Lukë 9:11 - Kuö Dëdrä Jenɛɛsë Rutë

¹¹ ‑Maa nyüü 'kɔkɔmlɛ 'nua' 'iin 'wli nɩ, 'ünya ‑mɛ 'ɔɔn ‑gälɩ. Jesu nya 'kʋɛɛ 'lɩ 'üün, ‑bɛ 'ɔ 'saralɩ 'üün Nyɔsʋaa 'kamapläa 'kpɩkpɩakʋ, 'ɔnya 'pʋɔ nyüülü ‑wusu 'blaaa'.

Lukë 9:11 Iomraidhean Croise

Matiö 12:15

‑Maa Jesu 'nua' 'iin 'wli, 'ɔnya bereklɩ. Nyüü 'kɔkɔmlɛ prɛ 'ɔɔn dɛrɩ; ‑bɛ 'ɔ 'pʋɔ 'üa 'fɩɔ.

Matiö 14:14

Jesu 'mä ‑gɔlʋ 'lɩ 'ciekalɩ mi nɩ, nyüü 'kɔkɔmlɛa ‑jria 'ɔ 'jä, 'üa nyatɛrɩ nya ‑sie 'ɔɔn 'wli. 'Ɔnya 'pʋɔ 'üa ‑wusublanyüü.

Matiö 21:31

'Üa 'sɔɔlüa ‑tɔrʋpɩɔ ‑mɔ 'plɛɛ ‑träärälɩ tʋ le?» 'Üa 'fɩɔ ‑nëma: «‑Kätɩa nɔ.» 'Iibäa' Jesu nɩ: «'Cɩcasa 'n ‑gbala 'amɩ, dapookälɩpɛrɛnyüü nyra 'tutuŋlëgë ‑kätɩ nëmä Nyɔsʋaa 'kamapläa 'mlɩ pa.

Matiö 21:43

'A 'ia ‑gʋ 'n ‑gbala 'amɩ 'sɔɔwʋ: «'Ünya 'amɩ Nyɔsʋaa 'kamaplä kälɩ 'baa, 'kä 'ünya 'ään nyüülü käa' 'cɩcagbi kälɩ ‑nyɩ.

Lukë 1:53

Nyüülü ‑gbëka 'blaaa', 'ɔ ‑nyɩ 'üün diili kä 'fɩɔ 'ü 'bataa'. Nyüülü jia' 'bɩɔ, 'ɔnya 'ba 'ümɩ 'uun kälɩ, 'ɔnya prɛ 'üün.

Lukë 5:31

Jesu nya ‑gbala 'üün, ‑maa: «Nyüülü ‑wusu 'blaaa', 'üü mö ‑dɔta 'lɩ, ‑maa ‑mää ‑mülü ka fugbë 'naa' ‑a.

Lukë 8:1

'I ‑sia' nɩ, Jesu mö bätë jie nyra bätë kpaküa 'mlɩ, ‑bɛ 'ɔ 'saa 'Mʋfagogolä 'paaa' Nyɔsʋaa 'kamapläa ‑gä. 'Ɔa 'wʋnyɛrɛnyüü ‑pʋ ‑bɛ 'sɔɔ bälɩ,

Lukë 8:10

'Ɔ ‑nëma: «Nyɔsʋa ‑nyɩ 'amɩ 'klü 'amä Nyɔsʋaa 'kamapläa 'mlɩa wii jre; ‑maa ‑mülü nɩ, tapönänë 'n 'pala 'üün 'klɩ, 'kä: Üma ‑pʋpɔ, 'ü ‑pɩ dɛɛ 'wʋjä 'plɔʋ, 'aiɛ üma ponyakli 'ü ‑pɩ 'nu 'plɔʋ .

Lukë 9:10

Apotrëlü jia' nɩ, 'ünya 'saralɩ Jesu wiili kä 'fɩɔ 'ü nʋa'. 'Ɔnya dɔrʋ 'üün 'wʋ 'ɔ nyra 'üün nya bereklɩ, 'ünya mi bätälä 'ü 'daraa' Bɛtësaidaa 'äa 'pɛlɩ.

