Lukë 24:6 - Kuö Dëdrä Jenɛɛsë Rutë

⁶ 'Ɔnyɩ ‑tɛ ‑a bä, 'ɔ 'a 'kuaabre sɔ! 'Ba 'pa wiili 'ɔ ‑gbala käa' 'amɩ plɛ 'taɩn 'lɩ 'ɔ bä käa' Galilee.

Lukë 24:6 Iomraidhean Croise

Matiö 12:40

'N ‑gbaa' 'iin nɩ, 'sɩrɩ Jonaasë ‑si käa' ‑sre kpakia 'mlɩ jrüü tää, ‑gbia tää nɩ, 'asɩ Nyɔɔa 'Jʋ 'mä ‑tʋtʋa mlɩ jrüü tää, ‑gbia tää ‑si.

Matiö 16:21

'Bala ‑plɩlɩ ɔ nɩ, Jesu ‑gbala 'ɔa 'wʋnyɛrɛnyüü 'sɩrɩ 'ɔ käa' 'ɔmäa' Jerusalɛɛmë mi, ‑bɛ 'ɔmäa' ‑sʋɩ 'jä ‑gböösa; juifëa tagbü, ‑gbɔsapɛrɩnyüü kpakü nyra ‑dɔkpɩanyüüa ‑gʋ; 'sɩrɩ 'ümäa' 'ɔɔn 'blaa ‑bɛ 'ɔmäa' 'kuaabre sɔ 'ia jrüü tääa ‑srɩ 'lɩ.

Matiö 27:63

'Ünya ‑gbala 'ɔɔn: «'Kamanyɔɔ, ‑taa ‑gbagblɛnyɔɔlɔ nɩ, 'taɩn 'lɩ 'ɔ ‑ka bä ɩa' 'lɩ nɩ, 'ɔ nɩnɩa kä: ‹Tääa në jrüüa ‑srɩlɩ 'nyaa 'kuaabre sɔa.›

Matiö 28:6

'Ɔnyɩ ‑tɛ ‑a bä; 'ɔ 'a 'kuaabre sɔ 'sɩrɩ 'ɔ ‑gbala käa' 'amɩ. 'Ba ji 'amä ‑plɩɩlɩ 'Pläkänyɔɔ ma 'pi käa' 'jä.

Marëkë 16:6

'Ɔnya ‑gbala 'üün: «'Ana ‑gälɩa 'ku 'nyɩ fɔ, Nasarɛɛtënyɔɔ Jesulɔ 'ü koloa' krʋa ‑gälɩ ɔ 'a 'bataa', 'ɔ 'a 'kuaabre sɔ, 'ɔnyɩ ‑tɛ ‑a bä, ‑jää ‑pɩ 'ü 'pie ɩ 'ɔɔn.

Marëkë 8:31

Jesu 'bala 'ɔa 'wʋnyɛrɛnyüüa 'kpɩkpɩakʋ 'sɩrɩ 'ɔɔ Nyɔɔa 'Jʋ käa' 'ɔmäa' ‑sʋɩ 'jä ‑gböösa, 'sɩrɩ juifëa tagbü, ‑gbɔsapɛrɩnyüü kpakü, nyra ‑dɔkpɩanyüü nya 'ɔɔn 'nyüamlɩjraraa; 'ünya 'ɔɔn 'blaa, 'kä 'ɔnya 'kuaabre sɔ jrüü tääa ‑srɩ 'lɩ.

Lukë 24:34

‑bɛ 'ü nö: «'Kasa, 'Pläkänyɔɔ 'a 'kuaabre sɔ. 'Ɔ srara 'ɔa nyufa Simɔɔ 'klɩ!»

Lukë 24:5

Ŋalɛ nya 'bla 'ŋlëgëlü, 'ünya ‑ŋäwlikä. Nyüülü nya ‑gbala 'üün: «Dɛplɛɛ kä ‑gʋ 'a 'batra 'lɩbänyɔɔ jäjänyüüa ‑tɔrʋpɩɔ le?

Lukë 9:22

'Ɔnya ‑gbala 'üün ‑maa: «Nyɔɔa 'Jʋ kä 'ɔmä ‑sʋɩ 'jä ‑gböösa; juifëa tagbü, ‑gbɔsapɛrɩnyüü kpakü, nyra ‑dɔkpɩanyüü nya 'ɔɔn 'nyüamlɩjraraa. 'Ünya 'ɔɔn 'blaa, jrüü tääa ‑srɩ 'lɩ nɩ, 'kä 'ɔnya 'kuaabre sɔ.»

Lukë 9:44

«'Ba po wiili 'nëmäa' 'amɩ ‑gbala 'nyakli 'cɩcasa: 'Ünya Nyɔɔa 'Jʋ nyüü kälɩ 'saraa.»

Akëtë 2:24

Nyɔsʋa nya 'ba 'ɔɔn jäjä nyra jäjäa mɩmɩakʋ 'lɩ; jäjä nya 'nyɩ 'mrɛɛ 'ämä 'ɔɔn dɛrɩkala.

2 Tɛsalonikënyüü 2:5

'N ‑gbala kä 'amɩ 'iin 'taɩn 'lɩ 'n bä käa' 'ana ‑nyɛɛ; 'a ‑kaaŋlʋ 'iin plɛpa?