Lukë 2:11 - Kuö Dëdrä Jenɛɛsë Rutë

¹¹ ‑Plɩɩlɩ a 'palaa' wii nɩ, Daviidëa bätä 'lee, 'Lɩmlɩbanyɔɔ 'doo 'a ‑glooro 'ana ‑gʋ. 'Ɔɔ bä 'Kriisë, 'Pläkänyɔɔ.

Lukë 2:11 Iomraidhean Croise

Jenɛɛsë 3:15

'Nyaa ‑mɔ bɛ 'ŋlʋʋa ‑tɔrʋpɩɔ ‑yrɛ berea, 'nyaa bɩa ‑na 'jüa 'jü nyra 'ɔa 'jüa jüa ‑tɔrɔpɩɔ ‑yrɛ berea. 'Ɔnya ‑na 'wli 'käsusroa, 'kä ‑nya 'ɔa bɔtötö mlu.»

Jenɛɛsë 49:10

'Kama sɩsɩɛ ‑nëmä 'lɩ Judaa dɛrɩ ‑a tʋŋlɔ. 'Kɩɩa sɩsɩɛ ‑nëmä 'ɔa beia ‑tɔrʋpɩɔ ‑a sɔ, 'kä 'ɛa käkänyɔɔ nya ji. 'Ɔɔ 'plä ‑nëma 'lɩträärä.

Matiö 1:16

Jakɔɔbë bä Josɛɛfëa tʋ. Josɛɛfë bä Mariia dʋɔ; 'a Mariilɔ ‑gu Jesu, ɔ 'ü 'daraa' 'Kriisë.

Matiö 1:21

Nyɩbɛjʋ 'ɔmä ‑gu, 'ba ‑nyɩ 'ɔɔn Jesu 'nyrɩ, 'be 'ɔɔ nëmä 'ɔa nyüü 'üa ‑balʋ mlɩ 'ba.»

Matiö 16:16

Simɔɔ Piɛɛrë nya 'saa 'ɔɔn ‑gälɩ 'ɔ ‑nëma: «‑Mɔ bä 'Kriisë, 'Lɩbä Nyɔsʋaa 'Jʋ.»

Matiö 16:20

'Pɩrɩgälɩ nɩ, Jesu nya ‑gbala 'ɔa 'wʋnyɛrɛnyüü ünyɩ ‑gbala 'iin nyɔɔ 'sɩrɩ 'ɔɔ Jesu bäa' 'Kriisë.

Lukë 1:43

Nyɔɔ 'plɛɛ 'n bä ‑bɛ ‑taa wiili jrä 'mɩ ‑gälɩ le: 'kä 'na 'Pläkänyɔɔa 'yio 'mä 'mɩ 'jäkalɩ ji le?

Lukë 1:69

'Ɔ ja amɩ 'lɩmlɩbanyɔɔlɔ ‑sɔɔrɔa' 'wʋ. 'Ɔa 'jrʋpafɛnyɔɔ 'kɩɩ Daviidëa ‑glügbö kälɩ 'ɔ srörö 'ɔɔn;

Lukë 2:26

'unya ‑gbala kä 'ɔmɩ, 'sɩrɩ 'ɔmäa' 'Pläkänyɔɔa 'Kriisë 'jä 'fɩɔwʋ ‑bɛ 'ɔmäa' jä.

Lukë 2:4

Josɛɛfëa 'mʋgbɛ nya sɔ Nasarɛɛtë, Galileea ‑tʋtʋ ‑gälɩ. 'Ɔnya mi Judeea ‑tʋtʋ ‑gälɩ Daviidëa bätälä 'ü 'daraa' Bɛtëlɛɛmë, 'äa 'mlɩ, 'be Daviidëa ‑glügbö 'klɩa nyɔɔ 'ɔ bä.

Jaan 1:41

'Ɔnya mi dotro, 'ɔnya ‑gbala 'ɔa ‑wlajʋ Simɔɔ: «Anyaa' Mesii 'jä.» Mesiia ‑gbaa bä «'Kriisë».

Jaan 1:45

Filipë nya mi bɩa Natanaɛɛlë ‑gbala: «Nyɔɔlɔ kä ‑gä Moisë 'palaa' ‑Dɔa ‑pɔɔkʋa 'mlɩ, i nyɔsʋaamlɩpalanyüü ‑gbalaa' amɩ, anya 'ɔɔn 'jä. Josɛɛfëa 'jʋ Jesu bäsaa, Nasarɛɛtënyɔɔ.»

Jaan 11:27

'Iibäa' Marëtë nɩ: «‑Yɛɛ! 'Pläkänyɔɔ, 'n jre 'iin ‑mɔ bä 'Kriisë, Nyɔsʋaa 'Jʋlɔ nëmäa' 'pläa 'mlɩ ji.»

Jaan 20:31

‑Mɩlɩ kʋa' ‑pɩ nɩ, 'i ‑jɩjra 'kä 'amä 'saa jre Jesu bä 'Kriisë. 'Ɔ bä Nyɔsʋaa 'Jʋ, 'ama toro 'ɔɔn plɛ, 'amä 'klä 'jä 'ɔa 'nyrɩklɩ.

Jaan 4:25

'Iibäa' 'ŋlʋʋlɔ nɩ: «'N jre 'iin Mesii nya jia, ɔ 'ü 'daraa' 'Kriisë, 'taɩn 'lɩ 'ɔmäa' ji nɩ, 'ɔnya amɩ wiia 'fɩɔ ‑gbalaa.»

