فِيلِپِّي 4:6 - العهد الجديد بالدارجة التونسية 2022

⁶ مَا تِتْقَلْقُوشْ عْلَى حَتَّى شَيْ، آمَا فِي كُلْ شَيْ، أُطْلْبُوا الِّي تِحْتَاجُوهْ مِنْ عَنْدْ اللَّهْ بِالصَّلَاةْ والدُّعَاءْ والشُّكْرْ،

فِيلِپِّي 4:6 Iomraidhean Croise

مَتَّى 10:19

ووَقْتِلِّي يْشِدُّوكُمْ مَا تْخَمُّوشْ فِي كِيفَاشْ بِشْ تَحْكِيوْ وَلَّا شْنُوَّة بِشْ تْقُولُوا، عْلَى خَاطِرْ فِي الوَقْتْ هَاذَاكَا بِشْ يِتْعْطَالْكُمْ الكْلَامْ الِّي تْقُولُوهْ.

مَتَّى 13:22

«ولِّي تِزْرَعّْ وِسْطْ الشُّوكْ، هُوَّ الِّي يِسْمَعْ كِلْمِةْ اللَّهْ، آمَا هْمُومْ الزْمَانْ هَاذَا ومْحَبِّةْ الفْلُوسْ يُخْنْقُوهَا ومَا تُثْمُرْشْ فِيهْ.

مَتَّى 6:34

مَا تُقْعْدُوشْ تْخَمُّوا فِي غُدْوَة، خَلِّيوْ غُدْوَة كِيفْ يْجِي يْخَمِّمْ عْلَى رُوحُو. كُلْ نْهَارْ يِكْفِيهْ الشَّرْ الِّي فِيهْ.

مَتَّى 6:8

مَا تْكُونُوشْ كِيفْهُمْ، عْلَى خَاطِرْ بُوكُمْ يَعْرِفْ شْنُوَّة تِحْتَاجُوا قْبَلْ حَتَّى مَا تُطْلْبُوا مِنُّو.

لُوقَا 10:41

جَاوِبْهَا يَسُوعْ: «مَرْثَا! مَرْثَا! إِنْتِ مْشَغْشْبَة رُوحِكْ ولَاهْيَة فِي بَرْشَة حَاجَاتْ،

لُوقَا 12:22

ومْبَعِّدْ قَالْ يَسُوعْ لِتْلَامِذْتُو: «هَاذَاكَا عْلَاشْ نْقُولِلْكُمْ: مَا تْعِيشُوشْ وإِنْتُومَا تْخَمُّوا فِي شْنُوَّة بِشْ تَاكْلُوا، ولَا فِي شْنُوَّة بِشْ تِلْبْسُوا.

لُوقَا 12:29

مَالَا مَا تُقْعْدُوشْ تْخَمُّوا آشْ بِشْ تَاكْلُوا وآشْ بِشْ تُشْرْبُوا، ومَا تُقْعْدُوشْ مِتْقَلْقِينْ.

لُوقَا 18:1

وعْطَاهُمْ مَثَلْ يْبَيْنِلْهُمْ بِيهْ كِيفَاشْ يِلْزِمْهُمْ دِيمَا يْصَلِّيوْ ومَا يْمِلُّوشْ،

لُوقَا 18:7

مَالَا زَعْمَة اللَّهْ مَا يَاخِذْشْ حَقْ الِّي إِخْتَارْهُمْ، الِّي يِتْضَرْعُولُو لِيلْ ونْهَارْ؟ زَعْمَة يِبْطَى عْلِيهُمْ ومَا يْجَاوِبْهُمْشْ؟

كُورِنْثُوسْ الأُولَى 7:21

إِذَا كُنْتْ عَبْدْ وَقْتِلِّي دْعَاكْ اللَّهْ، مَا تْخَلِّيشْ هَاذَا يْقَلْقِكْ. آمَا إِذَا كَانْ جَاتِكْ فُرْصَة بَاشْ تْوَلِّي حُرْ، إِسْتْغَلْهَا.

كُورِنْثُوسْ الأُولَى 7:32

وآنَا مَا نْحِبِّشْ تْكُونْ عَنْدْكُمْ هْمُومْ. الِّي مُشْ مْعَرِّسْ يِتْلْهَى بْأُمُورْ الرَّبْ بَاشْ يْرَضِّيهْ.

كُورِنْثُوسْ الثَّانْيَة 1:11

وإِنْتُومَا بِشْ تْعَاوْنُونَا بْصْلَاوَاتْكُمْ، وهَاذَا بِشْ يْخَلِّي بَرْشَة نَاسْ يُشْكْرُوا اللَّهْ عْلَى خَاطِرْنَا، وَقْتِلِّي يِقْبِلْ صْلَاوَاتْ بَرْشَة نَاسْ ويْبَارِكْنَا.

أَفَسُسْ 5:20

وأُشْكْرُوا اللَّهْ الآبْ فِي كُلْ وَقْتْ وعْلَى كُلْ شَيْ بْإِسْمْ رَبْنَا يَسُوعْ المَسِيحْ.

أَفَسُسْ 6:18

وصَلِّيوْ بِالرُّوحْ فِي كُلْ وَقْتْ بْكُلْ أَنْوَاعْ الصَّلَوَاتْ والطِّلْبَاتْ، خَلِّيكُمْ مِتْيَقْضِينْ ودَاوْمُوا عْلَى هَاذَا، وإِدْعِيوْ لِلْقِدِّيسِينْ الكُلْ،

كُولُوسِي 3:15

وخَلِّي يِمْلِكْ عْلَى قْلُوبْكُمْ سَلَامْ المَسِيحْ الِّي اللَّهْ دْعَاكُمْ لِيهْ بْصِيفِتْكُمْ أَعْضَاءْ فِي بْدَنْ وَاحِدْ، وكُونُوا شَاكْرِينْ.

كُولُوسِي 3:17

خَلِّي الِّي تْقُولُوهْ وَلَّا تَعْمْلُوهْ الكُلْ يْكُونْ بْإِسْمْ الرَّبْ يَسُوعْ، حَامْدِينْ بِيهْ اللَّهْ الآبْ.

كُولُوسِي 4:2

دَاوْمُوا عَالصْلَاةْ. وإِنْتُومَا تْصَلِّيوْ، خَلِّيكُمْ دِيمَا فَايْقِينْ وشَاكْرِينْ.

تِيمُوثَاوُسْ الأُولَى 2:1

نُطْلُبْ مِنْكُمْ، قْبَلْ كُلْ شَيْ، بَاشْ تِدْعِيوْ وتْصَلِّيوْ وتِتْشَفْعُوا وتِحْمْدُوا اللَّهْ عْلَى خَاطِرْ النَّاسْ الكُلْ،

تِيمُوثَاوُسْ الأُولَى 5:5

آمَا الِّي هَجَّالَة بِالحَقْ، ومَا عَنْدْهَاشْ شْكُونْ يْقُومْ بِيهَا، هَاذِيكَا رْجَاهَا فِي اللَّهْ، تْصَلِّيلُو وتُطْلْبُو لِيلْ ونْهَارْ.

بُطْرُسْ الأُولَى 4:7

نْهَايِةْ كُلْ شَيْ قُرْبِتْ، مَالَا كُونُوا فَايْقِينْ واتْحَكْمُوا فِي رْوَاحْكُمْ بَاشْ تْنَجْمُوا تْصَلِّيوْ.

بُطْرُسْ الأُولَى 5:7

وحُطُّوا هْمُومْكُمْ الكُلْ عْلِيهْ، عْلَى خَاطْرُو يِتْلْهَى بِيكُمْ.