Titë 1:2 - Kuö Dëdrä Jenɛɛsë Rutë

² 'Ia 'taɩn 'lɩ 'ünya 'üa plɛ 'klälä 'nyɩa' blöröfa kä ‑gälɩ 'piea. 'Klälä nɩ, ‑tʋtʋ ‑kaaŋlʋ kä 'lɩbä Nyɔsʋalɔ 'nyɩ käa' ‑gbagblɛ ‑nëma 'ɔnya kä amɩ 'ään ‑nyɩa.

Titë 1:2 Iomraidhean Croise

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

Matiö 25:46

'Üülü nɩ, 'ümä 'pɔnɩkʋ 'jä 'plɔʋplɔʋa ‑gʋ, 'kä 'klɩgänyüü nya 'klälä 'nyɩa' blöröfa kä 'jä.»

Marëkë 10:17

Jesu sɔwʋ 'ɔmä mi, ‑bɛ nyɔɔ 'doo ja fʋfɔlʋ 'ɔ 'jrara 'ɔɔn 'klɩ, 'ɔnya 'pa 'ɔa 'klɔɔtrʋ kotifli; 'iibä: «'Cɩca 'kpɩkpɩanyɔɔ, ‑asɩ 'nyaa nʋ ‑bɛ 'nyaa 'klälä 'nyɩa' blöröfa kä 'jä le?»

Marëkë 10:30

'ɔnya 'iin 'wʋ ‑glʋɩgböö 'wʋ 'järäa 'taɩnlɩ a kʋa' ‑plɩɩ ‑gälɩ: 'ɔa nyëka, ‑wlajü, ‑wlayörü, 'yioɩɩ, tʋɩɩ, 'jü nyra papladiia ‑glʋɩgböö käa, 'taɩn 'lɩ a kʋa' ‑plɩɩ ‑gälɩ 'ia 'mlɩ; 'ɔnya bɩa ‑sʋɩ 'jäa, 'kä 'ɔnya 'klälä 'nyɩa' blöröfa kä 'jä ‑srɩɩ ‑mɩlɩ bäa' dɛrɩ 'ia 'mlɩ.

Jaan 10:28

'N ‑nyɛɛ 'üün 'klälä 'nyɩa' blöröfa kä; 'ü ‑nëmä jä ‑a jä 'plɔʋ. Nyɔɔ ‑nëmä bɩa 'mɩ 'üün kälɩ ‑a 'ba.

Jaan 17:2

‑Mɔ ‑nyɩ 'ɔɔn nyüüa 'fɩɔa 'klügälɩkäläkʋ, 'kä nyüülü kä 'fɩɔ ‑nyɩa' 'ɔɔn nɩ, 'ɔmä 'üün 'klälä 'nyɩa' blöröfa kä ‑nyɩ.

Jaan 17:24

'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ.

Jaan 5:39

'A ‑täsä 'cɩcasa nyɔsʋapɔɔkʋ 'mʋfasa 'ana plɛ nɩnɩa, 'ii 'mä 'amɩ 'klälä 'nyɩa' blöröfa kä ‑nyɩ, ‑bɛ ‑jɩjradiili, 'ii 'paa 'na ‑gä.

Jaan 6:54

Nyɔɔlɔ jöa' 'na 'jajɛ, ‑bɛ ɔ 'mlaaa' 'na ‑toru nɩ, 'ɔɔ kä 'klälä 'nyɩa' blöröfa kä, 'kä 'nyaa 'ɔɔn 'kuaabre 'ba 'pläa bɩarafa 'wʋ.

Jaan 6:68

'Iibäa' Simɔɔ Piɛɛrë nɩ: «'Pläkänyɔɔ, nyɔɔ 'plɛɛ kä ‑nyɛɛ anya ‑plɩɩ mi le? ‑Na mlɩa wii ‑nyɛɛ 'klälä 'nyɩa' blöröfa kä.

Akëtë 15:18

‑bɛ diili kä 'fɩɔ 'ɔ nʋa' , 'i jrerea' 'i 'a 'lɩ ‑wlɛ.

Rɔmënyüü 1:2

'Mʋfagogolä nɩ, Nyɔsʋa 'a kä 'äa ‑gä 'pa; 'ɔa 'mlɩpalanyüü 'ɔ ‑srörö kä kälɩ 'ɔnya 'pala 'äa ‑gä 'Nyüna ‑Pɔɔkɩa 'mlɩ.

