16 ‑Maa 'üa 'nyü kala 'klɩ 'ü ‑pɩ 'ɔɔn jre.
Josɛɛfë jre 'ɔa ‑wlajü, ‑maa 'üülü 'ünyɩ 'ɔɔn jre ‑a jre.
'I ‑sia' nɩ, 'üa ‑tɔrʋpɩɔa nyüü 'sɔɔ mö ɩ 'klʋɛɛ, 'ɔnya 'tɔrɔ 'üa ‑tɔrʋpɩɔ ‑beere ‑pasanyɔɔ.
'Ii 'ü ‑ka 'paa ɩ Jesua 'mʋgbɛ nya jijrö 'üün ‑gba, ‑bɛ 'ü 'nyɛrɛ 'wʋ 'ü mö.
'Ɔnya ‑gbala 'üün ‑maa: «Wii 'plɛɛ pala 'amɩ sɩɔ, i 'a dɛtɛ ‑bɛ 'a 'nyɛɛ le?»
'Üa 'nyü nya ‑jieroklɩ, 'ünya ‑tʋ 'ɔɔn 'nyügba; ‑maa 'ɔnya sakla 'üün 'nyü ‑gälɩ.
'Ɔ nöa' 'saa 'ɔ 'paaa' wii, ‑bɛ 'ɔ ‑siea' kälɩ nɩ, Jesu 'nyüglö ‑plɩɩ, ‑maa 'ɔnyɩ 'saa ‑a jre 'sɩrɩ 'i bäa' 'ɔɔn.
‑Srɩ jö 'lee, ‑bɛ Jesu bä 'kɔtʋmlɩ, ‑maa 'wʋnyɛrɛnyüü 'nyɩ 'sa ‑a jre 'sɩrɩ 'i bäa' 'ɔɔn.
