Ɛfɛsënyüü 5:2 - Kuö Dëdrä Jenɛɛsë Rutë

² 'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

Ɛfɛsënyüü 5:2 Iomraidhean Croise

Jenɛɛsë 8:21

Yawe nya 'kʋɛɛ ɩa' 'mʋfa 'nɔnʋ, 'ɔa plɛklɩ 'ɔ ‑nëma: «'N ‑ka ‑nëmä ‑tʋtʋ ‑a busu nyɔɔa ‑gʋ, 'be kolo 'ɔa ‑sëgbadɛɛ 'lɩ 'kä nɩ, wiili 'ɔa plɛ 'bataa' 'i bʋbɔ. 'N ‑ka ‑nëmä diili kä 'fɩɔ bäa' 'lɩ ‑a ‑gblooo, ‑beere 'sɩrɩ 'n nʋa' ‑plɩɩ.

Matiö 20:28

'Asɩ Nyɔɔa 'Jʋ 'nyɩ bɩa ji ‑a ji 'ɔmä 'jrʋpafɛnyüü kä, ‑maa 'ɔ ji 'ɔmä 'jrʋpafɛnyɔɔ bä, ‑bɛ 'ɔmä 'ɔa 'klä 'sa 'kɔkɔmlɛ 'mä 'lɩmlɩwʋ.»

Jaan 13:34

‑Dɔ dëdrä 'n ‑nyɛɛ 'amɩ: 'Ba ‑wawla; 'sɩrɩ 'n ‑waa' 'amɩ, 'ba nʋ 'saa 'ba ‑wawla.

Jaan 6:51

'Mɔɔ bä 'flɔɔlʋ sɔa' cɛlɩ, u ‑nyɛɛa' 'klä. Nyɔɔ ma ji 'uun, 'ɔnya 'klälä 'nyɩa' blöröfa kä 'jäa. ‑Bɛ 'flɔɔlʋ 'nëmäa' 'ɔɔn ‑nyɩ nɩ, 'na 'jajɛ bäsaa, 'ɛɛ 'nëmä ‑nyɩ 'pläa 'kläa ‑gʋ.»

Rɔmënyüü 15:16

'N nʋ Jesu 'Kriisëa 'jrʋpafɛnyɔɔ nyüülü 'nyɩa' juifë bä 'üa ‑gʋ. Nyɔsʋaa 'Mʋfagogoa 'pɛrɩnyɔɔa 'jrʋpa 'n ‑fɛɛɛ, 'kä nyüülü 'nyɩa' juifë bä 'mä ‑gbɔlʋ käa' Nyɔsʋa 'tʋ bä, ‑gbɔlʋ 'Nyüna ‑Susu berea' 'klɩ.

Rɔmënyüü 4:25

'Ɔ 'sara ana ‑balʋa ‑gʋ; Nyɔsʋa 'ba 'ɔɔn 'kuaabre 'ɔmä amɩ 'klɩgä 'ɔa 'klɔɔtrʋ.

Rɔmënyüü 8:3

‑Dɔ 'nyɩ 'lɩ ‑a bɩa u nʋ 'iin, 'be 'jajɛ 'fʋmla 'uun. ‑Maa Nyɔsʋa nʋ 'imɩ; ‑balʋa ‑gʋ 'ɔ nrörö 'ɔa 'mʋgbɛa 'Jʋ nyɔɔ 'lɩ ‑beere amɔ ‑balʋnyüü, 'ɔmä ‑balʋlʋ bäa' nyüü 'lɩa ‑gä ‑tʋ.

Rɔmënyüü 8:37

‑Maa 'ia 'fɩɔlʋa 'mlɩ nɩ, amɔ ‑siwʋ ‑gböösa nyɔɔlɔ ‑waa' amɩ 'ɔa ‑gʋ.

1 Korɛɛntënyüü 16:14

Wii o wii 'amäa' nʋ nɩ, abɩa ‑wawlakʋ bä 'ia 'mlɩ.

1 Korɛɛntënyüü 5:7

'Ba 'ba 'ana ‑gba ‑kätɩ levurë, 'amä bɔtɔfarinë dëdrä bä. Nyüülü levurë 'nyɩa' 'lɩbä nɩ, 'ia nyüü 'a bä, 'be ana 'Paakëa ‑gʋ 'Kriisë 'sara ‑gbɔ 'lɩ ana ‑gʋ.

