Lukë 8:13 - Kuö Dëdrä Jenɛɛsë Rutë

¹³ 'Täkëtʋtʋlʋ kä ‑gälɩ 'u böblöa' nɩ, 'a nyüülü üma 'nua' nyɔsʋaawii 'wli ü 'kplaaa' 'iin dɔrʋsa, ‑maa 'ünyɩ tigblii ‑a kä. 'Üa nyɔsʋaplɛ 'nyɩ tʋŋlʋlɩ ‑a, üma tɛlɩ 'üün dotro, 'ü 'cɛrɛ 'ia 'fɩɔ ‑wälɩ.

Lukë 8:13 Iomraidhean Croise

Marëkë 6:20

Erɔɔdë jre 'iin 'sɩrɩ Jaan bäa' 'klɩgänyɔɔ, 'sɩrɩ 'ɔ bäa' 'nɩmɩ 'nyünanyɔɔ, 'ia ‑gʋ 'ɔ ma ‑träärälɩ Jaan ‑bɛ 'ɔnyɩ 'bata 'bata ‑a wii 'mä Jaan ‑gälɩjrä. Erɔɔdë ma po 'ɔɔn 'nyakli nɩ, 'ɔa plɛ 'cakla 'lɩ, ‑maa 'asɩɛ 'ɔ ma ‑wa 'ɔa 'nyaklipopokʋ.

Lukë 8:12

'Nyʋfɔlʋ kä mlɩ 'u böblöa' nɩ, 'a nyüülü poa' 'nyakli ‑bɛ Sataan jöa' 'ɔ 'baaa' 'üa plɛ 'klɩ nyɔsʋaawii 'ü ‑pɩ 'nu, ‑bɛ 'ü ‑pɩ 'lɩmlɩwʋ.

Lukë 8:14

Nänëa mlɩa nulu nɩ, 'a ‑mülü üma 'nua' nyɔsʋaawii 'wli, ‑bɛ ü kä nyɔsʋaawii 'nyɩ mia' 'klɔɔtrʋ. Bobokʋ, 'bɩɔ nyra diili kä 'fɩɔ bäa' ‑pɩ ‑tʋtʋ ‑gälɩ fa 'üa plɛ. 'Ia ‑gʋ 'üa tʋtʋdii 'nyɩ ‑jrɛjrɛ ‑a.

Jaan 15:2

Kata o kata 'maaa' 'mɩ ‑gba 'kä, ‑bɛ änyɩ tʋa' nɩ, 'ɔ 'baa 'ään 'lɩ; ‑mälä tʋäa' nɩ, 'ɔ ‑paaa 'ään 'ämä tʋ ‑gböösa.

Jaan 15:6

Nyɔɔ ma 'nyɩ 'mɩ ‑gbakä ‑a 'ma, ‑fälɩ 'ü be 'ɔɔn ‑beere katëlë 'ü 'böa' 'lɩ ‑bɛ ä maa'. Üma 'bütö 'üün, kapu 'lɩ 'ü be 'üün 'kä 'ü fie.

Jaan 5:35

Jaan ‑beere kä 'napɛlɛ 'ü ‑gölöa', ɛ ŋʋaa'. 'Anya nʋ 'ɛa dɔrʋ 'taɩn jie ‑a 'mlɩ.

1 Korɛɛntënyüü 13:2

‑Bɛ ama 'palanyɔsʋamlɩ, ama jre wiilia 'fɩɔ ‑sisiea', ama jre diia 'fɩɔ, ama 'klaa nyɔsʋaplɛ kpakilɛ 'mrɛɛa' ɛmäa' 'dʋgbë 'kou 'sa, ‑bɛ 'na ‑molooa ‑wawakʋ ma 'nyɩ 'na plɛ ‑gälɩ ‑a bä nɩ, 'nyɩ dɛɛ ‑a bä nyrɩkɩnyrɩkɩ.

1 Korɛɛntënyüü 15:2

'Ää kälɩ Nyɔsʋa ‑srörö 'ɔnya 'pʋɔ 'amɩ, 'ama 'kpla 'ään 'sɩrɩ 'n ‑gbala käa' 'amɩ, ima 'nyɩ 'saa ‑a bä nɩ, 'fëflɛsa 'a toro 'ään plɛ.

Galaatënyüü 3:1

'Nɩnɩa nɩ, Galaatënyüü 'amɩ, 'ana polu jä! Nyɔɔ 'plɛɛ 'pa 'amɩ mlüü 'lɩ 'i kä ‑gʋ 'anyɩ ‑träärälɩ 'cɩcasa le, 'amɔ kä 'klɩ a sraraa' 'sɩrɩ Jesu 'Kriisë nʋa' krʋa ‑gälɩ järädɛɛ.

Galaatënyüü 3:4

'Amä 'daa wiili kä 'fɩɔ 'a 'jäa' 'fʋflɛsa bäsaa? 'Inyɩ 'fʋflɛsa ‑a bä!

