Rɔmënyüü 5:2 - Kuö Dëdrä Jenɛɛsë Rutë

² 'A 'ɔa plɛtorokʋa ‑gʋ 'ɔ 'sa amɩ 'ɔa ‑gbinanakʋa 'nyʋfɔa tatu 'klɩ, ‑bɛ a kʋ 'lɩ 'mʋfasa ‑mlatɩ. Dɔrʋ 'blaa amɩ 'be anya ‑pɩ Nyɔsʋaa 'bʋalakʋ 'jäa.

Rɔmënyüü 5:2 Iomraidhean Croise

Matiö 25:21

'Ɔa 'kamanyɔɔ nya ‑gbala 'ɔɔn: ‹'I 'na 'mʋfasa, 'cɩca 'jrʋpafɛnyɔɔ nyra plɛtoronyɔɔ ‑bä! ‑Sraraa' 'mɩ 'sɩrɩ bäa' plɛtoronyɔɔ diijie 'lɩ 'n ‑nyɩa' ‑mɩa 'mlɩ nɩ, 'nyaa ‑mɩ dii 'kɔkɔmlɛ kälɩ ‑nyɩa. Ji 'nyraa ‑mɔ 'mä dɔrʋ nʋ.›

Jaan 10:7

Jesu nya ‑gbala 'sɔɔwʋ 'üün nɩ: «'Tasɩrɩa 'cɩcasa 'n ‑gbala 'amɩ, 'mɔɔ bä ‑bablëëa ‑glɔa 'mëmla.

Jaan 10:9

'Mɔɔ bä 'mëmla: nyɔɔ ma ‑gö 'mɩ 'lɩ ɔma pa nɩ, 'ɔnya 'lɩmlɩwʋa. 'Ɔnya paa, 'kä 'ɔnya 'cie, 'ɔnya jijrɛ 'jäa.

Jaan 14:6

Jesu nya ‑gbala 'ɔɔn: «'Mɔɔ bä 'nyʋfɔ, 'nyaa bä 'cɩcasa nyra 'klä. Nyɔɔ ‑o nyɔɔ jöa' Tʋa ‑nyɛɛ 'mɔɔ 'ɔ ‑srörö kälɩ.

Jaan 5:24

«'Tasɩrɩa 'cɩcasa 'n ‑gbala 'amɩ, nyɔɔlɔ poa' 'na 'papawii 'nyakli ‑bɛ 'ɔ toro nyɔɔlɔ blɔa' 'mɩ plɛ nɩ, 'ɔ kä 'klälä 'nyɩa' blöröfa kä. 'Ɔa ‑gä ‑nëmä ‑träärä ‑a ‑träärä. 'Ia nyɔɔlɔ, 'ɔ 'a jäjä 'lɩ sɔ, 'ɔ 'a 'klä 'lɩ ji.

Akëtë 14:27

'Ü 'tɔa' nɩ, 'ünya 'papla 'cɛcɩnyüü ‑gba, 'ünya ‑gbala 'üün wiili kä 'fɩɔ Nyɔsʋa sröröa' 'üün kälɩ 'ɔ nʋa', nyra 'sɩrɩ 'ɔ ‑fɛa' nyüülü 'nyɩa' juifë bäa plɛ ‑gba ‑bɛ 'ü toroa' 'ɔɔn plɛ.

Rɔmënyüü 11:20

'I 'na; 'ünyɩ toro Nyɔsʋa plɛ ‑a, 'a 'ia ‑gʋ 'ü 'bölɩ 'ümɩ. ‑Bɛ ‑mɔlɔ nɩ, nyɔsʋaplɛtorokʋa ‑gʋ ‑sɔɔrɔwʋ. 'Ii känyrɩ ‑nyɩ bɔtɔ ‑tɔklʋ! ‑Maa abɩa ŋalɛ 'bla ‑mɩ,

Rɔmënyüü 12:12

A dɔrʋ 'bla 'amɩ 'a jre dɛɛlɛ 'naa' Nyɔsʋa tɛrɛa' 'amɩ ‑sraakäpɩa ‑gʋ. 'Ba kpʋkplɔmlɩ ‑sʋɩa 'mlɩ, 'anyɩ ‑sɩa nyɔsʋabibiekʋa ‑gʋ.

Rɔmënyüü 14:4

Nyɔɔ 'plɛɛ bä ‑bɛ ‑daaa nyɔɔ ‑molooa 'jrʋpafɛnyɔɔ le? 'Ɔ 'nyüglö o, 'ɔ blö o, 'ɔa 'kamanyɔɔa wii bäsaa. 'Ɔnya 'nyüglöa 'be Nyɔsʋa 'mrɛɛ ɔ ji 'ɔɔn ‑gba 'kä 'ɔnya 'nyüglö.

