فِيلِپِّي 2:8 - العهد الجديد بالدارجة التونسية 2022

⁸ وجَاء فِي هَيْئِةْ إِنْسَانْ، تْوَاضَعْ وطَاعْ حَتَّى لِلْمُوتْ، المُوتْ الِّي عَالصَّلِيبْ.

فِيلِپِّي 2:8 Iomraidhean Croise

مَتَّى 17:2

وتْبَدْلِتْ هَيْأْتُو قُدَّامْهُمْ، ووِجْهُو وَلَّى يِضْوِي كِي الشَّمْسْ، وحْوَايْجُو وَلَّاوْ بْيُضْ كِي النُّورْ.

مَتَّى 26:39

وبْعِدْ عْلِيهُمْ شْوَيَّة وهْبَطْ عْلَى وِجْهُو، وصَلَّى وقَالْ: «يَا بَابَا، إِذَا كَانْ مُمْكِنْ، بَعِّدْ عْلِيَّا الكَاسْ هَاذِي. آمَا خَلِّي يْصِيرْ الِّي تْحِبْ عْلِيهْ إِنْتِ، مُشْ الِّي نْحِبْ عْلِيهْ آنَا!».

مَتَّى 26:42

ومْشَى يْصَلِّي مَرَّة أُخْرَى، وقَالْ: «يَا بَابَا، إِذَا كَانْ مُشْ مُمْكِنْ تْبَعِّدْ عْلِيَّا الكَاسْ هَاذِي، ولَازِمْ نُشْرُبْهَا، مَالَا خَلِّي يْصِيرْ كِيمَا تْحِبْ إِنْتِ».

لُوقَا 9:29

وهُوَّ يْصَلِّي، وِجْهُو تْبَدِّلْ، وحَوَايْجُو وَلَّاوْ بْيُضْ يِلْمْعُوا.

يُوحَنَّا 10:18

حَتَّى حَدْ مَا يَاخِذْلِي حْيَاتِي بِالقُوَّة، آمَا آنَا الِّي نْضَحِّي بِيهَا بِرْضَايَا. عَنْدِي السُّلْطَة بِشْ نَعْطِيهَا، وعَنْدِي السُّلْطَة بِشْ نْرَجَّعْهَا. هَاذِي الوْصِيَّة الِّي خْذِيتْهَا مِنْ عَنْدْ بَابَا».

يُوحَنَّا 14:31

آمَا لَازِمْ النَّاسْ الِّي فِي العَالِمْ هَاذَا يَعْرْفُوا الِّي آنَا نْحِبْ الآبْ ونَعْمِلْ الِّي وَصَّانِي عْلِيهْ. قُومُوا نِمْشِيوْ مِنْ هْنَا!»

يُوحَنَّا 15:10

كَانْ اطِّيعُوا الوْصَايَا مْتَاعِي، تِثْبْتُوا فِي مْحَبْتِي، كِيفْ مَا آنَا عْمَلِتْ بِالوْصَايَا مْتَاعْ بَابَا، ونِثْبِتْ فِي مْحَبْتُو.

يُوحَنَّا 4:34

وقَالِلْهُمْ يَسُوعْ: «مَاكِلْتِي هِيَّ إِنِّي نَعْمِلْ آشْ يْحِبْ الِّي بْعَثْنِي، ونْكَمِّلْ خِدْمْتُو.

أَعْمَالْ 8:33

ذَلُّوهْ وظَلْمُوهْ. شْكُونْ بِشْ يَحْكِي عْلَى ذُرِّيتُو؟ عْلَى خَاطِرْ حْيَاتُو تْسِلْبِتْ!».

رُومَا 5:19

وكِيمَا بْخَطِيئِةْ إِنْسَانْ وَاحِدْ النَّاسْ الكُلْ وَلَّاوْ مُذْنْبِينْ، زَادَا، بْطَاعِة إِنْسَانْ وَاحِدْ بَرْشَة نَاسْ بِشْ يْوَلِّيوْ صَالْحِينْ.

كُورِنْثُوسْ الثَّانْيَة 8:9

وإِنْتُومَا تَعْرْفُوا نِعْمِةْ رَبْنَا يَسُوعْ المَسِيحْ: كِيفَاشْ هُوَّ الغْنِيْ وَلَّى فْقِيرْ عْلَى خَاطِرْكُمْ، بَاشْ إِنْتُومَا تِسْتَغْنَاوْ بْفَقْرُو.

غَلَاطْيَة 3:13

آمَا المَسِيحْ حَرَّرْنَا مِنْ لَعْنِةْ الشَّرِيعَة وَقْتِلِّي فْدَانَا، وخْذَا هُوَّ اللَّعْنَة فِي بْلَاصِتْنَا، عْلَى خَاطِرْ مَكْتُوبْ فِي الكْتُبْ المُقَدْسَة: «مَلْعُونْ كُلْ وَاحِدْ يِتْصْلَبْ عْلَى خَشْبَة».

تِيطُسْ 2:14

هُوَّ ضَحَّى بْرُوحُو عْلَى خَاطِرْنَا بَاشْ يِفْدِينَا مِنْ كُلْ مَعْصِيَة ويْطَهِّرْنَا ويْرُدْنَا شَعْبُو الخَاصْ بِيهْ، شَعْبْ مِتْحَمِّسْ لِلْأَعْمَالْ الصَّالْحَة.

العِبْرَانِيِّينْ 12:2

ونْرَكْزُوا عِينِينَا عْلَى يَسُوعْ، الِّي يْقُودْ إِيمَانَّا ويْوَصْلُو لِلْكَمَالْ، ولِّي عْلَى خَاطِرْ الفَرْحَة الِّي تِسْتَنَّى فِيهْ، تْحَمِّلْ الصَّلِيبْ ومَا هَمُّوشْ العَارْ، وقْعَدْ عْلَى يْمِينْ عَرْشْ اللَّهْ.

العِبْرَانِيِّينْ 12:4

إِنْتُومَا لْتَوَّا مَزِّلْتُوا مَا قَاوِمْتُوشْ حَتَّى لِينْ دَمْكُمْ يْسِيلْ فِي حَرْبْكُمْ ضِدْ الذْنُوبْ.

بُطْرُسْ الأُولَى 2:24

هُوَّ تْحَمِّلْ عِقَابْ ذْنُوبْنَا فِي بَدْنُو عَالصَّلِيبْ بَاشْ نْمُوتُوا أَحْنَا بِالنِّسْبَة لِلذْنُوبْ ونْعِيشُوا لِلْحَقْ. وهُوَّ الِّي تِشْفِيتُوا بِجْرُوحُو.

بُطْرُسْ الأُولَى 3:18

المَسِيحْ زَادَا مَاتْ مَرَّة وَحْدَة بَاشْ يْحِلْ مُشْكِلْةْ الذْنُوبْ. هُوَّ الصَّالَحْ، مَاتْ عْلَى خَاطِرْ المُذْنْبِينْ، بَاشْ يْقَرِّبْنَا لِلَّهْ. مَاتْ بْبَدْنُو، آمَا قَامْ مِالمُوتْ بْرُوحُو.