Lukë 9:31 - Kuö Dëdrä Jenɛɛsë Rutë

³¹ Nyɔsʋaa 'wliklɩbʋabʋakʋ nya trara 'üün 'klɩ, ‑bɛ 'ü nyra 'ɔɔn 'paa 'sɩrɩ 'ɔmäa' Jerusalɛɛmë järä 'ia ‑gä.

Lukë 9:31 Iomraidhean Croise

Lukë 9:22

'Ɔnya ‑gbala 'üün ‑maa: «Nyɔɔa 'Jʋ kä 'ɔmä ‑sʋɩ 'jä ‑gböösa; juifëa tagbü, ‑gbɔsapɛrɩnyüü kpakü, nyra ‑dɔkpɩanyüü nya 'ɔɔn 'nyüamlɩjraraa. 'Ünya 'ɔɔn 'blaa, jrüü tääa ‑srɩ 'lɩ nɩ, 'kä 'ɔnya 'kuaabre sɔ.»

Lukë 9:30

‑Bɛ nyüü 'sɔɔ nyra 'ɔɔn dɛtɛ: Moisë nyra Elii.

Jaan 1:29

‑Srɩ ‑gbaa' kä nɩ, Jaan 'jääa' Jesu ‑bɛ 'ɔ jaraa' 'ɔa 'pɛlɩ nɩ, 'ɔ ‑nëma: «‑Jää Nyɔsʋaa ‑Bablëëjʋlɔ 'baa' 'lɩ 'pläa ‑balʋ.

2 Korɛɛntënyüü 3:18

Ana 'fɩɔa 'kʋɩa 'nyɩ ‑sisie ‑a ‑sisie, ‑bɛ a 'jäjrä 'Pläkänyɔɔa 'wliklɩbʋabʋakʋ ‑beere ‑titre 'lɩ. 'Cicri a 'cicri 'plɔʋplɔʋ, amä 'Pläkänyɔɔa 'sa bä; a sɔ 'wliklɩbʋalakʋ 'lɩ ‑bɛ a 'jrara 'wliklɩbʋabʋakʋ 'lɩ. 'Pläkänyɔɔlɔ bäa' ‑Susu, 'ɔa 'jrʋpa bäsaa.

Filipënyüü 3:21

'Ɔmä ana fugbëlë 'nyɩa' 'klü kä, 'ɔa 'wliklɩbʋafugba 'lɩcicri. 'Ɔa 'klülü kä ‑gʋ 'ɔ 'kamaa' diia 'fɩɔ nɩ, 'üü 'ɔ nëmä nʋ ‑bɛ 'ɔmä ana fugba 'cici.

Kolɔɔsënyüü 3:4

'Kriisë 'ɔɔ bä ana 'klä. 'Taɩn 'lɩ 'ɔmäa' 'klɩtɔrɔ nɩ, 'ana 'mʋgbɛ nyra 'ɔɔn nya 'klɩtɔrɔa 'ɔa 'wliklɩbʋabʋakʋ 'lɩ.

Ebröönyüü 11:22

Josɛɛfëa nyɔsʋaplɛtorokʋa ‑gʋ, 'ɔmäa' jä nɩ, 'ɔ 'salɩ 'sɩrɩ Israɛɛlënyüü 'mäa' ‑srɩɩ Ejiipëtë 'cie, 'ɔnya ‑gbala nyüü 'sɩrɩ 'ümäa' 'ɔa 'koi nʋ 'taɩn 'lɩ 'ɔma jä.

1 Piɛɛrë 5:10

‑Maa 'ana ‑sʋɩ ‑nëmä 'lɩ ‑a ‑wlɛ, Nyɔsʋalɔ käa' ‑gbinanakʋa 'fɩɔ, ɔ werea' 'amɩ 'ɔa 'wliklɩbʋabʋakʋlʋ 'nyɩ bɩaraa' Jesu 'Kriisë 'lɩ nɩ, 'ɔnya 'amɩ 'naraa. 'Ɔnya 'amɩ nyɔnyrɔa, 'ɔnya 'amɩ 'wʋsɔɔrɔa, 'kä 'ɔnya 'amɩ 'wʋsɔɔrɔa nyɔɔ ‑pɩɔ 'amɩ käkpa.

2 Piɛɛrë 1:15

'Nyaa 'ia 'fɩɔ nʋa, 'ia 'taɩn 'lɩ ama mi nɩ, 'anya 'iin plɛ 'paa 'plɔʋplɔʋ.

'Nyügälɩjawii 7:14

'Nëma: «'Pläkänyɔɔ, ‑mɔ jre 'iin.» 'Ɔ ‑nëma: «Ü kʋa' ‑pɩ nɩ, 'a ü 'jäa' ‑sʋɛ kpaki. 'Ü pɔtɔ 'üa 'koti, 'ünya ‑srörö 'iin ‑Bablëëjʋa ‑toru 'lɩ 'inya 'pɔlɔ.