Lukë 15:7 - Kuö Dëdrä Jenɛɛsë Rutë

⁷ 'Amɔ 'n ‑gbala, 'asɩ dɔrʋ nëmä bɩa cɛa 'mlɩ 'si 'taɩn 'lɩ ‑balʋnyɔɔ 'doo 'doo 'mäa' 'ɔa ‑balʋ 'klɩ 'nyiere ‑bɛ 'ɔmäa' 'ua ‑gʋ fio. Dɔrʋlʋ nya 'bʋaa ‑gböösa 'kä 'unya 'klɩgänyüüa ‑glʋɩmlɔɔ ‑bɛ ‑pʋ ‑bɛ ‑uunmlɔɔlü (99) 'nyɩa' ‑balʋa 'lɩgälɩtorokʋa ‑gä 'lɩbä.

Lukë 15:7 Iomraidhean Croise

Matiö 18:13

Ɔma 'jä 'ɛmɩ nɩ, 'cɩcasa 'n ‑gbala 'amɩ, dɔrʋ nya 'ɔɔn 'blaa. Dɔrʋlʋ nɩ, 'unya 'bʋaa ‑gböösa 'kä 'unya ‑bablëëlëa ‑glʋɩmlɔɔ ‑bɛ ‑pʋ ‑bɛ ‑uunmlɔɔlë (99) 'nyɩa' 'mɔlɔa dɔrʋ 'wʋsi.

Matiö 3:8

'Ba srara nʋnʋgbili ‑gbalaa' nyüü 'sɩrɩ 'anya 'a ‑balʋ 'pie.

Lukë 15:10

'Amɔ 'n ‑gbala, 'asɩ dɔrʋ nëmä bɩa Nyɔsʋaa 'aanjë 'bla 'taɩn 'lɩ ‑balʋnyɔɔ 'doo 'doo 'mäa' ‑balʋa 'pie ‑bɛ 'ɔmäa' 'uun 'lɩgälɩtoro.»

Lukë 15:29

'Ɔnya ‑gbala 'ɔa tʋ ‑maa: ‹'N ‑fɛa' ‑na 'jrʋpa 'ia ‑sɩ ‑srüplɛɛ le, ‑kaapɩɔ 'mɩ wii ‑a ‑gbala ‑bɛ 'mä 'daa 'n blara. ‑Kaapɩɔ 'mɩ wluua jɔ ‑a ‑nyɩ 'nyraa 'na ‑mölöö 'mä ‑glɩsɩglɩsɩ 'jä.

Lukë 15:32

‑Maa a kä amä ‑glɩsɩglɩsɩ nʋ, amä 'bri; ‑na ‑wlajʋ 'a ɩ jä, ‑maa 'ɔ 'a 'wʋsɔ. 'Ɔ 'mɔlɔ ɩ, ‑maa 'ɔ 'a 'järä.› »

Lukë 15:6

'Ɔma 'tɔ ‑gbööli, 'kä 'ɔnya 'ɔa ‑mölöö nyra nyüülü 'ɔ nyra 'üün kɔklɔa' ‑gba we; 'kä 'ɔnya 'üün ‑gbala ‑maa: ‹'Ba ji 'nyraa 'amɩ 'mä dɔrʋ nʋ! 'Nyaa 'na ‑bablɛɛlɛ 'mɔlɔ ɩa' 'jä!›

Lukë 15:8

«'Aiɛ, 'ŋlʋʋ 'doo ma 'klaa mölii sʋsʋa ‑pʋ kälɩ, ‑bɛ 'dee ma 'mɔlɔ nɩ, ‑mää 'napɛ 'ɔ ‑nëmä ‑gölö ‑bɛ 'ɔ ‑nëmä nyuku ‑wälɩ wɔpɔ, ‑bɛ 'ɔ ‑nëmä plɛblö 'ɔmä 'ɛɛn 'bata 'bata ‑a ji 'ɔmä 'ɛɛn 'jä?

Lukë 16:15

'Ɔnya ‑gbala 'üün: «'A nö dii ‑beere 'sɩrɩ 'a bäa' 'cɩcanyüü, ‑maa Nyɔsʋa jre 'ana polu. Dɛɛlɛ nyüü 'daraa' dɛɛ nɩ, 'ɛ bä cacɩ Nyɔsʋaa 'klʋɩ ‑gälɩ.

Lukë 5:32

'Nyɩ nyüülü ‑gäa' 'klɩ wekalɩ ‑a ji, ‑maa ‑balʋkänyüü 'n ji we 'ümä ‑balʋ 'pie.»

Rɔmënyüü 7:9

‑Kätɩsa nɩ, ‑mää ‑dɔa 'mlɩ 'maa 'nyɩ 'nyɛrɛ. ‑Maa 'u jia' nɩ, ‑balʋ nya tɛkä, 'mɔɔlɔ nɩ, 'nyaa jä.