Ɛfɛsënyüü 4:5 - Kuö Dëdrä Jenɛɛsë Rutë

⁵ 'Pläkänyɔɔ bä 'doo, nyɔsʋaplɛtorokʋ bä 'doo, 'nɩwlipapakʋ bä 'doo,

Ɛfɛsënyüü 4:5 Iomraidhean Croise

Matiö 28:19

'Ii känyrɩ, 'ba mi ‑tʋtʋ ‑gälɩa ‑glügbüa 'fɩɔa ‑nyɛɛ, 'ba nrörö 'üün 'na 'wʋnyɛrɛnyüü 'lɩ, 'ba 'pa 'üün 'nɩ 'wli Tʋa 'nyrɩklɩ, 'Jʋa 'nyrɩklɩ nyra 'Nyüna ‑Susua 'nyrɩklɩ,

Akëtë 10:36

'Ɔ ja Israɛɛlëa 'jü 'ɔa 'papawii; 'ɔnya 'saralɩ 'üün 'Mʋfagogolä bäa' plɛgälɩflɛrɛkʋlʋ sɔa' Jesu 'Kriisë kälɩ; 'ɔɔlɔ bäa' 'Pläkänyɔɔlɔ 'kamaa' nyüüa 'fɩɔ.

Akëtë 2:36

'Ii känyrɩ, Israɛɛlëa 'fɩɔ kä 'ümä 'saa jre 'tasɩrɩ 'sɩrɩ Jesulɔ 'a koloa' krʋa ‑gälɩ nɩ, 'ɔɔ bäa' Nyɔsʋa, 'ɔɔ nrörö 'ɔɔn 'Pläkänyɔɔ nyra 'Kriisë 'lɩ.»

Rɔmënyüü 3:30

'be Nyɔsʋa bä 'doo. 'Ɔnya nyüülü 'bölöa' 'klɩgäa üma toro Jesu plɛ; 'ɔnya bɩa nyüülü 'nyɩa' 'bölö 'klɩgäa üma toro bɩa Jesu plɛ.

1 Korɛɛntënyüü 1:13

'Nɩnɩa nɩ, 'Kriisë sɔrɔwʋ 'sɔɔ 'wʋ? ‑Ale 'Pɔɔlë järä krʋa ‑gälɩ 'ana ‑gʋ? ‑Ale 'Pɔɔlëa 'nyrɩklɩ 'ü 'pala 'amɩ 'nɩwli?

1 Korɛɛntënyüü 1:2

Amɔ ‑jɩjra 'amɩ 'wʋ, 'amɔ Nyɔsʋaa 'cɛcɩlɛ bäa' Korɛɛntëbätä, ɛ Nyɔsʋa berea' 'klɩ 'Kriisë Jesu 'lɩ, 'amɔlɔ werea' 'kä 'ana 'kläa 'nyü käa' 'ämäa' 'na, nyra ü bäa' ‑pɩɔa 'fɩɔ ü wea' ana 'Pläkänyɔɔ Jesu 'Kriisëa 'nyrɩ, ɔ bäa' 'üa 'Pläkänyɔɔ nyra ana 'Pläkänyɔɔ.

1 Korɛɛntënyüü 12:13

'Asɩ ana 'fɩɔ bä. Juifënyüü, nyüülü 'nyɩa' juifë bä, ‑goou, nyüülü 'nyɩa' ‑goou bä, ‑Susu 'doo 'lɩ ana 'fɩɔ 'pala 'nɩwli amä fugba 'dööa nyüü bä. Ana 'fɩɔ nya 'mlala ‑Susu 'doolʋa ‑gba.

1 Korɛɛntënyüü 12:5

Nyɔsʋajrʋpa bä 'dɔrɔdɔ, ‑maa 'Pläkänyɔɔ bä 'doo.