Jaan 4:42

‑bɛ 'ü ‑gbala 'ŋlʋʋlɔ ‑maa: «‑Mää wiili ‑gbaa', ‑mää 'ia ‑gʋ a ‑kanyɩ toro 'ɔɔn plɛ, ‑maa ana 'mʋgbɛ nya 'ɔɔn 'nyaklipo, a jre 'iin ɔ 'sɩrɩ 'ɔ bäa' 'kasa 'pläa 'fɩɔa 'Lɩmlɩbanyɔɔ 'Kriisë.»

Jaan 6:69

A toro ‑na mlɩa wii plɛ, anya jre 'sa ‑mɔ bä 'Kriisë, 'Lɩbä Nyɔsʋaa 'Jʋ.»

Jaan 7:41

‑Mölöö nö: «'Kriisë bäsaa.» ‑Bɛ ‑mölöö nö: «Galileea ‑tʋtʋ ‑gälɩ 'Kriisë 'mä ɩ sɔ?

Akëtë 10:36

'Ɔ ja Israɛɛlëa 'jü 'ɔa 'papawii; 'ɔnya 'saralɩ 'üün 'Mʋfagogolä bäa' plɛgälɩflɛrɛkʋlʋ sɔa' Jesu 'Kriisë kälɩ; 'ɔɔlɔ bäa' 'Pläkänyɔɔlɔ 'kamaa' nyüüa 'fɩɔ.

Akëtë 13:23

'A 'ɔa ‑glügböa 'mlɩ Nyɔsʋa 'ba 'Lɩmlɩbanyɔɔ 'doo Israɛɛlëa ‑gʋ. 'Ɔ ‑gbala käa' 'iin Israɛɛlë 'i 'a 'lɩwlɛ. 'Ɔɔ bä Jesu.

Akëtë 17:3

'Ɔ ‑gbala 'üün ‑bɛ 'ɔ srara 'üün 'sɩrɩ 'Kriisëlɔ kä 'ɔmä ɩa' ‑sʋɩ 'jä ‑bɛ 'ɔmäa' jäjänyüü ‑tɔrʋpɩɔ sɔ. 'Ɔ nɩnɩa: «Jesulɔ kä ‑gä 'n ‑gbalaa' 'amɩ nɩ, 'ɔɔ bä 'Kriisë.»

Akëtë 2:36

'Ii känyrɩ, Israɛɛlëa 'fɩɔ kä 'ümä 'saa jre 'tasɩrɩ 'sɩrɩ Jesulɔ 'a koloa' krʋa ‑gälɩ nɩ, 'ɔɔ bäa' Nyɔsʋa, 'ɔɔ nrörö 'ɔɔn 'Pläkänyɔɔ nyra 'Kriisë 'lɩ.»

Akëtë 5:31

'Ɔɔ Nyɔsʋa 'jrara, 'ɔnya nrörö 'ɔɔn 'Cifi nyra 'Lɩmlɩbanyɔɔ 'lɩ, 'ɔmä 'iin nʋ Israɛɛlë 'mä 'lɩ ‑balʋ ‑gälɩtoro, ‑bɛ 'üa ‑balʋ 'mä cere.

1 Korɛɛntënyüü 15:47

‑Tʋtʋ Nyɔsʋa nʋ 'ɔnya nʋ ‑kätɩa nɔ; 'sɔɔa nɔ, ɔ bäa' 'Pläkänyɔɔlɔ nɩ, cɛlɩ 'ɔ sɔ.

Filipënyüü 2:11

'kä 'papawiia 'fɩɔ nya 'daa, Jesu 'Kriisë bä 'Pläkänyɔɔ, ‑bɛ Nyɔsʋa bäa' Tʋ 'mä 'bʋala.

Filipënyüü 3:8

'Pɩrɩgälɩ nɩ, 'Kriisë Jesua jejrekʋa ‑gʋ 'n 'jää diia 'fɩɔwʋ ‑beere diili 'nyɩa' ‑tɔɔ kä. 'Na 'Pläkänyɔɔ 'Kriisëlɔ 'n toroa' plɛ, 'ɔɔ bä 'cɩca wiili. 'Ɔa ‑gʋ 'n 'nyiere diia 'fɩɔa ‑wälɩcɛrɛkʋ 'klɩ, ‑yɛɛ, 'n 'jää 'iin 'wʋ ‑beere dɛɛ 'ü bea' 'kʋtʋfʋ ‑gälɩ, 'kä 'mä 'Kriisë 'kpla;

Kolɔɔsënyüü 2:6

'Be 'anya 'a 'kpɩkpɩakʋlʋ 'paaa' 'Pläkänyɔɔ Jesu 'Kriisëa ‑gä 'klɩnyiere nɩ, 'ba 'nyɛ 'sɩrɩ 'a nyra 'ɔɔn bäa' 'doo.

1 Jaan 4:14

Ana 'mʋgbɛlɔ nɩ, anya 'jä 'iin, 'ii a 'saalɩ: Tʋ blɔ 'ɔa 'Jʋ, 'pläa 'lɩmlɩbanyɔɔ.

1 Jaan 5:1

Nyɔɔ o nyɔɔ jrea' 'saa Jesu bä 'Kriisë nɩ, Nyɔsʋaa 'jʋ 'ɔ bä. Nyɔɔ o nyɔɔ ‑waaa' Tʋ nɩ, 'ɔ ‑waaa' bɩa 'ɔa 'Jʋ.