Rɔmënyüü 15:13

Abɩa 'suru Nyɔsʋa 'sie 'amɩ dɔrʋ 'kɔkɔmlɛ nyra plɛgälɩflɛrɛkʋ 'klɩ 'sɩrɩ 'a toroa' 'ɔɔn plɛ. 'Ama nʋ 'saa nɩ, 'Nyüna ‑Susua 'klü nya 'amɩ 'surukʋ 'wli ‑siea!

Rɔmënyüü 2:7

Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa.

Rɔmënyüü 3:23

Nyüüa 'fɩɔ nʋ ‑balʋ, 'ia ‑gʋ Nyɔsʋa 'ba 'üün 'ɔa 'wliklɩbʋabʋakʋ kälɩ.

Rɔmënyüü 5:5

‑Bɛ plɛgälɩpiepiekʋ 'nyɩ ‑trɔɔrɔ nyɔɔ ‑a, 'be Nyɔsʋa ‑srörö 'Nyüna ‑Susulu 'ɔ ‑nyɩa' amɩ kälɩ 'ɔnya 'fɛrɛ ana polu ‑gälɩ 'ɔa ‑wawakʋ 'kä.

Rɔmënyüü 8:1

Dɛɛlɛ a kʋa' ‑plɩɩ ‑gälɩ ɔ nɩ, nyüülü bäa' Jesu 'Kriisë 'lɩ ‑kanyɩ 'pɔnɩkʋ ‑a kä, 'abɩa nyüülü 'nyɩ 'nyɛrɛa' 'üa 'jajɛa wii ‑gälɩ, ‑bɛ 'ü 'nyɛrɛa' 'Nyüna ‑Susua wii ‑gälɩ.

Rɔmënyüü 8:24

'be a jresaa anya 'a 'lɩmlɩwʋ ‑maa anyɩ 'jä ‑kätɩ 'iin 'wʋ ‑a. Ana 'nyü ma 'jä dɛɛlɛ amäa' 'jä nɩ, 'i ‑kanyɩ 'saa jejrekʋ ‑a bä, 'be anya 'ɛɛn 'jä: dɛplɛɛ kä ‑gʋ a ‑ka ‑glaaa dɛɛlɛ anya 'a 'jä le?

1 Korɛɛntënyüü 15:1

'Na ‑wlajü 'amɩ, 'Mʋfagogolä 'n 'saa' 'amɩ, ‑bɛ 'a 'nyierea' 'klɩ nɩ, ä 'a ‑trääräa' 'lɩa 'doo nɩ, 'äa ‑gä 'n 'paa 'amɩ plɛ.

2 Korɛɛntënyüü 3:18

Ana 'fɩɔa 'kʋɩa 'nyɩ ‑sisie ‑a ‑sisie, ‑bɛ a 'jäjrä 'Pläkänyɔɔa 'wliklɩbʋabʋakʋ ‑beere ‑titre 'lɩ. 'Cicri a 'cicri 'plɔʋplɔʋ, amä 'Pläkänyɔɔa 'sa bä; a sɔ 'wliklɩbʋalakʋ 'lɩ ‑bɛ a 'jrara 'wliklɩbʋabʋakʋ 'lɩ. 'Pläkänyɔɔlɔ bäa' ‑Susu, 'ɔa 'jrʋpa bäsaa.

2 Korɛɛntënyüü 4:17

'Be ‑sʋɩlɩ a 'jääa' 'fʋma ‑bɛ 'inyɩ ‑wlɛlɩ ‑a, ‑maa 'i tɛrɛ amɩ 'wliklɩbʋabʋakʋlʋ ‑sia' ana ‑sʋɩ 'wʋ. 'Ia 'wliklɩbʋabʋakʋlʋ ‑wlɛɛɛlɩ 'plɔʋplɔʋa ‑gʋ 'unya 'bʋa ‑gböösa 'unya ‑si ana ‑sʋɩ 'wʋ.

Ɛfɛsënyüü 2:18

'Be 'abɩa 'Kriisë ana 'fɩɔ ma ‑srörö kälɩ nɩ, ‑bakää ‑bä juifë 'aiɛ ‑nyɩ juifë bä, 'a ‑plɩɩ a 'mrɛɛ amä ana Tʋ Nyɔsʋa ‑gbajijrö ‑Susu 'doolʋa 'nyrɩklɩ.

