Ɛfɛsënyüü 3:9 - Kuö Dëdrä Jenɛɛsë Rutë

⁹ 'N kä 'mä bɩa wiili ‑sisie käa' sököö nyüüa 'klʋɩ ‑gälɩ ‑fälɩ be, wiili Nyɔsʋalɔ nʋa' diia 'fɩɔ 'mäa' nʋ.

Ɛfɛsënyüü 3:9 Iomraidhean Croise

Matiö 10:27

Wiili 'n ‑gbalaa' 'amɩ 'jöjrüükpü 'lɩ nɩ, 'ba 'pala 'iin ‑srɩ 'klɩ; ‑bɛ wiili 'ü ‑ŋuŋloa' 'amɩ nɩ, 'ba 'pala 'iin ‑fälɩ.

Matiö 13:35

'Asɩ wiili nyɔsʋaamlɩpalanyɔɔ ‑gba käa' 'mä nrörö; 'ɔ nɩnɩa kä: Tapönänë 'nëmä 'pa ‑bɛ 'mä 'üün 'kpɩa. 'Bala 'pläa 'käkolofa 'wʋ ‑a jrä 'saarɩ ‑gälɩ, 'nyaa 'lɩ 'ia wiili ‑sisiea' 'saa .

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

Matiö 28:19

'Ii känyrɩ, 'ba mi ‑tʋtʋ ‑gälɩa ‑glügbüa 'fɩɔa ‑nyɛɛ, 'ba nrörö 'üün 'na 'wʋnyɛrɛnyüü 'lɩ, 'ba 'pa 'üün 'nɩ 'wli Tʋa 'nyrɩklɩ, 'Jʋa 'nyrɩklɩ nyra 'Nyüna ‑Susua 'nyrɩklɩ,

Lukë 24:47

‑Bɛ kolo Jerusalɛɛmë 'kä, 'ümä ‑tʋtʋ ‑gälɩa nyüüa 'fɩɔ ‑gbala ü torolɩ ‑balʋ ‑gälɩ, ‑bɛ Nyɔsʋa 'mä 'ümɩ 'uun cere.

Jaan 10:30

'Mɔɔ ‑bɛ 'na Tʋ bä 'doo.»

Jaan 5:17

Jesu nya ‑gbala 'üün: «'Na Tʋ ‑ka ‑fɛɛɛ ‑pɩɔ 'jrʋpa, 'na 'mʋgbɛ 'ää 'n ‑fɛɛɛ.»

Jaan 5:19

Jesu nya 'patä 'ɔnya ‑gbala 'üün: «'Tasɩrɩa 'cɩcasa 'n ‑gbala 'amɩ, 'Jʋa 'doo 'nyɩ 'lɩ ‑a bɩa 'ɔ nʋ dɛɛ, wiili Tʋ nʋa' 'ɔ 'jäa' 'ii 'ɔ nö: wiili kä 'fɩɔ Tʋ nöa', 'asɩ 'Jʋ nö bɩa 'iin.

Akëtë 15:18

‑bɛ diili kä 'fɩɔ 'ɔ nʋa' , 'i jrerea' 'i 'a 'lɩ ‑wlɛ.

Rɔmënyüü 11:25

'Na ‑wlajü 'amɩ, 'n 'bata 'ba jre wiili ‑sisiea' 'a ‑pɩ bobo ‑maa 'amɔ jre wii: 'iibä Israɛɛlëa 'pɛ 'dee 'bʋala plɛ 'kä nyüülü Nyɔsʋa 'bataa' ünyɩa' juifë bä 'üa 'fɩɔ nya 'ɔa ‑nyɛɛ pa.

1 Korɛɛntënyüü 2:7

Nyɔsʋaa 'lɩgaglakʋlʋ 'ɔ ‑sisre käa' nyüü ‑gba, u 'ünyɩa' 'wli 'nu, 'uu a 'kpɩa 'üün. Nyɔsʋa tɛrɛ kä amɩ 'ia wiijejrekʋ 'fɩɔwʋ 'ɔnya 'mä 'plä nʋ ana 'bʋalakʋa ‑gʋ.

