46 Marii ‑nëma: «'Na ‑susu 'bʋala 'Pläkänyɔɔ,
‑Bɛ ‑mää 'ia 'doo ‑a: dɔrʋ 'blaa amɩ Nyɔsʋa 'lɩ, 'ɔ ‑sröröa' ana 'Pläkänyɔɔ Jesu 'Kriisë kälɩ ‑bɛ ɔ nröröa' amɩ 'wli a nyra 'ɔɔn kɔsɔ.
'A 'ia ‑gʋ 'i ‑jɩjra nyɔsʋapɔɔkʋ 'lɩ ‑maa: «Nyɔɔ ma nëmä ‑tɔklʋ bɔtɔ nɩ, 'ɔ bɔtɔ 'uun diili 'Pläkänyɔɔ nʋa', 'ia ‑gʋ.»
A 'trɛɛ Nyɔsʋa! Ɔ ‑sröröa' 'Kriisë kälɩ ɔ falaa' amɩ 'wʋsisikʋa ‑glɩsɩglɩsɩ 'lɩ 'plɔʋplɔʋ, ‑bɛ 'ɔ ‑sröröa' amɩ kälɩ ‑bɛ 'ɔ srara 'Kriisë ‑pɩɔa 'fɩɔ, 'sɩrɩ ‑daŋlʋɩnɩa 'nɔnʋ ‑gbaalaa' ‑pɩɔa' 'fɩɔ 'kä.
'Be amɔ bä 'tasɩrɩa 'bölönyüü, ‑Susu 'uu jö amɩ ‑gba ‑bɛ a bibie Nyɔsʋa, anya ‑tʋ ana plɛa 'fɩɔ Jesu 'Kriisë 'lɩ, ‑maa ‑mää 'jajɛ anyɩ toroplɛ.
'Ba nʋ 'taɩn a 'fɩɔ 'lɩ dɔrʋ 'Pläkänyɔɔ 'lɩ. 'N ‑gbala 'amɩ 'sɔɔwʋ: 'ba nʋ dɔrʋ!
Abɩa Nyɔsʋalɔ bäa' 'pʋpʋɛ bere 'amɩ 'klɩ. Abɩa 'ana 'kläa 'fɩɔ: 'ana bobowli, 'ana ‑gälɩasusu nyra ana fugba, bereklɩ. Wii ‑pɩ 'amɩ 'kpla ana 'Pläkänyɔɔ Jesu 'Kriisëa jijisrɩ 'lɩ!
Jesulɔ nɩ, 'anyɩ 'ɔɔn 'jä ‑a 'jä, ‑bɛ 'asɩɛ 'a ‑wa 'ɔɔn. ‑Mää 'jä 'anyɩ 'jä 'ɔɔn 'köklesa, ‑bɛ 'asɩɛ 'a toro 'ɔɔn plɛ ‑bɛ dɔrʋlʋ 'blaaa' 'amɩ nɩ, 'papawii 'lɩ kä 'mlɩ 'ümäa' 'uun 'nyrʋgala 'inyɩ 'lɩ ‑a bä; dɔrʋlʋ 'sia' 'wliklɩbʋabʋakʋ 'klɩ.
