Ɛfɛsënyüü 5:3 - Kuö Dëdrä Jenɛɛsë Rutë

³ Nyɔsʋaa 'nyünanyüü 'a bä. 'Ii känyrɩ, ‑sagbili Nyɔsʋa 'nyɩ 'bataa' nyra diili plaa' ‑fre, nyra dɛɛnyükäkäkʋ, 'ia ‑taa wiilia 'fɩɔ 'nyɩ kä ‑a kä 'imä 'ana ‑tɔrʋpɩɔ bä.

Ɛfɛsënyüü 5:3 Iomraidhean Croise

Matiö 15:19

Nyɔɔa plɛklɩ, 'ii ‑balʋwiia bobokʋ sɔ: nyüübablakʋ, bätësa, ‑sagbili Nyɔsʋa 'nyɩ 'bataa', 'jejiekʋ, nyɔɔa ‑gbagblɛ ‑gälɩtʋtʋkʋ nyra nyüüa bʋbɔnyrɩa 'papakʋ.

Lukë 12:15

'Ɔnya ‑gbala 'üün: «'Ba ‑tre 'ana nyüfë! 'A 'nɩ kä dɛɛnyü! ‑Bakää nyɔɔ 'nyɩ ji 'bɩɔ, ‑mää 'ɔa käkädii 'nyɩ 'ɔa 'klä ‑gba kälä.»

Lukë 16:14

‑Bɛ Farisinyüü po wiili kä 'fɩɔ Jesu 'paaa' 'nyakli, ‑bɛ 'ü srörö 'ɔɔn, 'be 'ü ‑wa mölii.

Akëtë 15:20

‑Maa ‑kaa' ‑jɩjra 'üün 'wʋ amä 'üün ‑gbala ünyɩ ji mlaalü 'ü 'blaraa' ‑wäsɩa, 'ünyɩ nʋ ‑sagbili Nyɔsʋa 'nyɩ 'bataa', 'ünyɩ ji mlaalü jäa' 'ünyɩa' ‑plɛlɩbölö, 'kä 'ü 'cɛrɛ ‑toru ‑wälɩ.

Akëtë 20:33

Nyɔɔa mölii, nyɔɔa ‑sika, nyɔɔa 'kotu, 'inyɩ 'na plɛ ‑a fa.

Rɔmënyüü 1:29

'Ü 'si ‑balʋgbia 'kaɩn 'kaɩn 'klɩ: ‑saa ‑balʋ, plɛbʋbɔkʋ, dɛɛnyükäkäkʋ, bʋbɔgbi, 'bablakʋ, 'blarakʋ, yrʋkäkäkʋ, ‑gbʋgblʋʋkänyüü. ‑Tutronyüü 'ü bä,

Rɔmënyüü 16:2

'Ba 'kʋɛɛlɩ 'ɔɔn 'cɩcasa 'Pläkänyɔɔa 'nyrɩklɩa ‑gʋ; 'sɩrɩ 'ü 'kʋɛɛa' 'lɩ Nyɔsʋaa 'nyünanyüü. 'Ba 'pa 'ɔa ‑gä, wii kä 'fɩɔ kä 'mlɩ 'ɔmäa' 'amɩ were, 'ba ji 'ɔɔn ‑gba; 'be 'ɔ ji nyüü 'kɔkɔmlɛ ‑gba, 'palɩ 'na 'mʋgbɛ.

Rɔmënyüü 6:13

'Anyɩ 'sara 'ana fugba ‑balʋ kälɩ ‑beere 'jrʋpafɛdiili 'nyɩ nʋa' 'klɩgägbi. ‑Maa 'ba 'sara 'ana fugba Nyɔsʋa kälɩ ‑beere 'lɩbänyüü sɔa' 'kuaabre, 'amä 'jrʋpafɛdiili nöa' wiili ‑gäa' 'klɩ bä,

1 Korɛɛntënyüü 10:8

Anyɩ nʋ ‑sagbili Nyɔsʋa 'nyɩ 'bataa' ‑beere 'üa ‑tɔrʋpɩɔa ‑mölööa nʋnʋgbi, ‑bɛ nyüüa ‑diia ‑glʋɩsɔɔ ‑diipʋ ‑dii ‑uunsɔɔ ‑glʋɩpʋ (23 000) blöa' ü jäa' ‑srɩ 'doo 'lɩ.

