تِيمُوثَاوُسْ الثَّانْيَة 1:3 - العهد الجديد بالدارجة التونسية 2022

³ نُشْكُرْ اللَّهْ، الِّي نِعْبِدْ فِيهْ بْضَمِيرْ طَاهِرْ كِيمَا عِبْدُوهْ جْدُودِي، ورَانِي دِيمَا نِتْذَكِّرْ فِيكْ فِي صْلَاتِي لِيلْ ونْهَارْ.

تِيمُوثَاوُسْ الثَّانْيَة 1:3 Iomraidhean Croise

لُوقَا 2:37

ومْبَعِّدْ عَاشِتْ هَجَّالَة. وفِي الوَقْتْ هَاذَاكَا كَانْ عْمُرْهَا 84 سْنَة. وكَانِتْ دِيمَا فِي الهَيْكِلْ، تِعْبِدْ فِي اللَّهْ نْهَارْ ولِيلْ بِالصُّومْ والصْلَاةْ.

أَعْمَالْ 22:3

«آنَا يْهُودِي تُولِدْتْ فِي طَرْسُوسْ الِّي فِي كِيلِيكِيَّة، آمَا تْرَبِّيتْ هُونِي فِي أُورْشَلِيمْ وكُنْتْ تِلْمِيذْ عَنْدْ غَمَالَائِيلْ وتْعَلِّمْتْ شَرِيعِةْ جْدُودْنَا عْلَى قَاعْدَة صْحِيحَة. وكُنْتْ مِتْحَمِّسْ لْخِدْمِةْ اللَّهْ، كِيفْ مَا إِنْتُومَا اليُومْ.

أَعْمَالْ 23:1

خْزَرْ بُولِسْ لِلمَجْلِسْ وقَالْ: «يَا خْوَاتِي، آنَا عِشْتْ حْيَاتِي قُدَّامْ اللَّهْ بْضَمِيرْ مِرْتَاحْ حَتَّى لِلْيُومْ».

أَعْمَالْ 24:14

آمَا نِعْتَرِفْلِكْ الِّي آنَا نِعْبِدْ فِي إِلَاهْ جْدُودْنَا حَسْبْ المَذْهَبْ الِّي يِتْسَمَّى الطْرِيقْ ولِّي يْقُولُوا عْلِيهْ إِنُّو بِدْعَة، ونَمِّنْ بْكُلْ الِّي مَكْتُوبْ فِي الشَّرِيعَة وكْتُبْ الأَنْبِيَاءْ.

أَعْمَالْ 24:16

هَاذَاكَا عْلَاشْ نْجَاهِدْ بَاشْ يْكُونْ ضَمِيرِي طَاهِرْ قُدَّامْ اللَّهْ والنَّاسْ.

أَعْمَالْ 26:4

«اليْهُودْ الكُلْ يَعْرْفُوا سِيرْتِي مِلِّي آنَا صْغِيرْ، ويَعْرْفُوا الِّي آنَا تْرَبِّيتْ بِينْ شَعْبِي فِي أُورْشَلِيمْ.

أَعْمَالْ 27:23

عْلَى خَاطِرْ فِي اللِّيلَة الِّي فَاتِتْ ظْهُرْلِي مَلَاكْ مِنْ عَنْدْ إِلَاهِي الِّي آنَا نِعْبِدْ فِيهْ،

رُومَا 9:1

نْقُولْ الحَقْ ومَا نِكْذِبْشْ خَاطِرْنِي نَمِّنْ بِالمَسِيحْ. وضَمِيرِي يِشْهِدْ الِّي آنَا صَادِقْ بِالرُّوحْ القُدُسْ:

كُورِنْثُوسْ الثَّانْيَة 1:12

وأَحْنَا نِتْفَخِّرُوا بِشْهَادِةْ ضَمِيرْنَا: الِّي أَحْنَا تْصَرَّفْنَا مْعَ النَّاسْ الكُلْ وخَاصَّةً مْعَاكُمْ إِنْتُومَا، بِصِدْقْ وأَمَانَة مِنْ عَنْدْ اللَّهْ، مُشْ بْحِكْمَة بَشَرِيَّة، آمَا بْنِعْمِةْ اللَّهْ.

غَلَاطْيَة 1:14

وكِيفَاشْ كُنْتْ مِتْقَدِّمْ عْلَى انْدَادِي فِي الدِّينْ اليْهُودِي، وكُنْتْ نْغِيرْ أَكْثِرْ مِنْهُمْ عْلَى تَقَالِيدْ جْدُودْنَا.

أَفَسُسْ 1:16

بْقِيتْ دِيمَا نُشْكُرْ فِي اللَّهْ عْلَى خَاطِرْكُمْ ونُذْكُرْكُمْ فِي صْلَاتِي،

تْسَالُونِيكِي الأُولَى 3:10

وأَحْنَا، نْهَارْ ولِيلْ، نُطْلْبُوا مِنُّو ونْعَاوْدُوا بَاشْ انَّجْمُوا نْشُوفُوكُمْ مِنَّا لِيكُمْ، ونْشَجْعُوكُمْ تْزِيدُوا تِكْبْرُوا وتِتْقَدْمُوا فِي إِيمَانْكُمْ.

تِيمُوثَاوُسْ الأُولَى 1:19

وإِنْتِ شَادِدْ فِي الإِيمَانْ والضَّمِيرْ الصَّالَحْ. رَاهُو فَمَّة نَاسْ رَفْضُوا الضَّمِيرْ الصَّالَحْ، يَاخِي خِسْرُوا إِيمَانْهُمْ.

تِيمُوثَاوُسْ الأُولَى 1:5

والهَدَفْ مِالوْصِيَّة هَاذِي هُوَّ إِنُّو يْكُونْ عَنْدْهُمْ مْحَبَّة جَايَة مِنْ قَلْبْ طَاهِرْ وضَمِيرْ صَالَحْ وإِيمَانْ صَادِقْ.

تِيمُوثَاوُسْ الأُولَى 5:5

آمَا الِّي هَجَّالَة بِالحَقْ، ومَا عَنْدْهَاشْ شْكُونْ يْقُومْ بِيهَا، هَاذِيكَا رْجَاهَا فِي اللَّهْ، تْصَلِّيلُو وتُطْلْبُو لِيلْ ونْهَارْ.

تِيمُوثَاوُسْ الثَّانْيَة 1:5

ونِتْذَكِّرْ إِيمَانِكْ الصَّادِقْ، نَفْسْ الإِيمَانْ الِّي كَانْ سَاكِنْ فِي قَلْبْ مَمَّاتِكْ لُوئِيسْ وقَلْبْ أُمِّكْ أَفْنِيكِي، وآنَا مِتْأَكِّدْ الِّي هُوَّ يُسْكُنْ فِي قَلْبِكْ إِنْتِ زَادَا.

تِيمُوثَاوُسْ الثَّانْيَة 3:15

وإِنْتِ مِلِّي كُنْتْ صْغِيرْ تَعْرِفْ الكْتُبْ المُقَدْسَة، الِّي تْنَجِّمْ تَعْطِيكْ الحِكْمَة الِّي تْوَصْلِكْ لِلنْجَاةْ بِالإِيمَانْ بْيَسُوعْ المَسِيحْ.

العِبْرَانِيِّينْ 13:8

يَسُوعْ المَسِيحْ هُوَّ هُوَّ، البَارِحْ واليُومْ ولِلْأَبَدْ.