Lukë 24:4 - Kuö Dëdrä Jenɛɛsë Rutë

⁴ 'Ünyɩa' wiili ‑sröa' 'lɩa 'mlɩ 'wli 'nu nɩ, ‑jää 'üün nyüü 'sɔɔ 'tɔrɔklɩ. 'Kotili 'ü paa' 'lɩ plö.

Lukë 24:4 Iomraidhean Croise

Jenɛɛsë 18:2

'Ɔmä 'wli 'wʋdɔrɔkalɩ mi nɩ, ‑jää nyüü tää 'nyüglö 'ɔa ‑gba. 'Ɔ 'jäa' 'üün nɩ, 'ɔnya sɔ ‑tete 'mäklɩ, 'ɔnya fɔ 'ɔnya mi 'üa 'klʋɩ 'kägblara 'ɔa 'klʋɩ tɛ ‑tʋtʋ 'wʋ.

Marëkë 16:5

'Ümä 'kuyu 'lɩ pakalɩ mi nɩ, 'ü 'järä 'lɩ ŋɔtugbö, 'ɔ kʋ 'dupa 'pɛ 'lɩ; 'ɔ pa 'pɔlɔ ‑pana 'lɩ. 'I prɛ 'üa ‑gälɩa 'ku.

Lukë 2:9

'Pläkänyɔɔa 'aanjë nya 'tɔrɔ 'üün 'klɩ; 'Pläkänyɔɔa 'napɛ nya ŋʋala 'üün ‑gälɩ. Ŋalɛ nya 'bla 'üün ‑gböösa.

Lukë 24:5

Ŋalɛ nya 'bla 'ŋlëgëlü, 'ünya ‑ŋäwlikä. Nyüülü nya ‑gbala 'üün: «Dɛplɛɛ kä ‑gʋ 'a 'batra 'lɩbänyɔɔ jäjänyüüa ‑tɔrʋpɩɔ le?

Akëtë 1:10

'Ɔ mö ‑bɛ 'ü tɛ cɛ 'lɩ tee. 'Ümä 'saa nʋkalɩ mi nɩ, nyüü 'sɔɔ 'tɔrɔ 'üa ‑gba. 'Ü pa 'tasɩrɩa 'pɔlɔ dii 'lɩ.

Akëtë 12:7

'Pläkänyɔɔa 'aanjë nya 'tɔrɔ 'ɔɔn 'klɩ, 'napɛ nya ŋʋala ‑jienyüköli. 'Aanjë nya tɛrɛ Piɛɛrë 'kä: «Sɔwʋ 'sosowʋ!» 'Ɔa 'daria 'lɩa 'cɩ nya blö ‑tʋtʋ ‑gälɩ.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.