Lukë 6:13 - Kuö Dëdrä Jenɛɛsë Rutë

¹³ ‑Srɩ paa' nɩ, 'ɔnya we 'ɔa 'wʋnyɛrɛnyüü, 'ɔnya tɛ 'üa ‑tɔrʋpɩɔ 'ɔnya 'balɩ nyüüpʋnyüüsɔɔ. 'Ɔnya 'dara 'üün Apotrë:

Lukë 6:13 Iomraidhean Croise

Matiö 10:2

‑Jää apotrë ‑pʋ ‑bɛ 'sɔɔlüa 'nyrɩ: 'klɩsaa nɔ 'ü 'dara Simɔɔ, 'ɔɔ 'ü 'dara bɩa Piɛɛrë, nyra 'ɔa ‑wlajʋ 'ü 'daraa' Andree, nyra nyɔɔlɔ 'ü 'daraa' Sebedee, 'ɔa 'jü Jaakë nyra 'ɔa ‑wlajʋ Jaan,

Matiö 19:28

Jesu ‑nëma: «'Cɩcasa 'n ‑gbala 'amɩ, 'taɩn 'lɩ Nyɔɔa 'Jʋ 'mäa' 'ɔa 'kɩɩkpatalä 'bʋawliklɩ ‑gälɩ kʋ nɩ, 'amɔlɔ prɛa' 'mɩ dɛrɩ nɩ, 'ana 'mʋgbɛ nya 'kɩɩkpatë ‑pʋ ‑bɛ ‑uunsɔɔ ‑gälɩ kɔ kɔa 'amä Israɛɛlëa ‑glügbü ‑pʋ ‑bɛ 'sɔɔa 'cifu bä.

Matiö 9:36

'Ɔ 'jäa' nyüü 'kɔkɔmlɛa ‑jria, 'üa nyatɛrɩ nya ‑sie 'ɔɔn 'wli, 'üa sɩsɩakʋ nyra 'üa 'klüa 'lɩjäjäkʋa ‑gʋ. 'Ü ‑beere ‑bablëëlë 'nyɩa' ‑gbanyɛrɛnyɔɔ kä.

Marëkë 6:30

Apotrëlü Jesu blɔ käa' nya trara 'ɔɔn 'klɩ ‑bɛ 'ü 'saa 'ɔɔn ‑gogo, wiili kä 'fɩɔ 'ü nʋa' nyra 'ii kä 'fɩɔ 'ü 'kpɩaa' nyüü.

Marëkë 6:7

Jesu nya we nyüüpʋnyüüsɔɔlü, 'ɔnya blɔ 'üün 'sɔɔrɔsɔɔ, 'ɔnya ‑nyɛnyɛ 'üün ‑gälɩkamladɛɛ 'ümä ‑frepasisi 'klü ‑gälɩ kälä.

Lukë 11:49

'A 'ia ‑gʋ Nyɔsʋaa 'lɩgaglakʋ 'lɩ nɩ, ‑bɛ 'ɔ 'daa: ‹'Nyaa 'üün 'na nyɔsʋaamlɩpalanyüü nyra apotrëɩɩ jaa. 'Ünya 'üa ‑tɔrʋpɩɔ ‑mölöö 'blaraa, 'kä 'ünya ‑mölöö prɛ›

Lukë 22:30

'kä 'amä 'na 'kamapläa 'mlɩ 'töwlö ‑gälɩ tara ‑bɛ 'amä 'lɩ 'mlara. 'Amä 'kɩɩkpatë ‑gälɩ kɔ kɔ, 'amä Israɛɛlëa ‑glügbü ‑pʋ ‑bɛ 'sɔɔa 'cifu bä.»

