१ पत्रुस 1:12 - बान्‍तावा राई

¹² खोचि ओ य़ङ खाम़एत्‍ताओ आप्‍पि मोचि ब़त्‍मान्‍चिन निकिना माआङ, मेन खानानिन ऩब़रिन्‌येन निकिना निनाम्‍हाङ्‌आ खोचि तुप्‍म़मेत्‍तुचि। ओ य़ङ्‌चि निनाम्‍मादुङ्‌का अ़य़साओ सेङ्‌लावाओ अ़सावादा खानानिन खाऩएत्‍तिन्‌ओ नुय़ङ्‌खान खाकालुचिआ खाअ़लुसाओ य़ङ खानानिन खाऩएत्‍तिन्‌युङ्‌सिन। निनाम्‍हाङ काफाचिछाङ ओ य़ङ्‌चि खाङ्‌मा अ़न्‍नुनु अ़चुऩङानुयाङ।

१ पत्रुस 1:12 Iomraidhean Croise

मत्‍ति 11:25

मोन्‍ग़रि येसु म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म।

मत्‍ति 11:27

खोन्‍किना येसु म़य़ङा, “अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।

मत्‍ति 16:17

येसुआ खो अ़लासालोवा, “योनाओ अ़छा सिमोन, खाना आसिखा कातोक ओ! देकिनालो म़नादाङ्‌का खाना ओ त़सिन्‍तुओ माआङ, मेन निनाम्‍मादु कायुङ अ़ङ्‌पापाआ खाना खाङ्‌त़मेत्‍ताओ।

मर्कुस 16:15

खोन्‍कि येसुआ मोचि म़लोचि, “झारा हेन्‍खामादा खारानिन, खोन्‍कि झारा म़नाचि नुय़ङ्‌खान खाएत्‍तानुम्‍च़म!

लुका 15:10

अ़ङ्‌का खानानिन लोनानिन, मोवात्‍निङा अ़हेवादाङ्‌का काला अ़क्‍छा हेवामिओ निकि निनाम्‍हाङ काफाचिओ अ़चुऩङानु।”

लुका 2:26

हाङ्‌पाआ अ़य़ओ कालेन्‍पा ख्रिस्‍त मान्‍खाङ्‌माङ खो अ़स़निन्‍दानिन निकिना सेङ्‌लावाआ बुयाङा खोक्‍को अ़लोवायुङ्‌साओ।

लुका 9:6

मोवात्‍नि मोचि म़हासान्‍चिन्‌कि नुय़ङ्‌खान खालुयाङ्‌सा खोन्‍कि झारादात्‍नि सारिमाआ लाउचिओचि नुयाङ्‌सा तेन-तेन म़खारा।

युहन्‍ना 15:26

अ़ङ्‌का खानानिन्‌एदा यायोक काप़ तासुङ। खोक्‍को अ़छ़ङ्‌ओ लावा म़मुयाङ। खोक्‍को अ़ङ्‌पापादाङ्‌का खानानिन्‌एदा म़ताकि अ़ङ्‌तुक्‌वादा सालुम्‍स़ङ ऩप़न।

छाम्‍माय़ङ 10:44

पत्रुस ओ य़ङ्‌चि चेवाङाहिदा झारा निनाम्‍हाङ्‌ओ अ़य़ङ काएन्‍चिएदा सेङ्‌लावा म़धान्‍तान्‍चिन।

छाम्‍माय़ङ 16:10

पावल्‌आ सेन्‍चि खाचिउकि निनाम्‍हाङ्‌आ मोदा नुय़ङ्‌खान म़नाचि खाएत्‌सि निकिना ऩबुत्‍तिन्‌येन्‍काओ आन्‍कान्‍का अ़छ़ङ मुम्‍काओसा च़क्‍नि माकेदोनियाह्‍यात्‍नि खात्‍मा निकिना चुम्‍सिन्‍चिन्‍का।

छाम्‍माय़ङ 2:33

खोन्‌ओसा निनाम्‍हाङ्‌आ येसु अ़झोइसाकि तोक्‍पो अ़मुवा, खोन्‍कि निनाम्‍हाङ्‌आ अ़हिप्‍ताओ सेङ्‌लावा येसु अ़पुवा, खोन्‍किना येसुआ आन्‍कान सेङ्‌लावा च़लोक म़पुवायुङ्‌सा। मो खानानिन ओन्‍ग़रि त़खाम्‌योम खोन्‍कि त़एनुम्‌योम।

छाम्‍माय़ङ 4:31

याम़माराचिआकिना मोचि म़कोवान्‍चिन्‌ओदा ङाङ्‌सा, खोन्‍कि मोचि झारा सेङ्‌लावाआ भेप्‍तुचिकि मोचिआ निनाम्‍हाङ्‌ओ अ़चुय़ङ राक्‌एनान खाअ़लुसा।

छाम्‍माय़ङ 4:8

खोन्‍किना पत्रुस सेङ्‌लावाआ भेप्‍तुकि मोचि लासुलोचि, “बुसुवाचि खोन्‍कि अ़धुवाचि ओ!

