्‍हाङ्‌ओ अ़चुलोमाय़ङ्‌वा खानानिन चुवानिन, खोन्‍कि येसु ख्रिस्‍तओ अ़चुह़आ रेप्‍तानिन्‍चिन। खानानिन्‌एदा सोम्‍तुक्‍मा खोन्‍कि सेवाङ्‌नि च़लोक पोन्‌याङ्‌सा खात्‍ने।

१ पत्रुस 1:2 Iomraidhean Croise

मत्‍ति 24:22

मो लेन्‌चि मान्‍दुन्‍म़दोचिओ खाङ्‌दे साङ्‌छाङ ह़ङ्‌मा मान्‍ऱचिओ, मेन निनाम्‍हाङ्‌आ म़छेन्‍तुचिओ म़नाचिओ निम्‍पाङ मो लेन्‌चि म़दुइसुचि।

मत्‍ति 24:24

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ अ़धिवो बुन्‌चि खोन्‍कि म़दोम्‍दाओ काचिचिछाङ म़मुचि।

मत्‍ति 24:31

खोक्‍कोसाआ निनाम्‍हाङ काफाचि थुथुरिओ अ़धिवो अ़साङ्‌माएनान म़छुत्‍तुचि, खोन्‍कि मोचिआ हेन्‍खामादाओ अ़क च़क्‌दाङ्‌का नि च़क्‌तारिओचि झारादात्‍निओ निनाम्‍हाङ्‌आ म़छेन्‍तुचिओचि म़कोउचि।

मर्कुस 13:20

हाङ्‌पा निनाम्‍हाङ्‌आ मो लेन्‌चि मान्‍दुन्‍म़दोचिओ खाङ्‌दे साङ्‌छाङ ह़ङ्‌मा मान्‍ऱचिओ। मेन म़छेन्‍तुचिओ म़नाचिओ निम्‍पाङ निनाम्‍हाङ्‌आ मो लेन्‌चि म़दुइसुचि।

मर्कुस 13:22

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ बुन्‌चि खोन्‍कि म़दोम्‍दाओ काचिचिछाङ म़मुचि।

मर्कुस 13:27

खोन्‍कि खोक्‍कोसाआ निनाम्‍हाङ काफाचि म़छुत्‍तुचिकि झारा हेन्‍खामादाओ खोन्‍कि नाम्‍छ़ऱदु अ़क्‍च़क्‌दाङ्‌का नि च़क्‌तारिओचि झारादात्‍निओ निनाम्‍हाङ्‌आ म़छेन्‍तुचिओचि म़कोउचि।

लुका 18:7

निनाम्‍हाङ्‌आ म़छेन्‍तुचिओचिआ अ़खाखुत-अ़खोलेन छुक म़फाङ्‍ओ य़ङ्‌दा दि खोक्‍कोसाआ छ़ङ ऩछेन्‍तुन्‍प़न्‍चिन कि? खोन्‍कि दि मोचिओ निकि खोक्‍को स़लेनि म़च़ कि?

छाम्‍माय़ङ 15:18

निनाम्‍हाङ्‌आ ब़द्‍धे बुयाङा ओ य़ङ्‌चि खाअ़लुसायुङ्‌सा।’

छाम्‍माय़ङ 2:23

निनाम्‍हाङ्‌आ अ़मुवाओ अ़चुमित्‍चिऩङ्‌वात्‍नि खोन्‍कि आदेङ लिओ काचि सिन्‍मा अ़चुतायालाम्‍पा ओ येसु ख्रिस्‍त खानानिन ऩप़न्‌युङ्‌सिन। मेन खानानिन्‌आ निनाम्‍हाङ्‌ओ अ़य़ङ्‌हुप्‌वा मान्‍च़कादाचिओ अ़चुछुक्‌दा येसु त़पाक्‍तुम्‍प़म्‍च़म, खोन्‍कि मोचि खोक्‍को क्रुस्‌दा ख़न्‍सेत्‍त़मेत्‍तुम्‍च़म।

छाम्‍माय़ङ 20:32

हान अ़ङ्‌का खानानिन निनाम्‍हाङ्‌ओ खोन्‍कि खोक्‍कोसोओ अ़चुसोम्‍तुक्‍माओ य़ङ्‌दा पाक्‍नाङ्‌नानिन। निनाम्‍हाङ्‌ओ अ़चुय़ङ्‌आ खानानिन येसुएदा साकोङ्‌छ़ङ नुलोक मुमा त़ऱन्‍ने खोन्‍कि म़सेङ्‌सुचिओ झारा म़नाचिओ अ़चुरादा खानानिन आसिखा ऩप़न्‍ने।