Lukë 6:14

Simɔɔlɔ 'ɔ 'daraa' bɩa Piɛɛrë nyra 'ɔa ‑wlajʋ Andree, Jaakë nyra Jaan, Filipë, Batëlemii,

Jaan 4:33

'Ɔa 'wʋnyɛrɛnyüüa 'kpɔa ‑tɔrʋpɩɔ 'ü 'paa wii ɔ: «‑Ii! Nyɔɔ ‑moloo ‑beere dɛɛ ja 'ɔɔn jijrɛ?»

Akëtë 1:13

'Ü jia' nɩ 'ünya 'jra ‑gälɩkɔklɔnyëkaa 'klöölä kä ‑wälɩ 'ü kʋ ɩa'. ‑Jää nyüülü bä käa' 'lɩ: Piɛɛrë, Jaan, Jaakë, nyra Andree, Filipë, Tomaa, Batëlemii, Matiö, Alëfeea 'jʋ Jaakë, nyra Simɔɔlɔ 'ü 'daraa' bɩa Selɔtë, nyra Jaakëa 'jʋ Judaa.

Ɛfɛsënyüü 2:20

'A ‑beere nyukulu kä 'käsri ‑tokoa 'täkë bäa' apotrë, nyɔsʋaamlɩpalanyüü, ‑bɛ Jesu 'Kriisëa 'mʋgbɛ bäa' nyukulua ‑wälɩtoŋlotäkä.

Ɛfɛsënyüü 4:11

'A 'ɔɔ ‑nyɩ ‑mölöö apotrëdɛɛ, ‑mölöö bä nyɔsʋaamlɩpalanyüü, ‑mölöö bä 'Mʋfagogoa 'sasanyüü, ‑bɛ ‑mölöö bä 'pɛrɩnyüü ‑mölöö nya bä 'kpɩkpɩanyüü.

Ebröönyüü 3:1

'A 'ia ‑gʋ 'na 'nyüna ‑wlajü 'amɩ, 'amɔlɔ Nyɔsʋa werea' cɛlɩ, 'ba tɛ Jesu 'Kriisë 'klɩ 'cɩcasa. 'Ɔɔ Nyɔsʋa blɔ 'ɔnya bä ‑gbɔsapɛrɩnyɔɔ kpakö, 'ii a toroplɛ, 'ii a 'pala ‑pɩɔa 'fɩɔ.

2 Piɛɛrë 3:2

'amä wiili 'nyüna nyɔsʋaamlɩpalanyüü ‑gbala käa' 'amɩ plɛpa, ‑bɛ 'amä bɩa 'Pläkänyɔɔlɔ bäa' ana 'Lɩmlɩbanyɔɔ 'ɔa 'kamaawiili amɔ bäa' apotrë a 'kpɩaa' 'amɩ nɩ, amä 'iin plɛpa.

'Nyügälɩjawii 12:1

‑Sarawiia tie kpaki nya 'tɔrɔ cɛa 'mlɩ: 'ŋlʋʋ 'doo 'n 'jä, 'jrʋ bä 'ɔa 'sosroodii. ‑Seple bä 'ɔa bei ‑wälɩ, 'ɔa 'wli bä ‑särëeju ‑pʋ ‑bɛ 'sɔɔ ‑beere 'kɩɩwlugbö.

'Nyügälɩjawii 18:20

Abɩa cɛ bä dɔrʋ 'lɩ 'äa ‑gʋ! Abɩa nyɔsʋaanyünanyüü, nyra apotrëɩɩ, nyra nyɔsʋaamlɩpalanyüü bä bɩa dɔrʋ 'lɩ, 'be ‑balʋlʋ 'ä nʋa' 'amɩ ‑gba, 'ua ‑gʋ Nyɔsʋa 'bö 'äa ‑gä!

'Nyügälɩjawii 21:14

'Täkë ‑pʋ ‑bɛ 'sɔɔ ‑gälɩ bätä kpaköläa 'klɩklorodiili 'srikä, 'ünya ‑jɩjra 'üa ‑gälɩ ‑Bablëëjʋa Apotrë ‑pʋ ‑bɛ 'sɔɔa 'nyrɩ.