2 Korɛɛntënyüü 2:14

A 'trɛɛ Nyɔsʋa! Ɔ ‑sröröa' 'Kriisë kälɩ ɔ falaa' amɩ 'wʋsisikʋa ‑glɩsɩglɩsɩ 'lɩ 'plɔʋplɔʋ, ‑bɛ 'ɔ ‑sröröa' amɩ kälɩ ‑bɛ 'ɔ srara 'Kriisë ‑pɩɔa 'fɩɔ, 'sɩrɩ ‑daŋlʋɩnɩa 'nɔnʋ ‑gbaalaa' ‑pɩɔa' 'fɩɔ 'kä.

2 Korɛɛntënyüü 2:15

Nyɔsʋa 'jää amɩ ‑beere 'sɩrɩ 'Kriisëa ‑daŋlʋɩnɩ bäa' nyüülü bäa' 'lɩmlɩwʋwʋkʋa 'nyʋfɔ mlɩ, nyra nyüülü bäa' 'mɔlɔnyʋfɔ mlɩa ‑tɔrʋpɩɔ.

2 Korɛɛntënyüü 8:9

'A jre ana 'Pläkänyɔɔ Jesu 'Kriisëa ‑gbinanakʋ: 'sɩrɩ 'ɔ ji käa' 'bɩɔ, ‑maa 'ana ‑gʋ 'ɔnya nrörö 'ɔa nyufa 'pʋablanyɔɔ 'lɩ 'kä 'ɔa 'pʋa 'lɩ 'ɔmä 'amɩ 'bɩɔ jrörö.

Galaatënyüü 1:4

'Kriisëlɔ 'saa' 'ɔa 'klä ana ‑balʋa ‑gʋ, 'ɔmä amɩ ‑taa bʋbɔplälä kʋa' ‑pɩa 'klü mlɩ 'ba, 'sɩrɩ ana Nyɔsʋalɔ bäa' Tʋ 'bataa'.

Galaatënyüü 2:20

'Mɔɔ ‑bɛ 'Kriisë järä 'wʋ krʋa ‑gälɩ. ‑Ama ‑ka bälɩ nɩ, ‑mää 'mɔɔ ‑kanyɩ 'plä 'wʋ bä, ‑maa 'Kriisë 'ɔɔ bä 'mɩ 'lɩ. 'Na 'klälä 'n 'klaaa' ‑plɩɩ ɔ nɩ, Nyɔsʋaa 'Jʋ 'n toroplɛ ‑bɛ 'n 'nyɛɛ. 'Ɔɔ ‑wa 'mɩ, 'ɔnya 'sa 'ɔa nyufa 'na ‑gʋ.

Ɛfɛsënyüü 1:4

'Plä ‑kaaŋlʋ nrörö Nyɔsʋa nya 'balɩ amɩ 'Kriisë 'lɩ amä 'nyünanyüü nyra nyüülü 'nyɩa' bʋbɔdɛɛ ‑gba kä 'ɔa 'klʋɩ ‑gälɩ, 'ɔa ‑wawakʋ 'lɩ.

Ɛfɛsënyüü 3:17

‑bɛ 'Kriisë 'mä 'ana polua 'mlɩ kʋ. 'Be 'a toro 'ɔɔn plɛ, 'ana ‑wawlakʋa tigblii 'mä nyɔnyrɔ, 'imä 'käsri ‑wawlakʋ 'lɩ

Ɛfɛsënyüü 3:19

‑bɛ 'amä 'Kriisëa ‑wawakʋlʋ ‑sia' diia 'fɩɔwʋ jre, Nyɔsʋaa 'bʋabʋakʋ 'mä 'amɩ 'lɩ 'si.

Ɛfɛsënyüü 4:15

‑Maa 'cɩcasa ma 'saralɩ ‑wawlakʋ 'lɩ nɩ, anya diia 'fɩɔa 'mlɩ 'bʋalaa 'Kriisë 'lɩ, ɔ bäa' 'wliklɩ.