Rɔmënyüü 16:25

A 'bʋala Nyɔsʋa! 'Ɔɔ 'mrɛɛ 'ɔ ‑nyɩ 'amɩ 'klü 'sɩrɩ 'Mʋfagogolä 'n 'saraa' 'lɩ 'amɩ; 'ää 'paa Jesu 'Kriisë ‑gä, 'ää srara amɩ wiili Nyɔsʋa 'piea', i 'ɔ ‑sisiea' ‑sɩ a ‑sɩ.

Rɔmënyüü 2:7

Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa.

Rɔmënyüü 5:2

'A 'ɔa plɛtorokʋa ‑gʋ 'ɔ 'sa amɩ 'ɔa ‑gbinanakʋa 'nyʋfɔa tatu 'klɩ, ‑bɛ a kʋ 'lɩ 'mʋfasa ‑mlatɩ. Dɔrʋ 'blaa amɩ 'be anya ‑pɩ Nyɔsʋaa 'bʋalakʋ 'jäa.

Rɔmënyüü 5:21

‑Kätɩsa ‑balʋ ma kälä nyüü 'klü ‑gälɩ 'u ja jäjä, 'asɩ Nyɔsʋaa ‑gbinanakʋ nëmä nyüü 'klügälɩ kälä 'umä 'üün 'klɩgä, 'ümä ana 'Pläkänyɔɔ Jesu 'Kriisë kälɩ ‑srörö 'ümä 'klälä 'nyɩa' blöröfa kä 'jä.

Rɔmënyüü 5:4

'kä plɛböblökʋ ‑nyɛɛ amɩ 'klü amä ‑sʋɩ 'wʋsi; 'kä ‑sʋɩa 'wʋsisikʋ ja plɛgälɩpiepiekʋ.

Rɔmënyüü 6:23

‑Balʋa 'pɛpɛɛdɛɛ bä jäjäkʋ; ‑maa dɛɛlɛ Nyɔsʋa ‑nyɛɛɛa' amɩ 'flɛɛlɩ ana 'Pläkänyɔɔ Jesu 'Kriisë 'lɩ nɩ, 'ɛɛ bä 'klälä 'nyɩa' blöröfa kä.

Kolɔɔsënyüü 1:27

Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

1 Tɛsalonikënyüü 2:15

'A 'üü 'bla 'Pläkänyɔɔ Jesu nyra 'üa 'mʋgbɛa nyɔsʋaamlɩpalanyüü; 'a 'üü nʋ amɩ ‑gbigba. Nyɔsʋa 'nyɩ 'üa wii ‑a ‑wa. 'Ü jrara nyüüa 'fɩɔ 'nyüa 'mlɩ.

1 Tɛsalonikënyüü 5:8

‑Maa amɔ bäa' ‑srɩa 'jü nɩ, a ‑tre ana nyüfë; a 'sroo nyɔsʋaplɛtorokʋ nyra ‑wawlakʋ ‑beere tafukotu, a 'pie 'lɩmlɩwʋwʋkʋ plɛ ‑gälɩ ‑beere tafuwlugbö.

1 Timotee 6:12

‑Fu 'cɩca ‑golulu bäa' nyɔsʋaplɛtorokʋ; 'kpla ‑gböösa 'klälä 'nyɩa' blöröfa kä. 'A 'kläläa ‑gʋ 'ɔ we ‑mɩ. ‑Nya 'nyiere kä Jesu 'klɩ nyüü 'kɔkɔmlɛa 'klʋɩ.

1 Timotee 6:19

Üma nʋ 'imɩ nɩ, 'ünya 'cɩca 'bɩɔ ‑gbapaplaa, u 'surua' ‑sraakäpɩa ‑gʋ ‑bɛ 'ümä 'klälä 'nyɩa' blöröfa kä 'jä.

2 Timotee 1:1

'Mɔɔ 'Pɔɔlë, ɔ bäa' Jesu 'Kriisëa apotrë, 'sɩrɩ Nyɔsʋa ‑waa'. 'Klälä 'ɔ 'daaa' 'ɔmäa' amɩ ‑nyɩ Jesu 'Kriisë 'lɩ nɩ, 'mä 'äa ‑gogo 'sa.

