Rɔmënyüü 9:3 - Kuö Dëdrä Jenɛɛsë Rutë

³ 'Na plɛ nɩnɩa ‑a busu 'nyraa 'Kriisë 'mä ‑gbasɔsrɔ 'na ‑wlajülü bäa' 'na ‑glügbö, 'üa ‑gʋ.

Rɔmënyüü 9:3 Iomraidhean Croise

Jenɛɛsë 29:14

Labaan ‑nëma: «'N jre 'saa ‑mɔ bä 'na 'kɔʋ nyra 'na 'jajɛ!» Jakɔɔbë ‑si Labaan a ‑nyɛɛ ‑seple 'dee.

Akëtë 13:26

«'Na ‑wlajü 'amɩ, 'amɔ bäa' Abraamëa 'jü nyra 'amɔ ‑trääräa' 'lɩ Nyɔsʋa: 'amɔ Nyɔsʋa ja 'papawiili 'baaa' 'lɩ nyüü mlɩ.

Akëtë 22:5

‑Gbɔsapɛrɩnyɔɔ kpakö nyra tagbü jre 'iin 'sɩrɩ 'i bäa' 'cɩcasa. 'A 'üü ‑nyɩ 'mɩ ‑pɔɔkɩ 'mä 'iin juifëa ‑wlajülü bäa' Damasëbätä fa 'mä 'cɛcɩnyüü 'kplakpla 'mä 'üün Jerusalɛɛmë ja 'ümä 'üün 'pɔnɩ.

Akëtë 28:21

'Ünya ‑gbala 'ɔɔn: «Amɔlɔ nɩ, ‑pɔɔkʋ 'nyɩ Judee ‑a sɔ 'umä ‑na ‑gä 'pa. Nyɔɔ ‑kaaŋlʋ bɩa ‑nyɛɛ sɔ 'ɔmä amɩ ‑na bʋbɔnyrɩ ja.

Rɔmënyüü 1:3

'Ɔa 'jʋa ‑gä 'ä 'paa. Dɛɛlɛ bäa' 'ɔa nyɔɔa 'pɛ nɩ, Daviidëa napio 'klɩa nyɔɔ 'ɔ bä.

Rɔmënyüü 11:1

'Bete 'n 'bete ɔ: Nyɔsʋa 'wʋ 'ɔa ‑glügbö dɛrɩ 'ia ‑gʋ? 'Klaaklä! 'Na 'mʋgbɛ Israɛɛlënyɔɔ 'n bä; Abraamëa ‑gbööli 'n sɔ, Bɛnjamɛɛa ‑glügbö 'klɩ.

Rɔmënyüü 11:14

'N nö 'imɩ 'imä 'na ‑glügbö wasä plɛklɩ ‑tʋ 'kä 'doorodoolü bäa' 'üa ‑tɔrʋpɩɔ 'mä 'lɩmlɩwʋ.

Rɔmënyüü 16:11

'Ba 'trɛɛ 'na napio 'klɩa nyɔɔ Erodɩɔnë. 'Ba 'trɛɛ ü bäa' Nasiisëa ‑nyɛɛ ü bäa' 'Pläkänyɔɔ 'lɩ.

Rɔmënyüü 16:21

Nyɔɔlɔ 'nyraa 'ɔɔn ‑fɛɛɛa' 'jrʋpa, Timotee nyra 'na napio 'klɩa nyüü: Lusiusë, Jasɔɔnë, Sosipatɛrë, 'ü 'trɛɛ 'amɩ.

Rɔmënyüü 16:7

'Ba 'trɛɛ 'na napio 'klɩa nyüü Andronikë nyra Jonia 'ü nyra 'üün kɔsɔ paa' ‑jie. Apotrë 'ü bä, 'ü jre 'üa 'jrʋpa ‑gböösa, 'üü ‑kätɩ jre 'Kriisë 'fɩɔwʋ 'nyaa 'mä 'lɩtroro.