1 Korɛɛntënyüü 5:1

A 'nrörö 'plɔʋplɔʋ nyüüa mlɩ wii 'wli 'ana 'pɛlɩ. Nyüü nɩnɩa ‑sagbili Nyɔsʋa 'nyɩ 'bataa', 'inyɩa' 'nɩmɩ nyüülü 'nyɩa' Nyɔsʋa jrea ‑tɔrʋpɩɔ bä nɩ, 'ii 'a nö. 'Ü nɩnɩa 'ana ‑tɔrʋpɩɔa nyɔɔ 'ba 'ɔa tʋ 'ŋlʋʋ kälɩ!

1 Korɛɛntënyüü 6:13

«Jijrɛ bä ‑gua dɛɛ, ‑gu nya bä jijria dɛɛ.» Nyɔsʋa nya 'ia 'sɔɔlʋ bʋblɔa. Nyɔɔa fugba 'nyɩ nrörö ‑a nrörö ‑sagbili Nyɔsʋa 'nyɩ 'bataa' a ‑gʋ: 'ä nrörö 'Pläkänyɔɔa ‑gʋ, ‑bɛ 'Pläkänyɔɔ bä ‑plɩɩ fugbaa ‑gʋ.

1 Korɛɛntënyüü 6:18

'Ba fɔlɔ ‑sagbili Nyɔsʋa 'nyɩ 'bataa' 'klɩ! ‑Balʋlʋ kä 'fɩɔ nyüü 'mrɛɛa' 'ümäa' nʋ nɩ, 'unyɩ fugbaa 'mlɩ ‑a bä. ‑Maa ‑sagbili Nyɔsʋa 'nyɩ 'bataa' nɩ, nyɔɔa ma nʋ 'umɩ nɩ, 'ɔa 'mʋgbɛa fugba 'ɔ nö ‑balʋ ‑gba.

2 Korɛɛntënyüü 12:21

Ŋalɛ 'blaa 'mɩ 'nyɩ ‑pɩ 'tɔ ‑bɛ Nyɔsʋa ‑pɩ 'mɩ 'nyüsü 'blara 'ana 'klʋɩ, 'nyɩ ‑pɩ 'wu nyüülü nʋa' ‑balʋ ‑bɛ ünyɩa' 'üa bʋbɔgbia ‑gʋ fio, 'üa ‑sagbili Nyɔsʋa 'nyɩ 'bataa', ‑bɛ 'ü käa' nʋnʋgbili plaa' ‑fre 'lɩ, 'üa ‑gʋ.

Ɛfɛsënyüü 5:12

'Be wiili 'ü nröröa' ‑sisiedii 'lɩ nɩ, 'i bä 'nyüsü 'wʋ.

Ɛfɛsënyüü 5:5

‑Bɛ 'ba jre bɩa 'saa nyɔɔlɔ nöa' ‑sagbili Nyɔsʋa 'nyɩ 'bataa', 'aiɛ ɔ nöa' diili plaa' ‑fre 'lɩ, 'aiɛ ɔ käa' tɛ, 'iibä ‑a ‑tɩ ‑plɩɩ Nyɔsʋa ‑bɛ ‑a bibie dii ‑mɩdoo. 'Ia nyɔɔlɔ ‑nëmä ‑jaaa ‑a ji 'Kriisë nyra Nyɔsʋaa 'kamapläa 'mlɩ.

Filipënyüü 1:27

'Ba 'nyɛ nyɔɔwʋbabasa, 'sɩrɩ imäa' 'lɩ 'Kriisëa 'Mʋfagogo ‑träärä. 'Ia 'taɩn 'lɩ, ‑bakää 'n jö 'amɩ 'jää, ‑bakää 'nyɩ ‑plɩɩ bä, ‑a 'nu 'sɩrɩ 'a kʋa' bobowli 'doo 'lɩ, 'amä 'ana nyɔsʋaplɛlɛ 'Mʋfagogo ‑nyɩa' 'amɩ ‑wälɩtʋ.

Kolɔɔsënyüü 3:5

'Ii känyrɩ, 'ba fio diili kä 'fɩɔ bäa' ‑pɩ ‑tʋtʋ ‑gälɩa dii, ibäa' 'amɩ 'lɩa, 'ia ‑gʋ: ‑sagbili Nyɔsʋa 'nyɩ 'bataa', ‑gbili plaa' nyɔɔ ‑fre 'lɩ, dɛɛnyükäkäkʋlʋ bäa' 'nyüsü 'wʋ ‑bɛ u bʋbɔa', nyra diili 'anyɩa' kä 'ia dɛɛnyükäkäkʋ; 'iibä ‑wäsɩa ‑pʋpʋakʋ.

