2 'Ümä 'tɔkalɩ mi nɩ, 'täkälä bä ɩa' 'kuyulua 'mäklɩ 'a 'kousɔ.
'Ia 'taɩn 'dooa 'mlɩ, ‑tʋtʋ nya tɩtrɛ ‑gböösa; Nyɔsʋaa 'aanjë nya 'sɔ cɛlɩ, 'änya ‑gbugble 'täkälä kʋ ɩa' 'kuyua 'mä 'klɩ; 'änya 'kʋ 'täkä ‑gälɩ.
'Sɔrɛa ‑suwla ‑ŋʋɩsɩɩa 'jrʋfla ‑gölöfa 'wʋ 'ŋlëgëlü nyra 'ŋlëgë ‑mölöö nya dɔrɔ 'nɔnʋpakpɩlɩ 'ü pia' 'wʋ, 'ünya mi 'kuyu 'lɩ.
'Ü paa' 'lɩ nɩ, 'ünyɩ 'lɩ 'Pläkänyɔɔ Jesua 'ku ‑a jrä.
Nyatɛrɩ 'jraraa' 'sɔɔwʋ Jesu 'wli nɩ, 'ɔnya mi 'kuyu 'lɩ. 'Täkäa 'mlɩ 'ü 'kɔtɔ 'ii 'ü 'pie Lasaa, 'ünya nʋ 'täkä kpakö, 'ünya kpa 'ään 'klɩ.
'Ünya 'balɩ 'täkälä 'klɩ. Jesu 'jraraa' cɛ 'nyükä 'ɔ ‑nëma: «Tʋ 'n 'trɛɛ ‑mɩ 'sɩrɩ nʋa' ‑bɛ ‑saaa' 'mɩ ‑gälɩ.