Lukë 1:70 - Kuö Dëdrä Jenɛɛsë Rutë

⁷⁰ ‑kätɩsa 'ɔa 'nyüna mlɩpalanyüü 'ɔ ma ‑srörö kälɩ 'kä 'ɔ ma ‑gbala amɩ:

Lukë 1:70 Iomraidhean Croise

Jenɛɛsë 12:3

'Nyaa nyüülü 'paa' ‑mɩ 'nɩ, 'nɩ 'paa, 'kä 'nyaa nyüülü busua' ‑mɩ, busu. ‑Mɔ 'nëmä kälɩ ‑srörö 'mä ‑tʋtʋ ‑gälɩa ‑glügbüa 'fɩɔ 'nɩ 'pa.»

Jenɛɛsë 3:15

'Nyaa ‑mɔ bɛ 'ŋlʋʋa ‑tɔrʋpɩɔ ‑yrɛ berea, 'nyaa bɩa ‑na 'jüa 'jü nyra 'ɔa 'jüa jüa ‑tɔrɔpɩɔ ‑yrɛ berea. 'Ɔnya ‑na 'wli 'käsusroa, 'kä ‑nya 'ɔa bɔtötö mlu.»

Jenɛɛsë 49:10

'Kama sɩsɩɛ ‑nëmä 'lɩ Judaa dɛrɩ ‑a tʋŋlɔ. 'Kɩɩa sɩsɩɛ ‑nëmä 'ɔa beia ‑tɔrʋpɩɔ ‑a sɔ, 'kä 'ɛa käkänyɔɔ nya ji. 'Ɔɔ 'plä ‑nëma 'lɩträärä.

Marëkë 12:36

'Nyüna ‑Susu 'cerea' Daviidë ‑gälɩ 'ɔa 'mʋgbɛ nɩnɩa: 'Pläkänyɔɔ ‑gbala 'na 'Pläkänyɔɔ: 'A ‑pɩ 'na 'dupa 'lɩ ‑a kʋ kʋ, 'kä 'n 'pie ‑na 'nyüamlɩjraranyüü ‑na bökli ‑wälɩ ‑beere bökligälɩtʋkpö .

Lukë 24:44

'Ɔnya ‑gbala 'üün: «'A 'ii 'n ‑gbala käa' 'amɩ 'taɩn 'lɩ 'n bä käa' 'ana ‑tɔrʋpɩɔ: wiili 'paaa' 'na ‑gä Moisëa ‑pɔɔkʋ 'lɩ, i 'paaa' 'na ‑gä nyɔsʋaamlɩpalanyüüa ‑pɔɔkɩ 'lɩ nyra Nyɔsʋaa 'lɩbrɛrɛpɔɔkʋa 'mlɩ nɩ, 'ia 'fɩɔ kä 'imä nrörö.»

Akëtë 28:25

'Ünyɩa' 'wli 'nönrö ‑bɛ 'ü möa' nɩ, 'Pɔɔlë nya 'pawii 'doo, 'ɔ ‑nëma: «'Nyüna ‑Susu kä ‑gä 'taɩn 'lɩ 'u ‑sröröa' nyɔsʋaamlɩpalanyɔɔ Esaii kälɩ ‑bɛ 'u 'palaa' ana tʋɩɩ wii ‑gba,

Rɔmënyüü 1:2

'Mʋfagogolä nɩ, Nyɔsʋa 'a kä 'äa ‑gä 'pa; 'ɔa 'mlɩpalanyüü 'ɔ ‑srörö kä kälɩ 'ɔnya 'pala 'äa ‑gä 'Nyüna ‑Pɔɔkɩa 'mlɩ.

Ebröönyüü 3:7

'A 'ia ‑gʋ 'Nyüna ‑Susu ‑nëma: 'Ama 'nu 'saarɩ 'ɔa wii 'wli, 'anyɩ 'su 'nyakliwli,

1 Piɛɛrë 1:12

Nyɔsʋa nya srara 'üün 'sɩrɩ wiili 'ɔ ‑tʋa' 'üün mlɩ 'nyɩa' 'üa 'mʋgbɛa ‑gʋ bä, ‑maa 'sɩrɩ 'i bäa' 'ana ‑gʋ. 'A wiili bä 'saarɩ 'Mʋfagogo, 'ää nyüü 'saa 'amɩ 'Nyüna ‑Susua 'klülü sɔa' ‑nyɛɛ cɛa 'mlɩ. 'Aanjëa 'mʋgbɛ 'bata 'ümä 'ia 'mlɩ 'kä 'järä.

2 Piɛɛrë 1:21

'Be nyɔsʋaamlɩpalanyɔɔ 'doo 'nyɩ 'ɔa 'mʋgbɛa plɛklɩ wii ‑a 'ba, 'ɔnyɩ nyɔsʋaawii nyüü ‑gba ‑a 'pala. ‑Maa 'Nyüna ‑Susu 'uu ma 'tuto nyüü ‑bɛ 'ü ma 'paa nyɔsʋaawii.

2 Piɛɛrë 3:2

'amä wiili 'nyüna nyɔsʋaamlɩpalanyüü ‑gbala käa' 'amɩ plɛpa, ‑bɛ 'amä bɩa 'Pläkänyɔɔlɔ bäa' ana 'Lɩmlɩbanyɔɔ 'ɔa 'kamaawiili amɔ bäa' apotrë a 'kpɩaa' 'amɩ nɩ, amä 'iin plɛpa.

'Nyügälɩjawii 19:10

'Nyaa ‑gbri 'na 'klʋɩ ‑tʋtʋ 'wʋ 'kä 'nyaa trara 'ɔɔn 'wli, ‑maa 'ɔnya ‑gbala 'mɩ: «‑Nyɩ nʋ 'imɩ! 'Sɩrɩ ‑bäa' Nyɔsʋaa 'jrʋpafɛnyɔɔ, 'na 'mʋgbɛ 'n bä ‑na 'jrʋpafɛnyɔɔ nyra ‑na ‑wlajülü sraraa' nyüü 'cɩcasalä Jesu crɛrɛa' 'wʋ, 'üa 'jrʋpafɛnyɔɔ. Nyɔsʋa ‑kä ‑mä 'wlitrara! 'Cɩcasalä Jesu sraraa', 'ää bä nyɔsʋaamlɩpalanyüüa 'papawiia 'tasɩrɩa kpöö.»