Ɛfɛsënyüü 3:12

A nyra 'Kriisë bäa' 'doo plɛtorokʋ 'lɩ, 'ia ‑gʋ a jresaa a 'mrɛɛ amä Nyɔsʋa ‑gbajijrö 'surusa.

Ɛfɛsënyüü 6:13

'A 'ia ‑gʋ, 'ba dɔrɔ Nyɔsʋaa tafudiia 'fɩɔwʋ 'amä nyɔnyrɔ bʋbɔsrɩa 'taɩn 'lɩ, 'amä 'nyüglökʋ jre, 'be 'a tritri 'anya 'tɔ bɩarafa 'wʋ.

2 Tɛsalonikënyüü 2:16

Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,

Ebröönyüü 3:6

‑Maa 'Kriisëlɔ nɩ, 'ɔ bä plɛgälɩpie 'Jʋ ‑bɛ 'ɔ bä nyukulua 'wliklɩ. Ama ‑sɔɔrɔ ana nyɔsʋaplɛtorokʋ 'wʋ ‑sɔrɔ 'pläa bɩarafa 'wʋ nɩ, ‑bɛ ama 'kpla ana nyɔsʋaplɛgälɩpipiekʋlʋ käa' amɩ dɔrʋ 'wʋ nɩ, ama nʋ 'imɩ nɩ, a bä 'ɔa nyuku.

Ebröönyüü 6:18

'A 'ia dii 'sɔɔlüa ‑gʋ, i kä 'mlɩ Nyɔsʋa 'nyɩa' 'lɩbɩa 'ɔmäa' ‑gbagblɛ kä nɩ, ama 'jä 'iin 'i 'jrara ana 'klü ‑gböösa, amɔlɔ fɔlɔa' plɛgälɩpiepiekʋlʋ 'ɔ ‑tʋa' ana 'klɔɔtrʋ dɛrɩ.

1 Piɛɛrë 3:18

'Kriisëa 'mʋgbɛ 'jä ‑sʋɩ ‑balʋnyüüa ‑balʋa ‑gʋ, 'ɔ nʋ 'imɩ 'wʋ 'doo 'wʋ 'plɔʋplɔʋa ‑gʋ: 'ɔɔ bäa' 'klɩgänyɔɔ, 'ɔ jä nyüülü 'nyɩa' 'klɩgäa ‑gʋ, 'ɔmä 'amɩ Nyɔsʋaa 'pɛlɩ fala. 'Tasɩrɩ 'ɔ jä, ‑maa Nyɔsʋaa ‑Susu nya 'ba 'ɔɔn jäjäa ‑tɔrʋpɩɔ, 'ɔnya bälɩ.

'Nyügälɩjawii 21:11

Nyɔsʋaa 'bʋalakʋa pöplökʋ ŋʋala 'ään ‑gälɩ. 'Äa pöplödɛɛ ‑beere pöplö 'täkä 'nyɩa' 'lɩkäwla, 'ä ‑beere jasɛpëtäkä 'ä 'järälɩkä ‑beere ‑glasɩ.

'Nyügälɩjawii 21:23

Nyɔsʋaa 'wliklɩbʋabʋakʋ ŋʋala bätäläa 'mlɩ, 'üa ‑gbʋʋ 'nyɩ 'jrʋ 'aiɛ ‑seplea pöplökʋ ‑gba ‑a bä; 'be ‑Bablëëjʋ bä 'ɔa 'napɛ.

'Nyügälɩjawii 21:3

'Nyaa 'nu 'wʋsɔɔrɔ wiili sɔa' cɛlɩ 'wli ‑bɛ 'i nö: «‑Jää, Nyɔsʋaa ‑Tete 'a nyüüa ‑nyɛɛ ji, 'üa ‑nyɛɛ 'ɔ nëmä kʋ. 'Üü nëmä 'ɔa nyüü bä, Nyɔsʋa 'mʋgbɛ nya 'üa Nyɔsʋa bäa.

'Nyügälɩjawii 3:21

Nyɔɔlɔ nëmäa' 'wʋsi nɩ, 'nyraa 'ɔɔn nya 'na 'kɩɩkpata ‑gälɩ kʋa, 'sɩrɩ 'na 'mʋgbɛ ‑sia' 'wʋ ‑bɛ 'n mia' ‑bɛ 'mɔɔ ‑bɛ 'na Tʋ kʋa' 'ɔa 'kɩɩkpata ‑gälɩ.