1 Korɛɛntënyüü 8:6

amɔlɔ nɩ, Nyɔsʋa 'doo a jre. 'Ɔɔ bä Tʋlɔ nʋa' diia 'fɩɔ, 'a 'ɔa ‑gʋ a bä 'plä 'wʋ; 'Pläkänyɔɔ bä 'doo, 'ɔɔ bä Jesu 'Kriisë. 'Ɔɔ 'lɩ diia 'fɩɔ jara, ‑bɛ amɔlɔ nɩ, 'ɔa ‑gʋ a bälɩ.

2 Korɛɛntënyüü 11:4

'Be nyɔɔ ma ji ɔma ‑gbala 'amɩ ‑pasa Jesua ‑gä ima 'nyɩ ‑mɔlɔ kä ‑gä a ‑gbalaa' 'amɩ ‑a bä, 'aiɛ 'ama 'kʋɛɛlɩ ‑pasa ‑susu, uma 'nyɩ 'Nyüna ‑Susu bäa' 'amɩ 'lɩ ‑a bä, 'aiɛ 'Mʋfagogolä 'a 'kʋɛɛa' 'lɩ ‑a bä, ‑bɛ 'ama po 'ɔmɩ 'nyakli nɩ, dɛrɩ 'a bä 'ɔɔn ‑gböösa.

Galaatënyüü 5:6

'Be 'Kriisë Jesu 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa plɛtorokʋlʋ käa' 'nyrɩ ‑bɛ a ‑wawlaa', 'uu bä wii.

Ɛfɛsënyüü 4:13

'Ima bäsaa nɩ, ana 'fɩɔa nyɔsʋaplɛ nyra Nyɔsʋaa 'Jʋa jejrekʋ nya dɛɛ 'dee bäa. Anya ‑jrɛa, 'kä anya 'tasɩrɩ 'Kriisëa 'bʋabʋakʋa ‑pɩɔ 'tɔ.

Filipënyüü 2:11

'kä 'papawiia 'fɩɔ nya 'daa, Jesu 'Kriisë bä 'Pläkänyɔɔ, ‑bɛ Nyɔsʋa bäa' Tʋ 'mä 'bʋala.

Filipënyüü 3:8

'Pɩrɩgälɩ nɩ, 'Kriisë Jesua jejrekʋa ‑gʋ 'n 'jää diia 'fɩɔwʋ ‑beere diili 'nyɩa' ‑tɔɔ kä. 'Na 'Pläkänyɔɔ 'Kriisëlɔ 'n toroa' plɛ, 'ɔɔ bä 'cɩca wiili. 'Ɔa ‑gʋ 'n 'nyiere diia 'fɩɔa ‑wälɩcɛrɛkʋ 'klɩ, ‑yɛɛ, 'n 'jää 'iin 'wʋ ‑beere dɛɛ 'ü bea' 'kʋtʋfʋ ‑gälɩ, 'kä 'mä 'Kriisë 'kpla;

Titë 1:1

'Mɔɔ 'Pɔɔlë, Nyɔsʋaa ‑geei nyra Jesu 'Kriisëa apotrë, 'mɔɔ ‑jɩjra. Nyɔsʋa ‑gbala 'mɩ ‑a we 'ɔa nyüülü 'ɔ 'baa' 'lɩ 'ümä nyɔsʋaplɛtoro, 'ümä 'cɩcasa jre, 'üa 'nyɛnyɛkʋ nyra 'üa nyɔsʋaplɛ 'mä dɛɛ 'dee bä.

Titë 1:4

Titë, 'n ‑jɩjra ‑mɩ 'wʋ, ‑mɔ bäa' 'na 'cɩca 'jʋ nyɔsʋaplɛtorokʋ 'lɩ; nyɔsʋaplɛtorokʋlʋ ana 'sɔɔ käa'. Abɩa Nyɔsʋalɔ bäa' Tʋ nyra ana 'Pläkänyɔɔ Jesu 'Kriisëa ‑gbinanakʋ, nyatɛplɛ nyra plɛgälɩflɛrɛkʋ bä ‑mɩ ‑gälɩ.

