Lukë 23:2 - Kuö Dëdrä Jenɛɛsë Rutë

² 'Ü 'tɔa' nɩ, ‑gbagblɛ 'ü ‑tʋ 'ɔɔn ‑gälɩ, 'ü ‑nëma: «Nyɔɔlɔ kʋa' ‑pɩ nɩ, ana 'brea nyüü 'ɔ 'tuto, 'üa 'wli 'lɩ 'ɔ 'paa cacɩwii 'ümä ‑yrɛ be, anya 'kplara 'ɔɔn ‑gälɩ. 'Ɔ ‑gbala 'üün 'ünyɩ 'pɛɛ Sesaa dapoo, ‑bɛ 'ɔ ‑gbala 'üün ‑maa 'ɔɔ bä 'kɩɩlɔ 'ü 'daraa' 'Kriisë.»

Lukë 23:2 Iomraidhean Croise

Matiö 17:27

‑Maa nyüüa 'fɩɔ ‑pɩa' amɩ 'nyügba ‑tʋ nɩ, mi 'nie ‑gba, be 'faflɛ 'nie 'lɩ. ‑Srelɛ ‑kätɩ ‑nëmäa' fɩa nɩ, tɛ 'ɛa mlɩ, ‑nya 'lɩ mölii 'järäa. Dɔrɔ 'iin 'wʋ 'kä ‑pɛɛ ‑na dapoo nyra 'na nä.»

Matiö 22:21

'Ü ‑nëma: «Sesaalɔ.» 'Ɔnya ‑gbala 'üün: «Dɛɛlɛ bäa' Sesaa dɛɛ, 'ba ‑nyɩ 'ɛɛn Sesaa, ‑bɛ dɛɛ bäa' Nyɔsʋaa dɛɛ 'ba ‑nyɩ 'ɛɛn Nyɔsʋa.»

Matiö 27:11

'Ünya ja Jesu ‑gofɩanëma kpakö Pilatëa 'klʋɩ, 'ɔnya 'bete 'ɔɔn: «Juifëa 'kɩɩ bä?» Jesu ‑nëma: «‑Na mlɩ 'i ja.»

Marëkë 12:17

'Ia ‑gʋ 'ɔnya ‑gbala 'üün: «Dɛɛlɛ bäa' Sesaa dɛɛ, 'ba ‑nyɩ 'ɛɛn Sesaa, ‑bɛ dɛɛ bäa' Nyɔsʋaa dɛɛ 'ba ‑nyɩ 'ɛɛn Nyɔsʋa.» 'Ɔnya kala 'üün plɛ 'klɩ.

Marëkë 15:2

Pilatë nya 'bete 'ɔɔn: «Juifëa 'kɩɩ bä?» Jesu ‑nëma: «‑Na mlɩ 'i ja.»

Lukë 23:14

'ɔnya ‑gbala 'üün: «'A ja 'mɩ nyɔɔlɔ kʋa' ‑pɩ, ɔ 'a 'daaa' ‑maa nyüü 'ɔ 'tuto, 'ana 'klʋɩ 'nyaa 'bete 'ɔɔn. Wiili 'a 'daa ‑maa 'kpɔɔ 'ɔ nʋa' 'nyɩ 'jä 'ia dɩjɔ 'doo 'wʋ ‑a;

Lukë 23:5

‑Maa 'ü blara, 'ü ‑nëma: «'Bala Galilee, ‑a ‑srörö Judeea ‑tʋtʋa 'fɩɔ ‑gälɩ, ‑a ji ‑tɛ, 'ɔa 'kpɩkpɩakʋ 'jrara nyüüa polu.»

Jaan 18:29

Pilatë nya 'jrara 'üün 'klɩ, 'ɔnya 'bete 'üün: «'A nɩnɩa dɛplɛɛ nyɔɔlɔ kʋa' ‑pɩ nʋ le?»

Jaan 18:30

'Iibäa' 'üün nɩ: «Ɔma 'nyɩ ɩ ‑balʋnyɔɔ ‑a bä nɩ, a ‑nëmä ɩ ‑mɩ 'ɔɔn ‑a ja.»

Jaan 19:12

'Bala ‑plɩɩ nɩ, 'sɩrɩ Pilatë 'mäa' nʋ ‑bɛ 'ɔmä 'ɔɔn ‑wälɩ 'cɛrɛ, 'ii 'ɔ 'bata. ‑Maa juifë 'paa wii: «‑Ama 'cɛrɛ 'ɔɔn ‑wälɩ, ‑nyɩ 'kɩɩ kpakö Sesaa ‑bei ‑a bä. Nyɔɔ o nyɔɔ 'daraa' 'ɔa nyufa 'kɩɩ nɩ, Sesaa ‑gbakäklɛnyɔɔ 'ɔ bä.»

Akëtë 24:13

'Ünyɩ 'lɩ ‑a bɩa ü srara ‑mɩ ‑plɩɩ wiili ü ‑tʋa' ‑plɩɩ 'mɩ ‑gälɩ 'ia 'cɩcasa.

Akëtë 24:5

‑Taa nyɔɔlɔ kʋa' ‑pɩ nɩ, 'ɔa plɛ 'kpörö. 'Ɔ ja juifënyüüa 'fɩɔa ‑tɔrʋpɩɔ nyra 'pläa 'mli ‑yrɛ kpaki; 'ɔnya bä Nasarɛɛtënyüüa 'cɛcɩa 'wliklɩa nyɔɔ.

Rɔmënyüü 13:7

'Ama 'klaa ‑molooa dɛɛ 'ba ‑nyɩ 'ɔmɩ 'ɛɛn: 'ba 'pɛɛ nyɔɔlɔ kä dapooa 'kpa 'a 'klaaa'; 'ba 'pɛɛ diili 'a käa' 'amäa' 'pɛɛ; 'ba pɩ nyɔɔlɔ 'a käa' 'amäa' pɩ; 'ba 'bʋala nyɔɔlɔ 'a käa' 'amäa' 'bʋala.