Lukë 8:10 - Kuö Dëdrä Jenɛɛsë Rutë

¹⁰ 'Ɔ ‑nëma: «Nyɔsʋa ‑nyɩ 'amɩ 'klü 'amä Nyɔsʋaa 'kamapläa 'mlɩa wii jre; ‑maa ‑mülü nɩ, tapönänë 'n 'pala 'üün 'klɩ, 'kä: Üma ‑pʋpɔ, 'ü ‑pɩ dɛɛ 'wʋjä 'plɔʋ, 'aiɛ üma ponyakli 'ü ‑pɩ 'nu 'plɔʋ .

Lukë 8:10 Iomraidhean Croise

Matiö 11:25

'Ia 'taɩn 'lɩ Jesu ‑nëmä: «Tʋ, cɛ nyra ‑tʋtʋa 'Pläkänyɔɔ, 'n 'trɛɛ ‑mɩ 'sɩrɩ nʋa' ‑bɛ ‑sisrea' wiili 'lɩglanyüü nyra ‑pɔɔkɩjrenyüü ‑gba, ‑bɛ ‑sraraa' 'iin 'jütɛtɛɛ.

Matiö 16:17

Jesu nya ‑gbala 'ɔɔn ‑maa: «Simɔɔ, Jonasëa 'Jʋ, abɩa dɔrʋ 'bla ‑mɩ, 'be ‑mää nyɔɔ 'nyɩ ‑mɩ 'iin mlɩ 'pa, ‑maa 'na Tʋlɔ bäa' cɛlɩ, 'ɔɔ 'pa ‑mɩ 'iin mlɩ.

Marëkë 4:11

'Ɔnya ‑gbala 'üün: «'Amɔlɔ nɩ, 'ana 'nyü ‑jieroklɩ, 'a jre Nyɔsʋaa 'kamapläa wiili ‑sisiea'. ‑Maa nyüü ‑mülü 'nyɩ 'nyɛrɛa' 'mɩ ‑gba nɩ, wiili kä 'fɩɔ 'n 'paaa', tapönänë 'n 'pala 'üün 'klɩ,

Marëkë 4:12

'sɩrɩ 'i ‑jɩjraa': 'Ü ‑pʋpɔ, ‑maa 'ünyɩ 'jäkä ‑a; 'ü ponyakli, ‑maa 'ünyɩ 'nunu ‑a; 'ü ‑pɩ Nyɔsʋaa ‑nyɛɛ kälɩsie, 'ɔ ‑pɩ 'üa ‑balʋ cere .»

Jaan 12:40

'Ɔ 'nɔɔrɔ 'ümɩ; 'ɔnya 'bʋala 'üa plɛ, 'ü ‑pɩ 'nyü nʋ 'ü ‑pɩ 'käjä, 'üa plɛ ‑pɩ wii 'wli 'nu, 'ü ‑pɩ 'na 'pɛlɩ tɛ 'nyɩ ‑pɩ 'üün 'pʋɔ .

Rɔmënyüü 16:25

A 'bʋala Nyɔsʋa! 'Ɔɔ 'mrɛɛ 'ɔ ‑nyɩ 'amɩ 'klü 'sɩrɩ 'Mʋfagogolä 'n 'saraa' 'lɩ 'amɩ; 'ää 'paa Jesu 'Kriisë ‑gä, 'ää srara amɩ wiili Nyɔsʋa 'piea', i 'ɔ ‑sisiea' ‑sɩ a ‑sɩ.

1 Korɛɛntënyüü 12:11

‑Maa ‑Susu 'doo 'uu nö 'ia 'fɩɔ, 'sɩrɩ 'u ‑waa' 'asɩ 'u ‑päää 'imɩ.

Kolɔɔsënyüü 2:2

'N 'bata abɩa 'üa 'klü 'jrara, ü bä 'tasɩrɩ nyüü 'doo ‑wawlakʋ 'lɩ, 'kä 'ümä 'lɩgaglakʋ kpaku 'jä, 'ümä wiili Nyɔsʋa ‑sisiea' 'wli 'nu, 'iibä 'Kriisë.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.