Lukë 9:41 - Kuö Dëdrä Jenɛɛsë Rutë

⁴¹ 'Iibäa' Jesu nɩ: «'Amɔ nyüü ‑glügbölä kʋa' ‑pɩ, ünyɩ toroa' Nyɔsʋa plɛ, ü nöa' ‑balʋ! 'Taɩn 'plɛɛ 'a ‑ka 'batra 'saa 'mɩ 'ana ‑tɔrʋpɩɔ le? 'Taɩn 'plɛɛ 'a ‑ka 'bata 'saa ‑a ‑gbötö 'amɩ le? Ja 'mɩ ‑na 'jʋ.»

Lukë 9:41 Iomraidhean Croise

Matiö 11:28

«'Ba ji ‑tɛ 'n bäa' 'amɔ nyüülü ‑sɩaa' ɔ järäa' kälɩbä ‑gblɛ ‑wälɩ, ‑bɛ 'mä 'amɩ ‑fʋflʋpapakʋ ‑nyɩ.

Matiö 12:39

Iibäa' Jesu nɩ: «Nyüüglügbölä kä plɛ bʋbɔa', ä sɔa' Nyɔsʋa dɛrɩ, 'ää 'bata ‑saragbia tie. ‑Maa ‑saragbi ‑mɩdoo ‑nëmä nrörö ‑a nrörö ima 'nyɩ ‑saragbili jräa' nyɔsʋaamlɩpalanyɔɔ Jonaasë ‑gälɩ ‑a bä.

Matiö 12:45

'Kä 'u mö 'u we ‑sisi ‑uunsɔɔ ‑mɩdoo, i bʋbɔa' i ‑sia' 'uun 'wʋ, 'kä 'i pa, 'kä 'i kʋä nyukulua ‑wälɩ. ‑Sʋɩlɩ 'ia nyɔɔlɔ 'mäa' 'jä nya ‑kätɩa ni ‑sʋɩ 'wʋsia. 'Ii nëmä 'saarɩa ‑taa plɛbʋbɔnyüü ‑gälɩjrä.»

Matiö 16:4

Nyüüglügbölä kä plɛ bʋbɔa', ä sɔa' Nyɔsʋa dɛrɩ, 'ää 'bata ‑saragbia tie. ‑Maa ‑saragbi ‑mɩdoo ‑nëmä nrörö ‑a nrörö ima 'nyɩ ‑saragbili jräa' nyɔsʋaamlɩpalanyɔɔ Jonaasë ‑gälɩ ‑a bä.» 'Ɔnya tɩ ‑plɩɩ 'üün 'ɔnya mi.

Matiö 17:17

'Iibäa' Jesu nɩ: «'Amɔ nyüü ‑glügbölä kʋa' ‑pɩ, ünyɩ toroa' Nyɔsʋa plɛ, ü nöa' ‑balʋ! 'Taɩn 'plɛɛ 'a ‑ka 'bata 'saa ‑a ‑gbötö 'amɩ le? 'Ba ja ‑pɩklɩ 'mɩ 'jʋlɔ!»

Matiö 23:36

'Cɩcasa 'n ‑gbala 'amɩ, ‑taa nyüüglügbölä kʋa' ‑pɩ ‑gälɩ 'ia 'fɩɔlʋ nëmä 'wli tɩɔ.

Matiö 3:7

Jaan jrea' 'saa Farisinyüü nyra Sadusinyüü 'kɔkɔmlɛ ma jö 'ɔa ‑nyɛɛ 'ɔmä 'üün 'nɩwlipa nɩ, 'ɔnya ‑gbala 'üün: «'Mëmlɛtapaa 'jü 'amɩ, nyɔɔ 'plɛɛ srara 'amɩ Nyɔsʋaa 'crɛlɛ jöa', 'ɛa 'klɩfɔlɔkʋ le?

Marëkë 10:14

Jesu 'jäa' 'iin nɩ, 'ɔnya ‑tʋ 'crɛ 'ɔ ‑nëma: «'Ba 'cɛrɛ 'jü ‑wälɩ ü jijrö 'mɩ ‑gba; 'a 'nɩ kaka 'üün 'klɩ, 'be nyüülü bäa' 'üa 'saa, 'a 'üü kä Nyɔsʋaa 'kamaplä.

Marëkë 10:49

Jesu 'nyüglö; 'ɔnya ‑gbala 'üün ü we 'ɔɔn. 'Ünya we 'nɔnɔnyɔɔlɔ: «'Pa ‑na nyufa 'klü 'lɩ, sɔ 'wʋ, ‑mɔ 'ɔ we.»

Marëkë 9:19

'Iibäa' Jesu nɩ: «'Amɔ nyüü ‑glügbölä kʋa' ‑pɩ, ünyɩ toroa' Nyɔsʋa plɛ. 'Taɩn 'plɛɛ 'a ‑ka 'batra 'saa 'mɩ 'ana ‑tɔrʋpɩɔ le? 'Taɩn 'plɛɛ 'a ‑ka 'bata 'saa ‑a ‑gbötö 'amɩ le? 'Ba ja 'mɩ 'jʋlɔ.»