रोमि 1:5

आन्‍हाङ्‌पा येसु ख्रिस्‍तलाम्‍पा निनाम्‍हाङ्‌आ आन्‍कान सोमाम़तुक्‍ताकि छाम्‍माय़ङ लिमाओ अ़वाखाम म़पुवायुङ्‌सा, खोन्‌ओसा झारा रावाओ म़नाचि साकोङ्‌छ़ङ्‌दा खोन्‍कि लोमाय़ङ्‌दा तित्‍मा ऱम्‍च़म्‌कि निनाम्‍हाङ्‌ओ अ़चुऩङ अ़लोङ्‌ने।

रोमि 1:7

रोम्‌दा कायुङ खानानिन झारा अ़ङ्‌का छाप्‍नाङ्‌नानिन, निनाम्‍हाङ्‌आ सोमाऩतुक्‍तिन्‌येन्‌ओचि, खानानिन निनाम्‍हाङ्‌ओ अ़चुम़नाचि लिसि ऩबुत्‍तिन्‌युङ्‌सिन: आन्‍पापा निनाम्‍हाङ खोन्‍कि हाङ्‌पा येसु ख्रिस्‍तएदाङ्‌का खानानिन्‌आ सोम्‍तुक्‍मा खोन्‍कि सेवाङ्‌नि त़तोक्‍तुम्‍ने।

रोमि 11:2

निनाम्‍हाङ्‌आ बुया म़छेन्‍तुचिओ अ़चुम़नाचि ऩङामान्‍छित्‍म़दोचि। एलियाओ अ़तुक्‌वादा साम्‍कालिन दे य़ङ्‌याङ, दि खानानिन त़सिन्‍तिमिन? खोसाआ इस्राएल्‌ओ अ़देङ्‌सालाप्‍पादा निनाम्‍हाङ्‌एदा देत्‍नि यामात?

रोमि 11:28

यहुदिचि नुय़ङ्‌खान लोक्‍मा म़छुन्‍ता। खोन्‌ओसा मोचि निनाम्‍हाङ्‌ओ अ़चुङेङ्‌चि म़लिसा। ओसाआ खानानिन निरावाचि नुलोक त़लिसिन। मेन हान्‍छाङ यहुदिचि निनाम्‍हाङ्‌आ म़छेन्‍तुचिओ म़नाचिङा ओ खोन्‍कि निनाम्‍हाङ्‌आ ब़द्‍धे सोमाम़तुक्‍तुचि, देकिनालो खोक्‍कोसाआ अ़चुसुन्‍तुम्‌चिएदा म़हिप्‍तुचिओ।

रोमि 15:16

निनाम्‍हाङ्‌ओ अ़चुआसिखालाम्‍पा अ़ङ्‌का येसु ख्रिस्‍तओ अ़चुतुक्‌वादा निरावा म़नाचि नुय़ङ्‌खान खाएत्‍तुङ्‌च़ङ। ओवात्‍नि, अ़ङ्‌का अ़क्‍छा काब़क्‍पा लिसाङ्‌किना निनाम्‍हाङ्‌ओ अ़चुऩङानुओ हेन्‍खोक्‌वा प़सि निरावाचि खोक्‍कोसोओ अ़चुबुदा बात्‍तुङ्‌च़ङ। मोचि सेङ्‌लावाआ सेङ्‌लो म़मुयुङ्‌सुचिओ।

रोमि 16:19

झारा म़नाचिआ आम्‍नुओ लोमावा मुमाओ अ़तुक्‌वादा अ़एनायुङ्‌सा, खोन्‌ओसा अ़न्‍नुनु अ़ङ्‌ऩङानुयाङ। मेन दि अ़नुवाक मुयाङ, मोसोओ अ़तुक्‌वादा खारु कातोक खानानिन लिसानिन, खोन्‍कि दि अ़अ़त्‍पा मुयाङ, मोसोओ अ़तुक्‌वादा लाहि मात्‍द़ङ्‌ओ लिसानिन्‌नि अ़ङ्‌का मिन्‍ङा।

