Ɛfɛsënyüü 4:10 - Kuö Dëdrä Jenɛɛsë Rutë

¹⁰ Nyɔɔlɔ 'ciea', 'a 'ɔɔ 'jra bɩa ‑gböösa 'ɔnya ‑si cɛɩɩ 'wʋ, 'ɔmä diia 'fɩɔ 'klɩsi.

Ɛfɛsënyüü 4:10 Iomraidhean Croise

Matiö 24:34

'Cɩcasa 'n ‑gbala 'amɩ: ‑taa nyüüglügbölä kʋa' ‑pɩa 'fɩɔ ‑nëmä bɩa ‑a bɩa 'kä 'ia 'fɩɔ nya 'lɩjrä.

Lukë 24:44

'Ɔnya ‑gbala 'üün: «'A 'ii 'n ‑gbala käa' 'amɩ 'taɩn 'lɩ 'n bä käa' 'ana ‑tɔrʋpɩɔ: wiili 'paaa' 'na ‑gä Moisëa ‑pɔɔkʋ 'lɩ, i 'paaa' 'na ‑gä nyɔsʋaamlɩpalanyüüa ‑pɔɔkɩ 'lɩ nyra Nyɔsʋaa 'lɩbrɛrɛpɔɔkʋa 'mlɩ nɩ, 'ia 'fɩɔ kä 'imä nrörö.»

Jaan 1:16

'Sɩrɩ 'i 'sia' 'ɔɔn 'lɩ nɩ, 'asɩ 'ɔ ‑nyɩ amɩ 'iin. Nyɔsʋaa ‑gbinanakʋ 'wʋä 'lɩ, ‑bɛ ‑mɩdoo blö 'lɩ.

Jaan 19:24

'Iibäa' 'sʋgɩalë nɩ: «Anyɩ 'ŋlara 'uun, ‑maa a 'pala 'uun ‑tɔɔo ‑gälɩ ‑mɔlɔ 'mäa' 'uun fa amä 'ɔɔn 'jä.» 'A wiili ‑jɩjraa' nyɔsʋapɔɔkʋ 'lɩ, 'ii nrörö: 'Ü ‑päälä 'na 'koti 'lɩ, 'ünya 'pala 'na ‑gälɩpakotu ‑tɔɔo ‑gälɩ . ‑Jää wii 'sʋgɩa nʋa'.

Jaan 19:28

'Ia 'fɩɔ ‑sia', Jesu jrea' 'saa 'ɔa 'jrʋpa 'a 'wlara, ‑bɛ wiili ‑jɩjraa' nyɔsʋapɔɔkʋ 'lɩ 'mäa' nrörö nɩ, 'ɔ ‑nëma: «'Mamlatʋ 'blaa 'mɩ!»

Jaan 19:36

Wiili jräa' 'lɩ nɩ, 'a wiili ‑jɩjraa' nyɔsʋapɔɔkʋ 'lɩ, 'ii nrörö: «'Ɔa 'kɔʋ 'doo 'nyɩ 'katra ‑a 'katra.»

Akëtë 1:11

'Ünya ‑gbala nyüülü tɛ ɩa' cɛ 'lɩ: «Galileenyüü, dɛplɛɛ kä ‑gʋ 'a kʋ ‑plɩɩ ‑bɛ 'a ‑pʋpɔ cɛ 'lɩ le? Jesulɔ Nyɔsʋa 'baa' 'ana ‑tɔrʋpɩɔ ɔ mia' cɛ 'lɩ nɩ, 'sɩrɩ 'a 'jäa' 'ɔɔn ‑bɛ 'ɔ 'jraa' cɛ 'lɩ nɩ, 'asɩ 'ɔmä dɛrɩblöö.»