2 Timotee 1:9

Nyɔsʋa 'ɔɔ 'pʋɔ amɩ, 'ɔ we amɩ 'nyünanakʋ 'lɩ; ‑mää ana 'mʋfa 'jrʋpaa ‑gʋ ‑a, ‑maa 'sɩrɩ 'ɔ ‑waa', 'ii 'ɔ nʋ, 'ɔa ‑gbinanakʋ 'lɩ. ‑Gbinanakʋlʋ bälɩ 'fɩɔwʋ ‑tʋtʋ nya nëmä nrörö, 'ɔ ‑nyɩ amɩ 'uun 'Kriisë Jesu 'lɩ.

2 Timotee 2:10

'A 'ia ‑gʋ, 'n 'nyiere wiia 'fɩɔ 'klɩ nyüülü Nyɔsʋa 'baa' 'lɩa ‑gʋ; 'kä 'üa 'mʋgbɛ 'mä bɩa 'lɩmlɩwʋwʋkʋlʋ bäa' Jesu 'Kriisë 'lɩ 'jä, nyra 'wliklɩbʋabʋakʋlʋ 'nyɩa' blöröfa kä.

2 Timotee 2:13

Ama 'nyɩ 'ɔɔn ‑gba ‑a kpasra nɩ, 'ɔɔlɔ nɩ, 'ɔ tɩɔrɔ ‑gbakpasranyɔɔ 'lɩ: 'ɔnyɩ 'lɩ ‑a bɩa ɔ sɔ 'ɔa nyufa dɛrɩ.

2 Timotee 2:15

'Pa 'kpɔɔ ‑mä Nyɔsʋa 'tʋkä ‑beere 'mʋfa 'jrʋpafɛnyɔɔ 'nyɩa' 'nyüsü kä ‑bɛ ɔ 'kpɩaa' nyüü 'mʋfasa 'papawiili bäa' 'cɩcasa.

Titë 2:13

'Asɩ a ‑glaaa dɔrʋ ‑srɩlɩ a toroa' plɛ. 'Ia ‑srɩ 'lɩ nɩ, ana 'Lɩmlɩbanyɔɔ Jesu 'Kriisë, ɔ bäa' ana Nyɔsʋa Kpakö, nya 'wliklɩbʋalakʋ 'lɩ jröröa.

Titë 2:7

‑Na 'mʋgbɛlɔ nɩ, nʋ 'cɩcagbi wiia 'fɩɔa 'mlɩ nyüü 'mä ‑na 'sa nʋ. ‑Bɛ ‑na 'kpɩkpɩakʋa 'mlɩ nɩ, nʋ 'imɩ 'cɩcasa 'lɩ, 'lɩträäräkʋ 'lɩ nyra 'klɩgägäkʋ 'lɩ.

Titë 3:7

amä 'saa jre 'sɩrɩ anya ‑jaaa bäa' 'klälä 'nyɩa' blöröfa kä 'jä. A 'pie 'iin plɛ ‑gälɩ 'be Nyɔsʋa ‑gä amɩ 'klɩ 'ɔa ‑gbinanakʋ 'lɩ.

1 Jaan 2:25

‑Bɛ dɛɛlɛ 'ɔ 'daaa' 'ɔmäa' amɩ ‑nyɩ nɩ, 'ɛɛ bä 'klälä 'nyɩa' blöröfa kä.

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

Judë 1:21

'Ba kʋ Nyɔsʋaa ‑wawakʋ 'lɩ, ‑bɛ 'ba ‑glaaa ana 'Pläkänyɔɔ Jesu 'Kriisëlɔ ‑nyɛɛa' 'klälä 'nyɩa' blöröfa kä, 'ɔa nyatɛrɩ.

'Nyügälɩjawii 13:8

Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.

'Nyügälɩjawii 17:8

«Mrɛɛlɛ ‑jäa' ma bä 'lɩ ‑maa 'ɛ ‑kanyɩ 'lɩ ‑a bä. 'Ɛ jö 'lee 'ɛmä 'lɩtʋŋlɔbütügbaa 'mlɩ 'cie 'ɛmä 'mɔlɔ. ‑Tʋtʋ ‑gälɩa nyüülü känyrɩ 'nyɩa' 'kläa ‑pɔɔkʋ 'lɩ ‑jɩjra 'bala ‑tʋtʋa 'käkolofa 'wʋ nɩ, üma 'jä 'ɛɛn 'wʋ nɩ, 'inya 'üün plɛklɩ kalaa; 'be mrɛɛlɛ ma bäa' 'lɩ ‑bɛ ɛ ‑kanyɩa' 'lɩbä, 'ɛnya 'sɔɔwʋ 'plä 'wʋ jia.