1 Tɛsalonikënyüü 4:3

‑Jäsɩ Nyɔsʋa 'bataa' nɩ, abɩa 'ana 'kläa 'nyü 'na: 'ba tʋŋlɔlɩ ‑sagbili kä 'fɩɔ Nyɔsʋa 'nyɩ 'bataa' dɛrɩ;

1 Tɛsalonikënyüü 4:7

Nyɔsʋa 'nyɩ amɩ ‑a we amä ‑frepanyüü bä, ‑maa 'ɔ we amɩ amä nyüülü kä 'nyü 'naa' bä.

1 Timotee 2:10

‑Maa abɩa 'ŋlëgë srara 'üa 'nanakʋ 'üa 'cɩcagbia 'mlɩ, 'sɩrɩ 'ŋlëgë ma 'daa 'ü ‑träärä 'lɩ Nyɔsʋa, 'asɩ ü bä 'wʋ.

1 Timotee 3:3

'Ɔnyɩ bä 'nʋblanyɔɔ 'aiɛ 'blarʋkänyɔɔ, 'aiɛ ɔnyɩ bä möliiwanyɔɔ ‑maa ɔ bä ‑pɔplɔnyɔɔ, ɔ ‑wa 'wlinönrökʋ, möliia ‑wawakʋ 'nyɩ fa 'ɔa plɛ.

1 Timotee 6:10

'Be möliia ‑wawakʋ, 'iibä mɩmɩakʋa 'kaɩn 'kaɩn a 'käkolofa. 'Ia ‑gʋ ‑mölöö 'cɛrɛ 'üa nyɔsʋaplɛtorokʋ ‑wälɩ, ‑sʋɩ 'kɔkɔmlɛ nya jrä 'üün ‑gälɩ.

2 Timotee 3:2

'Be nyɔɔ ‑moloo ma bälɩ 'ɔa 'dooa ‑gä 'ɔ nëmä 'pa, mölii 'ü nëmä ‑wa, 'lɩgbagbakʋ nyra ‑tɔklʋɩɩ 'ümä bɔtɔ; 'ünya Nyɔsʋa ‑jrea, 'ü ‑nëmä 'lɩ 'üa nyüü ‑a ‑träärä. 'Ü ‑nëmä 'tɛtrɛɛkʋ ‑a jre; 'ü ‑nëmä 'lɩ Nyɔsʋaa dii ‑a ‑träärä.

Titë 1:11

Blörö 'üa 'mä. ‑Gbüüü 'ü 'caklalɩ, wiili 'nyɩa' 'kpɩkpɩasa bä 'ii 'ü 'kpɩa, 'ümä ‑gʋ ‑gbagblɛ nʋ 'ümä mölii 'jä.

Titë 1:7

'Be 'cɛcɩtagbölɔ ‑fɛɛɛa' Nyɔsʋaa 'jrʋpaa 'klä kä 'ämä 'na, 'ɔa bʋbɔnyrɩ 'nyɩ kä ‑a kä 'imä nyüüa mlɩ bä. 'Ɔnyɩ bä ‑tɔklʋbɔtɔnyɔɔ, 'ɔnyɩ kä 'crɛ, 'ɔnyɩ bä 'nʋblanyɔɔ, 'ɔnyɩ bä nyɔɔlɔ ‑waa' ‑golu, 'ɔnyɩ bä nyɔɔlɔ fɔlɔa' mölii dɛrɩ ‑balʋsa.

Titë 2:3

‑Gbala bɩa tagbüŋlëgë ü 'nyɛ 'sɩrɩ nyɔɔ 'nyɩa' ‑fre pa Nyɔsʋaa 'klɩ, 'ia 'sa. 'Ünyɩ 'pa 'üa ‑mölööa bʋbɔnyrɩ, 'ünyɩ bä 'nʋa ‑goou. Ü 'kpɩa nyüü wiili 'naa',

Ebröönyüü 12:16

'Ana ‑tɔrʋpɩɔa nyɔɔ 'nyɩ nʋ ‑sagbili Nyɔsʋa 'nyɩ 'bataa'. Nyɔɔ 'nyɩ ‑wa ‑pɩ ‑tʋtʋ ‑gälɩa dii ‑beere Esau, ɔ 'paa' 'ɔa kpaködɛɛ 'peru jijrɛa ‑gʋ.

1 Piɛɛrë 5:2

'Sɩrɩ ‑bablëëgbanyɛrɛnyɔɔ ‑tʋʋäa' ‑bäblëë 'nyügba nɩ, 'ba nʋ 'saa 'ba ‑gäälä nyüülü Nyɔsʋa ‑nyɩa' 'amɩ 'nyü ‑gba, ‑mää 'klɩkʋsa ‑a, ‑maa 'ba nʋ 'ana plɛa 'sa. 'Anyɩ ‑fɛ 'ia 'jrʋpalä 'äa ‑gälɩa möliia jrörökʋa ‑gʋ, ‑maa 'ba ‑fɛ 'ämɩ 'sɩrɩ 'a ‑wa 'ämɩ.