Ɛfɛsënyüü 1:4

'Plä ‑kaaŋlʋ nrörö Nyɔsʋa nya 'balɩ amɩ 'Kriisë 'lɩ amä 'nyünanyüü nyra nyüülü 'nyɩa' bʋbɔdɛɛ ‑gba kä 'ɔa 'klʋɩ ‑gälɩ, 'ɔa ‑wawakʋ 'lɩ.

Ɛfɛsënyüü 3:2

'N jresaa 'a 'nu 'sɩrɩ Nyɔsʋaa ‑gbinanakʋ 'lɩ 'ɔ ‑nyɩa' 'mɩ 'Mʋfagogoa 'sasajrʋpa 'ana ‑gʋ.

Ɛfɛsënyüü 6:19

'Ba bibie bɩa 'na 'wli 'lɩ, Nyɔsʋa 'mä 'mɩ wii mlɩ 'pa 'kä ama 'salɩ 'Mʋfagogoa 'mlɩa wiili ‑sisiea' nɩ, ŋalɛ ‑pɩ 'mɩ 'bla.

Kolɔɔsënyüü 1:23

‑Maa 'a kä 'amä nyɔsʋaplɛtorokʋ 'lɩ kʋ, 'ana ‑toko kä 'ämä 'käsri ‑bɛ 'amä nyɔnyrɔ 'mʋfasa. Dɛɛlɛ 'a jrea' 'saa 'Mʋfagogo tɛrɛa' 'amɩ nɩ, 'anyɩ be 'iin ‑gälɩ 'klɩ. 'A 'nu 'ään 'wli, 'ü 'sa 'ään nyüüa 'fɩɔ ‑pɩ ‑tʋtʋ ‑gälɩ, 'mɔɔ bäa' 'Pɔɔlë nya bä 'äa 'sasanyɔɔ.

Kolɔɔsënyüü 1:26

'Papawiili 'iibä wiili ‑sisre 'käa' nyüüa 'fɩɔ ‑gba kolo ‑kätɩsa 'lɩ kä, ‑maa 'ɔnya 'iin ‑mlatɩ nyüülü bäa' 'ɔa 'nyünanyüü srara.

Kolɔɔsënyüü 3:3

'Be 'anya 'a jä, ‑bɛ 'ana 'klä nyra 'Kriisëa 'klä ‑sisre Nyɔsʋa 'lɩ.

Kolɔɔsënyüü 4:3

'Ama bibie Nyɔsʋa nɩ, 'ba bibie dotro ana 'wli 'lɩ, Nyɔsʋa 'mä amɩ 'nyʋfɔ ‑nyɩ wiili ‑sisiea' 'Kriisëa ‑gälɩ, amä 'iin 'lɩsa. 'A ‑gogoläa ‑gʋ 'n bä ‑jie 'lɩ.

2 Tɛsalonikënyüü 2:13

Amɔlɔ nɩ, ‑wawawlajü 'amɩ, 'amɔ 'Pläkänyɔɔ ‑waa' nɩ, a kä amä Nyɔsʋa 'trɛɛ 'taɩn a 'fɩɔ 'lɩ 'ana ‑gʋ, 'be 'amɔ ‑kätɩ Nyɔsʋa 'balɩ 'amä 'lɩmlɩwʋ, 'be Nyɔsʋaa ‑Susu kpëtä 'amɩ ‑bɛ 'a toro 'cɩcasa plɛ.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

2 Timotee 1:9

Nyɔsʋa 'ɔɔ 'pʋɔ amɩ, 'ɔ we amɩ 'nyünanakʋ 'lɩ; ‑mää ana 'mʋfa 'jrʋpaa ‑gʋ ‑a, ‑maa 'sɩrɩ 'ɔ ‑waa', 'ii 'ɔ nʋ, 'ɔa ‑gbinanakʋ 'lɩ. ‑Gbinanakʋlʋ bälɩ 'fɩɔwʋ ‑tʋtʋ nya nëmä nrörö, 'ɔ ‑nyɩ amɩ 'uun 'Kriisë Jesu 'lɩ.

