32 «Ŋalɛ 'nyɩ 'bla 'amɩ, 'amɔ ‑beerea' ‑bablëëkpa jɔ, 'be 'tʋ 'i kä Tʋ, 'ɔnya ‑nyɩ 'amɩ 'kamaplälä.
'A ‑plɩɩ Jesu kʋ dotro 'ɔnya ‑gbala 'üün: «'Ba 'pa plɛ 'mlɩ, ŋalɛ 'nyɩ 'bla 'amɩ, 'mɔɔ bäsaa.»
«'Asɩ 'i bä: dɛrɩtäpanyüülü nɩ, 'ünya ‑srɩɩ 'wliklɩ bäa, 'kä ‑mülü bäa' 'wliklɩ nya ‑srɩɩ dɛrɩtäpa. 'Be tuponyüü ‑sümlö, ‑maa ‑mülü 'ü 'baa' 'lɩ 'nyɩ ‑sümlö ‑a ‑sümlö.»
'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.
«'Ba ‑tre 'ana nyüfë ‑gbagblɛ nyɔsʋaamlɩpalanyüüa ‑gʋ! ‑Bablëëjüa 'fu 'ü 'paa ‑gälɩ ‑bɛ 'ü jö 'ana ‑tɔrʋpɩɔ, ‑maa klaklamlaa 'ü bä.
'A 'ia 'taɩn 'lɩ dotro dɔrʋ 'si Jesu 'klɩ 'Nyüna ‑Susu 'lɩ 'ɔ ‑nëma: «Tʋ, cɛ nyra ‑tʋtʋa 'Pläkänyɔɔ, 'n 'trɛɛ ‑mɩ 'sɩrɩ nʋa' ‑bɛ ‑sisrea' wiili 'lɩglanyüü nyra ‑pɔɔkɩjrenyüü ‑gba, ‑bɛ ‑sraraa' 'iin 'jütɛtɛɛ. ‑Yɛɛ, Tʋ, 'a wiili käa' ‑mɩ 'tʋ, 'ii nʋ!
'Iibäa' Jesu nɩ: «‑Mää ‑pɩ ‑tʋtʋ ‑gälɩ 'na 'kamaplä 'nyɩ bä. 'Na 'kamaplä ma bä ɩ ‑pɩ ‑tʋtʋ ‑gälɩ nɩ, 'na 'jrʋpafɛnyüü nya ɩ 'na 'wli 'lɩa tou ‑fua, 'nyɩ ‑pɩ juifë kälɩ blö. ‑Maa ‑mää 'iin ‑a, 'na 'kamaplä 'nyɩ ‑pɩ ‑tʋtʋ ‑gälɩ ‑a bä.»
'Ii känyrɩ 'ba ‑tre 'ana nyüfë, 'ba ‑gäälä nyüülü kä 'fɩɔ 'Nyüna ‑Susu ‑nyɩa' 'amɩ kälɩ 'nyü ‑gba, 'sɩrɩ nyɔɔ ‑glaara ‑bablëëjü ‑gälɩ. 'Ba bä Nyɔsʋaa 'cɛcɩa 'nyiöligälänyüü; 'ɔa 'Jʋa 'mʋgbɛa ‑toru 'ɔ nʋ 'ɔnya ‑su 'üün.
'N jre 'iin 'sɩrɩ ama toroa' 'lɩ ‑gälɩ klaklamlaa 'mäa' 'ana ‑tɔrʋpɩɔ pala, 'ü ‑nëmä ‑bablëëjüa nyatɛrɩ ‑a 'jä.
‑Balʋa 'pɛpɛɛdɛɛ bä jäjäkʋ; ‑maa dɛɛlɛ Nyɔsʋa ‑nyɛɛɛa' amɩ 'flɛɛlɩ ana 'Pläkänyɔɔ Jesu 'Kriisë 'lɩ nɩ, 'ɛɛ bä 'klälä 'nyɩa' blöröfa kä.
