Rɔmënyüü 1:8 - Kuö Dëdrä Jenɛɛsë Rutë

⁸ 'N 'trɛɛ ‑kätɩ 'na Nyɔsʋa 'ana 'fɩɔa ‑gʋ 'kä Jesu 'Kriisëa 'nyrɩklɩ; 'be nyüü 'paa 'ana nyɔsʋaplɛtorokʋa ‑gä 'pläa 'fɩɔa 'mlɩ.

Rɔmënyüü 1:8 Iomraidhean Croise

Matiö 24:14

‑Taa 'Kamapläa 'Mʋfagogolä kʋa' ‑pɩ nya 'blɩa 'fɩɔa 'mlɩ 'saraa, 'fɩɔwʋ 'kä 'plä nya bɩa.

Lukë 2:1

'A 'ia 'taɩn 'lɩa mlɩ 'kɩɩ kpakölɔ 'ü 'daraa' Sesaa Ogusë ‑jɩjra ‑pɔɔkʋ ü ‑jɩjra nyüülü kä 'fɩɔ bäa' Rɔmëa ‑tʋtʋ ‑gälɩa 'nyrɩ.

Akëtë 11:28

'Üa ‑tɔrʋpɩɔa 'doolɔ bäa' 'lɩ 'ü 'daraa' Agabusë, 'ɔnya sɔwʋ, 'Nyüna ‑Susu nya ‑srörö 'ɔɔn kälɩ 'unya ‑gbala nyüü ‑maa ‑gbëkananie nya ‑tʋtʋa 'fɩɔ ‑gälɩ palaa. 'I nrörö kä Sesaa Kloodëa 'taɩn 'lɩ.

Akëtë 28:22

‑Maa a 'bata amä ‑mɩ 'nyaklipo, wiili ‑boboa' 'ia ‑gʋ; 'be ana 'fɩɔ jre 'iin 'sɩrɩ nyüüa 'fɩɔ 'nyɩa' ‑taa nyüüglügbölä kä 'mlɩ bäa' ‑wa.»

Rɔmënyüü 10:18

‑Maa 'bete 'n 'bete: 'Ünyɩ 'nu ‑a 'nu? 'Ü 'nu! 'Üa mlɩa wii mi ‑tʋtʋa 'fɩɔ ‑gälɩ, 'üa 'papawii nya mi 'pläa blöröfa 'wʋ.

Rɔmënyüü 16:19

Nyüüa 'fɩɔ jre 'ana 'lɩträäräkʋ. 'A kä 'mɩ dɔrʋ 'wʋ, ‑maa 'n 'bata 'ba jre wiili 'naa' 'sɩrɩ 'ana polua 'nyü 'naa' 'kä ‑balʋa ‑gʋ.

Rɔmënyüü 6:17

‑Maa a 'trɛɛ Nyɔsʋa, 'amɔ ma bäa' ‑balʋa ‑goou, 'a nʋ 'ana plɛ 'anya ‑träärälɩ 'kpɩkpɩakʋlʋ Nyɔsʋa ‑nyɩa' 'amɩ.

1 Korɛɛntënyüü 1:4

'N 'trɛɛ 'na Nyɔsʋa 'plɔʋplɔʋ 'ana ‑gʋ, 'n 'trɛɛ 'ɔɔn 'sɩrɩ 'ɔ ‑sröröa' 'Kriisë Jesu kälɩ ‑bɛ 'ɔ ‑nyɩ 'amɩ 'ɔa ‑gbinanakʋ.

2 Korɛɛntënyüü 2:14

A 'trɛɛ Nyɔsʋa! Ɔ ‑sröröa' 'Kriisë kälɩ ɔ falaa' amɩ 'wʋsisikʋa ‑glɩsɩglɩsɩ 'lɩ 'plɔʋplɔʋ, ‑bɛ 'ɔ ‑sröröa' amɩ kälɩ ‑bɛ 'ɔ srara 'Kriisë ‑pɩɔa 'fɩɔ, 'sɩrɩ ‑daŋlʋɩnɩa 'nɔnʋ ‑gbaalaa' ‑pɩɔa' 'fɩɔ 'kä.

Ɛfɛsënyüü 1:15

'A 'ia ‑gʋ 'na 'mʋgbɛ 'nua' 'sɩrɩ 'a toroa' 'Pläkänyɔɔ Jesu plɛ, ‑bɛ 'a ‑waa' 'nyünanyüüa 'fɩɔ nɩ,

Ɛfɛsënyüü 1:16

'n ‑kaapɩɔ Nyɔsʋaa 'tɛtrɛɛkʋa ‑gʋ fio 'ana ‑gʋ. 'Asɩ 'n bibiea' Nyɔsʋa nɩ, 'n 'paa 'ana ‑gä plɛ.

Ɛfɛsënyüü 3:21

'ɔɔ kä 'wliklɩbʋbʋakʋ 'Cɛcɩa 'mlɩ nyra Jesu 'Kriisë 'lɩ, i ‑wɩara 'taɩn a 'fɩɔ 'lɩ nyra 'plɔʋplɔʋa ‑gʋ! 'Asɩ i bä.