2 Piɛɛrë 2:10

Nyɔsʋa nya nyüülü 'nyɛrɛa' bʋbɔdiili 'üa fugba 'bataa' 'pɔnɩa. 'Ia nyüülüa plɛ 'sosowʋ ‑frepadiia ‑gʋ, 'üa ‑gbʋʋ 'nyɩ 'kamakʋ ‑gba ‑a bä. 'Ü toro 'üa nyüfë plɛ ‑gböösa; 'ü bɔtɔ ‑tɔklʋ ‑bɛ 'ü ‑jejre 'wliklɩbʋa ‑sisili bäa' cɛa 'mlɩ.

2 Piɛɛrë 2:14

Bätësaa 'dooa wii 'ü bobo, ‑balʋa nʋnʋkʋa 'doo bä 'üa plɛ 'klɩ. 'Ü 'kʋɛɛrɛ ü 'fʋmaa' 'üa nyüfë ‑gba, 'üa polu 'si dɛɛnyükäkäkʋ 'klɩ. Nyɔsʋaa busukʋ bä 'üün ‑gälɩ.

2 Piɛɛrë 2:3

Dɛɛnyü nyra ‑gbagblɛwii 'ümä nʋ 'ümä 'amɩ ‑trɔɔrɔ. ‑Mää ‑mlatɩkä 'üa ‑gä 'nyɩ ‑träärä, 'üa ‑gbogblookʋ 'nyɩ 'nyüglö ‑a 'nyüglö.

'Nyügälɩjawii 2:14

‑Maa wii 'doorodoo bälɩ 'ii 'nëmä ‑mɩ ‑gbala. Nyüü ‑mölöö bä ‑na ‑nyɛɛ, Balaamëa 'kpɩkpɩakʋlʋ 'ɔ 'kpɩa käa' nyüü tʋɩɩa 'taɩn 'lɩ nɩ, 'ü ‑ka 'nyɛɛ 'iin ‑gälɩ. Balaamë 'kpɩa kä Balaakë 'sɩrɩ 'ɔmäa' Israɛɛlënyüü bɔʋdɛrɩ 'pa ‑bɛ 'ümäa' ‑gbɔsamlaa ji, ‑bɛ 'sɩrɩ 'üü nöa' ‑sagbili Nyɔsʋa 'nyɩ 'bataa'.

'Nyügälɩjawii 2:21

'Nyaa ‑nyɩ 'ɔɔn 'taɩn 'ɔmä 'iia ‑balʋlʋ ‑wälɩ 'cɛrɛ, ‑maa 'ɔnyɩ 'uun ‑wälɩ ‑a 'cɛrɛ.

'Nyügälɩjawii 21:8

‑Maa, ü käa' ŋalɛ nyra nyüülü 'nyɩ toroa' Nyɔsʋa plɛ, ü nöa' bʋbɔgbi, nyüüblanyüü, nyüülü nöa' ‑sagbili Nyɔsʋa 'nyɩ 'bataa', ‑gëglänyüü, nyüülü traraa' ‑papanyɔsʋaɩɩ 'wli, nyra ‑gbagblɛnyüü, 'üa 'fɩɔ nya 'pʋpʋlʋ 'pütüa', 'ua kapuprʋgbaa 'mlɩ bäa. 'A 'sɔɔa në jäjä.»

'Nyügälɩjawii 22:15

‑Maa ‑fälɩ, 'ii ‑fä, ‑gëglänyüü, 'palɩ nyüülü 'paa' ‑sagbili Nyɔsʋa 'nyɩ 'bataa', nyüüblanyüü, nyüülü traraa' ‑papadii 'wli, nyüülü ‑waa' ‑gbagblɛ ‑bɛ 'ü käa' 'ɛɛn, 'ümä tɩɔ!

'Nyügälɩjawii 9:21

'Ünyɩ nyüüa 'bablakʋ ‑wälɩ ‑a 'cɛrɛ bɩa, 'ünyɩ ‑gëglä ‑a ‑gʋ ‑a fio, 'ünyɩ ‑sagbili Nyɔsʋa 'nyɩ 'bataa' a ‑gʋ ‑a fio, 'ünyɩ 'jejiekʋa ‑gʋ ‑a fio.