Ebröönyüü 13:7

'Ba 'pa 'ana 'cɛcɩa 'wliklɩa nyüülü ‑kätɩ 'palaa' 'amɩ nyɔsʋaawii ‑gba plɛ. 'Sɩrɩ 'ü bäa' bä bä ‑bɛ 'ü jäa', 'ba 'klaa nyɔsʋaplɛtorokʋlʋ 'ü ma 'klaaa'.

Ebröönyüü 6:6

‑bɛ ü 'cɛrɛa' nyɔsʋaplɛtorokʋ ‑wälɩ. 'Üülü nɩ, a ‑kanyɩ 'lɩ ‑a bɩa amä 'üün ‑balʋa ‑gälɩ 'klɩberekʋ 'lɩ ja. 'Ü nöa' 'saa nɩ, 'i ‑beere 'sɩrɩ 'ü koloa' 'sɔɔwʋ Nyɔsʋaa 'Jʋ krʋa ‑gälɩ, 'ümä 'ɔɔn 'nyüsü 'blara ‑jria 'klɩ.

Jaakë 2:18

‑Maa ‑moloo nya 'daa: «‑Mɔ toro Nyɔsʋa plɛ, ‑bɛ 'mɔɔ kä 'ɛa ‑gbi. Srara 'mɩ ‑na nyɔsʋaplɛtorokʋa 'kpɔ, ‑bɛ 'mɔɔlɔ nɩ, 'mä ‑mɩ 'na nyɔsʋaplɛtorokʋ srara nʋnʋgbi 'lɩ.»

1 Piɛɛrë 3:21

'Nie 'klɩ ‑srörökʋlʋ bä 'nɩwlipapakʋa 'pike, 'ii 'pʋɔ amɩ 'saarɩ. ‑Mää ana fugbaa ‑gba ‑a ‑fre 'babakʋ ‑a, ‑maa 'nyünaplɛa Nyɔsʋaa ‑nyɩnyɩkʋ bäsaa. Jesua 'Kriisëa 'kuaabrea sɔsɔkʋ 'lɩ a 'wʋlɩmlɩ.

2 Piɛɛrë 1:1

'Mɔɔ Simɔɔ Piɛɛrë, Jesu 'Kriisëa ‑geei nyra 'ɔa apotrë, 'mɔɔ ‑jɩjra ü kä nyɔsʋaplɛ 'bʋaa' ‑beere ana nɛ 'wʋ. Ana Nyɔsʋa nyra 'Lɩmlɩbanyɔɔ Jesu 'Kriisë 'klɩgägäkʋa 'nyrɩklɩa ‑gʋ a 'klaa 'ia nyɔsʋaplɛlɛ.

Judë 1:20

‑Maa 'amɔlɔ nɩ, ana ‑wawanyüü 'amɩ, 'ba 'pala 'ana 'klä 'ana 'nyüna nyɔsʋaplɛ ‑gälɩ. 'Ba we Nyɔsʋaa ‑susu 'umä 'amɩ ‑gbaji 'amä Nyɔsʋa bibie.

Judë 1:3

'Na ‑wawanyüü 'amɩ, 'n 'bata ɩ ‑a ‑jɩjra 'amɩ 'wʋ 'lɩmlɩwʋwʋkʋa ‑gʋ; u bäa' ana 'fɩɔa dɛɛ. ‑Maa 'n 'jäa' 'ia 'mlɩ nɩ, 'nëma ‑a ja 'amɩ ‑pasawii, 'mä 'amɩ 'klülɩpa, 'amä 'klü 'pa nyɔsʋaplɛlɛ Nyɔsʋa ‑nyɩa' nyɔsʋaanyünanyüü 'wʋ 'doo 'wʋ 'plɔʋplɔʋa ‑gʋ nɩ, amä 'ɛɛn 'jä.