रोमि 16:26

मेन हान अ़धुन युङ्‌युङ्‌ओ निनाम्‍हाङ्‌ओ अ़चुलोमाय़ङ्‌वा निनाम्‍हाङ्‌य़ङ खाकालुचिओ अ़चुछाप्‍माचिलाम्‍पा खाङ्‌म़मेत्‍तुयुङ्‌सुचि खोन्‍कि झारा रावाचि सिन्‍म़मेत्‍तुयुङ्‌सुचि, खोन्‌ओसा मोचि साकोङ्‌छ़ङ म़मुने, खोन्‍कि लोमावा च़मा म़ऱने।

रोमि 8:13

देकिनालो हेवामि मित्‍मावात्‍नि त़ह़ङिन्‌नालो खानानिन त़स़न, मेन सेङ्‌लावालाम्‍पा पोक्‌ओ हेवामि काचिचि त़लुक्‍तुम्‍च़म्‌नालो खानानिन त़ह़ङिन।

रोमि 8:33

निनाम्‍हाङ्‌आ म़छेन्‍तुचिओ म़नाचिओ अ़चुदेङ्‌सालाप्‍पादा साङ्‌आ लाहि पाक्‍तुचि? साङ्‌आछाङ माआङ, देकिनालो निनाम्‍हाङ्‌आङा साम्‌योक्‍मि म़मुयुङ्‌सुचि।

१ कोरिन्‍थि 1:30

निनाम्‍हाङ्‌आ खानानिन ख्रिस्‍त येसुएनान अ़क्‌तात ऩमुन्‌युङ्‌सिन। खोक्‍कोङा आन्‍को निम्‍पाङ निनाम्‍हाङ्‌एदाङ्‌काओ ताया माङ्‌लो आन्‍कान साम्‌योक्‍मि काकान, आन्‍कान कासेङ खोन्‍कि आन्‍कान कालेन्‍पा म़लिसायुङ्‌सा।

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

२ कोरिन्‍थि 10:5

निनाम्‍हाङ्‌ओ अ़चुतायाओ अ़देङ्‌सालाप्‍पा म़लोन्‌ओ दुम्‍छ़न्‍माचि खोन्‍कि ऱक्‍भाक्‌एनान लाम्‍काछेक य़ङ्‌चि आन्‍कान्‍का लुक्‍तुम्‍च़म्‍का, खोन्‍कि आन्‍कान्‍का झारा मिन्‍मा क़म्‍तुम्‍का खोन्‍कि मो ख्रिस्‍तओ अ़चुलोमाय़ङ्‌वा मुमेत्‍तुम्‍च़म्‍का।

कलस्‍सि 3:12

ओवात्‍नि निनाम्‍हाङ्‌आ ऩछेन्‍तिन्‌ओ सेङ्‌याङ्‌ओकि सोमा ऩतुक्‍तिन्‌ओ म़नाचि त़लिसिन्‌ओसा खानानिन नोत्‍चिचिवाओ, सोमाकातुक, अ़नुवाक, कासिम्‍नान्‍चिन खोन्‍कि काहुङ लिसानिन।

२ थेसलोनिकि 2:13

हाङ्‌पाआ सोमाऩतुक्‍तिन्‌ओ ब़ब़, नाना खोन्‍कि निछाचि ओ, आम्‍नुओ निकि आन्‍कान्‍का अ़धुन निनाम्‍हाङ आलाङ मान्‍प़माङ अ़ऱन्‍मिन्‍का, देकिनालो बुयादाङ्‌काङा सेङ्‌लावाओ सेङ्‌मा काचिलाम्‍पा खोन्‍कि अ़छ़ङ्‌दाओ साकोङ्‌छ़ङ्‌लाम्‍पा ह़ङ्‌म़ङ प़मा निम्‍पाङ निनाम्‍हाङ्‌आ खानानिन ऩछेन्‍तिन।

२ तिमोथि 2:10

खोन्‌ओसा निनाम्‍हाङ्‌आ म़छेन्‍तुचिओचिओ निम्‍पाङ झारा य़ङ अ़ङ्‌का आङ्‌तुङ, मोवात्‍नि मोचिआछाङ अ़धुन साम्‌एनान येसु ख्रिस्‍तएदा याक्‌याङ्‌ओ लेन्‍मा अ़तोक्‍ने।

तितस 1:1

अ़ङ्‌का पावल निनाम्‍हाङ्‌ओ अ़चुहारुक खोन्‍कि ख्रिस्‍त येसुओ छाम्‍माय़ङ्‌आ ओ छाप्‍लावा छाप्‍तुङ्‌योङ। निनाम्‍हाङ्‌आ म़छेन्‍तुचिओचिओ अ़चुसाकोङ्‌छ़ङ पोइसि खोन्‍कि निनाम्‍हाङ्‌ओ अ़ऩङानुओ अ़छ़ङ य़ङ म़नाचिआ तुप्‍मा निकि फासि निनाम्‍हाङ्‌आ अ़ङ्‌का ऩछाम्‍साङ।

