فِيلِپِّي 1:26 - العهد الجديد بالدارجة التونسية 2022

²⁶ وهَكَّا، حْضُورِي مْعَاكُمْ مَرَّة أُخْرَى، يْكُونْ سْبَبْ بَاشْ تْزِيدْ فُخْرِتْكُمْ بْيَسُوعْ المَسِيحْ.

فِيلِپِّي 1:26 Iomraidhean Croise

يُوحَنَّا 16:22

إِنْتُومَا زَادَا بِشْ تَحْزْنُوا تَوَّا، آمَا رَانِي بِشْ نِرْجَعْ ونْشُوفْكُمْ، وقْلُوبْكُمْ بِشْ تِفْرَحْ وحَتَّى حَدْ مَا بِشْ يْنَحِّيلْكُمْ فَرْحِتْكُمْ.

يُوحَنَّا 16:24

حَتَّى لْتَوَّا مَا طْلَبْتُوا حَتَّى شَيْ بْإِسْمِي. أُطْلْبُوا تَاخْذُوا، بَاشْ تِكْمِلْ فَرْحِتْكُمْ».

كُورِنْثُوسْ الثَّانْيَة 1:14

ونِتْمَنَّى الِّي، كِيمَا فْهِمْتُوا شْوَيَّة حَاجَاتْ بِخْصُوصْنَا، تْنَجْمُوا تِفْهْمُوا كُلْ شَيْ عْلِينَا، بَاشْ تِتْفَخْرُوا بِينَا، كِيمَا أَحْنَا زَادَا بِشْ نِتْفَخْرُوا بِيكُمْ نْهَارِةْ الِّي يِرْجَعْ رَبْنَا يَسُوعْ.

كُورِنْثُوسْ الثَّانْيَة 5:12

وأَحْنَا مَا نْحِبُّوشْ نْعَاوْدُوا نُشْكْرُوا رْوَاحْنَا قُدَّامْكُمْ، آمَا نْحِبُّوا نَعْطِيوْكُمْ سْبَبْ يْخَلِّيكُمْ تِتْفَخْرُوا بِينَا، بَاشْ تْنَجْمُوا تْجَاوْبُوا الِّي يِتْفُوخْرُوا بِالمَظَاهِرْ، مُشْ بِلِّي فِي القَلْبْ.

كُورِنْثُوسْ الثَّانْيَة 7:14

ومَا حَشِّمْتُونِيشْ إِنِّي تْفَخِّرْتْ بِيكُمْ قُدَّامْ تِيتُوسْ. وكِيفْ مَا كُنَّا صَادْقِينْ فِلِّي قُلْنَاهُولْكُمْ الكُلْ، كُنَّا زَادَا صَادْقِينْ وَقْتِلِّي تْفَخِّرْنَا بِيكُمْ قُدَّامُو.

كُورِنْثُوسْ الثَّانْيَة 7:4

آنَا عَنْدِي ثِيقَة كْبِيرَة فِيكُمْ وفَخُورْ بِيكُمْ بَرْشَة. ورَغْمْ المَشَاكِلْ الكُلْ، مِتْشَجَّعْ، وقَلْبِي فَايِضْ بِالفَرْحَة.

كُورِنْثُوسْ الثَّانْيَة 7:6

آمَا اللَّهْ الِّي يْشَجَّعْ المُحْبْطِينْ، شَجَّعْنَا بْجَيَّانْ تِيطُسْ،

غَلَاطْيَة 6:4

لَازِمْ كُلْ وَاحِدْ يْثَبِّتْ فِي أَعْمَالُو، ووَقْتْهَا يْنَجِّمْ يِتْفُوخِرْ بِلِّي عَمْلُو هُوَّ مُشْ بِلِّي عَمْلُو غِيرُو.

فِيلِپِّي 3:1

فِي الإِخِّرْ، يَا خْوَاتِي، إِفْرْحُوا فِي الرَّبْ. مَا يْقَلَّقْنِيشْ إِنِّي نْعَاوِدْ نِكْتْبِلْكُمْ عْلَى نَفْسْ الحَاجَاتْ، رَاهِي مْعَاوْدِتْهَا تَحْمِيكُمْ.

فِيلِپِّي 3:3

رَانَا أَحْنَا المْطَهْرِينْ بِالطْهُورْ الحْقِيقِي، عْلَى خَاطِرْنَا نِعْبْدُوا اللَّهْ بِالرُّوحْ، ونِتْفَخْرُوا بْيَسُوعْ المَسِيحْ، ومَا نْعَمْلُوشْ عْلَى حَاجَاتْ تْخُصْ البْدَنْ مِنْ بَرَّا،

فِيلِپِّي 4:10

فْرَحْتْ بَرْشَة فِي الرَّبْ وَقْتِلِّي شُفْتْ الِّي إِنْتُومَا رْجَعْتُوا لَاهِينْ بِيَّا. صْحِيحْ كُنْتُوا مِنْ قْبَلْ تْفَكْرُوا فِيَّا، آمَا مَا كَانِشْ عَنْدْكُمْ فُرْصَة بَاشْ تْظَهْرُوا هَاذَا.

فِيلِپِّي 4:4

إِفْرْحُوا دِيمَا فِي الرَّبْ، ونْزِيدْ نْقُولِلْكُمْ: إِفْرْحُوا.