Ɛfɛsënyüü 4:2

'Ba 'cie 'ana nyüfë 'wʋ 'taɩn a 'fɩɔ 'lɩ, 'anyɩ kä 'crɛ, 'kä 'a kpʋkplɔmlɩ, abɩa ‑moloo bɩa ‑molooa ‑gbi mlɩ ‑wawlakʋ 'lɩ.

Ɛfɛsënyüü 5:15

'Ii känyrɩ, 'ba ‑tre ‑gböösa 'ana ‑wälɩkʋkʋkʋ. 'Anyɩ 'nyɛ saklanyüüa 'sa, ‑maa 'ba nʋ 'lɩglanyüüa ‑gbi.

Ɛfɛsënyüü 5:25

'Amɔ dʋɔɩɩ, 'ba ‑wa 'ana 'ŋlëgë 'sɩrɩ 'Kriisë ‑waa' 'cɛcɩ ‑bɛ 'ɔ 'saa' 'ɔa nyufa 'ɛa ‑gʋ,

Filipënyüü 4:18

'N 'jä 'ia 'fɩɔ, 'inya ‑siewli. ‑Bɛ Epaflodiitë jaa' 'mɩ diili kä 'fɩɔ 'a jaa' 'mɩ nɩ, 'n 'klaa diili kä 'fɩɔ 'nyɩa' kla. Diili 'a ‑nyɩa' 'mɩ, 'i ‑beere 'nɔnʋpa ‑gbɔ, ‑gbɔlʋ Nyɔsʋa 'kʋɛɛa' 'lɩ ‑bɛ u käa' 'ɔɔn 'tʋ ‑gböösa.

Kolɔɔsënyüü 3:14

'Ia 'fɩɔlʋa 'wliklɩ nɩ, 'ba ‑tʋ 'lɩ ‑wawlakʋ ‑gälɩ; 'uu ‑maa 'amɩ 'tasɩrɩ.

1 Tɛsalonikënyüü 4:9

Dɛɛlɛ bäa' 'sɩrɩ 'cɛcɩnyüü 'mäa' ‑wawla nɩ, 'anyɩ 'wʋ ‑jɩjrakʋ ‑a kä, 'be Nyɔsʋaa 'mʋgbɛ 'kpɩa 'amɩ 'sɩrɩ 'amäa' ‑wawla.

1 Timotee 2:6

'ɔ 'sa 'ɔa 'klä ana ‑pi 'lɩ, 'kä nyüüa 'fɩɔ 'mä 'lɩmlɩwʋ. 'Ii srara wiili Nyɔsʋa ‑tʋa' 'lɩ, ‑bɛ i jräa' 'lɩ 'ia 'taɩnlɩ 'ɔ ‑tʋa' 'lɩa 'mlɩ.

1 Timotee 4:12

Nyɔɔ 'nyɩ fɛrɛ ‑na sëgbadɛɛ! Bä nyɔsʋaplɛtoronyüüa 'klɩtɛnyɔɔ, ‑na 'papawiia 'mlɩ, ‑na nʋnʋgbia 'mlɩ, ‑na ‑wawakʋ 'lɩ, ‑na ‑susu 'lɩ ‑na nyɔsʋaplɛtorokʋ 'lɩ nyra ‑na ‑fre 'klɩfɔlɔkʋ 'lɩ.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Ebröönyüü 8:3

‑Gbɔsapɛrɩnyɔɔ kpakö kʋ ‑plɩɩ 'ɔmä nyüüa Nyɔsʋaa ‑pʋpʋadii nyra 'üa ‑gbɔsadii 'wʋdɔdrɔ 'ɔmä 'iin Nyɔsʋa ‑nyɩ. 'Ɔa 'mʋgbɛ kä bɩa dɛɛa 'sasakʋ.

Ebröönyüü 9:14

'iibä 'Kriisëa ‑toru ‑sɔɔrɔ 'wʋ ‑gböösa 'unya ‑si 'iin 'wʋ. ‑Susulu 'nyɩa' blöröfa käa 'klüa 'nyrɩklɩ, 'Kriisëlɔ 'nyɩa' bʋbɔdɛɛ ‑gba kä, 'ɔɔ 'sara 'ɔa nyufa Nyɔsʋa kälɩ. 'Asɩ 'ɔa ‑toru 'mä 'ana bobowii kpëtä. Bʋbɔgbili plaa' nyɔɔ ‑fre 'lɩ kä i fala jäjä mlɩ, 'a 'ii 'u kpëtä. 'I bäa' 'sa nɩ, a 'mrɛɛ a ‑fɛ 'Lɩbä Nyɔsʋaa 'jrʋpa.