Ɛfɛsënyüü 3:17

‑bɛ 'Kriisë 'mä 'ana polua 'mlɩ kʋ. 'Be 'a toro 'ɔɔn plɛ, 'ana ‑wawlakʋa tigblii 'mä nyɔnyrɔ, 'imä 'käsri ‑wawlakʋ 'lɩ

Kolɔɔsënyüü 1:23

‑Maa 'a kä 'amä nyɔsʋaplɛtorokʋ 'lɩ kʋ, 'ana ‑toko kä 'ämä 'käsri ‑bɛ 'amä nyɔnyrɔ 'mʋfasa. Dɛɛlɛ 'a jrea' 'saa 'Mʋfagogo tɛrɛa' 'amɩ nɩ, 'anyɩ be 'iin ‑gälɩ 'klɩ. 'A 'nu 'ään 'wli, 'ü 'sa 'ään nyüüa 'fɩɔ ‑pɩ ‑tʋtʋ ‑gälɩ, 'mɔɔ bäa' 'Pɔɔlë nya bä 'äa 'sasanyɔɔ.

Kolɔɔsënyüü 2:7

Abɩa 'ana tigblii bä 'ɔɔn 'lɩ, 'kä 'ana 'kläa 'fɩɔ bä 'ɔɔn 'lɩ. 'Ba nyɔnyrɔ nyɔsʋaplɛlɛ a 'kpɩaa' 'amɩ 'lɩ, 'kä Nyɔsʋaa 'trɔrʋ 'sie 'amɩ 'klɩ.

1 Tɛsalonikënyüü 3:5

'A 'ia ‑gʋ, 'n ‑kanyɩa' 'lɩbɩa 'mäa' ‑glaaa nɩ, 'nyaa blɔ Timotee ɔ ji ɔ 'jä 'sɩrɩ 'ana nyɔsʋaplɛ bäa'. Ŋalɛ 'blaa 'mɩ 'Lɩbenyɔɔ ‑pɩ 'amɩ 'lɩ be, ‑bɛ 'jrʋpalä a ‑fɛ 'ana ‑gʋ ‑pɩ 'flɛɛ 'wʋ tɩɔ.

1 Timotee 1:19

Toro Nyɔsʋa plɛ 'kä ‑na bobowli 'naa. 'Ia bobowlili nɩ, ‑mölöö 'ba ‑plɩ 'iin, 'üa nyɔsʋaplɛtorokʋ nya ‑gblooo.

Ebröönyüü 10:39

Amɔlɔ nɩ, anyɩ nyüülü 'nyɛnyrɛa' ‑gälɩ ‑bɛ ü 'mɔlɔa' ‑a bä. Nyüülü käa' nyɔsʋaplɛ, ü 'wʋa' 'lɩmlɩ, 'ia nyüü a bä.

Jaakë 2:26

'Sɩrɩ ‑susu ma 'nyɩa' nyɔɔ ‑gälɩ bä ‑bɛ 'ɔ jäa' nɩ, 'asɩ nyɔɔa nyɔsʋaplɛtorokʋ bä bɩa ɛma 'nyɩ 'ɛa ‑gbi ‑a kä nɩ, 'ia nyɔsʋaplɛtorokʋlʋ jä.

2 Piɛɛrë 2:20

‑Maa ‑mülü jrea' 'Pläkänyɔɔ 'Lɩmlɩbanyɔɔ Jesu 'Kriisë nɩ, 'üma 'cɛrɛ 'pläa ‑fre ‑wälɩ, ‑bɛ üma 'cɛrɛ 'sɔɔwʋ 'ia diili ‑wälɩ 'ima kʋ 'üün ‑gälɩ nɩ, 'üa 'klä nya bʋbɔa ‑gböösa 'kä 'inya 'üa ‑kätɩdɛɛ 'wʋsi.

2 Piɛɛrë 2:22

‑Maa wiili jräa' 'üün ‑gälɩ nɩ, 'a wiili 'cɩca tapönänë ‑gbaa': «‑Fɛ 'a 'ɛa ‑wɔsɔdii ‑gälɩ dɛrɩ 'blöö», ‑bɛ «'Ü bɩaa' 'ään ‑futokʋ 'nɩ, 'bösarä nya 'blöö paplua 'mlɩ dɛrɩ.»

1 Jaan 2:19

Ana ‑tɔrʋpɩɔ 'ü sɔ, ‑maa 'ü ma 'nyɩ ana ‑nyɛɛa nü ‑a bä. Üma bä ɩ ana ‑nyɛɛa nü nɩ, 'ü nyra amɔ nya ɩ ‑wälɩkʋa. ‑Maa 'ü sɔ amɩ dɛrɩ nyüü 'mä 'saa jre 'üa ‑tɔrʋpɩɔa nyɔɔ 'doo 'nyɩ kä 'kasa ana ‑nyɛɛa nyɔɔ ‑a bä.

Judë 1:12

'Ia nyüülü 'cakla 'ana 'wʋtarakʋ 'lɩ. 'Ü nöa' 'saa nɩ, 'ünyɩ 'nyüsü ‑a kä; 'ü nyra 'amɩ tara 'wʋ, 'a 'mlara 'wʋ; 'üa 'dooa ‑gä 'ü bobo. 'Ü ‑beere ‑gbrulu 'nyɩ jaa' 'nʋŋlʋ ‑bɛ ‑fʋflʋ ‑gbaaa' 'kä. 'Ü ‑beere tʋtʋtiili kä 'taɩn jräa' 'lɩ ‑bɛ inyɩ tʋa': 'ü järä 'wʋ 'sɔɔwʋ, 'ü ‑kanyɩ tigblii ‑a kä.