Lukë 9:12

‑Bɛ ‑gbiajrʋ mia' nɩ, 'ɔa nyüüpʋnyüüsɔɔlü nya jijrö 'ɔɔn ‑gba, 'ünya ‑gbala 'ɔɔn: «‑Plɩɩlɩ a bäa', ‑aaga 'lɩ a bä. 'Cɛrɛ nyüülü ‑wälɩ 'ümä 'kpafë nyra bätëlë bäa' ‑pɩklɩa 'mlɩ mi, 'ümä 'pifa 'bata ‑bɛ 'ümä dɛɛji.»

Lukë 9:2

'Ɔnya blɔ 'üün, ü mi ü 'pa Nyɔsʋaa 'kamaplä ‑gä, 'kä 'ü ‑futo ‑wusublanyüü.

Jaan 4:34

Jesu nya ‑gbala 'üün: «'Na jijrɛ bä ‑a nʋ wiili nyɔɔlɔ blɔa' 'mɩ 'daaa', ‑bɛ ‑a 'wlara 'ɔa 'jrʋpa.»

Jaan 6:37

Ü kä 'fɩɔ Tʋ ‑nyɩa' 'mɩ 'ünya 'na 'pɛlɩ jia, ‑bɛ 'nëmä bɩa nyɔɔlɔ jöa' 'na 'pɛlɩ ‑fälɩ ‑a be 'plɔʋ.

Akëtë 28:31

'Ɔ 'saralɩ nyüü Nyɔsʋaa 'kamapläa ‑gä ‑bɛ 'ɔ 'kpɩa nyüü wiili 'paa' 'Pläkänyɔɔ Jesu 'Kriisëa ‑gä. 'Inyɩ 'nɩmɩ 'ɔɔn ŋalɛ 'wʋ ‑a kä, dɛɛ 'nyɩ ka 'ɔɔn 'nyʋfɔ ‑a.

Rɔmënyüü 10:14

‑Maa ‑asɩ nyüülü 'nyɩ toro 'ɔɔn plɛ nya 'ɔɔn we le? Üma 'nyɩ 'ɔa 'nyrɩ 'wli ‑a 'nu, ‑asɩ 'ümä 'ɔɔn plɛtoro le? Nyɔɔ ma 'nyɩ 'lɩ ‑a bä 'ɔmä 'üün nyɔsʋaawii ‑gba 'pala nɩ, ‑asɩ 'ünya 'iin 'wlinu le?

Rɔmënyüü 10:17

'Ii känyrɩ, nyɔsʋaawii a 'poa' 'nyakli, 'ii ‑nyɛɛɛ nyɔsʋaplɛtorokʋ; ‑bɛ nyɔsʋaawiili a 'poa' 'nyakli nɩ, Nyɔsʋaa mlɩa wii bäsaa.

Rɔmënyüü 15:3

'Kriisëlɔ 'mʋgbɛ 'nyɩ wiili käa' 'ɔɔn 'tʋ ‑a nʋ. ‑Maa 'be 'i ‑jɩjra: «'Mɔɔ ‑na ‑jejreenyüüa ‑jejreekʋ ji 'wʋ.»

2 Timotee 4:2

‑kä 'taɩn 'naa o, ‑kä 'i bʋbɔ o, 'pa nyɔsʋaawii. 'Kpɩa nyüü, ja 'üün 'nyienyienyʋfɔ 'wʋ, 'jrara 'üa 'klü 'kpɩkpɩakʋa 'fɩɔ 'lɩ, nʋ 'imɩ plɛböblökʋ 'lɩ.

Ebröönyüü 4:16

'Ii känyrɩ, ŋalɛ 'nyɩ 'bla amɩ, a jijrö ana ‑gbina Nyɔsʋa 'kɩɩkpata ‑gba, 'ɔmä amɩ nyatɛplɛ nyra ‑gbinanakʋ ‑nyɩ. 'Ɔnya amɩ ‑gbajia 'ia ‑srɩ 'lɩ.