छाम्‍माय़ङ 8:25

पत्रुस खोन्‍कि युहन्‍नाआ अ़चुसालुम्‍स़ङ अ़पुवाचिआचु, खोन्‍कि सामरि तेन्‍चिदा हाङ्‌पाओ अ़चुनुय़ङ्‌खान खालुयाङ्‌सा यरुसलेम लासाचि।

रोमि 1:15

खोन्‌ओसा खानानिन रोम्‌दा कायुङ्‌चिओ निम्‍पाङ्‌छाङ ओ नुय़ङ्‌खान खाएत्‍मा अ़ङ्‌का अ़न्‍नुनु राक मुङाङा।

रोमि 1:17

देकिनालो नुय़ङ्‌खान्‌आ म़नाचि निनाम्‍हाङ्‌ओ अ़चुबुदा देत्‍नि साम्‌योक्‍मि कान्‌नि खाङ्‌मुसु। मो साम्‌योक्‍मि आन्‍कान्‌एदा साकोङ्‌छ़ङ्‌लाम्‍पा झारा ता। साम्‍कालिन्‌दा ओवात्‍नि छाप्‌याङ, “साम्‌योक्‍मि साकोङ्‌छ़ङ्‌लाम्‍पा ह़ङ।”

रोमि 10:15

खोन्‍कि मोचि मान्‍खान्‍माङ्‌तारि मोचिआ देत्‍नि नुय़ङ्‌खान खालुमा? ओवात्‍नि छाप्‌याङ, “नुय़ङ्‌खान खाकालुचिओ अ़चुलाङ्‌चि देम खान्‍नुओ!”

रोमि 15:19

ओ म़दोम्‍दाओ काचिचि, सावापोरिओ बुन्‌चि, सेङ्‌लावाओ अ़चुसावालाम्‍पा अ़ङ्‌का मुङ्‌युङ्‌सुङ। ओवात्‍नि यरुसलेम्‌दाङ्‌का इल्‍लुरिकन भेप्‍लो झारादात्‍नि ख्रिस्‍तओ अ़चुनुय़ङ्‌खान अ़ङ्‌का खालुसुङ्‌युङ्‌सुङ।

१ कोरिन्‍थि 2:10

मेन निनाम्‍हाङ्‌आ खोक्‍कोसोओ अ़चुलावालाम्‍पा आन्‍कान ओ अ़चुय़ङ खाङ्‌म़मेत्‍तायुङ्‌सा। देकिनालो सेङ्‌लावाआ झारा य़ङ्‌चि म़लामुचि खोन्‍कि निनाम्‍हाङ्‌ओ तुप्‍मा अ़ऱन्‍चिमिन्‌ओ य़ङ्‌चिछाङ म़लामुचि।

२ कोरिन्‍थि 1:22

खोक्‍कोसाआ आन्‍कान्‌एदा अ़चुसेप्‍मा म़पाक्‍तायुङ्‌सा, खोन्‍कि आन्‍साकोङ्‌वादा चिनोयाङ्‌वात्‍नि खोक्‍कोसोओ अ़चुलावा म़पुवायुङ्‌सा।

२ कोरिन्‍थि 6:6

आन्‍कान्‍का सेङ्‌मादा, तायादा, हुङ्‌मादा, सोम्‍तुक्‍मादा, सेङ्‌लावादा, अ़नुछ्‍याओ सोम्‍तुक्‍मादा,

गलाति 1:12

देकिनालो ओ दिवापाचिदाङ्‌का अ़ङ्‌का तोक्‍तुङ्‌ओ माआङ, ना ओ अ़ङ्‌का खाक्‍कोसाआ अ़चिन्‍ताङ्‌ओङा ओ, मेन ओ अ़ङ्‌का येसु ख्रिस्‍तओ अ़चुसाम्‌लाम्‍पा तोक्‍तुङ्‌ओ।

गलाति 1:16

निरावाचिओ अ़चुरादा खोक्‍कोसोओ अ़चुनुय़ङ्‌खान खालुमा निम्‍पाङ अ़चुछा अ़ङ्‌काएदा खाङ्‌मुमा खोक्‍कोसोओ अ़चुऩङानुवा। मोन्‌हिदा अ़ङ्‌का खाक्‍कोछाङ म़नाएनान यायोक मान्‍मुङा,

