Lukë 24:36 - Kuö Dëdrä Jenɛɛsë Rutë

³⁶ 'A wiili 'ü 'paa ɩ Jesua 'mʋgbɛ nya 'tɔrɔ 'üa ‑tɔrʋpɩɔ, 'ɔnya ‑gbala 'üün: «Abɩa 'ana plɛgälɩ flɛrɛ!»

Lukë 24:36 Iomraidhean Croise

Matiö 10:13

‑gbööläa nyüü ma bä 'cɩcanyüü nɩ, üma 'kʋɛɛlɩ 'amɩ nɩ, 'ba bibie 'üa 'wli 'lɩ plɛgälɩflɛrɛkʋ 'mä 'üa ‑gbööli bä. ‑Maa 'üma 'nyɩ 'cɩcanyüü ‑a bä, ‑bɛ 'üma 'nyɩ 'lɩ 'amɩ ‑a 'kʋɛɛ nɩ, abɩa 'ana mlɩa wii 'blöö 'amɩ bei 'wʋ dɛrɩ.

Marëkë 16:14

'I mia' blökalɩ nɩ, 'üa nyüüpʋnyɔɔdoo jö ɩ dɛɛ, 'ɔnya 'tɔrɔ 'üa ‑tɔrʋpɩɔ; 'ü 'jäa' 'ɔa 'kuaabresɔdɛɛ ‑bɛ 'ünyɩa' 'iin wii 'dara, 'ia ‑gʋ 'ɔ 'daa 'üün 'sɩrɩ 'ü 'sua' 'nyakliwli ‑bɛ 'ünyɩ toroa' 'ɔɔn plɛ.

Lukë 10:5

Nyuku o nyuku kä ‑wälɩ 'a nëmäa' pa nɩ, 'ba 'daa ‑kätɩ: ‹Abɩa plɛgälɩflɛrɛkʋ bä nyukulu kʋa' ‑pɩa ‑wälɩ!›

Jaan 14:27

'N tɩɛ 'amɩ plɛgälɩflɛrɛkʋ ‑gba, 'n ‑nyɛɛ 'amɩ 'na plɛgälɩflɛrɛkʋ; ‑mää 'sɩrɩ 'plä ‑nyɛɛa' 'imɩ nɩ, ‑mää 'sɩ 'nyɩ ‑nyɩ 'amɩ 'iin. 'Ana plɛ 'nyɩ ‑taaralɩ 'plɔʋ, 'ɛnyɩ ‑gbagbakä bɩa.

Jaan 16:33

Wiili kä 'fɩɔ 'n ‑gbalaa' 'amɩ nɩ, 'amä 'mɩ 'lɩ kʋ, ‑bɛ 'ana plɛ ‑gälɩ 'mä flɛrɛ. 'Plä nya 'amɩ bʋbɔgbi ‑gba nʋa, ‑maa 'ba ‑sɔɔrɔwʋ, 'nyaa 'plä du.»

Jaan 20:26

'Sɔrɛ 'dee 'mä ‑sikalɩ nɩ, Jesua 'wʋnyɛrɛnyüü bä ɩ 'sɔɔwʋ nyüköli. Tomaa 'mʋgbɛ bälɩ. Tati 'a blörö Jesu nya 'tɔrɔ 'üa ‑tɔrʋpɩɔ, 'ɔnya ‑gbala 'üün: «Abɩa 'ana plɛgälɩ flɛrɛ!»

Akëtë 1:3

'Ɔ sɔa' ‑sʋɩ 'lɩ nɩ, 'a 'üü 'ɔ srara 'ɔa 'lɩbäa nɔ. 'Ɔnya srara 'üün dii 'kɔkɔmlɛ 'ümä 'saa jre 'sɩrɩ 'ɔnya 'a 'kuaabre sɔ. 'Ünya 'jä 'ɔmɩ jrüüa ‑glʋɩsɔɔ, 'ɔnya 'saralɩ 'üün Nyɔsʋaa 'kamapläa ‑gä.

1 Korɛɛntënyüü 15:5

'Ɔnya 'tɔrɔ Sefasë nyra Nyüüpʋnyüüsɔɔ 'klɩ.

1 Korɛɛntënyüü 15:7

'Pɩrɩgälɩ nɩ, 'ɔnya 'tɔrɔ Jaakë 'klɩ, 'ɔnya 'tɔrɔ apotrëa 'fɩɔ 'klɩ.

2 Tɛsalonikënyüü 3:16

Abɩa plɛgälɩflɛrɛkʋa 'Pläkänyɔɔa 'mʋgbɛ ‑nyɩ 'amɩ plɛgälɩflɛrɛkʋ 'taɩn a 'fɩɔ 'lɩ, ‑pɩɔ o ‑pɩɔ! Abɩa 'Pläkänyɔɔ bä 'ana 'fɩɔa ‑tɔrʋpɩɔ!

'Nyügälɩjawii 1:4

'Mɔɔ Jaan, 'n ‑jɩjra 'cɛcʋ ‑uunsɔɔlʋ bäa' Asiia 'bre 'wʋ. Abɩa ‑gbinanakʋ nyra plɛgälɩflɛrɛkʋ bä 'amɩ ‑gälɩ, i sɔa' Nyɔsʋaa ‑nyɛɛ, 'ɔɔlɔ bäa' 'lɩ, ɔ bä käa' 'lɩ ‑bɛ ɔ jöa'; i sɔa' bɩa ‑sisi ‑uunsɔɔlë kʋa' Nyɔsʋaa 'kɩɩkpataa 'klɩ,