Lukë 8:25

'Ɔnya ‑gbala 'üün: «‑A 'jää 'ana nyɔsʋaplɛ le?» Ŋalɛ 'blaaa' 'üün, ‑bɛ 'üa plɛklɩ kalaa' nɩ, 'üa ‑tɔrʋpɩɔ 'ü 'pala wii: «Nyɔɔ ‑glügbö 'plɛɛ kʋ ‑pɩ, ɔ 'pala ‑püpö nyra 'nie wii ‑gba, ‑bɛ 'ü 'baa 'ɔa wii wii 'wʋ le?»

Lukë 9:40

'Nyaa bibie ‑na 'wʋnyɛrɛnyüü ü 'ba 'ɔmɩ 'uun ‑gälɩ, ‑maa 'ünyɩ 'lɩ ‑a bɩa.»

Lukë 9:42

'Jʋlɔ ‑ka jijrö 'lɩ dotro domoo nya 'kpa 'ɔɔn 'kä 'unya trara 'ɔɔn. ‑Maa Jesu nyrara ‑frepasusulu 'wli 'ɔnya 'pʋɔ 'jʋlɔ, 'ɔnya ‑nyɩ 'ɔɔn 'ɔa tʋ.

Jaan 14:9

Jesu nya ‑gbala 'ɔɔn: «‑Mää ‑mlatɩkä 'nyraa 'amɔ 'nyɩ 'nyɛ, ‑bɛ ‑kaapɩɔ 'mɩ jre, Filipë? Nyɔɔ ma 'jä 'mɩ, 'ɔ 'a Tʋlɔ 'jä. 'Iɛ ‑daaa ‑maa: ‹Srara amɩ Tʋ le?›

Jaan 20:27

'Ɔnya ‑gbala Tomaalɔ: «Ji, ‑a ‑fɛ ‑pɩ ‑gba. 'Jä 'na kälɩ. Ja ‑na klʋgba, ‑fɛ 'na ‑gbatu ‑gba. ‑Ama nʋ 'iin nɩ, ‑nyɩ 'bʋala plɛ, ‑maa 'dara 'iin 'cɩcasa.»

Akëtë 13:18

'Ɔ ‑gbötö 'üün ‑sɩa ‑glʋɩsɔɔ ‑aaga 'lɩ.

Akëtë 2:40

'Ɔ 'pawii 'kɔkɔmlɛ 'ɔmä 'üa 'klü 'jrara ‑bɛ 'ümä wiili 'ɔ 'paaa' wii 'dara. 'Ɔ ‑nëma: «'Ba sɔ ‑srɩlɩ kä 'mlɩ a bäa', 'ia plɛbʋbɔnyüü dɛrɩ!»

Rɔmënyüü 2:4

‑Ale 'ɔa 'pɔnɩkʋ nyra 'ɔa plɛböblökʋ ‑wlɛɛɛa' 'lɩ, 'ia ‑gʋ ‑paaa 'ɔa ‑gbinanakʋ sawʋ; ‑nyɩ 'saa ‑a jre Nyɔsʋaa ‑gbinanakʋ 'uu 'tiere ‑mɩ ‑balʋa 'piepiekʋ 'lɩ?

Ebröönyüü 3:19

'Ii a 'jää, 'ünyɩa' ‑gʋ nyɔsʋaplɛtorokʋ kä nɩ, 'ünyɩ 'lɩ ‑a pa.

Ebröönyüü 4:11

'Ii känyrɩ, a 'bata ‑fʋflʋpalafaläa 'mlɩa papakʋ, nyɔɔ ‑pɩ nyɔsʋa 'nyʋfɔ 'wʋ 'wʋ ‑beere nyüülü 'nyɩa' 'lɩ Nyɔsʋa ‑träärä.

Ebröönyüü 4:2

'Be a 'nu bɩa 'mʋfagogolä 'wli ‑beere ana tʋɩɩ. ‑Maa 'papawiili 'ü 'nua' 'wli nɩ, 'inyɩ 'üün dɛɛ ‑gba ‑a nʋ, 'be nyüülü 'nua' 'iin 'wli nɩ, 'ünyɩ 'iin nyɔsʋaplɛtorosa ‑a 'kpla.

Ebröönyüü 7:25

'A 'ia ‑gʋ 'ɔ 'mrɛɛ ɔ 'pʋɔ bɩa 'plɔʋplɔʋa ‑gʋ nyüülü ‑sröröa' 'ɔɔn kälɩ ü 'bataa' Nyɔsʋaa ‑gbajijrökʋ, 'be 'ɔ bälɩ 'plɔʋplɔʋa ‑gʋ 'ɔmä 'üa 'wlili bibie.