Ɛfɛsënyüü 2:8 - Kuö Dëdrä Jenɛɛsë Rutë

⁸ 'Be Nyɔsʋaa ‑gbinanakʋa ‑gʋ 'a 'wʋlɩmlɩ, nyɔsʋaplɛtorokʋ kälɩ 'a ‑srörö 'kä 'a 'jä 'umɩ. ‑Mää 'ana 'mʋgbɛa plɛklɩa wii ‑a, Nyɔsʋa 'ɔɔ ‑nyɛɛ 'iin 'flɛɛlɩ;

Ɛfɛsënyüü 2:8 Iomraidhean Croise

Matiö 16:17

Jesu nya ‑gbala 'ɔɔn ‑maa: «Simɔɔ, Jonasëa 'Jʋ, abɩa dɔrʋ 'bla ‑mɩ, 'be ‑mää nyɔɔ 'nyɩ ‑mɩ 'iin mlɩ 'pa, ‑maa 'na Tʋlɔ bäa' cɛlɩ, 'ɔɔ 'pa ‑mɩ 'iin mlɩ.

Matiö 20:9

'Jrʋpafɛnyüülü jia' 'jrʋpa 'lɩ 'jrʋa 'pipitaɩn 'lɩ nya ji, 'ünya ‑nyɩ 'üün denie 'deeredee.

Marëkë 16:16

Ɔ nëmäa' 'ään wii 'dara, ‑bɛ 'ümäa' 'nɩ 'wli 'pa, 'ɔnya 'lɩmlɩwʋa. ‑Maa ‑mɔlɔ ‑nëmäa' 'ään wii 'dara, Nyɔsʋa nya 'ɔɔn 'pɔnɩa.

Lukë 7:50

'Ɔnya ‑gbala 'ŋlʋʋlɔ: «‑Na nyɔsʋaplɛ 'a ‑mɩ 'lɩmlɩba; mi, abɩa ‑na fugbaa 'mlɩ flɛrɛ.»

Jaan 3:36

Nyɔɔlɔ toroa' 'Jʋ plɛ nɩ, 'ɔ kä ‑wɩara 'klä; nyɔɔlɔ 'nyɩ toroa' 'Jʋ plɛ nɩ, 'ɔ ‑nëmä 'klä ‑a 'jä, ‑maa Nyɔsʋaa 'crɛ bä 'ɔɔn ‑gälɩ 'plɔʋplɔʋ.»

Jaan 4:10

'Iibäa' Jesu nɩ: «‑Ama jre ɩ dɛɛlɛ Nyɔsʋa ‑nyɩa' ‑mɩ nɩ, ‑bɛ ‑ama jre ɩ nyɔɔlɔ 'daaa': ‹‑Nyɩ 'mɩ 'nɩ ‑a 'mla› nɩ, ‑na 'mʋgbɛ ‑tɛɛ, ‑mä nëmä 'ɔɔn ‑sɛ ‑mä 'mla 'kä 'ɔnya ‑mɩ 'nɩlɩ ‑nyɛɛa' 'klä ‑nyɩ.»

Jaan 5:24

«'Tasɩrɩa 'cɩcasa 'n ‑gbala 'amɩ, nyɔɔlɔ poa' 'na 'papawii 'nyakli ‑bɛ 'ɔ toro nyɔɔlɔ blɔa' 'mɩ plɛ nɩ, 'ɔ kä 'klälä 'nyɩa' blöröfa kä. 'Ɔa ‑gä ‑nëmä ‑träärä ‑a ‑träärä. 'Ia nyɔɔlɔ, 'ɔ 'a jäjä 'lɩ sɔ, 'ɔ 'a 'klä 'lɩ ji.

Jaan 6:35

Jesu nya ‑gbala 'üün: «'Mɔɔlɔ nɩ, 'mɔɔ bä 'flɔɔlʋ bäa' 'klä. Nyɔɔlɔ jöa' 'na ‑nyɛɛ, ‑gbëka ‑nëmä ‑srɩɩ 'ɔmɩ ‑a 'bla, ‑bɛ ‑mɔlɔ toroa' 'mɩ plɛ nɩ, 'mamlatʋ ‑nëmä ‑srɩɩ 'ɔmɩ ‑a 'bla.

Jaan 6:37

Ü kä 'fɩɔ Tʋ ‑nyɩa' 'mɩ 'ünya 'na 'pɛlɩ jia, ‑bɛ 'nëmä bɩa nyɔɔlɔ jöa' 'na 'pɛlɩ ‑fälɩ ‑a be 'plɔʋ.

Jaan 6:40

Wiili 'na Tʋ blɔa' 'mɩ 'bataa' nɩ, 'iibä: nyɔɔ o nyɔɔ 'jäa' 'Jʋ, ‑bɛ ɔ toroa' 'ɔɔn plɛ nɩ, ɔ 'jää 'klälä 'nyɩa' blöröfa kä, ‑bɛ 'pläa bɩarafa 'wʋ 'mä 'üün 'kuaabre 'ba.»