हिब्रु 10:22

खोन्‌ओसा आन्‍कान सेङ्‌याङ्‌ओ साकोङ्‌वा खोन्‍कि अ़छ़ङ साकोङ्‌छ़ङ मुन्‌कि निनाम्‍हाङ्‌ओ अ़चुबुदा खारिन्‍ने। देकिनालो आन्‍छेन्‍खातायाचि ख्रिस्‍तओ अ़चुह़आ सेङ्‌माचि निकिना म़रेप्‍तायुङ्‌सा, खोन्‍कि आन्‍पोक्‌चि सेङ्‌याङ्‌ओ चाक्‌वाआ वाम़स़त्‍तापुवायुङ्‌सा।

हिब्रु 11:28

साकोङ्‌छ़ङ्‌लाम्‍पा खोसाआ काक्‍माखात्‍मा चानुचाओ च़माथाङ्‌मावा चुवा। कुम्‍पा म़लिसाओ छाचि कासेत निनाम्‍हाङ काफाआ मोचि अ़सेरुन्‍चिन्‍ने निकिना मोसाआ सायाम्‍पोक्‌चिओ अ़चुह़आ लाप्‍तिखोप्‌चिदा रेप्‍मेत्‍तुचि।

हिब्रु 12:24

खानानिन अ़ऩङ्‌वा य़ङ्‌छ़ङ कातुम येसुएदा त़तान्‌युङ्‌सिन। रेम्‍माय़ङ खोक्‍कोसोओ अ़चुह़ हाबिल्‌ओ अ़ह़दाङ्‌का च़लोक अ़नुवाक य़ङ खालुसु।

हिब्रु 5:9

मो दुखा अ़आङ्‌ताचिआकि अ़चुलोमाय़ङ काकाङ्‌चि झारासोओ निम्‍पाङ खोक्‍को अ़धुन्‌ओ लेन्‍खालाम म़लिसा।

१ पत्रुस 1:14

खानानिन लोमावा काच़ छाचिओसा बुया मान्‍सिन्‍त़दोम्‌योम्‌हिदाओ अ़अ़त्‍पा मिन्‍माचिदा मान्‌वाङ्‌दानिन।

१ पत्रुस 1:19

मेन खेन मान्‌वान्‍माय़ङ खोन्‍कि थुपि मात्‍द़ङ्‌ओ अ़क्‌तात थुबाछावाको ख्रिस्‍तओ छ़ओ अ़चुह़आ खानानिन ऩफोङ्‌सिन्‌ओ।

१ पत्रुस 1:20

खोक्‍को हेन्‍खामा मुन्‍मादाङ्‌का बुयाङा निनाम्‍हाङ्‌आ अ़छेन्‍तायुङ्‌सा, मेन आम्‍नुओ निकिना आदेङ्‌माङ खोक्‍को खाङ्‌अ़मुसा।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

२ पत्रुस 1:2

निनाम्‍हाङ्‌ओ खोन्‍कि आन्‍हाङ्‌पा येसुओ अ़चुतायादा सोमातुक्‍मा खोन्‍कि सेवाङ्‌नि खानानिन्‌एदा च़लोक पोन्‌याङ्‌सा खात्‍ने।

२ युहन्‍ना 1:1

ताङ्‌पाएदाङ्‌का छेन्‍माय़ङ मेत्‍छामा खोन्‍कि अ़छाचि, अ़ङ्‌का खानानिन अ़नुछ्‍या सोमातुक्‍नाङ्‌नानिन खोन्‍कि अ़ङ्‌का ओन्‍ङा माआङ, मेन अ़छ़ङ कासिन निचिआछाङ खानानिन सोमाऩतुक्‍तिन्‌येन।

२ युहन्‍ना 1:13

निनाम्‍हाङ्‌आ अ़छेन्‍ताओ आम्‍निछामाओ अ़छाचिआछाङ खाना सेवा ऩछोक्‍तायुङ्‌सा।

यहुदा 1:2

सोमातुक्‍मा खोन्‍कि सेवाङ्‌नि खानानिन्‌एदा च़लोक पोन्‌याङ्‌सा खात्‍ने।