27 Nyɔɔ 'plɛɛ bä kpakö le? ‑Mɔlɔ bäa' 'töwlö ‑gälɩ, ‑maa ‑mɔlɔ ‑fɛɛɛa' 'jrʋpa? ‑Mää ‑mɔlɔ bäa' 'töwlö ‑gälɩ ‑a? ‑Maa 'mɔɔlɔ nɩ, 'n bä 'ana ‑tɔrʋpɩɔ ‑beere 'ana 'fɩɔa 'jrʋpafɛnyɔɔ.
'Asɩ Nyɔɔa 'Jʋ 'nyɩ bɩa ji ‑a ji 'ɔmä 'jrʋpafɛnyüü kä, ‑maa 'ɔ ji 'ɔmä 'jrʋpafɛnyɔɔ bä, ‑bɛ 'ɔmä 'ɔa 'klä 'sa 'kɔkɔmlɛ 'mä 'lɩmlɩwʋ.»
'Kamanyɔɔlɔ ma ji ‑bɛ üma 'nyɩ 'mʋmɔ ‑a 'mʋmɔ, ‑bɛ ɔma jrä ‑plɩɩ 'üün dɔrʋlʋ nëmäa' 'üün 'bla ‑mää 'ua ‑srɩ ‑nëmä ‑pɛ. 'Tasɩrɩa 'cɩcasa 'n ‑gbala 'amɩ: 'jrʋpafɛkoti 'ɔ nëmä 'lɩpa, 'kä 'ɔnya 'üün ‑wälɩkʋfa ‑nyɩ, 'kä 'ɔnya 'lɩ 'üün jijri ‑päälä.
'A jre ana 'Pläkänyɔɔ Jesu 'Kriisëa ‑gbinanakʋ: 'sɩrɩ 'ɔ ji käa' 'bɩɔ, ‑maa 'ana ‑gʋ 'ɔnya nrörö 'ɔa nyufa 'pʋablanyɔɔ 'lɩ 'kä 'ɔa 'pʋa 'lɩ 'ɔmä 'amɩ 'bɩɔ jrörö.