Jaan 6:44

Tʋlɔ blɔa' 'mɩ ma 'nyɩ 'mɩ nyɔɔ ‑gba ‑a 'kʋɛɛrɛ, nyɔɔa 'mlɔɔ 'nyɩ 'lɩ ‑a bɩa ɔ bä 'mɩ dɛrɩ. ‑Bɛ nyɔɔlɔ bäa' 'mɩ dɛrɩ nɩ, 'nya 'ɔɔn 'kuaabre 'baa 'pläa bɩarafa 'wʋ.

Jaan 6:65

'Ɔnya ‑nëma 'sɔɔwʋ: «'A 'ia ‑gʋ 'n ‑gbala ɩ 'amɩ ‑maa, nyɔɔ Tʋ 'nyɩa' 'mɩ ‑gba 'kʋɛɛrɛ, 'ɔa 'mʋgbɛ 'nyɩ 'lɩ ‑a bɩa ɔ ‑mɛ 'mɩ ‑gälɩ.»

Akëtë 13:39

'Ɔɔ nyɔɔ ‑o nyɔɔ toroa' 'ɔɔn plɛ ma ‑srörö kälɩ nɩ, 'kä Nyɔsʋa nya 'daa 'ia nyɔɔlɔ ‑gäklɩ. ‑Maa Moisëa ‑Dɔ 'nyɩ 'lɩ ‑a bɩa u ‑gä nyɔɔ 'klɩ Nyɔsʋaa 'klʋɩ ‑gälɩ.

Akëtë 14:27

'Ü 'tɔa' nɩ, 'ünya 'papla 'cɛcɩnyüü ‑gba, 'ünya ‑gbala 'üün wiili kä 'fɩɔ Nyɔsʋa sröröa' 'üün kälɩ 'ɔ nʋa', nyra 'sɩrɩ 'ɔ ‑fɛa' nyüülü 'nyɩa' juifë bäa plɛ ‑gba ‑bɛ 'ü toroa' 'ɔɔn plɛ.

Akëtë 15:11

‑Maa a jresaa 'Pläkänyɔɔ Jesu 'pʋɔ amɩ 'ɔa ‑gbinanakʋ 'lɩ 'sɩrɩ 'ɔ 'pʋɔa' bɩa 'üün.»

Akëtë 16:14

'Dooa 'nyrɩ bä Lidii, Tiratiirëbätä 'ɔ sɔ. 'Ɔ 'paa ‑fɔflɔɔ deili kä 'peru 'bʋaa 'peru. 'Ɔ ‑träärälɩ Nyɔsʋa. 'Nyakli 'ɔ po ɩ, 'Pläkänyɔɔ nya jie 'ɔa bobowli 'klɩ 'ɔmä wiili 'Pɔɔlë 'saalɩ 'nyaklipo 'cɩcasa.

Akëtë 16:31

'Ü ‑nëma: «Toro 'Pläkänyɔɔ Jesu 'Kriisë plɛ, ‑mɔ ‑bɛ ‑na ‑gbööö 'mä 'lɩmlɩwʋ.»

Rɔmënyüü 10:14

‑Maa ‑asɩ nyüülü 'nyɩ toro 'ɔɔn plɛ nya 'ɔɔn we le? Üma 'nyɩ 'ɔa 'nyrɩ 'wli ‑a 'nu, ‑asɩ 'ümä 'ɔɔn plɛtoro le? Nyɔɔ ma 'nyɩ 'lɩ ‑a bä 'ɔmä 'üün nyɔsʋaawii ‑gba 'pala nɩ, ‑asɩ 'ünya 'iin 'wlinu le?

Rɔmënyüü 10:17

'Ii känyrɩ, nyɔsʋaawii a 'poa' 'nyakli, 'ii ‑nyɛɛɛ nyɔsʋaplɛtorokʋ; ‑bɛ nyɔsʋaawiili a 'poa' 'nyakli nɩ, Nyɔsʋaa mlɩa wii bäsaa.

Rɔmënyüü 4:16

'A 'ia ‑gʋ nyɔɔa nyɔsʋaplɛtorokʋ kälɩ 'ɔ ‑srörö 'kä 'ɔ jö ‑jaaa, 'ia ‑toko 'mä Nyɔsʋaa ‑gbinanakʋ bä. ‑Bɛ wiili Nyɔsʋa 'daaa' 'ɔmäa' nʋ ‑bɛ 'imäa' Abraamëa 'jüa 'fɩɔa dɛɛ bä nɩ, ‑mää ‑mülü kä 'doo ‑trääräa' 'lɩ ‑dɔ ‑a, ‑maa nyüülü toroa' bɩa Nyɔsʋa plɛ 'sɩrɩ Abraamë toroa' 'ɔɔn plɛ. 'Ɔɔ bä ana 'fɩɔa tʋ,

Rɔmënyüü 4:5

‑Maa nyɔɔlɔ 'nyɩ ‑fɛa' 'jrʋpa 'pɛpɛɛkʋa ‑gʋ ‑bɛ ɔ toroa' Nyɔsʋalɔ nröröa' ‑balʋnyüü 'klɩgänyüü 'lɩ plɛ nɩ, 'ɔa nyɔsʋaplɛtorokʋ nrörö 'ɔɔn 'klɩgänyɔɔ 'lɩ Nyɔsʋaa 'klɔɔtrʋ.

