Lukë 6:45 - Kuö Dëdrä Jenɛɛsë Rutë

⁴⁵ 'Cɩcanyɔɔlɔ nɩ, 'ɔa plɛ 'si 'cɩcadii 'klɩ; 'ii 'ɔ tɛ ‑bɛ 'ɔ 'paa 'cɩcawii. Plɛbʋbɔnyɔɔlɔ nɩ, 'ɔa plɛlɛ 'sia' bʋbɔgbi 'klɩ nɩ, 'ii 'ɔ tɛ ‑bɛ 'ɔ 'paa plɛbʋbɔwii. 'Be wiili 'sia' plɛklɩ nɩ, 'ii ja mlɩ.»

Lukë 6:45 Iomraidhean Croise

Jaan 7:38

Nyɔɔ toroa' 'mɩ plɛ nɩ, 'nɩlɩ ‑nyɛɛa' 'klä nya 'ɔa 'kläa mlɩ ‑gbaala, 'sɩrɩ 'i ‑jɩjraa' nyɔsʋapɔɔkʋ 'lɩ.»

Akëtë 5:3

Piɛɛrë nya ‑gbala 'ɔɔn: «Ananiasë, dɛplɛɛ kä ‑gʋ ‑cɛɛrɛ Sataan ‑wälɩ ‑bɛ 'ɔ fa ‑na plɛ le? 'Nyüna ‑Susu ‑saara ‑gbagblɛ ‑nya ‑tʋ putulu ‑paaa' 'perua möliia 'pɛ 'dee ‑wälɩ.

Ɛfɛsënyüü 3:8

'Mɔɔ 'padɛrɩtä nyɔsʋaanyünanyüüa 'fɩɔa ‑tɔrʋpɩɔ. ‑Maa 'mɔɔ 'ɔ ‑nyɩ 'ɔa ‑gbinanakʋ 'mä nyüülü 'nyɩa' juifë bä 'Mʋfagogo 'sa. 'Mʋfagogolä nɩ, 'bɩɔ bäsaa, 'unyɩ bɩabɩa ‑a, 'Kriisëa kälɩ 'u sɔ.

Ɛfɛsënyüü 4:29

Bʋbɔwii 'nyɩ 'cie 'ana mlɩ, abɩa 'mʋfawiili 'naa' i jöa' nyüü ‑gba 'sɩrɩ 'üa ‑sʋɩ bäa', 'cie 'ana mlɩ, ‑bɛ i ‑nyɩ ‑mülü poa' 'iin 'nyakli 'klü.

Ɛfɛsënyüü 5:19

'ba nʋ Nyɔsʋaa 'lɩbrɛrɛdʋ, nyɔsʋaa daklüü nyra daklüülü Nyɔsʋaa ‑Susu jaa' ‑bɛ 'ba 'papla 'klü 'lɩ. 'Ba nʋ 'ana plɛa 'fɩɔ ‑bɛ 'ba brɩ, 'ba 'bʋala 'Pläkänyɔɔ.

Kolɔɔsënyüü 3:16

Abɩa 'Kriisëa 'papawiia 'fɩɔ kʋ 'amɩ 'lɩ. ‑Moloo ma bälɩ ɔ 'kpɩa 'ɔa ‑moloo, ‑bɛ 'ba 'papla toto 'lɩglasa: 'ba brɩ nyɔsʋaa 'lɩbrɛrɛdʋ, Jesubibriedʋ, nyra 'dʋlʋ Nyɔsʋaa ‑Susu ‑nyɛɛa' 'amɩ ‑bɛ 'ba brɛrɛ 'Pläkänyɔɔ 'lɩ. 'Ba nʋ 'ana polua 'fɩɔ 'amä 'ɔɔn 'trɛɛ.

Kolɔɔsënyüü 4:6

Abɩa Nyɔsʋaa ‑gbinanakʋ nyra 'cɩcawii 'si 'taɩn a 'fɩɔ 'lɩ 'ana mlɩ, 'amä nyüüa ‑gälɩ 'sasakʋ jre.

Ebröönyüü 8:10

‑Jää kuölä 'nyraa Israɛɛlëa nyüü 'mäa' 'pa, 'ia jrüülü ma ‑si nɩ; 'mɔɔ 'Pläkänyɔɔ ‑gbala 'amɩ: 'Nyaa 'na ‑dɔ 'üa bobowlia 'mlɩ plaa, 'nyaa 'iin 'üa polu ‑gälɩ ‑jɩjraa, 'kä 'nyaa 'üa Nyɔsʋa bä, 'kä 'ünya 'na ‑glügbö bä.

Judë 1:15

'ɔmä nyüüa 'fɩɔa ‑gä ‑tʋ. 'Ɔnya ‑balʋnyüülü kä 'fɩɔ nʋa' 'ɔɔn ‑gbigba 'pɔnɩa, nyra ‑jejreewiili kä 'fɩɔ ‑balʋnyüülü 'paa 'ɔa ‑gʋ.»