Ɛfɛsënyüü 2:16 - Kuö Dëdrä Jenɛɛsë Rutë

¹⁶ 'ɔmä ‑glügbü 'sɔɔlë 'wlinönrö, 'üü ‑bɛ Nyɔsʋa 'mä 'doo bä. Krʋa ‑gälɩa järäkʋ 'lɩ 'ɔ ‑srörö 'ɔnya 'bala 'lɩ dɛɛlɛ nröröa' 'üün 'nyüamlɩjraranyüü 'lɩ.

Ɛfɛsënyüü 2:16 Iomraidhean Croise

Rɔmënyüü 5:10

A ‑ka jrara Nyɔsʋa 'nyüamlɩ, 'ɔnya ‑srörö 'ɔa 'Jʋa jäjä 'lɩ 'ɔnya 'nönrö amɩ 'wli. ‑Bɛ 'köklesaplɩɩ 'ɔ ‑ka bäa' 'lɩ ‑bɛ a 'nönröa' 'wli nɩ, ‑asɩ 'ɔ ‑nëmä amɩ 'lɩmlɩba le?

Rɔmënyüü 6:6

A jre 'iin 'sɩrɩ 'ɔɔ ‑bɛ ana ‑kätɩnyɔɔ koloa' ‑pɩɔ 'doo 'wʋ. 'Ii känyrɩ ‑taa ‑balʋfugbalä kä 'ämä bʋblɔ a ‑kapɩ ‑balʋa ‑goou bä.

Rɔmënyüü 8:3

‑Dɔ 'nyɩ 'lɩ ‑a bɩa u nʋ 'iin, 'be 'jajɛ 'fʋmla 'uun. ‑Maa Nyɔsʋa nʋ 'imɩ; ‑balʋa ‑gʋ 'ɔ nrörö 'ɔa 'mʋgbɛa 'Jʋ nyɔɔ 'lɩ ‑beere amɔ ‑balʋnyüü, 'ɔmä ‑balʋlʋ bäa' nyüü 'lɩa ‑gä ‑tʋ.

Rɔmënyüü 8:7

'be wiili käa' 'jajɛ 'tʋ 'iibä Nyɔsʋaa 'nyüamlɩjraradɛɛ: 'ɛnyɩ ‑träärälɩ Nyɔsʋaa ‑dɔ ‑a, 'ɛnyɩ 'nɩmɩ 'lɩ ‑a bɩa.

1 Korɛɛntënyüü 10:17

‑Bɛ 'flɔɔbölä bäa' 'döö, ‑bɛ a ‑sümlöa' nɩ, fugba 'döö a bä; 'be 'flɔɔbö 'döölä 'ää ana 'fɩɔ jö.

Galaatënyüü 2:20

'Mɔɔ ‑bɛ 'Kriisë järä 'wʋ krʋa ‑gälɩ. ‑Ama ‑ka bälɩ nɩ, ‑mää 'mɔɔ ‑kanyɩ 'plä 'wʋ bä, ‑maa 'Kriisë 'ɔɔ bä 'mɩ 'lɩ. 'Na 'klälä 'n 'klaaa' ‑plɩɩ ɔ nɩ, Nyɔsʋaa 'Jʋ 'n toroplɛ ‑bɛ 'n 'nyɛɛ. 'Ɔɔ ‑wa 'mɩ, 'ɔnya 'sa 'ɔa nyufa 'na ‑gʋ.

Ɛfɛsënyüü 2:15

'ɔa fugbaa 'mlɩ. 'Ɔ 'balɩ Moisëa ‑Dɔ nyra 'ua 'kamakʋ nyra 'ua ‑dɔ, 'kä 'ɔmä 'iia 'sɔɔlʋ ‑bɛ 'ɔɔn nyɔɔ dëdrë 'lɩnrörö, 'asɩ 'ɔ nʋ fugbalɩa flɛrɛkʋ;

Ɛfɛsënyüü 3:6

‑A ‑jää 'iin 'lee: 'ü nyra Jesu 'Kriisë 'sɔ bäa' 'doo nɩ, 'ia ‑gʋ nyüülü 'nyɩa' juifë bä 'jää ‑jaaa 'döölä amɔ bäa' juifë 'nëmä ɩa' 'jä. A nyra 'üün bä nyüü 'doo. Wiili Nyɔsʋa 'daaa' 'ɔmäa' 'Mʋfagogo 'lɩ ‑srörö 'ɔmäa' nʋ nɩ, 'ünya kälä bɩa 'lɩ 'mlɩ.

Ɛfɛsënyüü 4:4

Fugba bä 'döö, ‑Susu nya bä 'doo, 'sɩrɩ Nyɔsʋa werea' 'amɩ dɛɛ 'deea plɛgälɩpiepiekʋ ‑gälɩ.

Kolɔɔsënyüü 2:14

'Ɔ 'balɩ ‑pɔɔkʋlʋ ‑tʋ ɩa' amɩ wii ‑gälɩ 'be anyɩ ‑träärä kä 'lɩ Nyɔsʋaa ‑dɔ ‑a. 'Ɔ kolo 'uun krʋa ‑gälɩ, 'asɩ 'ɔ nʋ 'ua 'lɩbadɛɛ.

Kolɔɔsënyüü 3:15

'Kä 'wlinönrökʋlʋ 'Kriisë ‑nyɛɛa' 'tiere 'ana polu, 'be 'a 'wlinönrökʋlʋa ‑gʋ Nyɔsʋa we 'amɩ, 'amä nyɔɔ 'doo bä; 'ba 'trɛɛ Nyɔsʋa 'taɩn a 'fɩɔ 'lɩ.