एफिसि 3:10

खोन्‍कि खोक्‍कोसोओ अ़चुमित्‍चिऩङ साम्‍भुङ्‌लाम्‍पा निनाम्‍हाङ्‌ओ ब़द्‍धेकाखालाओ ताया निनाम्‍मादुओ युङ्‌खाचिदा हाङ्‌काचि कामुचि खोन्‍कि पाङ्‌कातोक्‌चिओ अ़चुरादा खाङ्‌मुमा दोराङा।

१ थेसलोनिकि 2:9

अ़नुछ्‍या, अ़ङ्‍ब़ब़, नाना खोन्‍कि निछाचि ओ, आन्‍काओ काचि खोन्‍कि दुखा खानानिन त़मित्‍तुम। आन्‍कान्‍का खानानिन साङ्‌छाङ दुखा मान्‍प़दामा निकिना अ़खाखुत खोन्‍कि अ़खोलेन काचि मुयाङ्‌सा आन्‍कान्‍का निनाम्‍हाङ्‌ओ अ़चुनुय़ङ्‌खान खानानिन खाएत्‍नि।

१ तिमोथि 3:16

आन्‍कान काङ्‌सिन, आन्‍साकोङ्‌छ़ङ्‌ओ अ़तुप्‍माय़ङ अ़न्‍नुनु तोक्‍पो मुयाङ: खोक्‍को पोक्‌दा खाङ्‌म़मुसान्‍चिन, सेङ्‌लावालाम्‍पा खोक्‍को साम्‌योक्‍मि अ़काइसा। निनाम्‍हाङ काफाचिआ खोक्‍को अ़खा, खोक्‍कोसोओ अ़चुतुक्‌वादा रावा-रावाचिओ अ़चुरादा खालुसा। खोक्‍को झारा हेन्‍खामादाओ म़नाचिआ साकोङ्‌छ़ङ अ़मुवा, खोन्‍कि खोक्‍को साम्‌दा निनाम्‍मादु अ़थेन्‍ताखात्‍ता।

हिब्रु 11:13

ओ झारा म़नाचि निनाम्‍हाङ्‌आ प़नानिन निकिना म़हिप्‍तुचिओ य़ङ मान्‍तोक्‍माङ निनाम्‍हाङ साकोङ्‌छ़ङ मुयाङ्‌सा म़सुवादा। खोन्‍नुछाङ निनाम्‍हाङ्‌आ म़हिप्‍तुचिओ य़ङ मोचिआ अ़थायाङ्‌काङा अ़खाकि अ़चुऩङानुवा। मोवात्‍नि मोचिआ खोचि ओ हेन्‍खामादा तावाङ्‌चि खोन्‍कि काहुलुक्‌चि म़मित्‍तान्‍चिन।

हिब्रु 2:4

निनाम्‍हाङ्‌आछाङ बुन्‌चि खोन्‍कि म़दोम्‍दाओ काचिचि, अ़पारा-अ़पाराओ सावाओ दोम्‍मादामायुचि खोन्‍कि खोक्‍कोसोओ अ़चुमित्‍मावा सेङ्‌लावाओ आसिखाचि अ़हासाकि ओ य़ङ्‌ओ सालुम्‍स़ङ अ़पुवा।

हिब्रु 4:2

देकिनालो आन्‍कान्‌छाङ मोचिवात्‍निङा नुय़ङ्‌खान एनुम। मोचिआ अ़एनाओ य़ङ्‌लाम्‍पा मोचिआ दित्‍छाङ मान्‍तोक्‌अ़दा, देकिनालो काएन्‌चिआ ओ साकोङ्‌छ़ङ मान्‍मुअ़दा।

१ पत्रुस 1:25

मेन हाङ्‌पाओ अ़चुय़ङ अ़धुन युङ्‌याक।” खोन्‍कि ओ य़ङ नुय़ङ्‌खान ओ, मो खानानिन खाएत्‍निओ।

१ पत्रुस 4:6

खोन्‌ओसा पोक्‌दा मोचि म़नाचिवात्‍नि छ़ङ्‌छेन्‍मादा म़छुक्‍तानुछाङ लावादा मोचि निनाम्‍हाङ्‌वात्‍नि म़ह़ङ्‌ने निम्‍पाङ म़सुवादाओचिओ निकिछाङ नुय़ङ्‌खान खाअ़लुसाओ।

खाङ्‌मुमा 5:11

खोन्‍किना अ़ङ्‌का चोउङ्‌च़ङ, हाङ्‌युङ्‌खादा अ़ह़ङ साक्‍स़ङ्‌चि खोन्‍कि साम्‌योक ताङ्‌पाचिओ अ़चुऱङ्‌कोप्‍नि खिप्‌दिमान्‍तेत्‍लो निनाम्‍हाङ काफाचि खाङ्‌च़ङ।