Ebröönyüü 9:23

‑Bɛ ima 'daa 'asɩ diili kä 'fɩɔ bäa' cɛɩɩa 'mlɩ 'ia ‑tapaa ni 'mä kpëträ nɩ, 'iibä 'ia 'cɩcaa nili bäa' cɛa 'mlɩ, 'ia ‑gbɔ kä 'umä 'wʋsi ‑gböösa 'unya ‑si ‑tɛa nu 'wʋ 'la.

Ebröönyüü 9:26

Ima bä ɩ 'saa nɩ, 'ɔnya ɩ 'wʋ 'kɔkɔmlɛ 'wʋ järäa 'bala 'pläa 'käkolofa 'wʋ. ‑Maa ‑taa ‑gälɩblöröjrüülü kä 'mlɩ a bäa' nɩ, 'ɔ srara 'ɔa nyufa 'wʋ 'doo 'wʋ 'plɔʋplɔʋa ‑gʋ, ‑gbɔlʋ 'ɔ 'saa ‑bɛ 'ɔ ‑nyɩa' 'ɔa nyufa nɩ, 'iibä ‑balʋa 'fɩɔ 'a ‑gblooo.

1 Piɛɛrë 4:8

‑Maa wiili bäa' 'ia 'fɩɔa 'wli nɩ, 'ba nʋ 'ana plɛa 'fɩɔ 'ba ‑wawla, 'be ‑wawlakʋ cere ‑balʋ 'kɔkɔmlɛ.

1 Jaan 3:16

Amɔlɔ nɩ, a jre dɛɛlɛ bäa' ‑wawakʋ, 'be 'ɔ 'sa 'ɔa 'klä ana ‑gʋ. Ana 'mʋgbɛlü nɩ, a kä amä ana 'klä ‑nyɩ ana ‑wlajüa ‑gʋ.

1 Jaan 3:23

‑Jää 'ɔa ‑dɔlʋ 'ɔ ‑nyɩa' amɩ: a toro 'ɔa 'Jʋ Jesu 'Kriisëa 'nyrɩ plɛ, 'kä a ‑wawla 'sɩrɩ 'ɔa ‑dɔlʋ 'ɔ ‑nyɩa' 'amɩ ‑gbaa'.

'Nyügälɩjawii 1:5

nyra bɩa Jesu 'Kriisëa ‑nyɛɛ. 'Ɔɔ bä nyɔɔlɔ 'nyɩ sɔa' nyɔɔ dɛrɩ ɔ 'jäa' 'ia wiili, 'ɔɔ bä ‑kätɩjʋlɔ sɔa' jäjänyüüa ‑tɔrʋpɩɔ, 'ɔɔ bä 'pläa 'kɩɩa 'Kamanyɔɔ. 'Kriisë ‑wa amɩ, 'ɔnya ‑srörö 'ɔa ‑toru kälɩ 'ɔnya ‑futo amɩ ana ‑balʋa ‑gʋ.

'Nyügälɩjawii 5:9

‑Bɛ 'ü brɛ 'dʋ dëdrä: «‑Wʋʋ ‑pɔɔkʋlʋa 'wʋdɔrɔkʋ 'klɩ, ‑nya 'wʋ kpasradiilia ‑jejiekʋ 'klɩ, 'be 'ü 'bla ‑mɩ, ‑nya nʋ ‑na ‑toru ‑nya ‑su amɩ Nyɔsʋaa ‑gʋ, amɔ bäa' ‑glügbüa 'fɩɔa nyüü, ü 'paaa' nyüüa mlɩa 'papawiia 'fɩɔ, ‑tʋtʋ ‑gälɩa nyüüa 'fɩɔ, nyra ‑tʋtʋ ‑gälɩa ‑glügbüa 'fɩɔa.