Rɔmënyüü 9:16

'Ii känyrɩ, ‑mää nyɔɔ 'inyɩ kälɩ bä, ‑mää bɩa nyɔɔa 'klüa wii ‑a, ‑maa Nyɔsʋalɔ käa' nyatɛplɛ 'ɔɔ 'i bäkälɩ.

Galaatënyüü 3:14

'Asɩ 'i nʋ ‑sisidɛɛ 'kä 'papanɩ 'lɩ Nyɔsʋa 'daa 'ɔmäa' Abraamë 'pa nɩ, 'imä 'Kriisë Jesu kälɩ ‑srörö ‑bɛ 'imä nyüülü 'nyɩa' juifë bä ‑gälɩjrä. 'Ia 'taɩn 'lɩ nɩ, ‑Susulu Nyɔsʋa 'daaa' 'ɔmäa' amɩ ‑nyɩ nɩ, 'ɔmä amɩ 'uun ‑nyɩ, 'ɔa plɛtorokʋ 'lɩ.

Galaatënyüü 3:22

‑Maa nyɔsʋapɔɔkʋ nɩnɩa ‑balʋ kälä 'pläa 'fɩɔ 'klü ‑gälɩ, 'kä wiili Nyɔsʋa 'daaa' ɔmä 'iin nyüülü toroa' Jesu 'Kriisë plɛ ‑nyɩ.

Ɛfɛsënyüü 1:19

‑Bɛ 'amä 'ɔa 'klü kpakülü ‑fɛɛɛrɛa' amɔlɔ toroa' 'ɔɔn plɛa 'kläa 'mlɩa 'jrʋpa jre. 'Ia 'klülü nɩ, 'klü 'kɔkɔmlɛ Nyɔsʋa nʋ 'ɔnya srara 'üün.

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

Ɛfɛsënyüü 2:5

a bä käa' 'nɩmɩ jäjänyüü ana ‑balʋa ‑gʋ nɩ, 'ɔ nʋ 'iin a nyra 'Kriisë nya bä 'sɔɔwʋ 'lɩ. Nyɔsʋaa ‑gbinanakʋa ‑gʋ 'a 'wʋlɩmlɩ.

Filipënyüü 1:29

'Be Nyɔsʋa we 'amɩ 'flɛɛlɩ 'amä 'Kriisëa 'jrʋpafɛnyüü bä, ‑mää 'amä 'ɔɔn plɛtoroa 'doo ‑a, ‑maa 'amä bɩa ‑sʋɩ 'jä 'ɔa ‑gʋ.

Kolɔɔsënyüü 2:12

'A 'palaa' 'nɩwli nɩ, 'amɔ ‑bɛ 'Kriisë 'sɔ 'ü ‑träärä ‑pɩɔ 'doo 'wʋ, 'anya toro Nyɔsʋaa 'klülü 'baa' 'ɔɔn jäjäa 'bre plɛ, 'a 'ia ‑gʋ 'a nyra 'ɔɔn sɔ 'kuaabre.

2 Tɛsalonikënyüü 1:9

'Üülü nɩ, 'üa 'pɛpɛɛkʋ bä 'üa 'mɔlɔkʋ 'plɔʋplɔʋa ‑gʋ, 'ü ‑nëmä 'Pläkänyɔɔ nyra 'ɔa 'wliklɩbʋabʋakʋa 'klü ‑gba ‑a jijrö; 'ünya 'lɩdɛrɩtʋŋlɔa.

Ebröönyüü 6:4

'Be dɛɛlɛ bäa' ‑mülü nya käa' Nyɔsʋaa 'napɛ 'klɩtɔrɔ, ‑bɛ 'ü cɛ ‑nyɩa' 'srɛ, ‑bɛ 'Nyüna ‑Susu 'cerea' 'lɩ nɩ,

1 Piɛɛrë 1:5

‑Bɛ 'a toroa' 'ɔmɩ plɛ nɩ, Nyɔsʋaa 'klü ‑tʋʋäa 'amɩ 'nyügba 'amä 'lɩmlɩwʋ. 'Lɩmlɩwʋwʋkʋlʋ nɩ, 'unya sraraa ‑gälɩblöröjrüü 'lɩ.