Rɔmënyüü 9:2

'n 'kpɔɔ ‑gböösa ‑bɛ 'na plɛ fiea 'doo.

1 Korɛɛntënyüü 12:3

'A 'ia ‑gʋ 'n ‑gbala 'amɩ: Nyɔsʋaa ‑Susu ma 'tiere nyɔɔ nɩ, 'ɔnyɩ 'lɩ ‑a bɩa ɔ 'daa: «Jesu busu». ‑Bɛ 'Nyüna ‑Susu ma 'nyɩ nyɔɔ ‑a 'tiere 'ɔnyɩ 'lɩ ‑a bɩa ɔ 'daa «Jesu bä 'Pläkänyɔɔ!»

1 Korɛɛntënyüü 16:22

Nyɔɔ ma 'nyɩ 'Pläkänyɔɔ Jesu 'Kriisë ‑a ‑wa nɩ, ɔ busu. Maranata!

2 Korɛɛntënyüü 12:15

'Ii känyrɩ 'mɔɔlɔ nɩ, 'inya 'mɩ dɔrʋ 'wʋ käa 'mä diia 'fɩɔ 'sa, 'palɩ 'na 'mʋgbɛa 'fɩɔ 'ana ‑gʋ. 'Asɩ 'n ‑waaa 'amɩ nɩ, 'na ‑wawakʋ 'bölöklɩ 'ana plɛklɩ?

Galaatënyüü 1:8

‑Bakää 'i 'nɩ bä amɩ, 'aiɛ 'i 'nɩ bä 'aanjë sɔa' cɛlɩ, 'ia nyɔɔ ma 'saralɩ 'amɩ 'Mʋfagogo ‑mölöö, ima 'nyɩ ä a ‑gbalaa' 'amɩ ‑a bä, abɩa Nyɔsʋa busu 'ɔmɩ!

Galaatënyüü 1:9

Wiili a ‑gbalaa' ‑plɩɩ 'amɩ, 'ii 'n ‑gbala 'sɔɔwʋ 'amɩ: nyɔɔ ma 'saralɩ 'amɩ 'Mʋfagogo ‑mölöö, ima 'nyɩ ‑mälä 'a 'nyierea' 'klɩ ‑a bä, abɩa Nyɔsʋa busu 'ɔmɩ!

Galaatënyüü 3:10

Nyüülü boboa' ‑maa üma ‑träärälɩ ‑dɔa 'fɩɔ 'kä Nyɔsʋa nya 'daa 'ü ‑gäklɩ nɩ, 'ia nyüülü busu. 'Be nyɔsʋapɔɔkʋ nɩnɩa: «Nyɔɔlɔ 'nyɩ ‑trääräa' 'lɩ wiili kä 'fɩɔ ‑jɩjraa' ‑dɔa ‑pɔɔkʋa 'mlɩ nɩ, 'ia nyɔɔlɔ busu.»

Galaatënyüü 3:13

'Kriisë 'ba amɩ ‑dɔa busukʋ ‑gälɩ; busukʋlʋ nëmä ɩa' amɩ ‑gälɩjrä nɩ, 'ɔɔ 'u jrä ‑gälɩ. 'Be nyɔsʋapɔɔkʋ nɩnɩa: «Nyɔɔ o nyɔɔ nëmäa' tuu ‑gälɩ järä, abɩa busukʋ jrä 'ɔɔn ‑gälɩ».

Ɛfɛsënyüü 6:5

'Amɔ ‑goou 'amɩ, 'ba ‑träärälɩ 'ana 'kamanyüü ‑gböösa ‑pɩ ‑tʋtʋ ‑gälɩ, 'ba nʋ 'ana plɛa 'fɩɔ, 'sɩrɩ 'a ‑fɛɛɛ ɩa' 'jrʋpa 'Kriisëa ‑gʋ.