'Be Nyɔsʋaa 'lɩgaglakʋ 'lɩ nɩ, 'ɔ nʋ 'iin 'plä ‑pɩ 'lɩgaglakʋ nʋ 'ä ‑pɩ 'ɔɔn jre. 'A 'ia ‑gʋ Nyɔsʋa 'daa 'papawiili a 'paaa' nɩ, 'ii 'ü 'daraa' mlüü, 'inya kä Nyɔsʋa 'tʋ 'ɔmä 'iin kälɩ ‑srörö ‑bɛ 'ɔmä 'lɩmlɩ nyüülü toroa' 'ɔɔn plɛ 'ba.
'be Nyɔsʋa ‑nyɛɛ 'amɩ 'nyienyiekʋa 'klü nyra 'ia nʋnʋkʋa 'klü amä wiili käa' 'ɔɔn 'tʋ nʋ.
'A 'ia ‑gʋ a bibie 'ana 'wlili 'taɩn a 'fɩɔ 'lɩ, ana Nyɔsʋalɔ wea' 'amɩ 'mä 'lɩ 'amɩ 'kʋɛɛ, ‑bɛ 'ɔmä 'amɩ 'klülɩpa, 'amä wiili kä 'fɩɔ 'naa' nʋ 'ɔa 'klü 'lɩ 'ana nyɔsʋaplɛtorokʋa ‑gʋ.
Nyɔsʋa srara 'ia ‑plɩɩlɩ 'sɩrɩ 'ɔa ‑gätʋtʋkʋ bäa' 'cɩcasa, 'amä Nyɔsʋaa 'kamaplälä kä ‑gʋ 'a 'jääa' ‑sʋɩ, 'klɩ 'wʋ.
‑Bɛ 'kamaplälä Nyɔsʋa ‑nyɩa' amɩ 'nyɩa' ‑gbogbloosa bä nɩ, a 'trɛɛ 'ɔmɩ. Ana 'tɛtrɛɛkʋ 'lɩ ‑a bibie 'ɔɔn 'sɩrɩ 'ɔ 'bataa', ‑a ‑träärälɩ 'ɔɔn, 'kä ‑a pɩɛ 'ɔɔn.
'Ba ponyakli 'na plɛ ‑gälɩa ‑wlajü 'amɩ: ‑mää nyüülü 'plä 'daraa' 'pʋablanyüü nɩ, ‑mää 'üün Nyɔsʋa 'nyɩ 'lɩba 'kä 'üa 'bɩɔ 'mä nyɔsʋaplɛtorokʋ bä, ‑bɛ 'ɔa 'plälä 'ɔ tɛrɛa' nyüülü ‑waa' 'ɔɔn, 'ümä 'äa ‑jaaa ji?
'Inya 'amɩ ana 'Pläkänyɔɔ, ana 'Lɩmlɩbanyɔɔ Jesu 'Kriisëa 'kamaplälä 'nyɩa' blöröfa kä, 'äa tatu 'klɩsaa.
'Ɔ nrörö amɩ 'kamaplä 'lɩ 'ɔnya nrörö amɩ ‑gbɔsapɛrɩnyüü 'lɩ amä 'ɔa Tʋ Nyɔsʋaa 'jrʋpafɛ. Abɩa 'wliklɩbʋbʋakʋ nyra 'klü bä Jesu 'lɩ 'plɔʋplɔʋa ‑gʋ! 'Asɩ i bä.
‑Gbia ‑ka ‑nëmä 'lɩ ‑a bä, 'üa ‑gbʋʋ ‑ka ‑nëmä 'napɛ nyra 'jrʋa 'batakʋ ‑gba ‑a bä, 'be 'Pläkänyɔɔ Nyɔsʋa nëmä 'üün ‑gälɩ ŋʋala, 'kä 'ünya 'kama 'plɔʋplɔʋa ‑gʋ.