Lukë 9:5 - Kuö Dëdrä Jenɛɛsë Rutë

⁵ ‑Bɛ nyüü ma 'nyɩ 'amɩ 'lɩ ‑a 'kʋɛɛ nɩ, 'ba sɔ 'ia bätäläa 'mlɩ, 'kä 'a ‑gbɔplɔ 'lɩ 'ana bökli ‑wälɩa ‑tʋtʋ: 'ii 'mä 'üün ‑gbala 'sɩrɩ 'üa nʋnʋgbi 'nyɩa' 'na.»

Lukë 9:5 Iomraidhean Croise

Matiö 10:18

'Ünya 'amɩ ‑gʋmlanyüü nyra 'kɩɩɩ 'klɩ faa 'na ‑gʋ. ‑Bɛ 'üa 'klʋɩ, 'üü ‑bɛ nyüülü 'nyɩa' juifënyüü bä, 'amä 'üün 'cɩcasalä 'a 'järäa' 'mɩ 'lɩ ‑gbala.

Marëkë 6:11

‑Pɩɔ o ‑pɩɔ 'a nëmäa' 'tɔ 'ia nyüü ma 'nyɩ 'amɩ nyuku ‑a ‑nyɩ, ‑bɛ üma 'nyɩ po 'amɩ 'nyakli ‑a nɩ, 'ba sɔ 'lɩ, 'kä 'a ‑gbɔplɔ 'lɩ 'ana böklölia ‑tʋtʋ, 'ii 'mä 'üün ‑gbala 'sɩrɩ 'üa nʋnʋgbi 'nyɩa' 'na. 'Cɩcasa 'n ‑gbala 'amɩ, jrüülü kä 'mlɩ Nyɔsʋa 'mäa' ‑gä ‑tʋ nɩ, Sodɔɔmë nyra Gomɔɔrëbätäa ‑gä ‑nëmä dɛɛ ‑a bä 'kä 'ia në bätäläa ‑gʋ.»

Marëkë 9:37

«'Sɩrɩ 'jʋjɔlɔ kʋa' ‑pɩ bäa', nyɔɔ o nyɔɔ 'kʋɛɛa' 'lɩ 'jʋlɔ 'na 'nyrɩklɩa ‑gʋ nɩ, 'mɔɔ 'ɔ 'kʋɛɛlɩ bɩa. Nyɔɔ o nyɔɔ 'kʋɛɛa' 'lɩ 'mɩ nɩ, ‑mää 'na 'doo 'ɔnyɩ 'lɩkʋɛɛ, ‑maa nyɔɔlɔ blɔa' 'mɩ 'ɔɔ 'ɔ 'kʋɛɛlɩ.»

Lukë 10:16

«Nyɔɔ ma po 'amɩ 'nyakli nɩ, 'mɔɔ 'ɔ ponyakli. Nyɔɔ ma jrara 'amɩ 'nyüamlɩ nɩ, 'mɔɔ 'ɔ jraranyüamlɩ. ‑Bɛ nyɔɔlɔ jraraa' 'mɩ 'nyüamlɩ nɩ, nyɔɔlɔ blɔa' 'mɩ 'ɔ jraranyüamlɩ.»

Lukë 5:14

Jesu nya ‑gbala 'ɔɔn: «‑Nyɩ ‑gbala nyɔɔ, ‑maa ‑ama mi nɩ, mi ‑a ‑srara ‑na nyufa ‑gbɔsapɛrɩnyɔɔ 'klɩ, 'kä ‑saaa ‑gbɔlʋ Moisë 'daaa' 'ba 'saa'; 'uu nëmä 'nyrɩkä, 'kä nyüüa 'fɩɔ nya 'iin jre 'sɩrɩ 'jrʋ ‑kanyɩa' ‑mɩ kla.»

Lukë 9:4

‑Plɩɩlɩ 'a nëmäa' kʋ nɩ, 'a 'nɩ ‑jra 'lɩ; 'ii 'ba kʋ kʋ 'kä 'a 'cie bätäläa 'mlɩ.

Lukë 9:48

'Ɔnya ‑gbala 'üün: «Nyɔɔ ‑o nyɔɔ 'kʋɛɛa' 'lɩ 'samaa 'jʋjɔlɔ kʋa' ‑pɩ, 'na 'nyrɩklɩa ‑gʋ nɩ, 'mɔɔ 'ɔ 'kʋɛɛlɩ bɩa. Nyɔɔ o nyɔɔ 'kʋɛɛa' 'lɩ 'mɩ nɩ, nyɔɔlɔ blɔa' 'mɩ 'ɔɔ 'ɔ 'kʋɛɛ 'lɩ. ‑Mɔlɔ bäa' 'ana 'fɩɔa dɛrɩ 'täpaa nɔ, 'ɔɔ nëmä 'wliklɩa nɔ bä.»

Akëtë 13:51

'Üülü nɩ, 'ünya ‑gbɔplɔ 'lɩ 'üa bei ‑gbaa ‑tʋtʋ, 'ünya mi Ikoniɔɔbätä.

Akëtë 18:6

Juifënyüü 'nyɩ 'ɔɔn 'casɩ ‑a ‑nyɩ, 'ünya ‑jejre 'ɔɔn. 'Ia ‑gʋ 'Pɔɔlë nya ‑gbɔplɔ 'lɩ 'ɔa 'koti 'ɔnya ‑gbala 'üün: «Abɩa 'ana ‑toru ‑gblɔɔ 'ana 'wli 'kä! 'Mɔɔlɔ 'nyɩ 'lɩ 'mlɩ ‑a bä! 'Bala 'saarɩ ‑gälɩ nɩ, nyüülü 'nyɩa' juifë bä, 'üa ‑nyɛɛ 'n mö.»