Ɛfɛsënyüü 5:20

'Ba 'trɛɛ ana Tʋ Nyɔsʋa 'taɩn a 'fɩɔ 'lɩ nyra diia 'fɩɔa ‑gʋ, 'Pläkänyɔɔ Jesu 'Kriisëa 'nyrɩklɩ.

Filipënyüü 1:11

Jesu 'Kriisë nya 'amɩ ‑gbajia 'ɔa 'klɩgägäkʋa ‑gbi 'mä 'amɩ 'lɩ 'si, Nyɔsʋa 'mä 'bʋala ‑bɛ 'ümä 'ɔɔn 'lɩbrɛrɛ.

Filipënyüü 1:3

'Asɩ 'ana wii jöa' 'na 'wlia 'mlɩ, 'asɩ 'n 'trɛɛ 'na Nyɔsʋa.

Kolɔɔsënyüü 1:3

A 'trɛɛ Nyɔsʋa, ana 'Pläkänyɔɔ Jesu 'Kriisëa Tʋ ‑bɛ a bibie 'ana 'wli 'lɩ 'plɔʋplɔʋ,

1 Tɛsalonikënyüü 1:2

A 'trɛɛ Nyɔsʋa 'plɔʋplɔʋ 'ana 'fɩɔa ‑gʋ, ‑bɛ 'asɩ a bibiea' Nyɔsʋa 'taɩn a 'fɩɔ 'lɩ nɩ, 'asɩ a 'paa 'ana ‑gä.

1 Tɛsalonikënyüü 2:13

'A 'ia ‑gʋ a 'trɛɛ Nyɔsʋa 'plɔʋplɔʋ, 'be a ‑gbalaa' 'amɩ nyɔsʋaawii. 'Anyɩ 'iin 'kpla ‑a 'kpla ‑beere nyɔɔa dɛtɛdɛtʋ, ‑maa 'sɩrɩ 'i bäa' 'tasɩrɩa Nyɔsʋaa wii nɩ, 'asɩ 'a 'kpla 'iin. ‑Bɛ 'ia 'mʋgbɛ ‑fɛɛɛrɛ 'ana 'kläa 'mlɩ 'jrʋpa; 'amɔ toroa' Nyɔsʋa plɛ.

2 Tɛsalonikënyüü 1:3

‑Wlajü 'amɩ, 'ana ‑gʋ a kä amä Nyɔsʋa 'trɛɛ 'taɩn a 'fɩɔ 'lɩ. 'Inya 'nara 'lɩ, 'be 'ana nyɔsʋaplɛ 'papla ‑gälɩa 'doo, ‑bɛ 'ana ‑wawlakʋa 'mʋgbɛ 'papla ‑gälɩa 'doo.

2 Timotee 1:3

'N 'trɛɛ Nyɔsʋalɔ 'n nöa' 'na 'nyünaplɛa 'fɩɔ ɔ kä 'jrʋpa 'n ‑fɛɛɛa', 'sɩrɩ 'na tʋɩɩ ma nöa'. 'Asɩ 'n bibiea' Nyɔsʋa ‑srɩ ‑bɛ ‑gbia nɩ, 'n bobo ‑na ‑gäa 'doo.

Filemɔɔ 1:4

'Asɩ 'n bibiea' Nyɔsʋa nɩ, 'n bibie ‑na 'wlili 'kä 'n 'trɛɛ 'na Nyɔsʋaa 'doo ‑na ‑gʋ,

Ebröönyüü 13:15

'Ii känyrɩ a ‑srörö Jesu kälɩ a nʋ ana mlɩa wii a 'sa ‑gbɔ; a brɛrɛ Nyɔsʋa 'klɩ 'taɩn a 'fɩɔ 'lɩ. 'Iibä a ‑nyɩ 'ɔɔn ‑gbɔlʋ sɔa' ana mlɩ, u jrea' 'ɔa 'nyrɩ nyüüa 'klɩ.

1 Piɛɛrë 2:5

'Ana 'mʋgbɛ 'ba ‑beere 'lɩbä 'täkë. 'Ba 'cɛrɛ Nyɔsʋa ‑wälɩ 'ɔmä 'amɩ nʋ 'ɔmä 'Nyüna ‑Susua nyuku 'pa. ‑Gbɔsapɛrɛnyüülü 'ü berea' 'klɩ Nyɔsʋaa 'jrʋpaa ‑gʋ, 'üü 'a nëmä bä, 'kä 'anya ‑gbɔɩɩlɩ Nyɔsʋaa ‑Susu 'bataa' 'sa; 'be Nyɔsʋa nya 'iin 'lɩ 'kʋɛɛ Jesu 'Kriisëa ‑gʋ.

1 Piɛɛrë 4:11

Nyɔɔ ma 'pawii nɩ, ɔ bä Nyɔsʋaa wiisienyɔɔ. Nyɔɔlɔ jöa' nyüü ‑gba nɩ, 'ɔ nʋ 'klülü Nyɔsʋa ‑nyɩa' 'ɔɔn ‑bɛ ɔ ji nyüü ‑gba. ‑Bɛ wiia 'fɩɔa 'mlɩ nɩ, Nyɔsʋa 'mä 'bʋala Jesu 'Kriisëa ‑gʋ, 'ɔɔlɔ käa' 'wliklɩbʋbʋakʋ nyra 'klü 'plɔʋplɔʋa ‑gʋ! 'Asɩ i bä.