2 Timotee 4:17

‑Maa 'Pläkänyɔɔ bä ɩ 'na ‑gba 'ɔnya ‑nyɩ 'mɩ 'klü; 'mɔɔ 'ɔ ‑srörökalɩ 'ɔnya 'saralɩ 'ɔa wii nyüülü kä 'fɩɔ 'nyɩa' Nyɔsʋa jre. 'Ɔnya 'ba 'mɩ sruku 'mä.

Titë 1:2

'Ia 'taɩn 'lɩ 'ünya 'üa plɛ 'klälä 'nyɩa' blöröfa kä ‑gälɩ 'piea. 'Klälä nɩ, ‑tʋtʋ ‑kaaŋlʋ kä 'lɩbä Nyɔsʋalɔ 'nyɩ käa' ‑gbagblɛ ‑nëma 'ɔnya kä amɩ 'ään ‑nyɩa.

1 Piɛɛrë 1:20

'Plä ‑kaaŋlʋ nrörö Nyɔsʋa nya 'ba kä 'lɩ 'ɔɔn, ‑bɛ ‑taa jrüülü bäa' ‑gälɩ 'blörö jrüü nɩ, 'ɔnya srara 'ɔa nyufa 'ana ‑gʋ.

'Nyügälɩjawii 13:8

Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.

'Nyügälɩjawii 14:6

'Nyaa 'jä 'aanjë ‑moloo ‑bɛ 'ɔ ‑preere cɛa ‑tɔrʋpɩɔ. 'Ɔ 'klaa 'Mʋfagogolä 'nyɩ bɩaa' 'plɔʋ, ä 'ɔmäa' nyüülü kä 'fɩɔ kʋa' ‑tʋtʋ ‑gälɩ ‑gbapala: ‑tʋtʋ ‑gälɩa ‑glügbüa 'fɩɔ, nyüüa ‑glügbüa 'fɩɔ, nyüüa mlɩa 'papawiia 'fɩɔ, nyra ‑tʋtʋ ‑gälɩa nyüüa 'fɩɔ.

'Nyügälɩjawii 17:8

«Mrɛɛlɛ ‑jäa' ma bä 'lɩ ‑maa 'ɛ ‑kanyɩ 'lɩ ‑a bä. 'Ɛ jö 'lee 'ɛmä 'lɩtʋŋlɔbütügbaa 'mlɩ 'cie 'ɛmä 'mɔlɔ. ‑Tʋtʋ ‑gälɩa nyüülü känyrɩ 'nyɩa' 'kläa ‑pɔɔkʋ 'lɩ ‑jɩjra 'bala ‑tʋtʋa 'käkolofa 'wʋ nɩ, üma 'jä 'ɛɛn 'wʋ nɩ, 'inya 'üün plɛklɩ kalaa; 'be mrɛɛlɛ ma bäa' 'lɩ ‑bɛ ɛ ‑kanyɩa' 'lɩbä, 'ɛnya 'sɔɔwʋ 'plä 'wʋ jia.

'Nyügälɩjawii 4:11

«O 'Pläkänyɔɔ, ana Nyɔsʋa, 'i 'wʋ ‑mɩ 'klɩ amä ‑mɩ 'jrara, amä ‑mɩ 'bʋala, amä ‑mɩ 'klü ‑nyɩ, 'be ‑mɔ nʋ diia 'fɩɔ, ‑mɔ 'nyie 'aiɛ 'i nrörö ‑bɛ 'i bälɩ.»