Akëtë 1:9

'Ɔ bɩaa' wii 'papakʋ nɩ, 'ü tɛ 'ɔɔn 'klɩ, 'ɔnya 'jrara cɛa 'mlɩ. Cɛ 'lɩa ‑gbru nya ‑sisie 'ɔmɩ, 'ü ‑kanyɩ 'jä 'ɔɔn 'wʋ ‑a.

Akëtë 2:33

Nyɔsʋa nya 'bʋala 'ɔɔn 'ɔnya ‑tʋ 'ɔɔn 'ɔa 'dupa 'lɩ, Tʋ nya ‑nyɩ Jesu 'Nyüna ‑Susu 'sɩrɩ 'ɔ ‑gba käa'. 'Ɔnya ‑gblɔɔ amɩ 'uun ‑gälɩ 'kä, 'a 'ii 'a 'jää ‑plɩɩ 'wʋ ‑bɛ 'a 'nööwli.

Akëtë 3:18

‑Maa Nyɔsʋa nʋa' 'saa nɩ, 'a wiili 'ɔ ‑srörö käa' 'ɔa mlɩpalanyüüa 'fɩɔa mlɩ ‑bɛ 'ɔ 'sa käa' 'lɩ nɩ, 'ii 'ɔ nʋ: 'ɔ nɩnɩa kä 'Kriisë nya ‑sʋɩ 'jäa.

2 Korɛɛntënyüü 12:2

'N jre nyɔɔ 'doo bäa' 'Kriisë 'lɩ, 'ia ‑sɩ ‑pʋ ‑sɩ mlɔɔ Nyɔsʋa 'jrara 'ɔɔn 'jraraa ‑nyɛɛ cɛɩɩa 'fɩɔa 'wli 'klɩ, ‑bɛ 'sɩrɩ 'ɔ bäa' nyɔɔ 'asɩ 'ɔ bä, 'aiɛ 'ɔa ‑susu 'uu 'jrara, 'nyɩ 'iin jre ‑a jre, Nyɔsʋa 'ɔ jre 'iin.

Ɛfɛsënyüü 3:19

‑bɛ 'amä 'Kriisëa ‑wawakʋlʋ ‑sia' diia 'fɩɔwʋ jre, Nyɔsʋaa 'bʋabʋakʋ 'mä 'amɩ 'lɩ 'si.

Kolɔɔsënyüü 1:19

'Be 'i kä Nyɔsʋa 'tʋ 'ɔmä 'ɔɔn 'lɩ kʋ 'sɩrɩ 'ɔ bäa' ‑tɛɛ.

Kolɔɔsënyüü 2:9

'Be 'a 'Kriisëlɔa fugba 'lɩ Nyɔsʋaa 'fɩɔ kʋ.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

Ebröönyüü 4:14

‑Bɛ a käa' ‑gbɔsapɛrɩnyɔɔ kpakö, Nyɔsʋaa 'Jʋ, Jesu ɔ paa' cɛɩɩa 'mlɩ, 'ii känyrɩ a 'kpla ana nyɔsʋaplɛlɛ a 'nyierea' 'klɩ 'mʋfasa.

Ebröönyüü 7:26

'A 'samaa 'nyüna ‑gbɔsapɛrɩnyɔɔ kpakö a 'bata, 'ɔ ‑kaapɩɔ bʋbɔgbi nʋ; 'ɔ ‑kaapɩɔ ‑balʋ nʋ, 'ɔnya sɔ ‑balʋnyüü dɛrɩ, Nyɔsʋa nya 'jrara 'ɔɔn cɛɩɩa 'wliklɩ.

Ebröönyüü 8:1

Wiili kä 'fɩɔ a 'saarɩ nɩ, ‑jää wiili bäa' 'ia 'mlɩa wii: 'iibä a kä ‑gbɔsapɛrɩnyɔɔ kpakö, 'a 'ɔa ‑gä a ‑gbala ɩ ‑plɩɩ 'amɩ. 'Ɔ kʋ cɛa 'mlɩ, Nyɔsʋaa 'kɩɩkpataa 'dupa 'lɩ.