3 Boboa' nɩ, ‑mɔ nyɔɔ, ‑tʋʋäa' nyüülü nöa' 'samaa diia ‑gä ‑bɛ ‑na 'mʋgbɛ ‑nöa' nɩ, ‑nya Nyɔsʋaa ‑gätʋtaɩn 'mlɩ 'wʋa?
Trii 'amɩ! 'Mëmlɛtapaa 'jü 'amɩ! ‑Asɩ 'anya kapulu 'nyɩ 'nyrɔlɔa' 'plɔʋ mlɩ sɔ le?
‑Nyɩ 'saa ‑a jre 'n 'mrɛɛ ‑a we 'na Tʋ ɔ ja 'aanjëa ‑glügbü ‑pʋ ‑bɛ 'sɔɔ!
Jesu nya ‑gbala 'ɔɔn: «'Na nyɔɔ, nyɔɔ 'plɛɛ ‑tʋ 'mɩ 'ana ‑tɔrʋpɩɔ 'mä 'ana ‑jaaa ‑gä ‑tʋ le?»
'Ia ni ‑sia' nɩ, ‑moloo nya 'jä 'ɔɔn, 'ɔ ‑nëma: «‑Mɔ kʋa' ‑pɩ nɩ, ‑bä bɩa 'üa ‑tɔrʋpɩɔa nyɔɔ.» Piɛɛrë ‑nëma: «'Na nyɔɔ, ‑mää 'mɔɔ ‑a!»
‑Maa Piɛɛrë nya ‑gbala 'ɔɔn: «'Na nyɔɔ, wiili ‑paaa' 'nyɩ 'nu 'iin 'wli ‑a!» 'Ɔ ‑ka 'paa ɩ wii ‑bɛ sapɛ ‑gbe.
'ü jre 'iin 'sɩrɩ Nyɔsʋa 'daaa' ‑maa: ü kä 'ümä nyüülü nöa' 'ia 'samaa wii 'bla. 'Asɩɛ 'ü nö 'imɩ, ‑bɛ 'ü 'nyiere nyüülü nöa' bɩa 'iin.
'Ii känyrɩ, nyɔɔ o, ‑mɔ 'daaa' ‑mölöö, ‑nyɩ ‑gbagbawii ‑a kä; 'be ‑ama 'daa ‑na ‑mölöö nɩ, ‑na 'mʋgbɛ ‑kala dɛrɩ. ‑Mɔ 'daaa' ‑na ‑moloo nɩ, ‑na 'mʋgbɛ 'a dii 'doolü ‑nö!
A jre 'iin 'sɩrɩ Nyɔsʋaa ‑tʋʋäa' 'klɩgäsa nyüülü nöa' 'samaa wiia ‑gä.
‑Maa, ‑mɔ nyɔɔ, nyɔɔ 'plɛɛ bä ‑bɛ nyra Nyɔsʋa ‑topo le? Dɛɛ nyɔɔ ‑ka ‑paaa' nɩ, 'ɛ 'mrɛɛ ɛ ‑gbala nyɔɔlɔ ‑paaa' 'ɛɛn ‑maa: «Dɛplɛɛ kä ‑gʋ ‑paa 'saa 'mɩ le?»
'Taɩn 'lɩ 'ümäa' 'daa: «‑Yrɛ 'a bɩa, wii ‑ka ‑nëmä 'lɩ ‑a bä» nɩ, 'a ‑plɩɩ 'ümä ‑sʋɩ 'järä ‑beere 'ŋlʋʋ nëmä ‑gu ‑bɛ mɩmɩakʋ ‑fuuöa' ‑wälɩ, 'i ‑nëmä 'lɩ nyɔɔ ‑a tɩ.
'Ba ‑tre 'ana nyüfë, nyɔɔlɔ 'paaa' wiia ‑gʋ, 'a ‑pɩ 'ɔa mlɩa wii ‑gbɔ. Nyüülü 'nyɩa' nyɔɔlɔ 'palaa' 'üün wii ‑gba ‑pɩ ‑tʋtʋ ‑gälɩ 'nyaklipo nɩ, 'ünyɩ 'pɔnɩkʋa mlɩ ‑a sɔ. Ana 'mʋgbɛ ama 'nyɩ po nyɔɔlɔ kä 'papawii sɔa' cɛɩɩa 'mlɩ, 'ɔ ‑gbalaa' amɩ 'nyakli ‑a nɩ, 'ɔnya amɩ 'pɔnɩa ‑gböösa.
‑Asɩ anya 'pɔnɩkʋ mlɩ sɔ ama 'nyɩ 'kpla 'mʋfasa 'samaa 'lɩmlɩwʋwʋkʋ kpakulua wii ‑ale? 'Be 'Pläkänyɔɔ ‑kätɩ ‑gbala amɩ 'lɩmlɩwʋwʋkʋlʋa ‑gä, 'fɩɔwʋ ‑mülü 'nua' 'iin 'wli nya ji 'sɔɔwʋ amɩ 'iin ‑gbala.